ಎಜ್ಕೆಲ್ 44

ದಿಸ್ ಉಗಾವ್ತಲ್ಯಾ ದಿಕ್ಕಾಚ್ಯಾ ದಡ್ಪ್ಯಾಚೆ ದಾರ್ ವಾಪ್ರುಪ್

1 ಮಾನಾ ಹೊ ಘೊಮಾನುಸ್ ಮಾಕಾ ಪವಿತ್ರ್ ದೆವಾಚ್ಯಾ ಗುಡಿಚ್ಯಾ ದಿಸ್ ಉಗವ್ತಲೊ ದಿಕ್ಕಾಚ್ಯಾ ಬಾರ್ಯ್ಲ್ಯಾ ಮೊಟ್ಟ್ಯಾ ದಡ್ಪ್ಯಾನ್ ಅನಿ ಪರ್‍ತುನ್ ಬಲ್ವುನ್ ಹಾನ್ಲ್ಯಾನ್, ತೆ ಧಾಪ್ಲೆ. 2 ತನ್ನಾ ಸರ್ವೆಸ್ಪರಾನ್ ಮಾಕಾ, ಹೆ ದಡ್ಪ್ಯಾಚೆ ದಾರ್ ಧಾಪಲ್ಲೊ ರ್‍ಹಾವ್ಚೆ. ಹೆ ಉಗ್ಡುಬಿ ನ್ಹಯ್, ಹ್ಯಾತುರ್‍ನಾ ಕೊನ್ಬಿ ಜಾಯ್ ನಸ್ತಾನಾ ರಾಂವ್ದಿತ್, ಇಜ್ರಾಯೆಲಾಂಚೊ ದೆವ್ ಸರ್ವೆಸ್ಪರ್ ಹಿತ್ತೆತ್ನಾ ಯೆಲಾ, ತೆಚ್ಯಾ ಸಾಟ್ನಿ ಹೆ ಧಾಪುನುಚ್ ರ್‍ಹಾವ್ಚೆ. 3 ರಾಜಾನಿ ಸರ್ವೆಸ್ಪರಾಚ್ಯಾ ಇದ್ರಾಕ್ ಜೆವಾನ್ ಕರುಕ್ ಹಿತ್ತೆ ಬಸ್ಲ್ಯಾರ್ ಹೊತಾ, ತೊ ಮುಖ್ಯ್ ದಾರಾಕ್ನಾ ಖಾಲಿ ಭಾಗಾಕ್ನಾ ವಾಟೆನ್ ಎವ್ನ್ ತ್ಯಾಚ್ ವಾಟೆನ್ ಜಾವ್ಚೆ, ಮನುನ್ ಸಾಂಗ್ಲ್ಯಾನ್.

ದೆವಾಚ್ಯಾ ಗುಡಿಚ್ಯಾ ಭುತ್ತುರ್ ಜಾತಲೆ ನಿಯಮ್

4 ಮಾನಾ ತ್ಯಾ ಘವ್ಮಾನ್ಸಾನ್, ಉತ್ತರ್ ದಿಕ್ಕಾಚ್ಯಾ ಮುಖ್ಯ್ ದಾರಾಚ್ಯಾ ವಾಟೆನ್ ಮಾಕಾ ದೆವಾಚ್ಯಾ ಗುಡಿಚ್ಯಾ ಫಿಡೆ ಬಲ್ವುನ್ ಹಾನ್ಲ್ಯಾನ್. ಮಿಯಾ ಬಗಿತುಚ್ ಹೊತ್ತ್ಯಾ ತನ್ನಾ ಸರ್ವೆಸ್ಪರಾಚಿ ಮಹಿಮಾ ದೆವಾಚ್ಯಾ ಗುಡಿತ್ ಸಗ್ಳೊ ಭರ್ಲೊ. ತೆ ಬಗುನ್ ಮಿಯಾ ಡಬ್ಬ್ ಪಡ್ಲೊ. 5 ತನ್ನಾ ಸರ್ವೆಸ್ಪರಾನ್ ಮಾಕಾ ಅಸಿ ಸಾಂಗ್ಲ್ಯಾನ್, ನರ್ ಮಾನ್ಸಾ, ಸರ್ವೆಸ್ಪರಾಚ್ಯಾ ಗುಡಿಚ್ಯಾ ಸಗ್ಳೆ ನೆಮಾ ನಿಯಮಾಂಚ್ಯಾ ವಿಶಯಾತ್ ಮಿಯಾ ತುಮ್ಕಾ ಸಾಂಗಲ್ಲ್ಯಾ ಸಗ್ಳೆ ತಿಯಾ ಕಾನಾನಿ ಆಯ್ಕುನ್, ಡೊಳ್ಯಾನಿ ಬಗುನ್, ಮನಾತುಚ್ ಥವ್ನ್ ಘೆ, ಅನಿ ಪವಿತ್ರ್ ಗುಡಿಚ್ಯಾ ಭುತ್ತುರ್ ಜಾತಲೆ ಅನಿ ಎತಲೆ ಸಗ್ಳೆ ಬರೆ ಕರುನ್ ಬಗ್.

