Gênesis 40

ಜುಜೆನ್ ಸಫ್ನಾಚೊ ಅರ್ಥ್ ಸಾಂಗಲ್ಲೆ

1 ಹೆ ಸಗ್ಳೆ ಹೊಲ್ಲ್ಯಾ ಮಾನಾ ಫರೊಹಾ ರಾಜ್ಯಾಚೊ ವಾಯ್ನ್ ದಿತಲೊ ಪ್ರಧಾನ್ ಸೆವಕ್ ಅನಿ ಬಾರಿಕ್ಲಿ ದಿತಲ್ಯಾ ಪ್ರಧಾನ್ ಸೆವಕಾನಿ ರಾಜಾಕ್ ವಿರೊದ್ ಹೊವ್ನ್ ಚುಕ್ ಕರಲ್ಯಾನಿ. 2 ತನ್ನಾ ಫರೊಹಾ ರಾಜಾ ತೆಂಚ್ಯಾ ದೊಗ್ಯಾಂಚ್ಯಾ ವರ್‍ತಿ ರಾಗ್ ಹೊವ್ನ್, 3 ತೆಂಕಾ ಜುಜೆ ಹೊತ್ತ್ಯಾ ಭಂದಿಖಾನ್ಯಾತ್ ಘಾಟ್ಲ್ಯಾನ್, ಫರೊಹಾ ರಾಜ್ಯಾಚೊ ರಾಕ್ವಾಲಿ ಹೊವ್ನ್ ಹೊತ್ತೊ ಪೊಟಿಪರ್ ಮನ್ತಲ್ಯಾ ಅಧಿಕಾರಿಕ್ ತ್ಯಾ ಭಂಧಿಖಾನ್ಯಾಚಿ ಜವಾಬ್ದಾರಿಬಿ ಹೊತ್ತಿ. 4 ತ್ಯಾ ಭಂಧಿಖಾನ್ಯಾಚ್ಯಾ ಮೊಟ್ಟ್ಯಾ ಅಧಿಕಾರಿನ್ ತೆಂಕಾ ದೊಗ್ಯಾಕ್ನಿ ಜುಜೆಕ್ಡೆ ನೆವ್ನ್ ದಿಲ್ಯಾನಿ, ಜುಜೆಚ್ಯಾ ತಾಬೆತ್ ದಿಲ್ಯಾನಿ, ತೊ ತೆಂಚೊ ಅಧಿಕಾರಿ ಹೊಲೊ, ತೆನಿ ಲೈ ಎಳ್ ಪತರ್ ಥೈಚ್ ಹೊತ್ತೆ.

5 ಮಾನಾ ತೆಸೆಚ್ ಎಕ್ ದಿಸ್ ರಾತ್ತಿನ್ ತ್ಯಾ ವಾಯ್ನ್ ದಿತಲ್ಯಾಕ್ ಅನಿ ಬಾರಿಕ್ಲಿದಿತಲ್ಯಾಕ್ ಎಕ್ ಸಫ್ನಾ ಪಡ್ತಾತ್, ತ್ಯಾ ಸಪ್ನಾಕ್ನಿ ದುಸ್ರೆ ದುಸ್ರೆ ಅರ್ಥ್ ಹೊತ್ತೊ ರ್‍ಹಾತಾ. 6 ದುಸ್ರೆ ದಿಸಿ ಸಕಕಲಿ ಜುಜೆ ತೆನಿ ಹೊತ್ತ್ಯಾಕ್ಡೆ ಜಾತಾ ಅನಿ ತೆನಿ ಚಿಂತುನ್ಗೆತ್ ಬಸಲ್ಲೆ ದಿಸ್ತಾತ್,

7 ತೆನಿ ತೆಚ್ಯಾ ಯಜಮಾನಾಚ್ಯಾ ಘರ್‍ಹಾತ್ ಅಪ್ನಾಚ್ಯಾ ವಾಂಗ್ಡಾ ಹೊತ್ತ್ಯಾ ಪಾರೊಹಾ ರಾಜಾಚ್ಯಾ ಅಧಿಕಾರಿಯಾಕ್ನಿ ಬಗುನ್, "ಆಜ್ ಲೈ ಚಿಂತಾತ್ ಹೊತ್ತೆ ಸಾರ್ಕೆ ದಿಸುಲ್ಲಾ ಕಾಯ್ ಹೊಲೆ?" ಮನುನ್ ಇಚಾರ್‍ಲ್ಯಾನಿ.

