1 ಮಾನಾ ತೊ ಘವ್ಮಾನ್ಸಾನ್ ದಿಸ್ ಉಗವ್ತಲ್ಯಾ ದಿಕ್ಕಾಚ್ಯಾ ದಾರಾಕ್ಡೆ ಬಲ್ವುನ್ ಹಾಲ್ಲ್ಯಾನ್. 2 ತನ್ನಾ ಅಬಕ್, ಇಜ್ರಾಯೆಲಾಂಚ್ಯಾ ದೆವಾಚಿ ಮಹಿಮಾ ದಿಸ್, ಉಗಾವ್ತಲ್ಯಾ ದಿಕ್ಕಾಚ್ಯಾ ವಾಟೆನ್ ಯೆಲೊ, ತೆಂಚೊ ಆವಾಜ್ ಪಾನಿಯಾಚ್ಯಾ ಹಂವಾರ್ಯಾಂಚ್ಯಾ ಸಾರ್ಕೊ ಧನ್ ಸಾರ್ಕೆ ಹೊತ್ತೆ. 3 ಮಿಯಾ ಬಗಟಲ್ಲ್ಯಾ ದರ್ಶನಾತ್, ಮಿಯಾ ಶಾರ್ ನಾಶ್ ಕರುಕ್ ಎಲ್ಲ್ಯಾ ತನ್ನಾ, ಕಸ್ಲೆ ಬಗಟಲ್ಲೊ ನ್ಹಯ್ ತಸ್ಲೆಚ್ ಬಗಟ್ಲೊ, ಕೆಬಾರ್ ನ್ಹಯ್ಚ್ಯಾ ಜಗ್ಗೊಳ್ ಹೊಲ್ಲ್ಯಾ ದರ್ಶನಾಚ್ಯಾ ಸಾರ್ಕೆ ಅತ್ತಾಬಿ ಮಾಕಾ ಹೊಲೆ, ತನ್ನಾ ಮಿಯಾ ಡಬ್ಬ್ ಪಡ್ಲೊ. 4 ತನ್ನಾ ಸರ್ವೆಸ್ಪರಾಚಿ ಮಹಿಮಾ ದಿಸ್ ಉಗವ್ತಲ್ಯಾ ದಿಕ್ಕಾಚ್ಯಾ ವಾಟೆನ್ ಗುಸುನ್ ದೆವಾಚ್ಯಾ ಗುಡಿತ್ ಗೆಲೊ. 5 ದೆವಾಚ್ಯಾ ಆತ್ಮ್ಯಾನ್ ಮಾಕಾ ಉಕ್ಲುನ್ ಘೆವ್ನ್ ಭುತ್ತುರ್ಲ್ಯಾ ಜಾಗ್ಯಾರ್ ಹಾಲ್ಲ್ಯಾನ್. ತನ್ನಾ ಕಾಯ್ ಅಜಾಪ್! ಸರ್ವೆಸ್ಪರಾಚಿ ಮಹಿಮಾ ದೆವಾಚ್ಯಾ ಗುಡಿತ್ ಸಗ್ಳೊ ಭರುನ್ ಹೊತ್ತೊ. 6 ತನ್ನಾ ದೆವಾಚ್ಯಾ ಗುಡಿತ್ನಾ ತೆಚೊ ಬೊಲ್ತಲೊ ಆವಾಜ್ ಮಾಜ್ಯಾ ಕಾನಾತ್ ಪಡ್ಲೆ; ತೊ ಘೊಮಾನುಸ್ ಮಾಜ್ಯಾ ಭಾಜುಕುಚ್ ಇಬೆ ಹೊತ್ತೊ. 7 ಸಾಂಗ್ತಲ್ಯಾನ್ ಮಾಕಾ ಅಸಿ ಸಾಂಗಟ್ಲ್ಯಾನ್; ನರ್ ಮಾನ್ಸಾ, ಹೆ ಮಾಜೆ ಸಿಂಯಾಸನಾಚೊ ಜಾಗೊ, ಮಾಜೊ ಪಾಂಯ್ ಥವ್ತಲೊ ಮೆಜ್, ಹಿತ್ತೆ ಮಿಯಾ ಇಜ್ರಾಯೆಲಾಂಚ್ಯಾ ವಾಂಗ್ಡಾ ಕನ್ನಾಬಿ ವಸ್ತಿ ರ್‍ಹಾತಾ. ಇಜ್ರಾಯೆಲಾಂಚಿ ಪಿಳ್ಗಿ ಹೊಂವ್ದಿತ್, ತೆಂಚಿ ರಾಜಾ ಹೊಂವ್ದಿತ್, ಅಪ್ನಾಚ್ಯಾ ದೆವಾಕ್ ದ್ರೊಹ್ ಕರುನ್ ಹಾಳ್ ಹೊವ್ನ್ ಗೆಲ್ಲ್ಯಾ ರಾಜಾಂಚ್ಯಾ ಮ್ಹಡ್ಯಾನಿ ಮಾಜೆ ಪವಿತ್ರ್ ನಾವ್ ಅಪವಿತ್ರ್ ಕರಿನಾ. 