1 ನರ್ ಮಾನ್ಸಾ, ಅತ್ತಾ ತಿಯಾ ಗೊಗಾಕ್ ವಿರೊದ್ ಹೊವ್ನ್ ಹೆ ಪರ್ವಾದ್ ಸಾಂಗ್, ಸರ್ವೆಸ್ಪರ್ ದೆವ್ ಅಸೊ ಮನ್ತಾ, ಮೆಶೆಕ್, ಅನಿ ತುಬುಲ್ ಲೊಕಾಂಚ್ಯಾ ರಾಜಾ ಹೊಲ್ಲ್ಯಾ ಎ ಗೊಗ್, ಮಿಯಾ ತುಕಾ ವಿರೊದ್ ಹೊಲಾ. 2 ಮಿಯಾ ತುಕಾ ಬದ್ಲುನ್ ಫಿಡೆ ಚಾಲ್ವುನ್ ಉತ್ತರ್ ದಿಕ್ಕಾಕ್ನಾ ಯೆಯ್ ಸಾರ್ಕೆ ಕರುನ್ ಇಜ್ರಾಯೆಲಾಚ್ಯಾ ಮಡ್ಡಿಯಾಂಚ್ಯಾ ವರ್‍ತಿ ಯೆಯ್ ಸಾರ್ಕೆ ಕರ್ತಾ. 3 ತುಜ್ಯಾ ಡಾವ್ಯಾಕ್ನಾ ಬಿಲ್ಲಾ ಫೊಡುನ್, ತುಜ್ಯಾ ಉಜ್ವ್ಯಾ ಹಾತಿತ್ನಾ ಬಾನ್ ಪಾಡ್ವುತಾ. 4 ತಿಯಾಬಿ ಸಯ್ನ್ಯಾಬಿ ತುಜ್ಯಾ ವಾಂಗ್ಡಾ ಹೊತ್ತೊ ಲೊಕ್ಬಿ ಇಜ್ರಾಯೆಲಾಂಚ್ಯಾ ಮಡ್ಡಿಯಾಂಚ್ಯಾ ವಯ್ನಿ ಪಡುನ್ ಜಾತ್ಯಾಸಿ. ಮಿಯಾ ತುಮ್ಕಾ ಮಾಂಸ್ ಖಾತಲ್ಯಾ ದುಸ್ರಿ ದುಸ್ರಿ ಫಾಕ್ರಾಕ್ನಿ ಜಿಮ್ನಿ ವಯ್ಲ್ಯಾ ಜಿವ್ದಾನಿಯಾಕ್ನಿ ಜೆವಾನ್ ಕರ್ತಾ. 5 ತಿಯಾ ಉಗ್ಡ್ಯಾ ಮ್ಹಾಳಾತ್ ಪಡ್ತೆಯ್, ಕಶ್ಯಾಕ್ ಮಟ್ಲ್ಯಾರ್, ಹೆ ಮಿಯಾಚ್ ಹುಕುಮ್ ದಿಲಾ ನ್ಹಯ್, ಮನುನ್ ಸರ್ವೆಸ್ಪರ್ ಸಾಂಗ್ತಾ. 6 ಮಿಯಾ ಮಾಗೊಗ್ ದೆಶಾ ವರ್‍ತಿ ಅನಿ ಸಮುಂದರಾಚ್ಯಾ ದಂಡೆಚ್ಯಾ ಕೊಳ್ಳಾಚ್ಯಾ ವರ್‍ತಿ ಭಿಂಯೆ ನಸ್ತಾನಾ ವಸ್ತಿ ರ್‍ಹಾತಲ್ಯಾಂಚ್ಯಾ ವರ್‍ತಿ ಆಗ್ ಧಾಡ್ತಾ, ತನ್ನಾ ತೆಂಕಾ ಮಿಯಾಚ್ ಸರ್ವೆಸ್ಪರ್ ಮನುನ್ ಕಳ್ತಾ. 7 ಮಿಯಾ ಮಾಜೆ ಪವಿತ್ರ್ ನಾವ್ ಮಾಜ್ಯಾ ಇಜ್ರಾಯೆಲ್ ಲೊಕಾಂಚ್ಯಾ ಮದ್ದಿ ದಾಕ್ವುತಾ, ತೆಂಕಾ ಹೆಜ್ಯಾನ್ ಫಿಡೆ ಅವ್ಮಾನ್ ಹೊಯ್ನಾ ಸಾರ್ಕೆ ಬಗುನ್ಗೆತಾ, ತನ್ನಾ ಮಿಯಾಚ್ ಇಜ್ರಾಯೆಲಾಂಚೊ ಪವಿತ್ರ್ ದೆವ್ ಮನ್ತಲೆ ದುಶ್ರ್ಯಾ ಲೊಕಾಕ್ನಿ ಕಳುನ್ ಯೆತಾ. 