1 ಜೆಹೊಯಾಕಿಮ್ ಬಂಧಿಹೊಲ್ಲ್ಯಾ ಸಾತ್ವ್ಯಾ ವರ್ಸಾಚ್ಯಾ ಪಾಚ್ವ್ಯಾ ಮ್ಹಯ್ನ್ಯಾಚ್ಯಾ ಧಾವ್ಯಾ ದಿಸಾತ್, ಇಜ್ರಾಯೆಲಾಂಚ್ಯಾ ಜಾಂನ್ತ್ಯಾತ್ನಿ ಉಲ್ಲಿ ಲೊಕಾ ಸರ್ವೆಸ್ಪರಾಕ್ ಪರಸ್ನೆ ಇಚಾರುಕ್ ಮನುನ್ ಎವ್ನ್ ಮಾಜ್ಯಾ ಇದ್ರಾಕ್ ಬಸ್ಲ್ಯಾನಿ. 2 ತನ್ನಾ ಸರ್ವೆಸ್ಪರಾನ್ ಮಾಕಾ ಅಶೆ ಸಾಂಗ್ಲ್ಯಾನ್, 3 ನರ್ ಮಾನ್ಸಾ, ತ್ಯಾ ಮುಖಂಡಾನಿಕ್ಡೆ ಬೊಲುನ್ ಅಶೆ ಸಾಂಗ್, ತುಮಿ ಮಾಜ್ಯಾ ಮನಾತ್ಲಿ ಖುಶಿ ಇಚಾರುಕ್ ಯೆಲ್ಯಾಶಿ ನ್ಹಯ್? ಮಾಜ್ಯಾ ಜಿವಾ ವರ್‍ತಿ ಆನ್, ಮಿಯಾ ಝಿತ್ತೊ ದೆವ್ ಹೊಲ್ಲ್ಯಾ ವಯ್ನಾ, ತುಮ್ಕಾ ಕಾಯ್ಬಿ ಇಚಾರುಕ್ ಸೊಡಿನಾ, ಮನುನ್ ಸರ್ವೆಸ್ಪರ್ ಸಾಂಗ್ತಾ. 4 ತಿಯಾ ತೆಂಕಾ ಹೆ ಸಾಂಗುಕ್ ತಯಾರ್ ಹಾಸ್ ನ್ಹಯ್? ನರ್ ಮಾನ್ಸಾ, ತಸೆ ಕರ್ ಅನಿ ತೆಂಕಾ ತೆಂಚ್ಯಾ ವಾಡ್ ವಡ್ಲಾಂಚೆ ಕರಲ್ಲಿ ಬುರ್ಶಿ ಕಾಮಾ ಸಮ್ಜುನ್ ಸಾಂಗ್. 5 ಖಲ್ಯಾ ದಿಸಾತ್ನಿ ಮಿಯಾ ಇಜ್ರಾಯೆಲಾಕ್ ಎಚುನ್ ಕಾಡಲ್ಲೆ ತನ್ನಾ ತೆಂಕಾ ಭಾಸ್ ದಿಲ್ಲೊ, ಮಿಯಾ ತೆಕಾ ಇಜಿಪ್ತಾತ್ ಮಾಜೊ ರುಪ್ ದಾಕ್ವುಲೊ ಅನಿ ತೆಂಕಾ ಮಿಯಾಚ್ ಸರ್ವೆಸ್ಪರ್ ಮನುನ್ ಸಾಂಗ್. 6 ತ್ಯಾ ದಿಸಾತ್ನಿ ಮಿಯಾ ತುಮ್ಕಾ ಇಜಿಪ್ತ್ ದೆಸಾಕ್ನಾ ಭಾಯ್ರ ಕಾಡುನ್, ಮಿಯಾ ತೆಂಚ್ಯಾ ಸಾಟ್ನಿ ಹುಡಕಲ್ಲ್ಯಾ ದುದ್ದ್ ಅನಿ ಮ್ಹವ್ ಹಂವ್ತಲ್ಯಾ ದೆಸಾಕ್ನಾ ಸಗ್ಳ್ಯಾ ದೆಸಾತ್ನಿ ಲೈ ಸುಂದರ್ ಹೊತ್ತ್ಯಾ ದೆಸಾಕ್ ತೆಂಕಾ ಬಲ್ವುನ್ ಹಾನ್ತಾ, ಮನುನ್ ಮಿಯಾ ಮನುನ್ ಗೊಸ್ಟ್ ದಿಲ್ಲೊ. 