1 ಮಾಕಾ ಸರ್ವೆಸ್ಪರಾನ್ ಅನಿ ಎಗ್ದಾ ಬೊಲ್ಲ್ಯಾನ್, 2 ನರ್ ಮಾನ್ಸಾ, ತಿಯಾ ಹಿ ದೆವಾಚಿ ಗೊಸ್ಟ್ ಪರ್‍ವಾದನ್ ಕರುನ್ ಸಾಂಗ್, ಸರ್ವೆಸ್ಪರ್ ದೆವ್ ಅಸೊ ಮನ್ತಾ, ಅಯ್ಯೊ ಬುರ್ಶಿ ದಿಸಾ ಮನುನ್ ಬೊಬ್ ಮಾರಾ! 3 ತೊ ದಿಸ್ ಜಗ್ಗೊಳ್ ಯೆಲೊ, ಹೊಯ್ ತೊ ಸರ್ವೆಸ್ಪರಾಚೊ ದಿಸ್, ಕಾಳ್ಕಾಚ್ಯಾ ಮೊಡಾಚೊ ದಿಸ್ ಜಗ್ಗೊಳ್ ಯೆಲೊ, ತೊ ಸಗ್ಳ್ಯಾ ಲೊಕಾಕ್ನಿ ಝಡ್ತಿ ಕರ್ತಲೊ ಎಳ್. 4 ಇಜಿಪ್ತಾಚ್ಯಾ ವರ್‍ತಿ ತಲ್ವಾರ್ ಪಡ್ತಾ, ಥೈತ್ಲಿ ಲೊಕಾ ಮ್ಹರ್ತಾನಾ ಕುಶಾತ್ಬಿ ತರಾಸ್ ಯೆತಾ, ಇಜಿಪ್ತಾಚ್ಯಾ ಹಾಜಾರ್ ಘಟ್ಲ್ಯಾ ಲೊಕಾಕ್ನಿ ನೆವ್ನ್ ಹೊತಾ, ತೆಚಿ ಪಾಯಾ ಹಾಳ್ ಹೊತಾತ್. 5 ಕುಶ್ಯಾ, ಪುಟ್ಯಾ, ಲುದ್, ಅರಬ್ಬಿ, ಮನ್ತಲಿ ನಾನಾ ನಮುನ್ಯಾಚಿ ದುಶ್ರ್ಯಾ ದೆಶ್ಯಾಚಿ ಲೊಕಾ ಕುಬ್ಯಾಚಿ ಲೊಕಾ, ಕರಾರ್ ಕರುನ್ಗೆಟಲ್ಲಿ ಸ್ವತಾಚಿ ಲೊಕಾ, ಹೆನಿ ಸಗ್ಳ್ಯಾನಿ ಇಜಿಪ್ತಾಚ್ಯಾ ಲೊಕಾಂಚ್ಯಾ ವಾಂಗ್ಡಾ ತಲ್ವಾರಾನಿ ಮರ್ತಾತ್. 6 ಸರ್ವೆಸ್ಪರ್ ಅಸೊ ಮನ್ತಾ, ಇಜಿಪ್ತಾಕ್ ಆಧಾರ್ ಹೊಲ್ಲೆ ಪಡ್ತಾತ್, ತೆಚಿ ಬಳ್ ಉತ್ರುನ್ ಜಾತಾ, ಥೈತ್ಲಿ ಲೊಕಾ ಮಿಗ್ದೆಲಿಕ್ನಾ ಸೆವೆನೆಚ್ಯಾ ಪತರ್ ತಲ್ವಾರ್ ಮಾರುನ್ ಹೊತಾತ್, ಹಿ ಸರ್ವೆಸ್ಪರಾಚೆ ಬೊಲ್ನೆ ಹೊವ್ನ್ ಹಾಯ್. 7 ನಾಶ್ ಹೊಲ್ಲ್ಯಾ ದೆಶ್ಯಾಚ್ಯಾ ವಾಂಗ್ಡಾ ತೊ ದೆಶ್ ನಾಶ್ ಹೊತಾ, ಹಾಳ್ ಪಡಲ್ಲ್ಯಾ ಶಾರಾಂಚ್ಯಾ ವಾಂಗ್ಡಾ ತೆಚಿ ಶಾರಾಬಿ ಪಾಡ್ ಪಡ್ತಾತ್. 