8 ಸರ್ವೆಸ್ಪರ್ ಅಸೊ ಮನ್ತಾ, ಅಬಕ್ ಹೆ ಯೆಲೆ ಅನಿ ಹೆ ಹೊಲೆ ಮಿಯಾ ಅದ್ದಿಚ್ ಸಾಂಗಲೊ ದಿಸ್ ಹ್ಯೊಚ್. 9 ಇಜ್ರಾಯೆಲಾಚ್ಯಾ ಶಾರಾಂತ್ಲಿ ಲೊಕಾ ಮ್ಹಾಳಾಕ್ ಎವ್ನ್ ವಿರೊದಿಯಾಂಚ್ಯಾ ಹಾತಿಯಾರಾಕ್ನಿ ಆಗ್ ಲಾವ್ನ್ ಜಾಳ್ವುತಾತ್, ಹೊಯ್ ಖೆಡ್ಯಾ, ಗುರಾನಿ, ಬಾನ್ ಅನಿ ಬಿಲ್ಲಾ, ಟೊನೊ ಅನಿ ಭರ್ಚಿ ಹೆ ಸಗ್ಳೆ ಸಾತ್ ವರ್ಸಾ ಪತರ್ಬಿ ಜಾಳ್ವುನ್ಗೆತುಚ್ ರ್‍ಹಾತ್ಯಾತ್. 10 ತೆಜ್ಯಾ ಸಾಟ್ನಿ ತೆನಿ ಡಂಗ್ಳಿತ್ನಾ ನಾಕ್ಡಾ ಹಾನ್ತಲೆ ನಾ, ಡಂಗ್ಳಿತ್ ಜಾವ್ನ್ ಝಾಡ್ ತೊಡ್ತಲೆ ನಾ, ಹಾತಿಯಾರಾಚ್ ನಾಕ್ಡಾ ಕರುನ್ ಆಗ್ ಲಾವ್ತಾತ್, ಅಪ್ನಾಕ್ನಿ ಲುಟಲ್ಯಾಕ್ನಿ ತೆನಿ ಲುಟ್ತಾತ್, ಅಪ್ನಾಚೆ ಚೊರಲ್ಯಾಂಚೆಚ್ ತೆನಿಬಿ ಚೊರ್ತಾತ್, ಹೆ ಸರ್ವೆಸ್ಪರಾಚೆ ಬೊಲ್ನೆ ಹೊವ್ನ್ ಹಾಯ್.

11 ಮಿಯಾ ತ್ಯಾ ದಿಸಾತ್ನಿ ಇಜ್ರಾಯೆಲಾತ್ ಲವನ್ ಸಮುಂದರಾಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾತ್ ಕೊಳ್ಳಾಚಿ ಪರ್ಯಾನ್ ಕರ್‍ತಲ್ಯಾಂಚಿ ವಾಟ್ ಗೊಗಾಚೊ ಮಾಟಿ ಕರ್ತಲೊ ಜಾಗೊ ಕರ್ತಾ, ಥೈ ಪರ್ಯಾನ್ ಕರುಕ್ ಹೊಯ್ನಾ, ಗೊಗಾಕ್ ಅನಿ ತೆಜ್ಯಾ ಸಗ್ಳ್ಯಾ ಲೊಕಾಕ್ನಿ ಥೈಚ್ ಮಾಟಿ ದಿಲ್ಲೆ ರ್‍ಹಾತಾ. ತೆ ಹೆಮೊನ್ ಗೊಗ್ ಕೊಳ್ಳ್ ಮನ್ವುನ್ ಘೆತಾ. 12 ಇಜ್ರಾಯೆಲ್ ಲೊಕಾ ಗಾಂವಾಕ್ನಿ ನಿತಳ್ ಕರ್‍ತಲ್ಯಾ ಸಾಟ್ನಿ, ಸಾತ್ ಮ್ಹೈನೆ ತೆಂಕಾ ಮಾಟಿ ಕರುನ್ಗೆತುಚ್ ರ್‍ಹಾತ್ಯಾತ್. 