7 ಮಿಯಾ ತೆಂಚೊ ದೆವ್ ಹೊಲ್ಲ್ಯಾ ವಯ್ನಾ, ತೆಂಕಾ ತೆಂಚಿ ಬುರ್ಶಿ ಮುರ್ತಿಯಾ ಧುರ್ ಟಾಕುನ್, ಇಜಿಪ್ತಾಚ್ಯಾ ಝುಟ್ಯಾ ದೆವಾಕ್ನಿ ಲಾಗುನ್ ಅಪ್ನಾಚೆ ಪವಿತ್ರಪಾನ್ ಹಾಳ್ ಕರುನ್ ಘೆವ್‍ನಕಾಶಿ, ಮಿಯಾ ತುಮ್ಚೊ ಸರ್ವೆಸ್ಪರ್ ದೆವ್ ಮನುನ್ ಹುಶಾರ್ಕಿ ದಿಲೊ. 8 ತೆನಿ ತರ್ ಗೊಸ್ಟ್ ಆಯ್ಕುಕ್ನ್ಯಾತ್ ಮಾಜೆ ವಿರೊಧ್ ಹೊಲ್ಯಾನಿ, ತೆಂಚ್ಯಾ ಡೊಳ್ಯಾಕ್ನಿ ಬರೆ ಮನುನ್ ದಿಸ್ತಲಿ ಸಾಮಾನಾ ಕೊನಿಬಿ ಅನಿ ತೆನಿ ಮುರ್ತಿಯಾ ಟಾಕುಕ್ನ್ಯಾತ್ ಅನಿ ಇಜಿಪ್ತಾ ಮಾಜೊ ರಾಗಾನಿ ಸೊಡುಕ್ ತಯಾರ್ ಹೊತ್ತೊ. 9 ತರ್ಬಿ ತುಮ್ಕಾ ಇಜಿಪ್ತ್ ದೆಶಾಚ್ಯಾ ಪಾರ್ ಕರ್ತಾ ಮನುನ್ ಲೊಕಾಂಚ್ಯಾ ಇದ್ರಾಕ್ ಮಿಯಾ ಪರ್ಗಟ್ ಕರ್ಲೊ ಮನುನ್ ಯೆವ್ಜುನ್ ತೆಂಚ್ಯಾ ಭೊತ್ಯಾನಿ ತ್ಯಾ ದೆವಾಚ್ಯಾ ವಿಶಯಾತ್ ಬೊಲುನ್ಹಯ್, ತೆ ಸೊಸುನ್ ಫಿರೆ ಹೊಲಾ ಅತ್ತಾ ಅನಿ ಗಪ್ ರ್‍ಹಾಯ್ನಾ. 10 ಅನಿ ಮಿಯಾಚ್ ತೆಂಕಾ ಇಜಿಪಾತ್ನಾ ಸುಟ್ಕಾ ಕರುನ್ ಹಾನುನ್ ಮರುಭುಮಿತ್ ಹಾನುನ್ ತನ್ನಾ, 11 ಮಿಯಾ ತೆಂಕಾ ಮಾಜಿ ಹುಕುಮಾ ದಿವ್ನ್, ಮಾಜೊ ಕಾನುನ್ ಸಿಕ್ವುಲೊ, ಹೆ, ಜೆ ಕೊನ್ ಪಾಳ್ತಾ, ತೆಕಾ ಕಳ್ವುಲೊ. 12 ಅಸಿ ರ್‍ಹಾತಾನಾ ಮಿಯಾ ತೆಂಕಾ ಸಬ್ಬಾತ್ ಅಮ್ಚಾ ಮದ್ದಿ ಎಕ್ ಕರಾರ್ ಹೊವ್ನ್ ದಿಲಾ, ಅನಿ ಪವಿತ್ರ್ ಕರ್ತಲೊ ದೆವ್ ಮಿಯಾಚ್ ಮನುನ್ ಯಾದ್ ಕರುನ್ ದಿಲಾ. 13 ಖರೆ ತೆನಿ ಮರುಭುಮಿತ್ ಬಿ ಮಾಕಾ ಹುರ್ಪಾಟಿ ಹೊವ್ನ್ ದುಕ್ವುಲ್ಯಾನಿ, ತೆನಿ ಮಾಜೊ ಕಾನುನ್ ಮೊಡುನ್ ಹುಕುಮಾ ಸ್ವಿಕಾರುನ್ಯಾತ್, ಜೆ ಕೊನ್ ಹೆ ಪಾಳ್ತಾ, ತೊ ಝಿತ್ತೊ ರ್‍ಹಾತಾ, ತೆನಿ ಸಾಬ್ಬಾತ್ ಬಿ ಪಾಳುನಾತ್, ಮಿಯಾ ತೆಂಕಾ ಮರುಭುಮಿತ್ ರಾಗ್ ಸಾರುನ್ಗೆವ್ಚೆ ಮನುನ್ ಘೆಟಲ್ಲೊ. ನಾಸ್ ಕರುಕ್ ತಯಾರ್ ಹೊತ್ತೊ. 