ಎಜ್ಕೆಲ್ 27

ತಿರ್ ಶಾರಾ ಸಾಟ್ನಿ ದುಕ್ಕೆಚಿ ಗಿತ್

1 ಸರ್ವೆಸ್ಪರಾನ್ ಮಾಕಾ ಅನಿ ಎಕ್ ವಚನ್ ದಿಲ್ಯಾನ್, 2 ನರ್ ಮಾನ್ಸಾ, ತಿಯಾ ತುರಿಚ್ಯಾ ವಿಶಯಾತ್ ದುಕ್ಕಾಚಿ ಗಿತ್ ಸಾಂಗ್, ತೆಜ್ಯಾ ಸಾಟ್ನಿ ಅಸೆ ಸಾಂಗ್. 3 ಸಮುಂದರಾಚ್ಯಾ ವಾಟೆವರ್‍ತಿ ವಸ್ತಿ ರ್‍ಹಾವ್ನ್ ಗೆತ್, ಲೊಕಾಂಚ್ಯಾ ಸಾಟ್ನಿ ಲೈ ಸಮುಂದರಾಚ್ಯಾ ದಂಡೆ ವಯ್ಲ್ಯಾ ಗಾಂವಾಂಚ್ಯಾ ವಾಂಗ್ಡಾ ಯಾಪಾರ್ ಕರ್‍ತಲ್ಯಾ ಪುರಿ! ಸರ್ವೆಸ್ಪರ್ ಅಸೊ ಮನ್ತಾ, ತಿರ್ ಶಾರ್ ಸಗ್ಳ್ಯಾ ನಮುನಿ ಸುಂದರ್ ಹೊವ್ನ್ ಹಾಯ್ ಮನುನ್ ಘೆಟ್ಲೆಯ್ ನ್ಹಯ್! 4 ತುಜೊ ವಸ್ತಿ ರಾತಲೊ ಜಾಗೊ ಸಮುಂದರಾಚ್ಯಾ ಮದ್ದಿಚ್, ತುಕಾ ಭಾಂದಲ್ಯಾನಿ ತುಜೆ ಸುಂದರ್ ಪಾನ್ ಫುರಾ ಕರ್ಲ್ಯಾನಿ. 5 ಸೆನಿರಾಚ್ಯಾ ತುರಾಯಿ ಝಾಡಾಕ್ನಾ ತುಜ್ಯಾ ಭಾಜುಚಿ ಫಳಿಯಾ ಕರುನ್, ತುಜೊ ಖಾಂಬೊ ರಚನ್ ಕರುಕ್ ಲೆಬೊನಿಕ್ನಾ ದೆವದಾರು ಝಾಡಾ ಹಾನ್ಲ್ಯಾನಿ. 6 ಬಾಶಾನಿಚ್ಯಾ ಅಲ್ಲೊನ್ ಝಾಡಾಕ್ನಾ ತುಜಿ ಉಪಾಜಾ ತಯಾರ್ ಕರುನ್, ಕಿತ್ತಿಮ್ ದ್ವಿಪಾಚ್ಯಾ ತಿಲಕಾಚ್ಯಾ ಫಳಿನ್ ತುಜೊ ವಯ್ಲೊ ಮ್ಹಾಳೊ ಭಾಂದುನ್, ದಾತಾನಿ ಕೆತ್ತನೆ ಕರ್ಲ್ಯಾನಿ. 7 ತುಜಿ ಹಾಯಿ ತುಕಾ ಝಂಡೊ ಹೊಂವ್ದಿತ್ ಮನುನ್, ತೆ ತೆನಿ ಇಜಿಪ್ತಾಚ್ಯಾ ಹಾತಿನ್ ಸಿಂವಲ್ಲ್ಯಾ ಬರ್ಯಾ ಕಪ್ಡ್ಯಾನಿ ಕರ್ಲ್ಯಾನಿ, ತುಜಿ ವಯ್ಲಿ ಕಟ್ಟ್ ಎಲಿಶಾಚ್ಯಾ ಸಮುಂದರಾಚ್ಯಾ ದಂಡೆಚ್ಯಾ ನಿಳೊ ಅನಿ ಝಾಂಬ್ಳೊ ರಗ್ತಾಚ್ಯಾ ಬನ್ನಾನಿ ಚಿತ್ತರ್ ಕಾಡಲ್ಲೆ ಹೊತ್ತೆ. 8 ಚಿದೊನಿಚಿ ಲೊಕಾ ಅನಿ ಅರ್ವಾದಾಚಿ ಲೊಕಾ, ತುಕಾ ಹುಟ್ಟ್ ಘಾಲುಕ್ ಕಾರನ್ ಹೊತಾತ್. ತಿರ್ ಶಾರಾ ತುಜ್ಯಾಕಲ್ಲಿ ಬುದ್ವಂತ್ ಮಾನ್ಸಾ ತುಜಿ ಢೊನ್ ಚಾಲ್ವುತಾತ್, 9 ತುಜ್ಯಾಕ್ಡೆ ಮಿಳಲ್ಲಿ ಗೆಬೆಲಿಚಿ ಜಾಂನ್ತಿ ಲೊಕಾ ಅನಿ ಬುದ್ವಂತಾ, ತುಜಿ ಬಿರ್‍ಕಾ ಧಾಪ್ಲಾತ್.