8 ತನ್ನಾ ತೆನಿ ದೊಗ್ಯಾನಿಬಿ, ಅಮಿ ದೊಗ್ಯಾನಿಬಿ ಎಕೆಕ್ ಸಪ್ನಾ ಬಗ್ಲ್ಯಾಂವ್;

ಖರೆ ತೆಚೊ ಅರ್ಥ್ ಅಮ್ಕಾ ಸಾಂಗುಕ್ ಕೊನ್ಬಿ ನಾತ್ ಮಟ್ಲ್ಯಾನಿ, ತನ್ನಾ ಜುಜೆನ್ ತೆಂಕಾ, ದೆವಾಕ್ ಎಕ್ಲ್ಯಾಕುಚ್ ಸಪ್ನಾಂಚೊ ಅರ್ಥ್ ಕಳ್ತಾ, ಅನಿ ಅರ್ಥ್ ಸಾಂಗ್ತಲೊಬಿ ತೊಚ್, ತನ್ನಾ ದಯಾ ಕರುನ್ ತುಮ್ಚಿ ಸಪ್ನಾ ಮಾಜ್ಯಾಕ್ಡೆ ಸಾಂಗಾ ಮಟ್ಲ್ಯಾನ್.

9 ತನ್ನಾ ವಾಯ್ನ್ ದಿತಲ್ಯಾನ್ ಸೆವಕಾನ್, ಮಿಯಾ ಮಾಜ್ಯಾ ಸಫ್ನಾತ್ ದರಾಕ್ಷಾಚಿ ಯೆಲ್ ಬಗಟ್ಲೊ. 10 ತ್ಯಾ ಯೆಲಿಕ್ ತಿನ್ ಫಾಟೆ ಹೊತ್ತೆ, ತೆಕಾ ಪಾನಾ ಚಿಗ್ರುನ್ ಫುಲ್ಲಾ ಸುಟ್ಲಿ, ತಿ ಫುಲ್ಲಾ ಗೊಂಚಾಲಾನಿ ಫಳಾ ಹೊಲಿ. 11 ತನ್ನಾ ಫರೊನಾಚೆ ವಾಟ್ಕೆ ಮಾಜ್ಯಾ ಹಾತಿತ್ ಹೊತ್ತೆ, ತನ್ನಾ ಮಿಯಾ ದರಾಕ್ಷಿ ಘೆವ್ನ್ ತ್ಯಾ ವಾಟ್ಕ್ಯಾತ್ ಪಿಳುನ್ ಫರೊಹಾಚ್ಯಾ ಹಾತಿತ್ ದಿಲೊ, ಮಟ್ಲ್ಯಾನ್.

12 ತನ್ನಾ ಜುಜೆನ್ ತೆಕಾ ತ್ಯಾ ಸಪ್ನಾಚೊ ಅರ್ಥ್ ಕಾಯ್ ಮಟ್ಲ್ಯಾರ್, ತೆ ತಿನ್ ಪಾಟೆ ಮಟ್ಲ್ಯಾರ್ ತಿನ್ ದಿಸಾ. 13 ಹ್ಯಾ ತಿನ್ ದಿಸಾತ್ನಿ ರಾಜಾ ತುಕಾ ಬಂಧಿಕಾನ್ಯಾತ್ನಾ ಸುಟ್ಕಾ ಕರುನ್ ಮಾಪಿ ಕರ್ತಾ ಅನಿ ತಿಯಾ ಅದ್ದಿ ಕರ್‍ತಲ್ಯಾ ಕಾಮಾ ವೈನಿ ಅನಿ ಪರ್‍ತುನ್ ಥವ್ತಾ, ಅನಿ ತಿಯಾ ತೆಕಾ ವಾಯ್ನ್ ದಿತಲೊ ಹೊವ್ನ್ ರಾತೈ. 14 ಖರೆ ತಿಯಾ ಸುಖಾನ್ ರ್‍ಹಾತಾನಾ ಮಾಕಾ ಯಾದ್ ಕರುನ್ ಮಾಜ್ಯಾ ವಿಶಯಾತ್ ರಾಜಾಕ್ಡೆ ಸಾಂಗುನ್ ಮಾಕಾ ಸುಟ್ಕಾ ಹೊಯ್ ಸಾರ್ಕೆ ಕರ್ ಮಟ್ಲ್ಯಾನ್. 15 ಅನಿ ಮಿಯಾ ಇಬ್ರಿಯಾ ದೆಶಾಚೊ ಮಾಕಾ ಉಲ್ಲ್ಯಾ ಲೊಕಾನಿ ಕಾಯ್ಬಿ ಚುಕ್ ನಸ್ಲ್ಯಾರ್ಬಿ ಬಂಧಿ ಕರುನ್ ಘೆವ್ನ್ ಯೆಲಾತ್, ಅನಿ ಮಿಯಾ ಹಿತ್ತೆಬಿ ಕಾಯ್ ಚುಕ್ ಕರಿನಸ್ತಾನಾ ಬಲ್ವಂತಾನ್ ಬಂಧಿಖಾನ್ಯಾತ್ ಘಾಟ್ಲಾತ್, ಮಟ್ಲ್ಯಾನ್.