14 ಹೊಲ್ಯಾರ್ಬಿ ಮಿಯಾ ತಸೆ ಕರುಕ್ನಾ, ಕಶ್ಯಾಕ್ ಮಟ್ಲ್ಯಾರ್ ಮಿಯಾ ಇಜಿಪ್ತಾತ್ನಾ ಇಜ್ರಾಯೆಲಾಕ್ ಭಾಯ್ರ್ ಹಾನಲ್ಲೆ ದೆಶಾನಿ ಬಗ್ಲ್ಯಾನಾತ್ ಆನಿ ಮಾಜೆ ನಾವ್ ಹಾಳ್ ಹೊತಲೆ ನಕ್ಕೊ ಮನುನ್, ಮಾಜ್ಯಾ ನಾವಾಕ್ ಲಾಗುನ್ ಸೊಸುನ್ ಘೆಟ್ಲೊ. 15 ತಸೆ ಹೊವ್ನ್ ಸಗ್ಳ್ಯಾ ದೆಶಾಚ್ಯಾ ವಯ್ಬವಾನಿ ಭರಲ್ಲೆ ಕಲೆ ದೆಸಾತ್ ಮರುಭುಮಿತ್ ಮಿಯಾ ತೆಂಕಾ ದಿಲ್ಲ್ಯಾ ದುದ್ದ್ ಅನಿ ಮ್ಹವ್ ಹೊವ್ತಲ್ಯಾ ದೆಸಾಕ್ ಧಾಡಿನಾ ಮನುನ್ ಗೊಸ್ಟ್ ದಿಲೊ. 16 ಕಶ್ಯಾಕ್ ಮಟ್ಲ್ಯಾರ್, ತೆನಿ ಮಾಜಿ ಹುಕುಮಾ ಅನಿ ಕಾನುನ್ ಮೊಡುನ್ ಸಾಬ್ಬಾತ್ ಪಾಳಿನಸ್ತಾನಾ, ಮುರ್ತಿಯಾಂಚಿ ಪುಜಾ ಕರಲ್ಲ್ಯಾ ವಯ್ನಾ, ಮಿಯಾ ತೆ ಭಾಸ್ ಘೆಟ್ಲಾ. ಸಾಬ್ಬಾತ್ ದಿಸಾ ಅಪವಿತ್ರ್ ಕರ್ಲ್ಯಾನಿ. 17 ಖರೆ ಮಾಕಾ ತೆಂಚೊ ಪಾಪ್ ದಿಸುನ್ ಕಾಳ್ಜಿ ಮಿಯಾ ತೆಂಕಾ ಮರುಭುಮಿತ್ ಮಾರುಚೆ ನ್ಹಯ್ ಮನುನ್ ನಿರ್ದಾರ್ ಕರ್ಲೊ. 18 ಮಾನಾ ಮಿಯಾ ಡಂಗ್ಳಿತ್ ತೆಂಚ್ಯಾ ಪಿಳ್ಗಿಚ್ಯಾಕ್ನಿ ತುಮಿ ತುಮ್ಚ್ಯಾ ಬಾಬಾಚ್ಯಾ ಹುಕುಮಾಕ್ನಿ ಮಾನ್ ದಿ ನಸ್ಲ್ಯಾರ್, ತೆಚ್ಯಾ ನಿಯಮಾಕ್ನಿ ಮಾನುನ್ ಚಲಿ ನಸ್ಲ್ಯಾರ್ ತೆಚ್ಯಾ ಮುರ್ತಿಯಾಂಚ್ಯಾಕ್ನಾ ತುಮ್ಕಾ ಬುರ್ಸೆ ಕರುನ್ ಘೆಯ್ ನಸ್ತಾನಾ ರ್‍ಹಾವ್ಚೆ. 19 ಮಿಯಾ ತುಮ್ಚೊ ದೆವ್ ಸರ್ವೆಸ್ಪರ್ , ಮಾಜಿ ಹುಕುಮಾ ಪಾಳುನ್ ಮಾಜ್ಯಾ ಪದ್ಧತಿಚ್ಯಾ ಚಲಾ ಸಾರ್ಕೆ ಅನಿ ಕಾನುನಾ ಪಾಳಾ. 