8 ಮಾಕಾ ಹೊಂಬ್ಡ್ಯಾಚ್ಯಾ ಭಾಜುಕ್ ಅಪ್ನಾಚ್ಯಾ ಹೊಂಬ್ಡ್ಯಾಕ್ನಿ ಘಾಲುನ್ ಘೆವ್ನ್, ತೆಂಚ್ಯಾ ಘರಾಕ್ಬಿ, ಅಪ್ನಾಚ್ಯಾ ಘಾರ್ಬಿ ಎಕುಚ್ ಭಿತ್ತಿ ಹೊಯ್ ಸಾರ್ಕೆ ಕರುನ್ ಘೆತಲ್ಯಾ ಸಾಟ್ನಿ, ಅಜುನ್ ಮಾಜೊ ಪವಿತ್ರ್ ನಾವಾಕ್ ಅಶುದ್ದ್ ಕರಿನಾತ್. ಹೊಯ್, ಪಾಟಿ ತೆನಿ ಕರಲ್ಲ್ಯಾ ದುಶ್ಟ್ ಕಾಮಾಂಚ್ಯಾ ವಯ್ನಾ ಮಾಜೆ ಪವಿತ್ರ್ ನಾವ್ ಅಪಡ್ ಸಿಪ್ಪಡ್ ಕರಲ್ಯಾನಿ. ತೆಚ್ಯಾ ವಯ್ನಾ ಮಿಯಾ ರಾಗ್ ಎವ್ನ್ ತೆಂಕಾ ನಾಶ್ ಕರ್ಲೊ. 9 ಅತ್ತಾ ತರ್ ಅಪ್ನಾಚೆ ದೆವಾಕ್ ದ್ರೊಹ್ ಕರಲ್ಲೊ ಅನಿ ರಾಜಾಂಚಿ ಮ್ಹಡಿಯಾ ಮಾಕಾ ದುರ್ ಕರುಂದಿತ್, ತನ್ನಾ ಮಿಯಾ ತೆಂಚ್ಯಾ ಮದ್ದಿ ಸದಾ ವಸ್ತಿ ಕರ್ತಾ.

10 ನರ್ ಮಾನ್ಸಾ, ಇಜ್ರಾಯೆಲ್ ಪಿಳ್ಗಿಚೆ ತೆಂಚ್ಯಾ ಪಾಪಾಚ್ಯಾ ವಯ್ನಾ ಮರ್ಯಾದ್ ದಿಸಿ ಸಾರ್ಕೆ ದೆವಾಚಿ ಗುಡಿ ತೆಂಕಾ ದಾಕ್ವು, ತೆನಿ ತೆ ಮಾಪುಂದಿತ್. 11 ತೆನಿ ಕರಲ್ಲ್ಯಾ ಬುರ್ಸ್ಯಾಕಾಮಾ ಕರಲ್ಲೆ ಸಗ್ಳೆ ಮರ್ಯಾದ್ ಕರುನ್ ಘೆಟ್ಲ್ಯಾನಿ. ತಿಯಾ ದೆವಾಚ್ಯಾ ಗುಡಿಚೆ ರುಪ್, ತೆಚೆ ಪರಿಸ್ಥಿತಿ ಅನಿ ಯೆನೆ ಅನಿ ಜಾನ್ತ್ಯಾನಿ ನಿಯಮಾ ಸಗ್ಳಿ ರಚಲ್ಲಿ ಪದ್ದತ್, ಸಗ್ಳಿ ವಿದಿಯಾ ಸಗ್ಳೆ ಭಾಂದ್ ಕಾಮಾಚಿ ರಿತಾ, ಸಗ್ಳಿ ಹುಕುಮಾ ಹೆ ಸಗ್ಳೆ ತೆಂಕಾ ಸಾಂಗ್, ತೆನಿ ತೆಚ್ಯಾ ಪುರಾ ಕಾಮಾ ವಿದಿಯಾ ಪಾಳುನ್ಗೆವ್ನ್ ಚಲುಚೆ ಮನುನ್ ತೆಂಚ್ಯಾ ಡೊಳ್ಯಾಂಚ್ಯಾ ಇದ್ರಾಕ್ ಲಿವ್. 12 ಹೆಚ್ ದೆವಾಚ್ಯಾ ಗುಡಿಚಿ ನಿಯಮ್, ಮಡ್ಡಿಚ್ಯಾ ವರ್‍ತಿ ಹೊತ್ತ್ಯಾ ತೆಚ್ಯಾ ಜಾತಲೆ ಭೊತ್ಯಾನಿ ಲೈ ಪವಿತ್ರ್ ಹೊವ್ನ್ ರ್‍ಹಾವ್ಚೆ, ಅಬಕ್, ದೆವಾಚ್ಯಾ ಗುಡಿಚಿ ನಿಯಮ್ ಹಿಚ್.