6 ಅಸಿ ರ್‍ಹಾತಾನಾ ತಿಯಾ ತ್ಯಾ ಬುರ್ಸ್ಯಾಕ್ನಿ ಮಟ್ಲ್ಯಾರ್, ಇಜ್ರಾಯೆಲ್ ಪಿಳ್ಗಿಚ್ಯಾಕ್ನಿ ಅಸಿ ಸಾಂಗ್. ಸರ್ವೆಸ್ಪರ್ ದೆವ್ ಅಸೊ ಮನ್ತಾ, 7 ಇಜ್ರಾಯೆಲ್ ಪಿಳ್ಗಿಚ್ಯಾನೊ, ತುಮಿ ಮಾಜೆ ಜೆವಾನ್ ಹೊಲ್ಲ್ಯಾ ರಗಾತ್ ಭೆಟ್ವುತಾನಾ, ಪುರಾ ಮನಾನ್ ಅನಿ ಆಂಗಾತ್ ಸುನ್ನತ್ ಕರಿನಸಲ್ಲ್ಯಾ ದುಸ್ರ್ಯಾ ದೆಶಾಚ್ಯಾ ಲೊಕಾಕ್ನಿ, ಮಾಜ್ಯಾ ಪವಿತ್ರ್ ದೆವಾಚ್ಯಾ ಗುಡಿಚ್ಯಾ ಭುತ್ತುರ್ ಹಾನುನ್ ಮಾಜ್ಯಾ ಗುಡಿಕ್ ಅಶುದ್ದ್ ಕರ್ಲ್ಯಾಸಿ. 8 ತುಮಿ ಮಾಜೆ ಶುದ್ದ್ ಸಾಮಾನಾಕ್ನಿ ರಾಕುಕ್ನ್ಯಾಸಿ, ಮಾಜೆ ಪವಿತ್ರ್ ಗುಡಿತ್ ಸಾಮಾನ್ ಇಚಾರ್ನಿ ಕರುಕ್ ನ್ಯಾಸಿ. ಹ್ಯಾ ದುಸ್ರ್ಯಾ ದೆಶಾಚ್ಯಾ ಲೊಕಾಕ್ನಿ ಮಾಜ್ಯಾ ಪವಿತ್ರ್ ಜಾಗ್ಯಾರ್ ಮಾಜ್ಯಾ ವಸ್ತ್ಯಾಚ್ಯಾ ವರ್‍ತಿ ರಾಕುಕ್ ಮನುನ್ ನೆಮಕ್ ಕರುನ್ ಘೆಟ್ಲ್ಯಾಸಿ. ತುಮ್ಚಿ ಮೆಜುಕ್ ಹೊಯ್ನಸಲ್ಲಿ ದುಸ್ಟ್ ಕಾಮಾ ಅತ್ತಾ ಫಿರೆ. 9 ಸರ್ವೆಸ್ಪರ್ ದೆವ್ ಅಸೊ ಮನ್ತಾ, "ಇಜ್ರಾಯೆಲಾತ್ನಿ ಮಿಳುನ್ ಹೊತ್ತ್ಯಾ ದುಶ್ರ್ಯಾ ದೆಶಾಚ್ಯಾ ಲೊಕಾತ್ನಿ ಪುರಾ ಮನಾತ್ನಿ ಸುನ್ನತ್ ಹೊಯ್ ನಸಲ್ಲೊ ಕೊನ್ಬಿ ಮಾಜ್ಯಾ ಪವಿತ್ರ್ ಗುಡಿತ್ ಯೆವ್ಕ್ ನಕ್ಕೊ".