ಸಮುಂದರಾಚಿ ಸಗ್ಳಿ ಢೊನಾ ಚಾಲ್ವುತಲ್ಯಾಂಚ್ಯಾ ವಾಂಗ್ಡಾ, ತುಜ್ಯಾಕ್ಡೆ ರ್‍ಹಾವ್ನ್ ತುಕಾ ಸಾಮಾನಾ ಹಾನುನ್ ದಿಯ್ತ್.

10 ಪಾರ್ಸಿಯಾ, ಲುದ್ ಅನಿ ಪುಟ್ಯಾ, ಸಯ್ನ್ಯಾಚಿ ಚಾಲ್ವುತಲಿ ಅಧಿಕಾರಿಯಾ ಹೊವ್ನ್ ತುಜ್ಯಾ ಸಯ್ನ್ಯಾತ್ ಹೊತ್ತೆ, ಗುರಾನಿ ಅನಿ ಟಕ್ಲ್ಯಾಚಿ ರಾಕ್ವನಿಚಿ ಆಧಾರಾ ತುಜ್ಯಾಕ್ಡೆ ಲೊಂಬಾತ್ ಘಾಲುನ್ ತುಕಾ ಭೊಶನ್ ಕರಲ್ಲ್ಯಾನಿ. 11 ಅರ್ವಾದಿಚಿ ಅನಿ ಹೆಲೆಕ್ಸಾಚಿ ಲೊಕಾ ಅನಿ ತುಜಿ ಸಯ್ನಿಕಾ ವಾಂಗ್ಡಾ ಭೊತ್ಯಾನಿ ತುಜ್ಯಾ ಭಿತ್ತಿಯಾತ್ನಿ ಇಬೆ ಹೊತ್ತ್ಯಾನಿ, ಗಮ್ಮಾದ್ಯಾಚಿ ಲೊಕಾ ತುಜ್ಯಾ ಮ್ಹಾಳ್ಯಾರ್ನಿ ರಾಕ್ವಲಿ ಹೊವ್ನ್ ಹೊತ್ತ್ಯಾನಿ, ಸಗ್ಳ್ಯಾನಿ ಅಪ್ನಾಚಿ ಗುರಾನಿಯಾ ಭೊತ್ಯಾನಿ ತುಜ್ಯಾ ಭಿತ್ತಿಯಾಕ್ನಿ ಲೊಂಬಾತ್ ಘಾಲುನ್, ತುಜೆ ಸುಂದರ್ ಪಾನ್ ಫುರಾ ಕರ್ಲ್ಯಾನಿ. 12 ಲೈ ದುಶ್ರ್ಯಾ ದುಶ್ರ್ಯಾ ನಮುನ್ಯಾಚಿ ಆಸ್ತಿ ಅನಿ ತುಕಾ ಪಾಜೆ ಹೊಲ್ಲ್ಯಾ ಸಾಟ್ನಿ, ತಾರ್ಶಿಸಿಚಿ ಲೊಕಾ ತುಜ್ಯಾ ಭಾಜುಕ್ಲಿ ಯಾವಾರ್ ಕರ್ತಲಿ ಲೊಕಾ ಹೊವ್ನ್ ಚಾಂದಿ, ಲೊಂಗಾಟ್ ಅನಿ ಪಿತ್ತಳ್ ಅನಿ ಸಿಸಾ ತುಕಾ ದಿಲ್ಯಾನಿ.

