1 ಸರ್ವೆಸ್ಪರ್ ದೆವಾನ್ ಮಾಕಾ ಸಾಂಗ್ಲ್ಯಾನ್, 2 ಬಾಬಾನಿ ಅಂಬೊಟ್ಲಿ ದ್ರಾಕ್ಷಿ ಖಾಲ್ಯಾನಿ, ಖರೆ ಪೊರಾಕ್ನಿ ದಾತಾ ಸಿಳ್ಳ್ ಹೊಲಿ. ಮನ್ತಲಿ ಸಾಂಗ್ನಿ ತುಮಿ ಇಜ್ರಾಯೆಲ್ ದೆಶಾಚ್ಯಾ ವಿಶಯಾತ್ ಸಾಂಗ್ತ್ಯಾಶಿ ಕಶ್ಯಾಕ್? 3 ಸರ್ವೆಸ್ಪರ್ ಅಸೆ ಮನ್ತಾ ಮಾಜೆ ಜಿವಾಚೆ ಆನ್ ತುಮಿ ಹಿ ಸಾಂಗ್ನಿ ಇಜ್ರಾಯೆಲಾಕ್ ಲೊಕಾಕ್ನಿ ಕನ್ನಾಬಿ ಸಾಂಗುಚೆ ಮನುನ್ ರ್‍ಹಾಯ್ನಾ. 4 ಸಗ್ಳಿ ಜನಾವರಾ ಮಾಜೆಚ್, ಬಾಬಾ ಕಾಯ್ ಪೊರಾ ಕಾಯ್ ಸಗ್ಳಿ ಜನಾವರಾ ಮಾಜ್ಯಾ ತಾಬೆತ್ ಹಾತ್. ಪಾಪ್ ಕರ್ತಲಿ ಜನಾವರ್ ಮರ್ತಾ. 5 ಎಕ್ಲೊ ನಿತಿವಂತ್ ಹೊವ್ನ್ ಸಮಾ ಹೊತ್ತೆ ಕರ್ತಾ ಅನಿ ಬರೆ ಹೊತ್ತೆ ಕರ್ತಾ. 6 ಮಡ್ಡಿಯಾರ್ನಿ ಬಿ ದಿವ್ನ್ ಹುರಲ್ಲಿ ಖಾಯ್ನಾ, ಇಜ್ರಾಯೆಲ್ ಘರಾನ್ಯಾಚ್ಯಾ ಮುರ್ತಿಯಾಕ್ನಿ ನದರ್ ಘಾಲುನ್ ಬಗಿ ನಸ್ತಾನಾ, ಬುರ್ಸ್ಯಾಚ್ಯಾ ಬಾಯ್ಕೊಕ್ ಹಾಳ್ ಕರಿ ನಸ್ತಾನಾ, 7 ಬಾರ್ಯ್ ಹೊಲ್ಲ್ಯಾ ಬಾಯ್ಕೊ ಮನ್ಸಿಕ್ ಮಿಳಿ ನಸ್ತಾನಾ, ಕೊನಾಕ್ ತರಾಸ್ ದಿ ನಸ್ತಾನಾ, ರಿನ್ ಕರಲ್ಯಾಚೆ ಅಡು ಥವಲ್ಲೆ ದಿನಸ್ತಾನಾ, ಕೊನಾಚಿಬಿ ಆಸ್ತಿ ಚೊರುನ್ ಘೆಯ್ ನಸ್ತಾನಾ, ಬುಕ್ ಲಾಗಲ್ಯಾಕ್ ಜೆವಾನ್ ದಿವ್ನ್ ನಾಗ್ಡೆ ಹೊತ್ತ್ಯಾಕ್ನಿ ಕಪ್ಡೆ ದಿವ್ನ್, 8 ರಿನಾಕ್ ಬಡ್ಡಿ ಕಾಡಿ ನಸ್ತಾನಾ, ಲಾಬಾಕ್ ಪಯ್ಸೆ ದಿನಸ್ತಾನಾ, ಅನ್ಯಾಯಾತ್ ಹಾತ್ ಘಾಲಿ ನಸ್ತಾನಾ, ಪ್ರತಿವಾದಾಕ್ ಸಾರ್ಕೊ ನ್ಯಾಯ್ ದಿತಾ. 