8 ಮಿಯಾ ಇಜಿಪ್ತಾಕ್ ಆಗ್ ಲಾವ್ನ್ ತೆಜ್ಯಾ ಸಗ್ಳ್ಯಾ ಮಜ್ಜತ್ ಕಾರಾಕ್ನಿ ನಾಶ್ ಕರ್ಲ್ಯಾ ಮಾನಾ, ಮಿಯಾಚ್ ಸರ್ವೆಸ್ಪರ್ ಮನುನ್ ತೆಂಕಾ ಕಳ್ತಾ. 9 ತ್ಯಾ ದಿಸಾತ್ನಿ ಮಾಜ್ಯಾ ಇದ್ರಾಕ್ ಖಬ್ರಿಕಾರ್ ಜಾವ್ನ್ ಢೊನಾತ್ನಿ ಪ್ರಯಾನ್ ಕರುನ್ ಚಿಂತಾನಸಲ್ಲ್ಯಾ ಕುಶ್ಯಾಚ್ಯಾ ಲೊಕಾಕ್ನಿ ಭಿಂವಸ್ತಾತ್, ಇಜಿಪ್ತಾಚ್ಯಾ ನಾಶಾಚ್ಯಾ ದಿಸಾತ್ ಲೊಕಾಕ್ನಿ ಕುಶ್ಯಾಚ್ಯಾ ಲೊಕಾಕ್ನಿ ಸಂಕಟ್ ಯೆತಾ, ಅಬಕ್ ತೊ ದಿಸ್ ಯೆಲೊ. 10 ಸರ್ವೆಸ್ಪರ್ ದೆವ್ ಅಸೊ ಮನ್ತಾ, ಮಿಯಾ ಬಾಬೆಲೊನಾಚೊ ರಾಜಾ ನೆಬುಕದ್ನೆಚರಾಚ್ಯಾ ಹಾತಿತ್ಲ್ಯಾ ಇಜಿಪ್ತಾಚ್ಯಾ ಮೆಜುಕ್ ಹೊಯ್ನಸಲ್ಲ್ಯಾ ತವ್ಡ್ಯಾ ಸಯ್ನಿಕಾಕ್ನಿ ಆಕ್ರಿ ದಾಕ್ವುತಾ. 11 ತ್ಯಾ ದೆಸಾಕ್ ನಾಶ್ ಕರ್ಸುನ್ ತೆಕಾ ಲೈ ಬುರ್ಶಿ ಲೊಕಾ ಹೊಲ್ಲ್ಯಾ ತೆಜ್ಯಾ ಸಯ್ನಿಕಾಂಚ್ಯಾ ವಾಂಗ್ಡಾ ಯೆಯ್ ಸಾರ್ಕೆ ಕರ್ತಾ, ತೊ ಇಜಿಪ್ತಾಚ್ಯಾ ವರ್‍ತಿ ತಲ್ವಾರ್ ಟೊಚುನ್ ಫುರಾ ದೆಶ್ ತಲ್ವಾರಾನ್ ಮರ್‍ನಾಕ್ ಲಾಗುನ್ ಭರಿ ಸಾರ್ಕೆ ಕರ್ತಾ. 12 ಮಿಯಾ ನ್ಹಯ್ಲ್ ನ್ಹಯಿಚೆ ಫಾಟೆ ವಾಳ್ವುನ್ ಫುರಾ ದೆಶ್ ಬುರ್ಸ್ಯಾ ಲೊಕಾಂಚ್ಯಾ ಹಾತಿಕ್ ಇಕ್ತಾ, ಹೊಯ್ ದೆಶ್ ಅನಿ ತ್ಯಾತುರ್‍ಲೆ ಸಗ್ಳೆ ದುಶ್ರ್ಯಾಂಚ್ಯಾ ಹಾತಿನ್ ನಾಶ್ ಕರುನ್ ಟಾಕ್ತಾ, ಹೆ ಸರ್ವೆಸ್ಪರ್ ಹೊಲ್ಲ್ಯಾ ಮಿಯಾಚ್ ಬೊಲ್ಲಾ.