13 ಜಾವಾನಿಚಿ ಲೊಕಾ ಅನಿ ತುಬಾನಿಚಿ ಲೊಕಾ, ಮೆಶೆಕಿಚಿ ಲೊಕಾ ತುಜ್ಯಾ ಭಾಜುಕ್ನಾ ಯಾಪಾರ್ ಕರುನ್, ನರ್ ಮಾನ್ಸಾ, ಜನಾವರಾ ಅನಿ ತಾಂಬ್ಯಾಚಿ ಆಯ್ದಾನಾ ತುಕಾ ದಿಲ್ಯಾನಿ. 14 ಬೆತ್ತ್ ತೊಗರ್ಮ ಪಿಳ್ಗಿಚಿ ಲೊಕಾ, ಘೊಡ್ಕೊ, ಅನಿ ಝಗ್ಡ್ಯಾಕ್ ಪಾಜೆ ಹೊಲ್ಲೆ ಘೊಡ್ಕೊ, ವಜ್ಜೆ ವಾವ್ತಲೆ ಕಚ್ಚಡ್ ಗದ್ದೊ ಹೆ ಸಗ್ಳೆ ತುಜ್ಯಾ ಸಾಟ್ನಿ ಹಾನ್ಲ್ಯಾನಿ. 15 ರೊದಾನಿಚಿ ಲೊಕಾ ಯಾಪಾರ್ ಕರ್ಲೆ ಹೊವನ್ ಹೊತ್ತೆ, ಲೈ ದ್ವಿಪಾ ತುಜ್ಯಾ ಹಾತಿಚ್ಯಾ ಖಾಲ್ತಿ ಯಾಪಾರ್ ಕರ್ಲ್ಯಾನಿ ಹಾತ್ತಿಯಾಚಿ ದಾತಾ ಅನಿ ಕಾಳಿ ಝಾಡಾ ತುಕಾ ವಾಟೊ ಹೊವ್ನ್ ದಿಲ್ಯಾನಿ. 16 ತುಜ್ಯಾ ಕಾಮಾಚಿ ಸಾಮಾನಾ ಲೈ ಹೊಲ್ಲ್ಯಾ ಸಾಟ್ನಿ, ಆರಾಮಿಚ್ಯಾ ಲೊಕಾನಿ ತುಜೆ ಹೊವ್ನ್ ಯಾಪಾರ್ ಕರುನ್, ತಾಂಬ್ಡೆ ರಗ್ತಾಂಬರ್, ಹಾತಿಚ್ಯಾ ಕಾಮಾಚೆ ಕಪ್ಡೆ, ಕಿಮ್ತಿಚೊ ಫೊಡೊ, ಮಾನಿಕ್ಯ್, ಲೈ ನಮುನ್ಯಾಚಿ ಸಾಮಾನಾ ತುಕಾ ಹಾನುನ್ ವೊತ್ಲ್ಯಾನಿ. 17 ಜುದೆವಾ ಇಜ್ರಾಯೆಲ್ ದೆಶಾಚೆ ತುಜ್ಯಾ ಭಾಜುಕ್ಲಿ ಯಾಪಾರ್ ಕಾರಾ ಹೊವ್ನ್, ಮಿನ್ನಿಥಿಚಿ ಲೊಕಾ ಘಂವ್, ಸಾಕಾರ್, ಮ್ಹಾಂವ್, ತೆಲ್ ಅನಿ ಬರ್ಯಾ ವಾಸೆಚೆ ತೆಲ್ ಹಿ ಸಗ್ಳಿ ಸಾಮಾನಾ ತುಕಾ ದಿಲ್ಯಾನಿ. 