ಲೆವಿಯಾಕ್ನಿ ಯಾಜಕ್ ಕಾಮಾತ್ನಾ ಎಗ್ಳೆ ಕರಲ್ಲೆ

10 ಇಜ್ರಾಯೆಲ್ ಲೊಕಾನಿ ಮಾಕಾ ಸೊಡಲ್ಲ್ಯಾ ತನ್ನಾ, ಮಾಜ್ಯಾಕ್ನಾ ಜಾವ್ನ್ ತೆಂಚ್ಯಾ ಮುರ್ತಿಯಾಂಚ್ಯಾಕ್ಡೆ ಪರ್‍ತುನ್ ಘೆವ್ನ್ ಮಾಕಾ ದುರ್ ಹೊವ್ನ್ ಗೆಲ್ಲಿ ಲೆವಿಯಾ ತೆಂಚೊ ಚುಕೆಚೊ ಫಳ್ ಅನ್ಬೊಗ್ ಕರ್‍ತಾತ್. 11 ತೆನಿ ಮಾಜ್ಯಾ ಪವಿತ್ರ್ ಗುಡಿತ್ ಹಜರಿಕಾರಾ ಅನಿ ಗುಡಿಚೆ ದಾರ್ ರಾಕ್ವಲಿಯಾ ಹೊವ್ನ್ ಗುಡಿತ್ ಸೆವಾ ಕರುಚೆ, ಲೊಕಾಂಚ್ಯಾ ಸಾಟ್ನಿ ಜಾಳ್ವುತಲಿ ಬಲಿಚೆ ಜನಾವರಾಕ್ ಭೆಟ್ವುನ್ ತೆಂಕಾ ಸೆವಾ ಕರುಕ್ ತಯಾರ್ ಹೊವ್ನ್ ರ್‍ಹಾವ್ಚೆ. 12 ತೆನಿ ತೆಂಚ್ಯಾ ಮುರ್ತಿಯಾಂಚ್ಯಾ ಇದ್ರಾಕ್ ಲೊಕಾಂಚ್ಯಾ ಸಾಟ್ನಿ ಸೆವಾ ಕರುನ್, ಇಜ್ರಾಯೆಲ್ ಪಿಳ್ಗಿಚ್ಯಾಕ್ನಿ ಪಾಪ್ ಪರಿಹಾರಾಚೆ ಅಡ್ಚನ್ ಹೊಲ್ಲ್ಯಾ ವಯ್ನಾ, ಮಿಯಾ ತೆಂಚ್ಯಾ ವರ್‍ತಿ ಹಾತ್ ಉಕಲ್ಲಾ. ತೆನಿ ತೆಂಚೆ ಚುಕೆಚಿ ಫಳ್ ಅನ್ಬೊಗ್ ಕರುನುಚ್ ಪಾಜೆ; ಹೆ ಸರ್ವೆಸ್ಪರ್ ದೆವಾಚಿ ಗೊಸ್ಟ್. 13 ಮಾಕಾ ಯಾಜಕಾಂಚೆ ಸೆವಾ ಕರುಕ್ ತೆನಿ ಮಾಜ್ಯಾ ಇದ್ರಾಕ್ ಯೆವ್ಚೆ ನ್ಹಯ್, ಮಾಜಿ ಲೈ ಪವಿತ್ರ್ ಹೊಲ್ಲ್ಯಾ ಪರಿಶುದ್ದ್ ವಸ್ತಾತ್ನಿ ಖಲ್ಯಾಕ್ಬಿ ಜಗ್ಗೊಳ್ ಜಾವ್ಚೆ ನ್ಹಯ್. ತೆಂಕಾ ಹೊಲ್ಲ್ಯಾ ಅವ್ಮಾನಾಕ್ ತೆನಿ ಕರಲ್ಲ್ಯಾ ದುಸ್ಟ್ ಕಾಮಾಚ್ಯಾ ಫಳಾಕ್ನಿ ಅನ್ಬೊಗ್ ಕರ್‍ತಾತ್. 14 ದೆವಾಚ್ಯಾ ಗುಡಿಚ್ಯಾ ಸಗ್ಳ್ಯಾ ಸೆವಾತ್ನಿ ಅನಿ ಥೈ ಕರ್‍ತಲ್ಯಾ ಸಗ್ಳ್ಯಾ ಕಾಮಾತ್ನಿಬಿ ಸೆವಕಾಚೆ ಕಾಮುಚ್ ತೆಂಕಾ ದಿವ್ಚೆ.