20 ಮಿಯಾ ನೆಮಲ್ಲಿ ಸಬ್ಬಾತಾಚಿ ದಿಸಾ ಮಾಜೊ ಪರಿಶುದ್ದ್ ದಿಸ್ ಮನುನ್ ಆಚರನ್ ಕರಾ, ಮಿಯಾಚ್ ತುಮ್ಚೊ ಸರ್ವೆಸ್ಪರ್ ಮನ್ತಲೆ ಸಗ್ಳ್ಯಾ ಲೊಕಾನಿ ಕಳ್ವುನ್ ಘೆವ್ಕ್ ಅನಿ ತುಮ್ಕಾ ವಳಕ್ ಹೊವ್ನ್ ರ್‍ಹಾತಾ, ಮನುನ್ ಸಾಂಗ್ಲೊ. 21 ಖರೆ ತ್ಯಾ ಪಿಳ್ಗಿಚ್ಯಾಕ್ನಿ ಮಾಜ್ಯಾ ವರ್‍ತಿ ಪರ್‍ತುನ್ ಪಡ್ಲ್ಯಾನಿ, ಮಾಜ್ಯಾ ಹುಕುಮಾ ಪಾಳುನ್ ಚಲುಕ್ ನಾ, ಪಾಳುನ್ ಘೆವ್ನ್ ಚಲಲ್ಯಾಕ್ನಿ ಜಿವಾಧಾರ್ ಹೊಲ್ಲ್ಯಾ ಮಾಜ್ಯಾ ಪದ್ದತಿಕ್ನಿ ಪಾಳುನ್ ಘೆವ್ನ್ ಚಲುಕ್ನ್ಯಾಸಿ, ಮಿಯಾ ನೆಮಲ್ಲ್ಯಾ ಸಬ್ಬತ್ ದಿಸಾಕ್ನಿ ಅಪಡ್ಸಿಪಡ್ ಕರ್ಲ್ಯಾನಿ, ತೆಚ್ಯಾ ವಯ್ನಾ ಮಿಯಾ ಡಂಗ್ಳಿತ್ ಹೆಂಚ್ಯಾ ವರ್‍ತಿ ಮಾಜೊ ಲೈ ಮೊಟ್ಟ್ಯಾ ರಾಗಾನಿ ಮಾಜೊ ರಾಗ್ ಕಾಡುನ್ ಘೆತಾ. 22 ಹೊಲ್ಯಾರ್ಬಿ ಮಿಯಾ ಖಲ್ಯಾ ದೆಶಾಂಚ್ಯಾ ಇದ್ರಾಕ್ ತೆಂಕಾ ಪಾರ್ ಕರ್ಲಾ, ತ್ಯಾ ದೆಶಾಂಚ್ಯಾ ಇದ್ರಾಕ್ ಮಾಜೆ ನಾವ್ ವಾಯ್ಟ್ ಹೊವ್ಚೆ ನ್ಹಯ್ ಮನುನ್, ಮಾಜ್ಯಾ ನಾವಾಚ್ಯಾ ವಯ್ನಾ ಸಂಬಾಳುನ್ ಘೆವ್ನ್ ಹಾತ್ ಫಾಟಿ ಕಾಡುನ್ ಘೆಟ್ಲೊ. 23 ಮಿಯಾ ತೆಂಕಾ ದೆವಾಕ್ ಮಾನ್ ದಿ ನಸಲ್ಲ್ಯಾ ಲೊಕಾತ್ನಿ ಪಗಳ್ತಾ ಮನುನ್, ಮರುಭುಮಿತ್ ಆನ್ ಕರುನ್ ಸಾಂಗಲ್ಲೊ. 24 ಕಶ್ಯಾಕ್ ಮಟ್ಲ್ಯಾರ್, ಮಾಜಿ ಲೊಕಾ ಮಾಜಿ ಹುಕುಮಾ ಮಾನುನ್ ಘೆವ್ನ್ ಚಲಿ ನಸ್ತಾನಾ, ಮಾಜಿ ನಿಯಮಾ ಸೊಡುನ್ ಮಿಯಾ ನೆಮಲ್ಲಿ ಸಬ್ಬತ್ ದಿಸಾ ಅಪ್ಡಸಿಪ್ಪಡ್ ಕರುನ್ ತೆಂಚ್ಯಾ ವಾಡ್ ವಡ್ಲಾಂಚ್ಯಾ ಮುರ್ತಿಯಾಂಚ್ಯಾ ವರ್‍ತಿ ಡೊಳೆ ಪರತ್ಲಾತ್. 25 ಅಸೆ ರ್‍ಹಾತಾನಾ, ಸರ್ವೆಸ್ಪರ್ ಮನುನ್ ಕಳ್ವುನ್ ಘೆವ್ಚೆ ಮನುನ್ ಮಿಯಾ ತೆಂಕಾ ಬರಿ ನಸಲ್ಲಿ ಹುಕುಮಾ ಜಿವನಾತ್ ಆಧಾರ್ ನತ್ತೆ ಪದ್ದತಿಯಾಕ್ನಿ ನೆಮಸ್ಲೊ. 