पैदाइस 26

इसहाक को गरार नगर मा निवास

1 उ देस मा गीरहानी पड़यो, यो पहलो गीरहानी लक अलग होतो। जोन अबराहम को दिवस मा पड़यो होतो। एकोलाय इसहाक पलिस्ती जाति को राजा अबीमेलेक को जवर गरार नगर गयो। 2 परमेस्वर ना इसहाक ला दरसन दे के कह्यो, "मिसर देस मत जा जोन देस को बारे मा मी तोरो लक कह्यो, ओको मा रव्ह। 3 ✝26:3 पैदाइस 22:16-18तू वोच देस मा रव्हजोस अना मी तोरो संग रहू, अना तोला आसीस देऊ मी तोला अना तोरो खानदान ला यो सब देस देहू। जोन कसम मी ना तोरो अजी अबराहम लक खायो होतो वोला मी पूरो करहु। 4 अना मी तोरो खानदान ला बादल को तारा गीनको जसो करू अना मी तोरो खानदान ला यो सब देस देहीन। अना धरती की पूरी रास्टगिन तोरो खानदान को कारन अपरो आपला धन्य मानेत। 5 काहेका अबराहम ना मोरी गोस्टी मानयो, अना जोन मी ना वोला सोपयो होतो वोला अना मोरो हुकूम गीन, विधि अना बेवस्ता ला पालन करयो" 6 एकोलाय इसहाक गरार नगर मा रह गयो। 7 ✝26:7 पैदाइस 12:13; 20:2जब उ जघा को लोक गीन ना वोको बायको रिबका को बारेमा पूसयो, तबा इसहाक ना असो सोच के कि यदि मी वोला अपरी बायको कहिन, त इता को लोग रिबका को कारन लक जोन गजब खोपसूरत होती मोला मार डाकेत एकोलाय भेव लक इसहाक ना जवाब दियो "वा त मोरी बहिन आय।" 8 जब इसहाक ला उता रह्यतो हुयो लगत बेरा बीत गयो, तबा एक दिवस पलिस्ती गीनको राजा अबीमेलेक ना खिड़की मा लक ढूक के चोवयो, इसहाक अपरो बायको रिबका को संग पिरेम कर रह्यो से।