ಯಾಜಕಾ

15 ಖರೆ ಇಜ್ರಾಯೆಲ್ ಲೊಕಾನಿ ಮಾಕಾ ಸೊಡಲ್ಲ್ಯಾ ತನ್ನಾ, ಲೆವಿಯಾ ಚಾದೊಕಾಚ್ಯಾ ಪಿಳ್ಗಿಚೆ ಹೊಲ್ಲಿ ಯಾಜಕಾ ಮಾಜ್ಯಾ ಪವಿತ್ರ್ ಗುಡಿಚ್ಯಾ ಅಧಿಕಾರ್ ಚಾಲ್ವುಲ್ಯಾನಿ, ತೆಚ್ಯಾ ಸಾಟ್ನಿ ತೆನಿ ಮಾಜಿ ಸೆವಾ ಕರುಕ್ ಮಜ್ಯಾ ಇದ್ರಾಕ್ ಯೆತಾತ್. ರಗಾತ್ ಅನಿ ಮಾಂದೆ ಭೆಟ್ವುಕ್ ಮಾಜ್ಯಾ ಇದ್ರಾಕ್ ಇಬೆ ರ್‍ಹಾತ್ಯಾತ್. ಹೆ ಸರ್ವೆಸ್ಪರ್ ದೆವಾಚಿ ಗೊಸ್ಟ್. 16 ತೆನಿ ಮಾಜ್ಯಾ ಪವಿತ್ರ್ ಗುಡಿಕ್ ಭುತ್ತುರ್ ಜಾವ್ನ್, ಮಾಜಿ ಸೆವಾ ಕರುಕ್ ಮನುನ್ ಮೆಜಾಕ್ಡೆ ಜಾವ್ನ್, ಮಾಜ್ಯಾ ಗುಡಿಚೆ ಅಧಿಕಾರಾಚೆ ಕಾಮ್ ವಯ್ಸುನ್ ಘೆತಾತ್. 17 ತೆನಿ ಭುತ್ತುರ್ಲ್ಯಾ ಭಾಗಾಚ್ಯಾ ದಾರಾಕ್ನಿ ಯೆತಾನಾ ಕಿಮ್ತಿಚೆ ಕಪ್ಡೆ ನೆಸುಚೆ, ಭುರ್ತುಲ್ಯಾ ಭಾಗಾಚ್ಯಾ ದಾರಾತ್ನಿಬಿ ದೆವಾಚ್ಯಾ ಗುಡಿತ್ಬಿ ಸೆವಾ ಕರಿತ್ ರ್‍ಹಾತಾನಾ, ಖಲೆ ಕಾಪ್ಸಾಚೆ ಕಪ್ಡೆಬಿ ತೆಂಚ್ಯಾ ವರ್‍ತಿ ರ್‍ಹಾವ್ಚೆ ನ್ಹಯ್. 18 ತೆನಿ ಟಕ್ಲ್ಯಾಕ್ ಕಿಮ್ತಿಚಿ ಪಾವ್ಡ್ ಅನಿ ಕಂಬ್ರೆಕ್ ಕಿಮ್ತಿಚಿ ಭುತ್ತುರ್ಲೆ ನೆಸಾನ್ ಘಾಲುನ್ ಘೆವ್ನ್ ರಾಂವ್ದಿತ್, ಘಾಮ್ ಯೆತಲೆ ಖಲೆಬಿ ಕಪ್ಡೆ ನೆಸುಚೆ ನ್ಹಯ್. 19 ತೆನಿ ಭಾಯ್ಲ್ಯಾ ಭಾಗಾಚ್ಯಾ ಮಟ್ಲ್ಯಾರ್, ಥೈತ್ಯಾ ಲೊಕಾಚ್ಯಾ ಜಗ್ಗೊಳ್ ಜಾತಾನಾ, ತೆಂಚಿ ಸುಟ್ಕಾ ದಿತಲೆ ಯಾಜಕಾಚೆ ಕಪ್ಡೆ ತೆಂಕಾ ಲಾವ್ನ್ ತೆಂಕಾ ಪರಿಶುದ್ದ್ ಹೊಯ್ನಾ ಸಾರ್ಕೆ ಕರಿನಾ ಸಾರ್ಕೆ. ಖೊಲಿಯಾತ್ನಿ ಥವ್ ದುಸ್ರಿ ಕಪ್ಡೆ ನೆಸುನ್ ಘೆವುಂದಿತ್. 