26 ತೆನಿ ತೆಂಚ್ಯಾ ಪಯ್ಲೆಚ್ಯಾ ಪೊರಾಕ್ನಿ ಜಾಳುನ್ ಭೆಟ್ವಲ್ಲ್ಯಾ ಬಲಿಯಾಂಚ್ಯಾಕ್ನಾ ತೆಕಾ ಅಪಸ್ಪಡ್ ಕರುನ್ ಉಲ್ಲ್ಯಾ ಬುರ್ಸ್ಯಾ ಸ್ಥಿತಿಕ್ ಹಾನ್ಲೊ. 27 ಅತ್ತಾ, ನರ್ ಮಾನ್ಸಾ, ಇಜ್ರಾಯೆಲಾಕ್ನಿ ತೆಂಚ್ಯಾ ವಾಂಗ್ಡಾ ಬೊಲ್ ಸಾಂಗ್, ಸರ್ವೆಸ್ಪರ್ ದೆವ್ ಅಸೆ ಸಾಂಗ್ತಾ, ಹೆ ತೆಂಚ್ಯಾ ಪುರ್ವಜಾನಿ ಪಸ್ವುನ್ ಮಾಕಾ ಅವಿಶ್ವಾಸಿ ಹೊವ್ನ್ ಮರ್ಯಾದ್ ದಿವ್ಕ್ ನ್ಯಾಯ್. 28 ಮಿಯಾ ಗೊಸ್ಟ್ ದಿಲ್ಲ್ಯಾ ದೆಸಾಕ್ ಹಾನಲ್ಯಾ ಮಾನಾ, ತೆಂಕಾ ತೆನಿ ತಿ ಮಡ್ಡಿಯಾ ಅನಿ ಹಿರ್ವಿ ಝಾಡಾ ಬಗುನ್ ತೆನಿ ಸಗ್ಳ್ಯಾನಿ ಬಲಿದಾನಾ ದಿಲ್ಯಾನಿ. ತೆನಿ ಮಾಕಾ ಬಲಿಯಾ ಭೆಟುಕ್ ಹಾನಲ್ಲ್ಯಾನಿ. ಬೊನೆ ಚಡ್ವುನ್ ಬರ್ಯಾ ವಾಸೆಚಿ ಬಲಿ ದೆವಾಕ್ ಪಾನ್ಯಾಚ್ಯಾ ರುಪಾಚಿ ಬಲಿ ಭೆಟ್ವುಲ್ಯಾನಿ. 29 ಮಿಯಾ ತೆಂಕಾ ಸಾಂಗ್ಲೊ ಹೆ ಉಪ್ಪರ್ಲೆ ಜಾಗೆ ಕಾಯ್ ಹೆ? ತುಮಿ ಖಯ್ ಜಾವ್ಕ್ ಲ್ಯಾಸಿ, ತೆನಿ ತೆಂಕಾ ಪಯ್ಲೆಚಾನ್ ಉಪ್ಪರ್ಲೊ ಜಾಗೊ ಮನುನ್ ಬಲ್ವುತ್ಯಾತ್. 30 ಅತ್ತಾ ಮಿಯಾ ಸರ್ವೆಸ್ಪರ್ ಕಾಯ್ ಸಾಂಗ್ತಾತೆ ಸಾಂಗ್, ತುಮಿ ಕಶ್ಯಾಕ್ ತುಮ್ಚಾ ಪುರ್ವಜಾನಿ ಕರಲ್ಲಿ ಪಾಪಾ ಕರುಲ್ಯಾಸಿ ಅನಿ ಮುರ್ತಿಯಾಂಚ್ಯಾ ಫಾಟ್ನಾ ಪಾಳಲ್ಯಾಸಿ. 31 ತುಮಿ ಬಲಿ ಭೆಟ್ವುನ್, ತುಮ್ಚ್ಯಾ ಪೊರಾಕ್ನಿ ಭೆಟ್ವುನ್, ಆಜ್ ಪತರ್, ತುಮ್ಕಾ ಅಶುದ್ದ್ ಕರುನ್ ಘೆವ್ಕ್ ಲಾಗ್ಲ್ಯಾಸಿ ಕಾಯ್? ಇಜ್ರಾಯೆಲ್ ಪಿಳ್ಗಿಚ್ಯಾನೊ, ತುಮ್ಚ್ಯಾ ಅಸ್ಲ್ಯಾಕ್ನಿ ದೆವಾಚೊ ಜವಾಬ್ ದಿವ್ಕ್ ಹೊತಾ ಕಾಯ್? ಮಾಜ್ಯಾ ಜಿವಾ ವರ್‍ತಿ ಆನ್ ಘಾಲುನ್ ಸಾಂಗ್ತಾ ತುಮ್ಕಾ ದೆವಾಚೊ ಜವಾಬ್ ದಿಯ್ನಾ ಮನ್ತಲಿ ಹಿ ದೆವಾಚಿ ಗೊಸ್ಟ್ ಹೊವ್ನ್ ಹಾಯ್. 