13 ಹೊಯ್ ದೆಶಾಚಿ ಸಗ್ಳಿ ಲೊಕಾ ತೆಂಕಾ ಮಾಟಿ ಕರ್‍ತಾತ್, ಅಸೆ ತೆನಿ ಮಾಜಿ ಪ್ರಸಿದ್ಧಿ ಮಾಜ್ಯಾ ಲೊಕಾಕ್ನಿ ಯಾದಿಚೊ ದಿಸ್ ಹೊವ್ನ್ ರ್‍ಹಾತಾ, ಹೆ ಸರ್ವೆಸ್ಪರಾಚೆ ಬೊಲ್ನೆ ಹೊವ್ನ್ ಹಾಯ್. 14 ಮಾನಾ ತೆನಿ ದೆಶ್ ಚೊಕ್ ಕರ್‍ತಲ್ಯಾಕ್ನಿ ಎಚುನ್ ಕಾಡುನ್, ತುಮಿ ಸಗ್ಳ್ಯಾ ದೆಸಾತ್ ಫಿರುನ್ಗೆತ್ ಜಿಮ್ನಿ ವರ್‍ತಿ ದಿಸಲ್ಲಿ ಸಗ್ಳಿ ಹಡ್ಡಾ ಪುರಾ, ಮನುನ್ ತೆಂಕಾ ನೆಮ್ತಾತ್, ಅನಿ ಸಾತ್ ಮ್ಹಯ್ನೆ ಕಳದ್ಲ್ಯಾ ಮಾನಾ ತೆನಿ ಹ್ಯಾ ಪುರ್ತಲ್ಯಾ ಕಾಮಾಕ್ ಲಾಗ್ತಾತ್. 15 ಕೊನ್ತರ್ಬಿ ಎಕ್ಲೊ ವಾಟೆ ವರ್‍ತಿ ಪರ್ಯಾನ್ ಕರುನ್ಗೆತ್ ರ್‍ಹಾತಾನಾ, ಮಾನ್ಸಾಚಿ ಹಡ್ಡಾ ದಿಸ್ಲ್ಯಾರ್, ಥೈ ಕಾಯ್ತರ್ಬಿ ಎಕ್ ವಳಕ್ ಕರುನ್ ಥವ್ತಾ. ಮಾಟಿ ಕರ್ನಾರಿ ಲೊಕಾ ಎವ್ನ್ ತೆ ಗೊಗಾಚ್ಯಾ ಕೊಳ್ಳಾತ್ ನೆವ್ನ್ ಮಾಟಿ ಕರಿ ಪತರ್ಬಿ ತಿ ವಳಕ್ ತಸಿಚ್ ಇಬೆ ಕರುನ್ ಥವಲ್ಲಿ ರ್‍ಹಾತಾ. 16 ತವ್ಡೆಚ್ ನಸ್ತಾನಾ, ಎಕ್ ಶಾರಾಕ್ ಹೆಮೊನ್ ಮನ್ತಲೆ ಶಾರಾಚಿ ನಾವ್ ಹೊತಾ, ಅಸೆ ದೆಶ್ ನಿತಳ್ ಕರುನ್ ಹೊತಾ.

17 ಸರ್ವೆಸ್ಪರ್ ಅಸೊ ಮನ್ತಾ, ನರ್ ಮಾನ್ಸಾ, ತಿಯಾ ಸಗ್ಳ್ಯಾ ನಮುನ್ಯಾಚ್ಯಾ ಜನಾವರಾಕ್ನಿ ಅನಿ ಸಗ್ಳ್ಯಾ ಜಿಮ್ನಿ ವಯ್ಲ್ಯಾ ಜಿವ್ದಾನಿಯಾಕ್ನಿ ಅಸೆ ಸಾಂಗ್. ತುಮಿ ಗೊಳಾ ಹೊವ್ನ್ ಎವ್ನ್ ಮಿಯಾ ಇಜ್ರಾಯೆಲಾಚ್ಯಾ ಮಡ್ಡಿ ವರ್‍ತಿ ಮಿಯಾ ತುಮ್ಚ್ಯಾ ಸಾಟ್ನಿ ಕರ್‍ತಲ್ಯಾ ಬಲಿಸಾಟ್ನಿ ಎವ್ನ್, ಮಾಸ್ ಖಾವ್ನ್ ರಗಾತ್ ಫಿವಾ. 