18 ತುಜ್ಯಾ ಹಾತಿಚ್ಯಾ ಕಾಮಾಚಿ ಸಾಮಾನಾ, ತುಜ್ಯಾಕ್ಡೆ ಲೈ ಹೊಲ್ಲ್ಯಾ ಸಾಟ್ನಿ ಅನಿ ಲೈ ನಮುನ್ಯಾಚಿ ಮೆಜುಕ್ ಹೊಯ್ನಾ ತವ್ಡಿ ಆಸ್ತಿ ತುಕಾ ಪಾಜೆ ಹೊಲ್ಲಿ ಹೊತ್ತ್ಯಾ ಸಾಟ್ನಿ ದಮಸ್ಕಾಚ್ಯಾನಿಬಿ ತುಜ್ಯಾ ಸಾಟ್ನಿ ಯಾಪಾರ್ ಕರುನ್, ಹೆಲ್ಬೊನಿಚೊ ವಾಯ್ನ್ ಅನಿ ಚಾಹರಿಚಿ ಬಕ್ರ್ಯಾಚಿ ಕೆಸಾ ತುಜ್ಯಾಕ್ಡೆ ಹಾನುನ್ ಭರ್‍ಲ್ಯಾನಿ. 19 ವೆದಾನಿಚ್ಯಾನಿ ಅನಿ ರಥ್ ಸವಾರ್ ಕರ್‍ತಲ್ಯಾಕ್ನಿ ತೆಂಕಾ ಬರಿ ದಿಸ್ತಲಿ ಕಪ್ಡೆ ಘೆವ್ನ್ ತುಜ್ಯಾ ವಾಂಗ್ಡಾ ಯಾಪಾರ್ ಕರಿತ್ ಹೊತ್ತ್ಯಾನಿ. 20 ದೆದಾನಿಚಿ ಲೊಕಾ ಅನಿ ಯಾವಾನಾಚೆ, ತುಜ್ಯಾ ವಾಂಗ್ಡಾ ಕಪ್ಡ್ಯಾಂಚೆ ಯಾವಾರ್ ಕರ್‍ತಾತ್. 21 ಅರಾಬಿಚಿ ಲೊಕಾ ಅನಿ ಕೆದಾರಿಚಿ ಜಾಂನ್ತಿ ಲೊಕಾ ತುಜ್ಯಾ ಖಾಲ್ತಿ ಕಾಮ್ ಕರ್ತಲಿ ಖಬರ್ ಸಾಂಗ್ತಲಿ ಲೊಕಾ, ಬೊಕ್ಡಾ, ಟಗ್ರಾ, ಶೆಳಿ ಅನಿ ಬಯ್ಲಾ ತುಜ್ಯಾ ಸಾಟ್ನಿ ಹಾಂಬ್ಡುನ್ ಹಾನ್ಲ್ಯಾನಿ. 22 ಶೆಬಾಚಿ ಅನಿ ರಗ್ಮಾಚಿ ಲೊಕಾ ತುಜ್ಯಾ ಭಾಜುಕ್ಲೆ ಯಾಪಾರಿ ಹೊವ್ನ್ ಕಾನಿಕ್ ಅನಿ ಮುಖ್ಯ್ ಬರ್ಯಾ ವಾಸೆಚಿ ತೆಲಾ ಸಗ್ಳ್ಯಾ ನಮುನ್ಯಾಚಿ ಕಿಮ್ತಿಚೆ ಗುಂಡೆ, ಹಿ ಸಗ್ಳಿ ತುಜ್ಯಾ ಸಾಟ್ನಿ ಹಾನ್ಲ್ಯಾನಿ. 23 ಹಾರಾನ್ ದಾಂಡ್ಗೆ ಚೆಡು, ಎದೆನ್ ಜಾಗ್ಯಾಂಚ್ಯಾ ವಯ್ಲಿ ಲೊಕಾ ಶೆಬಾ ಅಸ್ಸಿರಿಯಾ, ಕಿಲ್ಮತ್ ಪ್ರಾಂತ್ಯಾಂಚಿ ತುಜಿ ಯಾಪಾರಿ ಲೊಕಾ ಹೊವ್ನ್, 24 ತುಜಿ ಯಾಪಾರಿ ಲೊಕಾ ಹೊವ್ನ್, ಬರ್ಯಾ ಹಾತಿಚ್ಯಾ ಕಾಮಾಚಿ ರಗ್ತಾಚ್ಯಾ ಬನ್ನಾಚೊ ಝಗೊ ಲೈ ನಮುನ್ಯಾಚಿ ಸಾಮಾನಾ ಅನಿ ದೊರಿಯಾನಿ ಘಟ್ ಭಾಂದಲ್ಲ್ಯಾ ಚಮತ್ಕಾರಾಚ್ಯಾ ಕಾಮಾಂಚ್ಯಾ ಕಪ್ಡ್ಯಾಂಚಿ ಗಾಟಿಯಾ ತುಕಾ ಧಾಡ್ಲ್ಯಾನಿ. 