20 ತೆನಿ ಕೆಸಾ ಕಾಡುನ್ ತಾಸ್ಕಿ ಕರುನ್ ಘೆವ್ಚೆ ನ್ಹಯ್, ಕೆಸಾ ವಾಡ್ವು ನ್ಹಯ್, ಕಾತ್ರುನ್ ಘೆವ್ನ್ ರ್‍ಹಾವ್ಚೆ. 21 ಭುತ್ತುರ್ಲೊ ಭಾಗಾಕ್ ಜಾತಾನಾ, ಖಲೊ ಯಾಜಕ್ಬಿ ಖಡಕ್ ದರಾಕ್ಷಾಚೊ ರಸ್ ಫಿವ್ಚೆ ನ್ಹಯ್. 22 ಯಾಜಕಾ ಘವ್ ಮರಲ್ಲಿ ಹೊವ್ನಂದಿತ್ ಘವ್ ಸೊಡಲ್ಲಿ ಹೊವ್ನ ದಿತ್ ನಗಿನ್ ಹೊವ್ಚೆ ನ್ಹಯ್, ಖರೆ, ಇಜ್ರಾಯೆಲ್ ಪಿಳ್ಗಿಚಿ ಚೆಡು ಹೊವ್ನಂದಿತ್, ಯಾಜಕಾಂಚ್ಯಾ ಘವ್ ಮರಲ್ಯಾ ಬಾಯ್ಕೊ ಮಾನ್ಸಿಕ್ ಹೊವುಂದಿತ್ ನಗಿನ್ ಕರುನ್ ಘೆವುಂದಿತ್. 23 ತೆನಿ ಮಾಜ್ಯಾ ಲೊಕಾಕ್ನಿ ಪವಿತ್ರ್ ಹೊಲ್ಲೆಬಿ ಅನಿ ಅಪವಿತ್ರ್ ಹೊಲ್ಲೆಬಿ ಹೊತ್ತಿ ವ್ಯತ್ಯಾಸ್ ಸಾಂಗ್, ತೆಂಕಾ ಶುದ್ದ್ ಅನಿ ಅಶುದ್ದಾಚೆ ಭೆದ್ ಕಳ್ವಾ. 24 ವಾದ್ ಹೊತಾನಾ ತೆ ತಿರ್ಸುಕ್ ಇಬೆ ರ್‍ಹಾವ್ನ್, ಮಾಜಿ ನ್ಯಾಯ್ ನಿಯಮಾಕ್ನಿ ತೆಚ್ಯಾ ಸಾರ್ಕೆ ತಿರ್ಸುಚೆ; ಮಿಯಾ ತಯಾರ್ ಕರಲ್ಯಾ ಸನಾಕ್ನಿ ಮಾಜ್ಯಾ ನಿಯಮಾಕ್ನಿ ಮಾನುನ್ ಘೆವ್ನ್ ಚಲುನ್ ಮಾಜ್ಯಾ ಸಬ್ಬತಾ ದಿಸಾ ಪವಿತ್ರ್ ಮನುನ್ ಆಚರನ್ ಕರುಚೆ ಮನುನ್ ಬಗುನ್ ಘೆವಾ. 25 ಮರಲ್ಯಾಂಚೆ ಮ್ಹಡಿಯಾ ಜಗ್ಗೊಳ್ ಜಾವ್ನ್ ಅಪ್ನಾಕುಚ್ ಅಶುದ್ದ್ ಕರುನ್ ಘೆವ್ನ್ ನ್ಹಯ್. ಹೊಲ್ಯಾರ್ ಮರಲ್ಲೊ ಬಾಬಾ, ಬಾಯ್, ಲೆಕ್, ಲೆಕಿ, ಬಾರಿಕ್ಲೊ ಭಾವ್, ಲಗಿನ್ ಹೊಯ್ ನಸಲ್ಲಿ ಭೆನ್ ಹೆಂಚ್ಯಾ ಸಾಟ್ನಿ ಎಕ್ಲೊ ಅಪ್ನಾಕುಚ್ ಅಶುದ್ದ್ ಕರುನ್ ಘೆಟ್ಲ್ಯಾರ್ ಹೊತಾ. 