1 hert dos tsu, ir hoiz fun Yaakov,

di vos vern gerufn mitn nomen Yisroel,

un fun kval fun Yehudah zainen zei arois;

vos shvern baim nomen Hashem,

un Elokei Yisroel dermonen zei –

nisht mit emes, un nisht mit gerechtikeit.

2 vorem oif der heiliker shtot rufn zei zich,

un oif Elokei Yisroel lenen zei zich,

vos Hashem Tseva'ot iz zain nomen.

3 dos frierdike hob ich fun a mol ongezogt,

un fun moil iz es arois,

un ich hob es gelozt hern;

plutsem hob ich geton, un es iz geshen.

4 vail ich hob gevust az hart bistu,

un an aizerner oder iz dain nakn,

un dain shtern iz kuper;

5 derum hob ich dir ongezogt fun a mol,

eider es iz gekumen, hob ich dich gelozt hern;

kedei zolst nisht zogn: main gets hot es geton,

un main geshnitst un main gegosn bild hot es bafoiln.

6 host gehert, ze, al dos dozike,

un ir vet es doch tsugebn;

ich hob dich gelozt hern naisn atsund,

un farborgns vos du host nisht gevust.

7 atsund iz es bashafn gevorn, un nisht fun a mol,

un a tog frier hostu fun dem nisht gehert;

kedei zolst nisht zogn: ze, ich hob es gevust.

8 nisht tsu mol gehert hostu, nisht tsu mol gevust hostu,

nisht tsu mol geefent hot zich dain oier fun a mol;

vorem ich hob gevust az felshn vestu felshn,

un farbrecher fun muterlaib hot men dich gerufn.

9 fun main nomen vegen vel ich ainhaltn main tsorn,

fun main loib vegen vel ich mich tsamen kegen dir,

kedei dich nisht tsu farshnaidn.

10 ze, ich hob dich gelaitert, ober nisht vi zilber,

ich hob dich gepruvet in shmeltsoivn fun pain.

11 fun mainet vegen, fun mainet vegen vel ich ton;

vorem vi zol main nomen farshvecht vern?

un main koved vel ich kein andern nisht gebn.

12 her mir tsu, Yaakov,

un Yisroel main gerufener:

ich bin dos; ich bin der ershter,

ich bin oich der letster.

13 yo, main hant hot gegruntfest di erd,

un main rechte hot oisgeshpreit di himlen;

ich ruf tsu zei,

shteln zei zich oif in einem.

14 zamlt aich ain, ir ale, un hert:

ver tsvishn zei hot faroisgezogt dos dozike?

der vos Hashem hot im lib, vet ton zain bager in Bavel,

un zain orem vet zain oif di Kasdim.

15 ich, ich hob geredt, un hob im gerufn,

im gebracht, un er vet baglikn oif zain veg.

16 genent tsu mir, hert dos tsu:

fun onheib on hob ich nisht in farborgenish geredt,

fun zint es geshet bin ich derbai;

un atsund hot Adonoi Hashem mich geshikt mit zain gaist.

17 azoi hot gezogt Hashem dain oisleizer,

der heiliker fun Yisroel.

ich, Hashem dain G-t, lern dich tsu nuts,

fir dich oif dem veg vos du zolst gein.

18 halevay volstu farnumen maine gebot,

volt geven vi a taich dain sholem,

un dain hilf vi di indn fun yam;

19 un geven vi zamd volt dain zomen,

un di shprotsn fun dain laib vi zaine kerner;

nisht farshnitn un nisht fartilikt

volt vern zain nomen fun far mir.

20 geit arois fun Bavel,

antloift fun di Kasdim,

mit a kol fun gezang;

zogt on, macht dos hern,

trogt es funander biz tsum ek fun der erd;

zogt: Hashem hot oisgeleizt Yaakov zain knecht.

21 un zei hobn nisht gedorsht

ven er hot zei durch vistenishn gefirt;

vaser fun feldz hot er gemacht rinen far zei;

yo, a feldz hot er geshpoltn,

un vaser hot geflosn.

22 nishto kein sholem, zogt Hashem,

far di reshoim.