9 ಮಾಜಿ ಪದ್ದತ್ ಪಾಳುನ್, ಖರ್ಯಾನ್ ಚಲ್ಲ್ಯಾರ್, ತೊ ಬರ್ಯಾ ವಾಟೆನ್ ಚಲ್ತಲೊ ಹೊವ್ನ್ ಹಾಯ್ ಮನುನ್ ತೊ ಜಿವನ್ ಕರ್ತಾ, ಹಿ ಸರ್ವೆಸ್ಪರ್ ದೆವಾಚಿ ಗೊಸ್ಟ್. 10 ಅಸ್ಲ್ಯಾಂಚ್ಯಾ ಪೊಟಾನಿ ಉಪಾಜಲ್ಲೊ ಲೆಕ್. ಅತ್ತಾ ಸಾಂಗಲ್ಲಿ ಬುರ್ಶಿ ಕಾಮಾತ್ನಿ ಖಲೆತರ್ಬಿ ಕರುನ್, 11 ಬರ್ಯಾ ಕಾಮಾತ್ನಿ ಖಲೆಬಿ ಕರಿ ನಸ್ತಾನಾ ಮಡ್ಡಿಯಾಂಚ್ಯಾ ವರ್‍ತಿ ಬಲಿ ಭೆಟ್ವಲ್ಲೆ ಹುರಲ್ಲೆ ಖಾವ್ನ್, ಸೆಜಾರಾಚ್ಯಾ ಬಾಯ್ಕಾಕ್ನಿ ಹಾಳ್ ಕರ್ತಲೊ, 12 ತೊ ಗರಿಬಾಕ್ನಿ ತರಾಸ್ ದಿವ್ನ್, ಲೊಕಾಂಚಿ ಆಸ್ತಿ ಖಬ್ಜಾ ಕರುನ್ ರಿನ್ ಕರಲ್ಲ್ಯಾಚಿ ಅಡು ಥವಲ್ಲೆ ದಿನಸ್ತಾನಾ ಮುರ್ತಿಯಾಂಚ್ಯಾ ಕಡೆ ಡೊಳೆ ಉಕ್ಲುನ್ ಬಗುನ್, 13 ರಿನಾಕ್ ಬಡ್ಡಿ ಕಾಡುನ್, ರಿನಾಕ್ ಪಯ್ಸೆ ದಿವ್ನ್ ಬಲತ್ಕಾರಾಚೆ ರಗಾತ್ ವತ್ತಲೊ ಹೊಲ್ಯಾರ್ ತೊ ಝಿತ್ತೊ ರ್‍ಹಾತಾ ಕಾಯ್? ನಾ ರ್‍ಹಾಯ್ನಾ, ತೆನಿ ಸಗ್ಳಿ ಬುರ್ಶಿ ಕಾಮಾ ಕರಲ್ಲ್ಯಾ ವಯ್ನಾ, ತೊ ಖರೆಚ್ ಮರ್ತಾ, ಅನಿ ತೆಚ್ಯಾ ಮರ್ನಾಕ್ ತೊಚ್ ಕಾರನ್. 14 ಅತ್ತಾ ದುಸ್ರ್ಯಾಹೆಚ್ಯಾ ಪೊಟಾನ್ ಉಪಾಜಲ್ಲೊ ಲೆಕ್ ತೊ ಅಪ್ನಾಚ್ಯಾ ಬಾಬಾನ್ ಕರಲ್ಲಿ ಸಗ್ಳಿ ಪಾಪಾ ಡೊಳ್ಯಾನಿ ಬಗ್ತಾ ಖರೆ ತೆ ಕರಿನಾ. 