13 ಬಲಿ ಭೆಟ್ವುತಲಿ ಅಲ್ತಾರಿಚೆ ಮಾಪ್ ಅಸಿ ರ್‍ಹಾವ್ಚೆ, ಖಾಯ್ಲ್ಯಾ ಭಾಗಾಚೆ ಉಪ್ಪರ್ ಅರ್ದ್ಯಾ ಹಾತಿ ವರ್‍ತಿ ಚಾರ್ ಬೊಟಾ, ಖಾಯ್ಲ್ಯಾ ಭಾಗಾಚೆ ಉಪ್ಪರ್ ಎಕ್ ಗೆನ್ ಹಾತ್, ವಯ್ಲ್ಯಾ ತುದಿಚಿ ರುಂದಿ ಭೊತ್ಯಾನಿ ದೊನ್ ಹಾತ್ ಭಾಜುಚ್ಯಾ ಮುಲ್ಲ್ಯಾಚಿ ರುಂದಿ ಭೊತ್ಯಾನಿ ದೊನ್ ಹಾತ್, ದಿಂಡೆಚಿ ರುಂದಿ ಎಕ್ ಹೆನ್ನ್; ಹೆಚ್ ಬಲಿಚೆ ಮೆಜ್. 14 ಜಿಮ್ನಿಚ್ಯಾ ವರ್‍ತಿ ಮಟ್ಲ್ಯಾರ್ ಖಾಯ್ಲ್ಯಾ ಮ್ಹಾಳ್ಗಿ ಉಪ್ಪರ್ ಎಕ್ ಹಾತ್, ತೆಚ್ಯಾ ವಯ್ಲ್ಯಾ ಮುದ್ದ್ಯಾಚೊ ರುಂದಿ ಅರ್ದೊ ಹಾತ್; ತ್ಯಾ ಬಾರಿಕ್ಲ್ಯಾ ಮ್ಹಾಳ್ಗಿ ವರ್‍ತಿ ಮೊಟ್ಟ್ಯಾ ಮ್ಹಾಳ್ಗಿಚೆ ಉಪ್ಪರ್ ದೊನ್ ಹಾತ್ ವಯ್ಲ್ಯಾ ಮುಲ್ಲ್ಯಾಚಿ ರುಂದಿ ಅರ್ದೊ ಹಾತ್. 15 ಹೊಮ್ ಬಲಿಚೊ ಕಟ್ಟೊ ಮ್ಹಾಳ್ಗಿ ಉಪ್ಪರ್ ಚಾರ್ ಹಾತ್; ತ್ಯಾ ಅಲ್ತಾರಿಚ್ಯಾ ವಯ್ಲ್ಯಾ ಭಾಜುನ್ ಚಾರ್ ಶಿಂಗಾ ರ್‍ಹಾವ್ಚೆ. 16 ಬಲಿ ಭೆಟ್ವುತಲೊ ಜಾಗೊ ಸಾ ಹಾತ್ ಲಾಂಬಿ, ಸಾ ಹಾತ್ ರುಂದಿ ಚವ್ಕ್ ಚವ್ಕ್ ಹೊವ್ನ್ ರ್‍ಹಾವ್ಚೆ. 17 ಮೊಟ್ಟೊ ಮ್ಹಾಳ್ಗಿಚ್ಯಾ ಸಾತ್ ಹಾತ್ ಲಾಂಬಿಕ್ ಸಾತ್ ಹಾತ್ ರುಂದಿಕ್, ಚಾರಿ ಭಾಜುನ್ಬಿ ಸಮಾ ಹೊವ್ನ್ ರ್‍ಹಾವ್ಕ್ ಪಾಜೆ, ಭೊತ್ಯಾನಿ ದಿಂಡೆಚ್ಯಾ ರುಂದಿಕ್ ಅರ್ದೊ ಹಿತ್ತ್, ಖಾಯ್ಲ್ಯಾ ಭಾಗಾಚೊ ಭೊತ್ಯಾನಿ ಹೊತ್ತ್ಯಾ ಮುಲ್ಲ್ಯಾಚೊ ರುಂದಿಕ್ ದೊನ್ ಹಾತ್ ಹೊವ್ನ್ ರ್‍ಹಾವ್ಚೆ, ತೆಚಿ ಪಯ್ರಿಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ ತೊಂಡ್ ಕರುನ್ ರ್‍ಹಾವ್ಚೆ.

