1 fun vegen Tsiyon vel ich nisht shvaign,

un fun vegen Yerushalayim vel ich nisht ruen,

biz arois vi der shain vet ir gerechtikeit,

un ir hilf vi a flam vos brent.

2 un di felker veln zen dain gerechtikeit,

un ale mlochim dain koved;

un me vet dich rufn a naiem nomen,

vos dos moil fun Hashem vet im onrufn.

3 un vest zain a kroin fun sheinkeit

in der hant fun Hashem,

un a malchutdike hoib

in der hantflech fun dain G-t.

4 oif dir vet mer nisht gezogt vern farlozte,

un oif dain land vet mer nisht gezogt vern vistenish,

nor dich vet men rufn main-glust-tsu-ir,

un dos land dains bamante;

vorem Hashem tut dich glustn,

un dain land vet bamant vern.

5 vorem vi a bocher bamant a yungfroi,

veln dich bamanen daine kinder;

un vi di freid fun a chosen mit der kale,

vet zich freyen mit dir dain G-t.

6 oif daine moiern, Yerushalayim, hob ich oifgeshtelt shomrim,

a gantsn tog un a gantse nacht, zei zoln tamid nisht shvaign.

ir dermoner fun Hashem, kein ru nisht tsu aich!

7 un ir zolt nisht gebn kein ru tsu im,

biz er vet oifrichtn, un biz er vet machn Yerushalayim

a loib oif der erd.

8 Hashem hot geshvorn bai zain rechter hant,

un bai zain machtikn orem:

oib ich vel mer gebn dain tvue

far shpaiz tsu daine faint!

un oib fremdgeborene veln trinken dain vain

vos du host zich gemit oif im!

9 naiert ire arainnemer veln zi esen,

un veln loibn Hashem;

un zaine ainzamler veln im trinken

in di hoifn fun main heiliktum.

10 geit durch, geit durch durch di toiern,

ramt op dem veg fun dem folk!

tret ois, tret ois dem shteg,

reinikt op fun shteiner!

heibt oif a fon tsu di felker!

11 ze, Hashem hot gemacht hern

biz tsum ek fun der erd:

zogt tsu tochter Tsiyon: ze, dain hilf iz gekumen;

ze, zain loin iz mit im,

un zain fargeltung im farois.

12 un me vet zei rufn dos heilike folk,

di oisderleizte fun Hashem;

un dich vet men rufn gezuchte,

nisht farlozene shtot.