18 ಶೆಳಿ, ಟಗರ್, ಬಕ್ರೆ, ಪಾಲ್ವೊ, ಪಾಡೊ, ಅನಿ ಬಾಶಾನಿಚಿ ಸಗ್ಳಿ ಮಾಂದ್ಯಾಚಿ ಜನಾವರಾ ಮಟ್ಲ್ಯಾರ್, ಪುಡಾರಾಂಚೆ ಅನಿ ಬಲಿಶ್ಟ್ ಲೊಕಾ ಹೆಂಚೆ ಸಗ್ಳ್ಯಾಂಚೆ ಮಾಂಸ್ ಅನಿ ರಗ್ತಾ ತುಮ್ಕಾ ಗಾವ್ತಾ. 19 ಮಿಯಾ ತುಮ್ಚ್ಯಾ ಸಾಟ್ನಿ ಬಲಿ ಭೆಟ್ವಲ್ಲ್ಯಾ ಸಗ್ಳ್ಯಾ ಜನಾವರಾಂಚೆ ಮಾಸ್ ಪೊಟ್ಬರ್ ಖಾತ್ಯಾಸಿ, ರಗಾತ್ ನಿಶ್ಯಾ ಹೊಯ್ ಪತರ್ಬಿ ಫಿತ್ಯಾಶಿ. 20 ಮಿಯಾ ತಯಾರ್ ಕರಲ್ಲ್ಯಾ ತ್ಯಾ ಜೆವ್ನಾತ್ ಘೊಡ್ಕಿಯಾ ಚಾಲ್ವುನಾರೊ ಅನಿ ರಥಾ ಚಾಲ್ವುನಾರೆ ಅನಿ ಸಗ್ಳ್ಯಾ ನಮುನ್ಯಾಚಿ ಝಗ್ಡ್ಯಾತ್ ಚಾಲು ಹೊತ್ತೆ, ಅನಿ ಸಗ್ಲ್ಯಾ ನಮುನ್ಯಾಚಿ ಸಯ್ನಿಕಾ ಲೊಕಾಕ್ನಿ ತುಮಿ ಆರಾಮಾನ್ ಜೆವಾನ್ ಖಾತ್ಯಾಸಿ ಮನ್ತಲೆ, ಹೆ ಸರ್ವೆಸ್ಪರಾಚೆ ಬೊಲ್ನೆ ಹೊವ್ನ್ ಹಾಯ್.

21 ಅಸೆ ಮಿಯಾ ಲೊಕಾಂಚ್ಯಾ ಮದ್ದಿ ಮಾಜಿ ಮಹಿಮಾ ಸ್ಥಾಪನ್ ಕರಲ್ಯಾ ತನ್ನಾ, ತ್ಯಾ ಸಯ್ನಿಕಾಂಚ್ಯಾ ವರ್‍ತಿ ಹಾತ್ ಉಕ್ಲುನ್ ಝಡ್ತಿ ಕರಲ್ಲೊ ಮಿಯಾಚ್ ಮನುನ್ ತ್ಯಾ ಸಗ್ಳ್ಯಾ ಲೊಕಾಕ್ನಿ ಕಳ್ತಾ. 22 ತ್ಯಾ ದಿಸಾಕ್ನಾ ಫಿಡೆ ಸಗ್ಳ್ಯಾ ಎಳಾರ್ಬಿ ಮಿಯಾಚ್ ಸದಾ ಸರ್ವತಾಕ್ ಸರ್ವೆಸ್ಪರ್ ಮನ್ತಲೆ ಇಜ್ರಾಯೆಲ್ ಲೊಕಾ ಕಳ್ವುನ್ಗೆತಾತ್. 23 ತವ್ಡೆಚ್ ನಸ್ತಾನಾ, ಇಜ್ರಾಯೆಲ್ ಲೊಕಾ, ಅಪ್ನಾಚ್ಯಾ ಬುರ್ಸ್ಯಾ ಕಾಮಾಂಚ್ಯಾ ವಯ್ನಾಚ್ ಬಂಧಿಹೊವ್ನ್ ಗೆಲಿ ಅನಿ ತೆನಿ ಮಾಕಾ ವಿರೊದ್ ಹೊವ್ನ್ ಚುಕ್ ಕರಲ್ಲ್ಯಾ ಸಾಟ್ನಿಚ್ ಮಿಯಾ ತೆಂಕಾ ಫಾಟ್ ಕರುನ್ ತೆನಿ ವಿರೊಧಿಯಾಂಚ್ಯಾ ಹಾತಿತ್ ತಲ್ವಾರಾಕ್ ಗಾಯ್ ಸಾರ್ಕೆ ಕರ್ಲೊ ಮನುನ್ ಸಗ್ಳಿ ಲೊಕಾ ಕಳ್ವುನ್ ಘೆತಾತ್. 