32 ತುಮಿ ತುಮ್ಚಿ ಮನಾ ದುಸ್ರ್ಯಾ ದೆಶಾಚಿ ಲೊಕಾ, ಗುಂಡ್ಯಾಕ್ನಿ, ಝಾಡಾಕ್ನಿ ಫುಜಾ ಕರ್ತ್ಯಾತ್ ತೆಂಚ್ಯಾ ಸಾರ್ಕೆ ಕರುನ್ ಘೆಟ್ಲ್ಯಾಸಿ, ಖರೆ ತಸಿ ಹೊಯ್ನಾ.

33 ಸರ್ವೆಸ್ಪರ್ ದೆವ್ ಅಸಿ ಮನ್ತಾ, ಮಾಜ್ಯಾ ಜಿವಚ್ಯಾರ್ ಆನ್ ಘಾಲ್ತಾ. ಮಿಯಾ ಶಿಕ್ಷ್ಯಾ ದಿತಲೊ ಹಾತ್ ಉಕ್ಲುನ್, ಪಾವ್ಲ್ಯಾಚೊ ಪರಾಕ್ರಮ್ ದಾಕ್ವುನ್, ರಾಗಾಚಿ ಆಗ್ ವತುನ್ಗೆತ್ ತುಮ್ಚ್ಯಾ ವರ್‍ತಿ ಆಡಳಿತ್ ಕರ್ತಾ. 34 ಹ್ಯೊ, ಮಿಯಾ ಶಿಕ್ಷ್ಯಾ ದಿತಲೊ ಹಾತ್ ಉಕ್ಲುನ್, ಪಾವ್ಲ್ಯಾಚೊ ಬಳ್ ದಾಕ್ವುನ್, ರಾಗಾಚಿ ಆಗ್ ವತುನ್ಗೆತ್, ತುಮ್ಕಾ ದೆಸಾತ್ನಾ ಸುಟ್ಕಾ ಕರುನ್, ತುಮಿ ಪಗ್ಳುನ್ ಜಾತಲ್ಯಾ ದೆಸಾತ್ನಾ ತುಮ್ಕಾ ಗೊಳಾ ಕರುನ್, 35 ಮಿಯಾ ಮರುಬುಮಿಕ್ ಬಲ್ವುನ್ ಹಾನುನ್ ಥೈಚ್ ಇದ್ರಾ ಬದ್ರಾಕ್ ತುಮ್ಚ್ಯಾ ವಾಂಗ್ಡಾ ಇಚಾರ್ನಿ ಕರ್ತಾ. 36 ಅನಿ ಮಿಯಾ ಇಜಿಪ್ತಾಚ್ಯಾ ಮರುಭುಮಿಕ್ ತುಮ್ಚ್ಯಾ ಪುರ್ವಜಾಂಚ್ಯಾ ವಾಂಗ್ಡಾ ಇಚಾರ್ನಿ ಕರಲ್ಲ್ಯಾ ಸಾರ್ಕೆ ತುಮ್ಚ್ಯಾ ವಾಂಗ್ಡಾಬಿ ಇಚಾರ್ನಿ ಕರ್ತಾ. ಹಿ ಸರ್ವೆಸ್ಪರಾಚೆ ಬೊಲ್ನೆ. 37 ಮಿಯಾ ತುಮ್ಕಾ ಮೆಜ್ನಿ ಕರಲ್ಲ್ಯಾ ಸಾರ್ಕೆ, ದಾಂಡ್ಯಾಚ್ಯಾ ಖಾಲ್ತಿ ಜಾಯ್ ಸಾರ್ಕೆ ಕರುನ್ ಕರಾರಾಚ್ಯಾ ಕಟ್ಟಾನಿ ತುಮ್ಕಾ ಭಾಂದುನ್, 38 ಮಾಕಾ ಪರ್‍ತುನ್ ಹೊಲ್ಲ್ಯಾ ಬುರ್ಸ್ಯಾಕ್ನಿ ತುಮ್ಚ್ಯಾಕ್ನಾ ಧಾಡುನ್ ಸೊಡ್ತಾ; ತೆನಿ ವಸ್ತಿ ಹೊತ್ತ್ಯಾ ದೆಸಾಕ್ನಾ ಮಿಯಾ ತೆಂಕಾ ಸುಟ್ಕಾ ಕರ್ಲ್ಯಾರ್ಬಿ, ತೆನಿ ಇಜ್ರಾಯೆಲ್ ದೆಸಾಕ್ ಜಾವ್ನ್ ಪಾಯ್ಚ್ ನಾತ್; ತನ್ನಾ ಮಿಯಾಚ್ ಸರ್ವೆಸ್ಪರ್ ಮನುನ್ ಕಳ್ತಾ. 