16 ವಾಯ್ನ್ ದಿತಲ್ಯಾಚೆಪ್ರಧಾನ್ ಸೆವಕಾಚೆ ಸಫಾನ್ ಬರೆ ಹೊತ್ತೆ ಬಗುನ್, ಬಾರಿಕ್ಲಿ ದಿತಲ್ಯಾನ್ ಜುಜೆಕ್ಡೆ, ಮಾಕಾಬಿ ಎಕ್ ಸಫಾನ್ ಪಡ್ಲೆ, "ತ್ಯಾ ಸಪ್ನಾತ್ ಮಾಜ್ಯಾ ಟಕ್ಲಿಚ್ಯಾ ವರ್‍ತಿ ತಿನ್ ಬಾರಿಕ್ಲಿಯಾಂಚಿ ಬುಟ್ಟಿಯಾ ಹೊತ್ತಿ, 17 ತ್ಯಾ ಬುಟ್ಟಿತ್ ಪರೊಹಾಕ್ ಮನುನ್ ಹೊತ್ತಿ ಸಗ್ಳ್ಯಾ ನಮುನ್ಯಾಚಿ ಫಳಾ ಹೊತ್ತಿ, ಖರೆ ತೆ ಸಗ್ಳೆ ಫಾಕ್ರಾನಿ ಯೆವ್ನ್ ಖಾಲ್ಯಾನಿ," ಮಟ್ಲ್ಯಾನ್.

18 ತನ್ನಾ ಜುಜೆನ್ ತೆಕಾ, "ಹ್ಯಾ ಸಫ್ನಾಚೊ ಅರ್ಥ್ ಮಿಯಾ ತುಕಾ ಸಾಂಗ್ತಾ, ತ್ಯಾ ತಿನ್ ಬುಟ್ಟಿಯಾ ಮಟ್ಲ್ಯಾರ್ ತಿನ್ ದಿಸಾ, 19 ಮಾನಾ ತ್ಯಾ ತಿನ್ ದಿಸಾತ್ ತುಕಾ ರಾಜಾ ಭಂಧಿಖಾನ್ಯಾತ್ನಾ ಸೊಡ್ವುನ್ ಹಾನುನ್ ತುಜಿ ಮಾನ್ ಮಾರ್‍ತಾ ಅನಿ ಖಾಂಬ್ಯಾಕ್ ಲೊಂಬಾತ್ ಘಾಲ್ತಾ; ಮಾನಾ ಫಾಕ್ರಾ ಯೆವ್ನ್ ತುಕಾ ಖಾತಾತ್," ಮಟ್ಲ್ಯಾನ್.

20 ಮಾನಾ ತಿನ್ ದಿಸಾ ಹೊಲ್ಲ್ಯಾ ತನ್ನಾ ಫರೊಹಾ ರಾಜಾಚೆ ಉಪಾಜಲ್ಲೊ ದಿಸಿ ಹೊಲ್ಲೊ ರ್‍ಹಾತಾ, ತ್ಯಾ ದಿಸಿ ರಾಜಾ ತ್ಯಾ ದೊಗೆಜನಾ ಪ್ರಧಾನ್ ಸೆವಕಾಕ್ನಿ ಭಂಧಿಖಾನ್ಯಾತ್ನಾ ಸುಟ್ಕಾ ಕರ್ತಾ, ಅನಿ ಸಗ್ಳ್ಯಾ ಸೆವಕಾಕ್ನಿ ಜೆವಾನ್ ಥವ್ತಾ. 21 ಅನಿ ರಾಜಾನ್ ಪಾನಿ ದಿತಲ್ಯಾಕ್ ಅನಿ ಪರ್‍ತುನ್ ತ್ಯಾ ಕಾಮಾಕ್ ಥವ್ತಾ, ಮಾನಾ ತೊ ಅದ್ದಿ ಹೊತ್ತ್ಯಾ ಕಾಮಾ ವೈನಾ ರಾಜಾಚ್ಯಾ ಹಾತಿತ್ ವಾಟ್ಕೆ ದಿತಲೊ ಹೊಲೊ. 22 ಖರೆ ರಾಜ್ಯಾನ್ ಬಾರಿಕ್ಲಿ ದಿತಲ್ಯಾಕ್ ಜಿವ್ ಕಾಡ್ಲ್ಯಾನ್, ಅನಿ ಜುಜೆನ್ ಸಪ್ನಾಂಚೊ ಅರ್ಥ್ ಸಾಂಗಲ್ಯಾ ಸಾರ್ಕೆ ಸಗ್ಳೆಬಿ ಹೊಲೆ. 23 ಖರೆ ಜುಜೆಚ್ಯಾ ವಿಶಯಾತ್ ವಾಯ್ನ್ ದಿತಲ್ಯಾನ್ ರಾಜಾಕ್ಡೆ ಕಾಯ್ಬಿ ಸಾಂಗುಕ್ ನಾ, ಜುಜೆಕ್ ತೆನಿ ಇಸ್ರುನ್ ಸೊಡ್ಲ್ಯಾನ್.