24 ತೆಂಚ್ಯಾ ನಿತಳ್ ನಸಲ್ಲ್ಯಾ ಬುರ್ಸ್ಯಾ ಕಾಮಾಕ್ನಿ ಸಮಾ ಹೊಯ್ ಸಾರ್ಕೆ ತೆಂಕಾ ಶಿಕ್ಷ್ಯಾ ದಿವ್ನ್ ಮಿಯಾ ತೆಂಕಾ ಫಾಟ್ ಕರ್ಲೊ. 25 ಸರ್ವೆಸ್ಪರ್ ಅಸೊ ಮನ್ತಾ, ಮಾಜ್ಯಾ ಪವಿತ್ರ್ ನಾವಾಕ್ ಹೆಜ್ಯಾನ್ ಫಿಡೆ ಬುರ್ಸೆ ನಾವ್ ಯೆಯ್ನಾ ಸಾರ್ಕೆ ಮಿಯಾ ಅತ್ತಾ ತೆಂಚ್ಯಾಕ್ಡೆ ಪರ್‍ತುನ್ ಜಾಕೊಬ್ಯಾಂಚ್ಯಾ ಲೊಕಾಕ್ನಿ ಯೆಲ್ಲ್ಯಾ ಬುರ್ಸ್ಯಾ ಕಾಮಾಕ್ನಾ ಚುಕ್ವುನ್, ಇಜ್ರಾಯೆಲ್ ಪಿಳ್ಗಿಚ್ಯಾ ಲೊಕಾಕ್ನಿ ದಯಾ ದಾಕ್ವುತಾ. 26 ಮಿಯಾ ಮಾಜ್ಯಾ ಲೊಕಾಕ್ನಿ ದುಶ್ರ್ಯಾ ಲೊಕಾಂಚ್ಯಾ ಹಾತಿತ್ನಾ ಚುಕ್ವುನ್, ತ್ಯಾ ವಿರೊಧಿಯಾಂಚ್ಯಾ ದೆಸಾತ್ನಾ ಗೊಳಾ ಕರುನ್, ಲೈ ಲೊಕಾಂಚ್ಯಾ ಇದ್ರಾಕ್ ತೆಂಕಾ ರಾಕ್ವನ್ ಕರ್‍ತಲ್ಯಾ ವಯ್ನಾ ಮಾಜೊ ಮಾನ್ ಲೈ ಕರುನ್ ಘೆತಾ. 27 ಮಾನಾ ತೆನಿ ಸ್ವತ್ಯಾಚ್ಯಾ ದೆಸಾತ್ ಕೊನಾಚೆಬಿ ಭಿಂಯೆ ನಸ್ತಾನಾ ವಸ್ತಿ ಹೊತ್ತ್ಯಾ ಎಳಾರ್, ಅಪ್ನಿ ಮಾಕಾ ಕರಲ್ಲ್ಯಾ ಚುಕೆಂಚ್ಯಾ ವಿಶಯಾತ್ ತೆಂಕಾ ಮರ್ಯಾದ್ ದಿಸ್ತಾ. 28 ಮಿಯಾ ತೆಂಕಾ ದುಶ್ರ್ಯಾ ಲೊಕಾಂಚ್ಯಾ ಹಾತಿತ್ ಬಂಧಿಹೊವ್ನ್ ಜಾಯ್ ಸಾರ್ಕೆ ಕರುನ್ ಅನಿ ಪರ್‍ತುನ್ ಕೊನಾಕ್ಬಿ ಸೊಡಿ ನಸ್ತಾನಾ, ಸ್ವತ್ಯಾಚ್ಯಾ ದೆಸಾಕ್ ಪರ್‍ತುನ್ ಹಾನಲ್ಲ್ಯಾ ಸಾಟ್ನಿ ತೆಂಚೊ ಸರ್ವೆಸ್ಪರ್ ಮಿಯಾಚ್ ಮನುನ್ ತೆಂಕಾ ಕಳ್ವುನ್ಗೆತಾತ್. 29 ಅನಿ ಕನ್ನಾಬಿ ದೆಸಾತ್ ಪರ್‍ತುನ್ ಮಿಯಾ ತೆಂಕಾ ಫಾಟ್ ಕರುನ್ ರ್‍ಹಾಯ್ನಾ, ಇಜ್ರಾಯೆಲ್ ಲೊಕಾಂಚ್ಯಾ ವರ್‍ತಿ ಮಿಯಾ ಮಾಜೊ ಆತ್ಮೊ ವತ್ಲಾ, ಹೆ ರಾಜಾ ಸರ್ವೆಸ್ಪರಾಚೆ ಬೊಲ್ನೆ ಹೊವ್ನ್ ಹಾಯ್.