25 ತಾರ್ಶಿಸಿಚಿ ಢೊನಾ ಸಾಲಾನ್ ತುಕಾ ಪಾಜೆ ಹೊಲ್ಲಿ ಸಾಮಾನಾ ಘೆವ್ನ್ ಯೆಲ್ಯಾನಿ, ತಿಯಾ ಲೈ ಭರುನ್ ಸಮುಂದರಾತ್ ಲೈ ವಜ್ಜೊ ಹೊಲೈ, 26 ಢೊನ್ ಚಾಲ್ವುತಲ್ಯಾನಿ ತುಕಾ ಮೊಟ್ಟ್ಯಾ ಲಾಟಾಕ್ನಿ ಸಿರ್ಕುನ್ ಘಾಟ್ಲಾತ್, ದಿಸ್ ಉಗಾವ್ತಲ್ಯಾ ದಿಕ್ಕಾಚ್ಯಾ ವಾರ್ಯಾನ್ ತುಕಾ ಮೊಟ್ಟ್ಯಾ ಸಮುಂದರಾಚ್ಯಾ ಮದ್ದಿ ಫೊಡುನ್ ಟಾಕ್ಲಾ. 27 ತುಜಿ ಆಸ್ತಿ, ತುಜಿ ಸಾಮಾನಾ, ತುಜಿ ವಸ್ತಾ, ತುಜಿ ಢೊನ್ ಚಾಲ್ವುತಲಿ ಲೊಕಾ, ತುಜಿ ಮಾಸೊಳಿಯಾ ಧರ್ತಲಿ ಲೊಕಾ, ತುಜಿ ವಡ್ಕಾ ಘಟ್ ಕರ್ತಲಿ ಲೊಕಾ, ತುಜಿ ಯಾಪಾರಾಚಿ ಲೊಕಾ ಅನಿ ತುಜ್ಯಾಕ್ಲಿ ಸಗ್ಳಿ ಸಯ್ನಿಕಾ ಒಟ್ಟು ತುಜ್ಯಾಕ್ಡೆ ಹೊತ್ತಿ ತುಜಿ ಸಗ್ಳಿ ಲೊಕಾ ತುಜ್ಯಾ ನಾಶ್ ಹೊತಲ್ಯಾ ದಿಸಾತ್ ತುಜ್ಯಾ ವಾಂಗ್ಡಾ ಸಮುಂದರಾಚ್ಯಾ ಪೊಟಾತ್ ಬುಡುನ್ ಜಾತಾತ್. 28 ತುಜ್ಯಾ ಢೊನ್ ಚಾಲ್ವುತಲ್ಯಾಂಚ್ಯಾ ಬೊಬೆಕ್ ಸಗ್ಳಿ ಗಾಂವಾ ಥರ್ಥರ್ತಾತ್. 29 ಢೊನ್ ಚಾಲ್ವುತಲೆ ಸಗ್ಳೆ ಅನಿ ಮಾಸೊಳಿಯಾ ಧರ್ತಲೆ ಸಮುಂದರಾತ್ಲೆ ಸಗ್ಳೆ ಢೊನ್ ಚಾಲ್ವುನಾರೆ, ಅಪಪ್ಲ್ಯಾ ಢೊನಾಂತ್ನಾ ಉತ್ರುನ್ ದಂಡೆಚ್ಯಾ ಜಿಮ್ನಿ ವರ್‍ತಿ ಇಬೆ ರ್‍ಹಾವ್ನ್, 30 ತುಜ್ಯಾ ಸಾಟ್ನಿ ಧನ್ ಕಾಡುನ್ ದುಕ್ಕಾನ್ ರಡುನ್, ಅಪ್ನಾಚೆ ದುಕ್ಕ್ ದಾಕ್ವುಕ್ ಸಾಟ್ನಿ, ಟಕ್ಲ್ಯಾಕ್ನಿ ಧುಳ್ ಸಿಪ್ಡುನ್ ಘೆವ್ನ್, ರಕ್ಕಾತ್ನಿ ಪಡುನ್ ಲೊಳುನ್, 31 ತುಜ್ಯಾ ಸಾಟ್ನಿ ಟಕ್ಲೆ ಬೊಳ್ ಕರುನ್ಗೆವ್ನ್, ಚಿಲಾಚೆ ಫಟೆ ಲಪ್ಟುನ್ ಘೆವ್ನ್, ಮನಾತ್ ಲೈ ದುಕ್ಕಾನ್ ಅಳಾಪ್ ಕರುನ್, ಮನಾತ್ ದುಕ್ಕಾನ್ ಗೊಳಾಟ್ ಕರುನ್ ತುಜ್ಯಾ ಸಾಟ್ನಿ ಉಸ್ಕಾ ಉಸ್ಕಾರುನ್ ರಡ್ತಾತ್. 32 ತೆನಿ ರಡುನ್ಗೆತ್, ತುಜ್ಯಾ ವಿಶಯಾತ್ ದುಕ್ಕಾಚಿ ಗಿತ್ ಸಾಂಗುನ್ಗೆತ್, ಅಸೆ ಸಾಂಗ್ತಾತ್, ಸಮುಂದರಾಚ್ಯಾ ಮದ್ದಿ ಕೊನ್ಬಿ ನಾತ್ ಮನ್ತಲ್ಯಾ ಖಲ್ಯಾ ಶಾರಾಕ್ ಸಮಾ? 33 ತುಜಿ ಸಾಮಾನಾ ಸಮುಂದರಾಕ್ನಿ ದಾಟುನ್ ಪಗ್ಳುನ್ ಹಾಯ್, ತೆಂಚ್ಯಾಕ್ನಾ ಲೈ ಲೊಕಾಕ್ನಿ ಭರ್ಲೆಯ್, ತುಜ್ಯಾ ಲೈ ಸಾವ್ಕಾರ್‍ಕಿನ್ ಅನಿ ಯಾಪಾರಾಚ್ಯಾ ಸಾಮಾನಾನಿ ಜಿಮ್ನಿ ವಯ್ಲ್ಯಾ ರಾಜಾಕ್ನಿ ಭರ್ಪುರ್ ಕರ್ಲ್ಯಾಸಿ. 34 ಅತ್ತಾತರ್ ತಿಯಾ ಸಮುಂದರಾಕ್ನಾ ಹಾಳ್ ಹೊಲೈ, ತುಜಿ ಸಾಮಾನಾ ತುಜ್ಯಾಕ್ಡೆ ಮಿಳಲ್ಲಿ ಸಗ್ಳಿ ಲೊಕಾ ಲೈ ಖೊಲ್ ಪಾನಿಯಾತ್ ಬುಡುನ್ ಗೆಲಿ. 35 ಸಮುಂದರಾಚ್ಯಾ ದಂಡೆಚಿ ಸಗ್ಳಿ ಲೊಕಾ ತುಜ್ಯಾ ಹ್ಯಾ ಗತಿ ಸಾಟ್ನಿ ಭಿಂವ್ಲಾತ್, ರಾಜಾ ಭಿಂವ್ನ್ ಥರ್ಥರುಲಾತ್. 36 ಲೊಕಾಂಚಿ ಯಾಪಾರಿಯಾ ತುಕಾ ಬಗುನ್ ಹಾಸ್ತಾತ್, ತಿಯಾ ಲೈ ಹಾಳ್ ಹೊವ್ನ್ ಅನಿ ಕನ್ನಾಬಿ ನಾ ಸಾರ್ಕೊ ಹೊಲೈ.