18 ತನ್ನಾ ತ್ಯಾ ಘವ್ಮಾನ್ಸಾನ್ ಮಾಕಾ ಅಸಿ ಸಾಂಗ್ಲ್ಯಾನ್, ನರ್ ಮಾನ್ಸಾ ಸರ್ವೆಸ್ಪರ್ ದೆವ್ ಅಸೆ ಮನ್ತಾ, ಸಗ್ಳ್ಯಾ ಆಂಗಾಚ್ಯಾ ಜಾಳ್ವುತಲ್ಯಾ ಬಲಿಕ್ ರಗಾತ್ ಸಿಪಡ್ತಲ್ಯಾ ಪದ್ದತಿಕ್ ಬಲಿ ಭೆಟ್ವುತಲಿ ಅಲ್ತಾರ್ ನಿತಳ್ ಕರ್ತಾನಾ, ಹಿ ಪದ್ದತ್ ಪಾಳುಕ್ ಪಾಜೆ. 19 ಲೆವಿಯಾ ಚಾದೊಕಾಚ್ಯಾ ಪಿಳ್ಗಿಚೆ, ಮಾಜ್ಯಾ ಇದ್ರಾಕ್ ಸೆವಾ ಕರ್‍ತಲೆ ಹೊಲ್ಲ್ಯಾ ಯಾಜಕಾಕ್ನಿ ತಿಯಾ ಎಕ್ ಪಾಡೊ ದೊಶ್ ಪರಿಹಾರಾಕ್ ಬಲಿಕ್ ಮನುನ್ ದಿವ್ಚೆ, ಹೆ ಸರ್ವೆಸ್ಪರಾಚಿ ಗೊಸ್ಟ್. 20 ಮಾನಾ ತೆಚ್ಯಾ ರಗ್ತಾತ್ ಉಲ್ಲೆಸೆ ಕಾಡುನ್ ಘೆವ್ನ್, ಬಲಿ ಭೆಟ್ವುತಲ್ಯಾ ಚಾರಿ ಶಿಂಗಾಕ್ನಿ, ಮೊಟ್ಟ್ಯಾ ಮ್ಹಾಳ್ಗಿಚ್ಯಾ ಚಾರಿ ಮುಲ್ಲ್ಯಾಕ್ನಿ, ಭೊತ್ಯಾಚ್ಯಾ ದಿಂಡಾಕ್ಬಿ ಲಾವ್. ಅನಿ ಬಲಿ ಭೆಟ್ವುತ್ತಲ್ಯಾ ಜಾಗ್ಯಾಚೊ ದೊಶ್ ಪರಿಹಾರ್ ಕರುನ್ ತೆ ಶುದ್ದ್ ಕರ್. 21 ಚುಕೆಚಿ ಬಲಿ ಸಾಟ್ನಿ ಕಾಡುನ್ ಥವಲ್ಲ್ಯಾ ಪಾಡ್ಯಾಕ್ ಬಲಿ ಭೆಟ್ವಲ್ಲ್ಯಾ ನೆಮಸಲ್ಲೊ, ತನ್ನಾ ಪವಿತ್ರ್ ದೆವಾಚ್ಯಾ ಗುಡಿಚ್ಯಾ ಬಾರ್ಯ್, ದೆವಾಚ್ಯಾ ಗುಡಿಕ್ ತೆಕಾ ಸಮಂದ್ ಪಡುನ್ ಗೊತ್ತ್ ಹೊತ್ತ್ಯಾ ಜಾಗ್ಯಾರ್ ತೆ ಜಾಳುಚೆ. 