39 ಇಜ್ರಾಯೆಲ್ ಪಿಳ್ಗಿಚ್ಯಾನೊ, ಸರ್ವೆಸ್ಪರ್ ದೆವ್ ಅಸಿ ಮನ್ತಾ, ಜಾವಾ, ತುಮ್ಚ್ಯಾ ಮುರ್ತಿಯಾಕ್ನಿ ಫುಜ್ಯಾ ಕರಾ; ಮಾನಾ ತರ್ಬಿ ಮಾಜೆ ಬೊಲ್ನೆ ಆಯ್ಕುನುಚ್ ಆಯ್ಕತ್ಯಾಸಿ; ಹೆಚ್ಯಾ ಮಾನಾ ಮಾಜ್ಯಾ ಪರಿಶುದ್ದ್ ನಾವಾಕ್ ತುಮ್ಚ್ಯಾ ಬಲಿಯಾನಿ ಅನಿ ಮುರ್ತಿಯಾನಿ ತುಮಿ ಮಾಜ್ಯಾ ನಾವಾಚಿ ಕಿರ್ತಿ ಕಮ್ಮಿ ಹೊಯ್ ನ್ಯಾಸಿ. 40 ಅಸೆ ಸರ್ವೆಸ್ಪರ್ ಹೊಲ್ಲೊ ದೆವ್ ಅಸೆ ಸಾಂಗ್ತಾ, ಗಾಂವಾತ್ನಿ ಇಜ್ರಾಯೆಲ್ ಪಿಳ್ಗಿಚೆ ಸಗ್ಳೆ ಮಾಜ್ಯಾ ಪವಿತ್ರ್ ಮಡ್ಡಿರ್ ಇಜ್ರಾಯೆಲಾಚ್ಯಾ ಪರ್ವತಾತ್ ಮಾಕಾ ಸೆವಾ ಕರ್‍ತಾತ್, ಥೈಚ್ ತೆಂಚ್ಯಾ ಇದ್ರಾಕ್ ಯೆತಾ, ಥೈ ತುಮ್ಚಿ ಕಾನಿಕಾ ಬರಿ ಬಲಿಯಾ ತೆಕಾ ಸಮಂದ್ ಪಡಲ್ಲೆ ಸಗ್ಳೆ ಘೆತಾ. 41 ಮಿಯಾ ತುಮ್ಕಾ ದೆಶಾಚ್ಯಾಕ್ನಾ ಪಾರ್ ಕರುನ್, ತುಮಿ ಪಗ್ಳುನ್ ಗೆಲ್ಲ್ಯಾ ದೆಶಾನಿತ್ನಾ, ಹಾನುನ್ ಮಿಳ್ವುತಾನಾ ತುಮ್ಚೊ ಬರ್ಯಾ ವಾಸೆಚೊ ಬಲಿಚೊ ಕಟ್ಟೊ ಸ್ವಿಕಾರ್ ಕರುನ್ ಸಗ್ಳ್ಯಾ ದೆಶಾಚ್ಯಾ ಇದ್ರಾಕ್ ಯೆತಾ, ಸಗ್ಳ್ಯಾ ಲೊಕಾಂಚ್ಯಾ ಇದ್ರಾಕ್ ತುಮ್ಚ್ಯಾ ರಾಕ್ವನಿಚ್ಯಾ ವಯ್ನಾ ಮಾಜಿ ಮರ್ಯಾದ್ ರಾಕುನ್ ಘೆತಾ. 42 ಮಿಯಾ ಭಾಸ್ ದಿವ್ನ್ ತುಮ್ಚ್ಯಾ ಪುರ್ವಜಾಕ್ನಿ ಖಲೊ ದೆಶ್ ದಿಲೊ, ತ್ಯಾ ಇಜ್ರಾಯೆಲ್ ದೆಸಾಕ್ ತುಮ್ಕಾ ಹಾನ್ತಾನಾ ಮಿಯಾಚ್ ಸರ್ವೆಸ್ಪರ್ ಮನುನ್ ತುಮ್ಕಾ ಕಳ್ತಾ. 