15 ಮಡ್ಡಿಯಾಂಚ್ಯಾ ವರ್‍ತಿ ಬಲಿಯಾ ಭೆಟ್ವುಲ್ಲೆ ಹುರಲ್ಲೆ ಖಾಲ್ಯಾರ್, ಇಜ್ರಾಯೆಲಾಂಚ್ಯಾ ಪಿಳ್ಗಿಚೆ ಮುರ್ತಿಯಾಂಚ್ಯಾಕ್ಡೆ ಡೊಳೆ ಉಕ್ಲುನ್ ಬಗಟ್ಲ್ಯಾರ್, ಸೆಜಾರಾಚ್ಯಾ ಬಾಯ್ಕಾಕ್ನಿ ಹಾಳ್ ಕರ್ಲ್ಯಾರ್, 16 ಕೊನಾಕ್ಬಿ ತರಾಸ್ ದಿಯ್ನಸ್ತಾನಾ, ಅಡು ಥವ್ಚೆ ಮನುನ್ ಇಚಾರಿ ನಸ್ತಾನಾ, ಕೊನಾಚೆ ಚೊರಿನಾ, ಭುಕೆನ್ ಹೊತ್ತ್ಯಾಕ್ನಿ ವಾಡ್ತಾ ಅನಿ ನೆಸುಕ್ ಕಪ್ಡೆ ದಿತಾತ್. 17 ಗರಿಬಾಚ್ಯಾ ವರ್‍ತಿ ಹಾತ್ ಉಕ್ಲಿ ನಸ್ತಾನಾ, ಬಡ್ಡಿ ಇಚಾರಿ ನಸ್ತಾನಾ, ಫಾಯ್ದ್ಯಾ ಸಾಟ್ನಿ ಪಯ್ಸೆ ದಿನಾ, ತೊ ಮಾಜಿ ಹುಕುಮಾ ಫಾಳ್ತಾ, ತೊ ತೆಚ್ಯಾ ಬಾಬಾಚ್ಯಾ ಪಾಪಾಕ್ನಿ ಲಾಗುನ್ ಮರಿ ನಸ್ತಾನಾ, ಝಿತ್ತೊ ರ್‍ಹಾತಾ. 18 ತೆಚ್ಯಾ ಬಾಬಾನ್ ತರ್ ಸ್ವತ್ಯಾಚ್ಯಾ ಕುಳಿಚ್ಯಾಕ್ನಿ ಲೈ ಕರುನ್ ವಾಟುನ್, ಸೊಲುನ್ ಸ್ವತ್ಯಾಚ್ಯಾ ಲೊಕಾಂಚ್ಯಾ ಮದ್ದಿ ಬರ್ಶೆಕಾಮ್ ಕರ್ಲ್ಯಾನ್, ತಸೆ ಹೊವ್ನ್ ಅಪ್ನಿ ಕರಲ್ಲ್ಯಾ ಕರ್ನ್ಯಾ ವಯ್ನಾ ತೊ ಮರ್ತಾ. 19 ಲೆಕ್ ನಿತಿನ್ ನ್ಯಾಯಾನ್ ಚಲುನ್ ಅನಿ ಮಾಜಿ ಹುಕುಮಾ ಪಾಳ್ಲ್ಯಾರ್ ಜಿವನ್ ಕರ್ತಾ. 20 ಪಾಪ್ ಕರ್ತಲೊಚ್ ಮರ್ತಾ, ಲೆಕ್ ಬಾಬಾಚ್ಯಾ ಬುರ್ಸ್ಯಾ ಪಾನಾಚೆ ಫಳ್ ಅನ್ಭೊಗ್ಸಿನಾ, ಬಾಬಾ ಲೆಕಾಚ್ಯಾ ಬರ್ಶೆ ಪಾನಾಚೆ ಫಳ್ ಅನ್ಭೊಗ್ಸಿನಾ, ಬರ್ಯಾ ಮಾನ್ಸಾಚ್ಯಾ ಬರ್ಯಾ ಪಾನಾಚೆ ಫಳ್, ಬರೆ ಪಾನುಚ್, ಬುರ್ಸ್ಯಾ ಮಾನ್ಸಾಚೆ ಫಳ್ ಬುರ್ಸೆಪಾನುಚ್. 