22 ದೊನ್ವೆಚ್ಯಾ ದಿಸಿ, ದೊಶ್ ನಸಲ್ಲೊ ಬೊಕ್ಡು ಬಲಿ ಭೆಟ್ವು; ಬಯ್ಲಾಕ್ನಾ ಅಲ್ತಾರಿಕ್ ಶುದ್ದ್ ಕರಲ್ಯಾ ಸಾರ್ಕೆ ಬೊಕ್ಡು ಶುದ್ದ್ ಕರುಚೆ. 23 ತಿಯಾ ಅಲ್ತರಿಚೆ ಶುದ್ದಿಕರನಾಚೆ ಕಾಮ್ ಸರಲ್ಲ್ಯಾ ಮಾನಾ ದೊಶ್ ನಸಲ್ಲ್ಯಾ ಪಾಡೊ ಹಿಂಡಾತ್ನಾ ಹಾನುನ್ ದೊಶ್ ನಸಲ್ಲ್ಯಾ ಸಗ್ಳೊ ಅಂಗ್ ಸಮಾ ಹೊತ್ತ್ಯಾ ಟಗ್ರಾಕ್ ಭೆಟ್ವುಚೆ. 24 ತಿಯಾ ತೆ ಸಗ್ಳೆ ಸರ್ವೆಸ್ಪರಾಕ್ ಭೆಟ್ವುಲ್ಲ್ಯಾ ತನ್ನಾ ಯಾಜಕಾನಿ ತೆಂಚ್ಯಾ ವರ್‍ತಿ ಮಿಟ್ಟ್ ಫಾಪ್ಡುನ್ ಸರ್ವೆಸ್ಪರಾಕ್ ಜಾಳ್ವುತಲಿ ಬಲಿ ದಿವ್ಚೆ. 25 ಸಾತ್ ದಿಸಾಬಿ ತಿಯಾ ಸದ್ದಾಬಿ ದೊಶ್ ಪರಿಹಾರಾಕ್ ಮನುನ್ ಎಕೆಕ್ ಶೆಳಿಕ್ ಭೆಟ್ವುಚೆ, ಯಾಜಕಾಬಿ ದೊಶ್ ನಸಲ್ಲ್ಯಾ ಬಯ್ಲಾಕ್ ಹಿಂಡಾತ್ನಾ ಹಾನುನ್ ಅನಿ ದೊಶ್ ನಸಲ್ಲ್ಯಾ ಟಗ್ರಾಕ್ಬಿ ಭೆಟ್ವುಚೆ. 26 ಅಸಿಚ್ ಸಾತ್ ದಿಸಾ ಅಲ್ತರಿಚೆ ದೊಶ್ ಪರಿಹಾರ್ ಕರುನ್ಗೆತ್ ತೆ ಶುದ್ದ್ ಕರುನ್ ಮಾನ್ ದಿವ್ಚೆ. 27 ಸಾತ್ ದಿಸಾಚಿ ಕಾಮಾ ಸರಲ್ಯಾ ಮಾನಾ, ಆಟ್ವೆಚ್ಯಾ ದಿಸಿಬಿ ಇದ್ರಾಕ್ ಯಾಜಕಾ ಅಲ್ತಾರಿಚ್ಯಾ ವರ್‍ತಿ ತುಮ್ಚ್ಯಾ ಸಾಟ್ನಿ ಮನುನ್ ಸಗ್ಳಿ ಅಂಗ್ ಬಲಿಯಾ ಶಾಂತಿ ಸಮಾಧಾನಾಚಿ ಬಲಿಯಾ ಭೆಟ್ವುಚೆ, ತನ್ನಾ ಮಿಯಾ ತುಮ್ಕಾ ಸ್ವಿಕಾರ್ ಕರ್ತಾ, ಹೆ ಸರ್ವೆಸ್ಪರ್ ದೆವಾಚೆ ಬೊಲ್ನೆ ಹೊವ್ನ್ ಹಾಯ್.