13 ಸರ್ವೆಸ್ಪರ್ ಅಸೊ ಮನ್ತಾ, ಮಿಯಾ ಮೊಂಪಿಶ್ ಶಾರಾಚ್ಯಾ ಮುರ್ತಿಯಾಕ್ನಿ ಸಗ್ಳೆ ಫೊಡುನ್ ಆಕ್ರಿ ದಾಕ್ವುತಾ, ಇಜಿಪ್ತಾತ್ ಅನಿ ಖಲೊ ರಾಜಾಬಿ ರ್‍ಹಾಯ್ನಾ, ಮಿಯಾ ತ್ಯಾ ದೆಸಾಕ್ ಭಿಂಯೆ ಯೆಯ್ ಸಾರ್ಕೆ ಕರ್ತಾ. 14 ಮಿಯಾ ಪತ್ರೊಸಾಕ್ ಹಾಳ್ ಕರುನ್ ಚೊವನಾಕ್ ಆಗ್ ಲಾವ್ನ್, ತೆಬಿಸಾಕ್ ರಾಜಧಾನಿ ಹೊಲ್ಲ್ಯಾ ಶಾರಾಕ್ ಶಿಕ್ಷ್ಯಾ ದಿತಾ. 15 ಇಜಿಪ್ತಾಕ್ ರಾಕ್ವನಿಚೆ ಖಿಲ್ಲೊ ಹೊವ್ನ್ ಹೊತ್ತ್ಯಾ, ಸಿನಿಚ್ಯಾ ವರ್‍ತಿ ಮಾಜೊ ರಾಗ್ ವೊತುನ್, ಮೊಂಪಿಶ್ ಶಾರಾಚ್ಯಾ ಸಗ್ಳ್ಯಾ ಲೊಕಾಕ್ನಿ ಕಾತ್ರುನ್ ಟಾಕ್ತಾ. 16 ಮಿಯಾ ಇಜಿಪ್ತಾಕ್ ಆಗ್ ಲಾವ್ತಾನಾ ಪೆಲುಸಿಮಾಕ್ ಮರ್ನಾಚೊ ಅನ್ಬೊಗ್ ಹೊತಾ, ತೆಬಿಸ್ ಮರ್ಯಾದಿಕ್ ವಾಟೊ ಹೊತಾ, ಮೊಂಪಿಶ್ ಶಾರಾಚ್ಯಾ ವರ್‍ತಿ ಶತ್ರು ದೊಪಾರಾಕುಚ್ ಪಡ್ತಾತ್. 17 ಒನಾಚಿ ಅನಿ ಪಿಬೆಸೆತಿಚಿ ದಾಂಡ್ಗಿ ಮಾನ್ಸಾ ತಲ್ವಾರಿನ್ ಮರ್ನಾತ್, ಥೈತ್ಲಿ ವಸ್ತಿ ರಾತಲಿ ಲೊಕಾ ಬಂಧಿ ಹೊವ್ನ್ ಜಾತಾತ್. 18 ಇಜಿಪ್ತಾನ್ ವಾವಲ್ಲಿ ರಾಜ್ ದಂಡಾ ಮಿಯಾ ತಹಪೆಸಿತ್ ಮೊಡ್ತಾನಾ ಥೈ ದಿಸ್ ಉಗ್ವಿನಾ, ತೆಚಿ ಬಳ್ ಘಮಂಡ್ ನಿಪುನ್ ಜಾತಾ, ಥೈ ಕಾಳೊ ಕಿಟ್ಟ್ ಕಾಳ್ಕಾಚೊ ಮೊಡ್ ತೆಕಾ ಧಾಪ್ತಾ, ತೆಂಚಿ ಚೆಡ್ವಾ ಬಂಧಿ ಕರುನ್ ನ್ಹೆವ್ನ್ ಹೊತಾ. 19 ಅಸೆ ಮಿಯಾ ಇಜಿಪ್ತಾಚ್ಯಾಕ್ನಿ ಶಿಕ್ಷ್ಯಾ ದಿವ್ನ್ ಸಾರ್ತಾನಾ, ಮಿಯಾಚ್ ಸರ್ವೆಸ್ಪರ್ ಮನುನ್ ತೆಂಕಾ ಕಳ್ತಾ.