21 ಖಲೊಬಿ ಎಕ್ ಬುರ್ಸೊ ಮಾನುಸ್ ಪಾಪ್ ಕರ್‍ತಲೆ, ಸೊಡುನ್ ಮಾಜಿ ಹುಕುಮಾ ಪಾಳುನ್ ಬರಿ ಕಾಮಾ ಕರುನ್ ರಾಲ್ಯಾರ್ ತೊ ಮರಿನಾ. 22 ತೆನಿ ಕರಲ್ಲ್ಯಾ ಬರ್ಯಾ ಕಾಮಾಬಿ ತೆಚ್ಯಾ ಮೆಜ್ನಿಕ್ ಜಾಯ್ನಾ, ತೊ ಕರುಲಾಗಲ್ಲ್ಯಾ ಬರ್ಯಾ ಕಾಮಾಚ್ಯಾ ವಯ್ನಾ ತೊ ಝಿತ್ತೊ ರ್‍ಹಾತಾ. 23 ಸರ್ವೆಸ್ಪರ್ ದೆವ್ ಅಶೆ ಮನ್ತಾ, ಬುರ್ಸೊ ಮಾನುಸ್ ಪಾಪ್ ಕರುನ್ ಮರ್ತಲೆ, ಮಾಕಾ ಉಲ್ಲೆಬಿ ಖುಶಿ ನಾ, ಖರೆ ತೊ ಬರ್ಯಾನ್ ರ್‍ಹಾತಲ್ಯಾತ್ ಮಾಕಾ ಖುಶಿ ಹಾಯ್ ಮನ್ತಾ. 24 ಖರೆ ಜರ್ ತರ್ ಎಕ್ ಬರೊ ಮಾನುಸ್ ಬರೆ ಪನ್ ಸೊಡುನ್, ಸಗ್ಳಿ ಬುರ್ಶಿ ಕಾಮಾ, ಎಕ್ ಬುರ್ಸೊ ಮಾನುಸ್ ಕರ್ತಲಿ ಕರುಲಲ್ಯಾರ್, ತೊ ಝಿತ್ತೊ ರಾಯ್ಲ್ ಕಾಯ್? ತೆನಿ ಕರಲ್ಲಿ ಬರಿ ಕಾಮಾಬಿ ತೆಜ್ಯಾ ಮೆಜ್ನಿಕ್ ಜಾಯ್ನಾ ತೆನಿ ಕರಲ್ಯಾ ಪಾಪಾಚ್ಯಾ ವಯ್ನಾ ತೊ ಮರ್ತಾ. 25 ಖರೆ ತಿಯಾ ಸರ್ವೆಸ್ಪರಾಚಿ ರಿತ್ ಸಮಾ ನಾ ಮನುನ್ ಸಾಂಗುಲಾಗಲ್ಲ್ಯಾ ಇಜ್ರಾಯೆಲಾಚ್ಯಾ ಘರಾನ್ಯಾಚ್ಯಾನೊ ಮಾಜಿ ರಿತ್ ಸಮಾ ನಾ ಕಾಯ್? ತುಮ್ಚಿ ರಿತುಚ್ ಸಮಾ ನಾ. 26 ಕ್ನಾಬರೊ ಮಾನುಸ್ ಬರೆ ಪನ್ ಸೊಡುನ್ ಬುರ್ಶಿ ಕಾಮಾ ಕರುಕ್ ಲಾಗ್ತಾ, ತನ್ನಾ ತೊ ಅಪ್ನಿ ಕರಲ್ಲ್ಯಾ ಬುರ್ಸ್ಯಾ ಕಾಮಾಕ್ನಿ ಲಾಗುನುಚ್ ಮರುಚೆ ಪಡ್ತಾ. 