26 ತಸ್ಲ್ಯಾಕ್ ಶುದ್ದ್ ಹೊಲ್ಯಾರ್ಬಿ ಸಾತ್ ದಿಸಾ ಎಗ್ಳೆ ಥವ್ಚೆ. 27 ತೊ ಸೆವಾ ಕರುಕ್ ಪವಿತ್ರ್ ಗುಡಿಕ್ ಜಾವ್ನ್ ಭುತ್ತುರ್ಲ್ಯಾ ಭಾಗಾಕ್ ಯೆತಲ್ಯಾ ದಿಸಿ ತೆಚ್ಯಾ ದೊಶ್ ಪರಿಹಾರಾಕ್ ಮನುನ್ ಬಲಿ ಭೆಟ್ವುಚೆ. ಹೆ ಸರ್ವೆಸ್ಪರ್ ದೆವಾಚೆ ಬೊಲ್ನೆ ಹೊವ್ನ್ ಹಾಯ್. 28 ಯಾಜಾಕಾಕ್ನಿ ಹೊತ್ತೆ ಎಕುಚ್ ಬದಿಕ್ ಕಾಯ್ ಮಟ್ಲ್ಯಾರ್, ಮಿಯಾಚ್ ತೆಂಕಾ ಆಸ್ತಿ, ಇಜ್ರಾಯೆಲಾತ್ ತೆಂಕಾ ಖಲಿಬಿ ಆಸ್ತಿ ದಿವ್ ನ್ಹಯ್, ಮಿಯಾಚ್ ತೆಂಕಾ ಆಸ್ತಿ. 29 ತೆನಿ ಧ್ಯಾನ್ ಬಲಿಯಾ ದೊಶ್ ಪರಿಹಾರ್ ಕರ್ತಲಿ ಬಲಿಚಿ ತೆಲಾ ಸಾರ್ಕೆ, ಪಶ್ಚಾತಾಪಾಚಿ ಬಲಿಚಿ ತೆಲಾ ಸಾರ್ಕೆ, ಅನ್ಬೊಗ್ ಕರುನ್ ದಿತ್, ಸರ್ವೆಸ್ಪರಾಚಿಚ್ ರ್‍ಹಾವ್ಚೆ ಮನುನ್ ಇಜ್ರಾಯೆಲಾ ಮಾಗುನ್ ಘೆಟಲ್ಲೆ ಸಗ್ಳೆ ತೆಂಕಾ ದಿವ್ಚೆ. 30 ಸಗ್ಳ್ಯಾ ಪಯ್ಲೆಚ್ಯಾ ಫಳಾತ್ನಿ ಬರೆ ಹೊಲ್ಲೆ ಅನಿ ತುಮಿ ಮಾಕಾ ಮನುನ್ ದುಸ್ರೆ ದಿವ್ಚೆ ಮನುನ್ ಕರಲ್ಯಾತ್ಲೆ ಸಗ್ಳೆ ವಸ್ತಾ ತೆಂಚಿ ಹೊವ್ನ್ ರ್‍ಹಾವ್ಚೆ, ತುಮ್ಚ್ಯಾ ಘರಾಚ್ಯಾ ಆರ್ಶಿವಾದಾಕ್ ಘಟ್ ರ್‍ಹಾವ್ಚೆ ಮನುನ್ ತುಮಿ ಪಯ್ಲೆಚೆ ಪಿಟ್ಟ್ ಯಾಜಕಾಕ್ನಿ ದಿವ್ಚೆ. 31 ಯಾಜಕಾನಿ ಅಪ್ನಾಕ್ ಮನುನ್ ಮರುನ್ ಪಡಲ್ಲ್ಯಾ ನಾತರ್ ಡಂಗ್ಳಿತ್ಲ್ಯಾ ಜನಾವರಾಚ್ಯಾಕ್ನಾ ಜಿವ್ ಕಾಡಲ್ಯಾ ಫಾಂಕ್ರಾಕ್ನಿ ಹೊಂವ್ದಿತ್ ಜನಾವರ್ ಹೊಂವ್ದಿತ್ ಖಾವ್ ನ್ಹಯ್.