43 ತುಕಾ ಅಪವಿತ್ರ್ ಕರಲ್ಯಾ ತುಜ್ಯಾ ಚಲ್ನುಕಿಕ್ ತುಜ್ಯಾ ಸಗ್ಳ್ಯಾ ಕಾಮಾಕ್ನಿ ಥೈಚ್ ಯಾದೆಕ್ ಹಾನುನ್ ಘೆ, ತುಮಿ ಕರಲ್ಯಾ ಬುರ್ಸ್ಯಾ ಕಾಮಾ ವಯ್ನಾ ತುಮ್ಕಾ ಬಗುನ್ ತುಮಿಚ್ ಕಂಟಾಳ್ತ್ಯಾಸಿ, 44 ಇಜ್ರಾಯೆಲ್ ಪಿಳ್ಗಿಚ್ಯಾನೊ, ತುಮ್ಚ್ಯಾ ಬುರ್ಶಾ ಚಾಲ್ನುಕಿಕ್ ಅನಿ ಬುರ್ಸ್ಯಾ ಕಾಮಾಕ್ ತಕ್ಕ್ ಮಾಜ್ಯಾ ನಾವಾಕ್ ಲಾಗುನ್ ಮಿಯಾ ತುಮ್ಕಾ ಶಿಕ್ಷ್ಯಾ ದಿನಸ್ತಾನಾ ತುಮ್ಕಾ ಸಂಬಾಳುನ್ ಘೆವ್ನ್ ರ್‍ಹಾತಾನಾ, ಮಿಯಾಚ್ ಸರ್ವೆಸ್ಪರ್ ಮನುನ್ ಕಳ್ತಾ, ಹೆ ಸರ್ವೆಸ್ಪರ್ ದೆವಾಚಿ ಗೊಸ್ಟ್.

45 ಮಾನಾ ಸರ್ವೆಸ್ಪರಾನ್ ಮಾಜ್ಯಾಕ್ನಾ ಬೊಲ್ಲ್ಯಾನ್, 46 ನರ್ ಮಾನ್ಸಾ, ತಿಯಾ ದಕ್ಷಿನ್ ದಿಕ್ಕಾಕ್ ತೊಂಡ್ ಕರುನ್, ತಿಕ್ಡಿನ್ ಬೊಲುನ್ಗೆತ್ ದಕ್ಷಿನ್ ದಿಕ್ಕಾತ್ ಹೊತ್ತ್ಯಾ ಗಾಂವಾತ್ಲ್ಯಾ ಮ್ಹಳ್ಯಾಚ್ಯಾ ವಿಶಯಾತ್ ತ್ಯಾ ಮ್ಹಳ್ಯಾಕ್ ಪರ್‍ವಾದನ್ ಕರುನ್ ಅಸಿ ಸಾಂಗ್. 47 ಸರ್ವೆಸ್ಪರಾಚೆ ಬೊಲ್ನೆ ಆಯ್ಕ್; ಸರ್ವೆಸ್ಪರ್ ದೆವ್ ಅಸೊ ಮನ್ತಾ, ಆಹಾ, ಮಿಯಾ ತುಮ್ಚ್ಯಾತ್ ಆಗ್ ಲಾವ್ತಾ, ತೆ ಮಾಜ್ಯಾಕ್ಡೆ ಹೊತ್ತ್ಯಾ ಸಗ್ಳ್ಯಾ ಹಿರ್ವ್ಯಾ ಝಾಡಾಕ್ನಿ, ವಾಳ್ಕ್ಯಾ ಝಾಡಾಕ್ನಿ ಜಾಳುನ್ ಸೊಡ್ತಾ, ಜಳ್ತಲೆ ಆಗ್ ಇಜಿ ನಸ್ತಾನಾ, ದಕ್ಷಿನ್ ದಿಕ್ಕಾಕ್ನಾ ದಿಸ್ ಉಗಾವ್ತಲ್ಯಾ ದಿಕ್ಕಾ ಪತರ್ ಸಗ್ಳ್ಯಾಬಿ ಜಳುನ್ ಜಾತಾತ್. 48 ತೆ ಲಾವಲ್ಲೊ ಸರ್ವೆಸ್ಪರ್ ಮಿಯಾಚ್ ಮನುನ್ ಸಗ್ಳ್ಯಾ ಜನಾವರಾಕ್ನಿ ಕಳ್ತಾ. ತೆ ಇಜಿನಾ. 49 ತನ್ನಾ ಮಿಯಾ, ಅಯ್ಯೊ ಸರ್ವೆಸ್ಪರ್ ದೆವಾ, ತೊ ವಡ್ಪಾ ಸಾಂಗ್ನಾರೊ ನ್ಹಯ್ ಕಾಯ್? ಮನುನ್ ಹಿ ಲೊಕಾ ಮಾಜ್ಯಾ ವಿಶಯಾತ್ ಬೊಲುನ್ ಘೆತಾತ್. ಮನುನ್ ಸಾಂಗುನ್ ಘೆಟ್ಲೊ.