20 ಜೆಹುಜಾಕಿಮ್ ಬಂಧಿ ಹೊಲ್ಲ್ಯಾ ಆಕ್ರಾವ್ಯಾ ವರ್ಸಾಚ್ಯಾ ಪಯ್ಲೆಚ್ಯಾ ಮ್ಹೈನ್ಯಾಚ್ಯಾ ಸಾತ್ವ್ಯಾ ದಿಸಾತ್ ಸರ್ವೆಸ್ಪರಾನ್ ಮಾಜ್ಯಾಕ್ಡೆ ಬೊಲ್ಲ್ಯಾನ್. 21 ನರ್ ಮಾನ್ಸಾ, ಮಿಯಾ ಇಜಿಪ್ತಾಚೊ ರಾಜಾ ಫಾರೊವಾಚೊ ಹಾತ್ ಮೊಡುನ್ ಟಾಕ್ಲಾ, ಅಬಕ್ ತೆಕಾ ಕೊನ್ಬಿ ಭಾಂದುಕ್ನಾತ್, ವಕಾತ್ ಲಾವ್ಕ್ ನಾತ್, ತೆ ತಲ್ವಾರ್ ಧರಿ ಸಾರ್ಕೆ ತವ್ಡೆ ಬಳಾನ್ ಭರುಕ್ ತೆಕಾ ಕೊನಿಬಿ ಕಪ್ಡೆ ಭಾಂದುನ್ ಘಟ್ ಕರುಕ್ನಾತ್. 22 ಅಸೆ ರ್‍ಹಾತಾನಾ ಸರ್ವೆಸ್ಪರ್ ಅಸೊ ಮನ್ತಾ, ಮಿಯಾ ಇಜಿಪ್ತಾಚೊ ರಾಜಾಫಾರೊವಾಕ್ ವಿರೊದ್ ಹೊವ್ನ್, ತೆಜ್ಯಾ ದೊನಿ ಬಾವ್ಳ್ಯಾಕ್ನಿ ಮಟ್ಲ್ಯಾರ್ ಸಮಾ ಹೊತ್ತ್ಯಾಕ್ ಅನಿ ಮೊಡಲ್ಲ್ಯಾಕ್ ಅನಿಬಿ ಲೈಚ್ ಮೊಡುನ್ ತೆಜ್ಯಾ ಹಾತಾಕ್ನಿ ತಲ್ವಾರಿನ್ ಪಡಿಸಾರ್ಕೆ ಕರ್ತಾ. 23 ಇಜಿಪ್ತಾಚ್ಯಾಕ್ನಿ ಲೊಕಾಕ್ನಿ ಪಗ್ಳುನ್ ದೆಸಾತ್ನಿ ಹುಡ್ವುನ್ ಟಾಕ್ತಾ. 24 ಮಿಯಾ ಬಾಬೆಲಾಚ್ಯಾ ರಾಜಾಚ್ಯಾ ಹಾತಾಕ್ನಿ ಬಳ್ ಹಾನುನ್ ತೆಜ್ಯಾ ಹಾತಿತ್ನಿ ಮಾಜೊ ತಲ್ವಾರ್ ದಿವ್ನ್, ಫಾರೊವಾಚಿ ಹಾತಾ ಮೊಡುಕ್ ಲಾವ್ತಾನಾ, ಘಾವ್ ಹೊವ್ನ್ ಮರ್ನಾಚೊ ತರಾಸ್ ಯೆಲ್ಲ್ಯಾಸಾರ್ಕೆ ಫಾರೊವ್ ತ್ಯಾ ರಾಜ್ಯಾಚ್ಯಾ ಇದ್ರಾಕ್ ನರಳ್ತಾ. 25 ಮಿಯಾ ಬಾಬೆಲಾಚ್ಯಾ ರಾಜಾಚಿ ಹಾತಾ ಬಳಾನ್ ಭರ್ತಾ, ಫಾರೊವಾಚಿ ಹಾತ್ ಲೊಂಬಾತ್ ಪಡ್ತಾತ್, ಮಿಯಾ ಮಾಜೊ ತಲ್ವಾರ್ ಬಾಬೆಲಾಚ್ಯಾ ರಾಜಾಕ್ ದಿತಾನಾ, ತೊ ತ್ಯಾ ತಲ್ವಾರಾಕ್ ಇಜಿಪ್ತಾಚ್ಯಾ ವರ್‍ತಿ ಉಕಲ್ತಾ, ತನ್ನಾ ಮಿಯಾಚ್ ಸರ್ವೆಸ್ಪರ್ ಮನುನ್ ಸಗ್ಳ್ಯಾಕ್ನಿ ಕಳ್ತಾ. 26 ಮಿಯಾ ಇಜಿಪ್ತಾಚ್ಯಾಕ್ನಿ ಲೊಕಾತ್ನಿ ಪಗ್ಳುನ್, ದೆಶ್ಯಾತ್ನಿ ಹುಡ್ವುನ್ ಟಾಕ್ತಾನಾ, ಮಿಯಾಚ್ ಸರ್ವೆಸ್ಪರ್ ಮನುನ್ ತೆಂಕಾ ಕಳ್ವುನ್ ಯೆತಾ.