27 ಕನ್ನಾ ಎಕ್ಲೊ ಬುರ್ಸೆ ಪಾಪಾಚೆ ಕಾಮ್ ಸೊಡುನ್ ಬರೆ ಕಾಮ್ ಕರುಕ್ ಲಾಗ್ತಾ. ತೊ ಅಪ್ನಾಚೊ ಜಿವ್ ಹುರ್ವುನ್ ಘೆತಾ. 28 ಅಪ್ನಿ ಕಾಯ್ ಕರುಲಾ ಮನ್ತಲೆ ಕಳ್ವುನ್ ಘೆವ್ನ್ ಪಾಪ್ ಕರ್‍ತಲೆ ಸೊಡ್ತಾ ತೊ ಮರಿನಾ, ಖರೆಚ್ ಝಿತ್ತೊ ರ್‍ಹಾತಾ. 29 ಅನಿ ತಿಯ್ಯಾ ಇಜ್ರಾಯೆಲಾಚ್ಯಾ ಘರಾನಾಚಿ ತೆಚಿ ವಾಟ್ ಸಮಾ ನಾ ಮನುನ್ ಸಾಂಗುಲಾತ್ ಖರೆ ಇಜ್ರಾಯೆಲ್ ಘರಾನ್ಯಾಚ್ಯಾಚೊ ತುಮ್ಚಿ ವಾಟುಚ್ ಸಮಾ ನಾ. ಸರ್ವೆಸ್ಪರ್ ಸಾರ್ಕೆ ನಾ ಮನ್ತೆ? ತಿಯಾಚ್ ಸಮಾ ನಾಸ್. 30 ಅತ್ತಾ ಮಿಯಾ ಸರ್ವೆಸ್ಪರ್ ತುಮ್ಕಾ ಇಜ್ರಾಯೆಲಾಚ್ಯಾಕ್ನಿ ಸಾಂಗುಕ್ ಲಾಗ್ಲಾ, ತುಮಿ ಕರಲ್ಲ್ಯಾ ಕಾಮಾ ವಯ್ನಾ, ತುಮ್ಚ್ಯಾ ಹರ್ ಎಕ್ಲ್ಯಾಚೊ ನಿರ್ದಾರ್ ಕರ್ತಾ, ತುಮಿ ಕರುಲಾಗಲ್ಲಿ ಬುರ್ಶಿ ಕಾಮಾ ಸೊಡಾ ಅನಿ ತುಮ್ಚಿ ಪಾಪಾ ತುಮ್ಕಾ ಹಾಳ್ ಕರುಕ್ ಸೊಡುನಕಾಸಿ. 31 ತುಮಿ ಕರುನ್ಗೆತ್ ಯೆಲ್ಲ್ಯಾ ಪಾಪಾಚಿ ಕಾಮಾ ಸಗ್ಳಿ ತುಮ್ಚ್ಯಾಕ್ನಾ ಕಾಡುನ್ ಟಾಕುನ್ ತುಮ್ಚಿ ಮನಾ ಅನಿ ಸ್ವಭಾವಾ ನ್ಹವೊ ಕರುನ್ ಘೆವಾ, ಇಜ್ರಾಯೆಲಾನೊ ತುಮಿ ಕಶ್ಯಾಕ್ ಮರ್‍ತ್ಯಾಸಿ? 32 ಮಾಕಾ ಮರ್ತಲ್ಯಾಚ್ಯಾ ಮರ್ನಾತ್ ಖುಸಿ ನಾ. ತುಮ್ಚೊ ಪಾಪಾಚೊ ಮನ್ ಪರ್‍ತುನ್ ಘೆವ್ನ್ ಜಿವನ್ ಕರಾ, ಹಿ ಸರ್ವೆಸ್ಪರಾಚಿ ಗೊಸ್ಟ್. ನಕ್ಕೊ, ತುಮ್ಚೆ ಪಾತ್ಕಿ ಜಿವನ್ ಬದ್ಲಾ ಮನ್ತಾ ಸರ್ವೆಸ್ಪರ್ .