ಎಜ್ಕೆಲ್ 45

ದೆಸಾತ್ಲೆ ಸರ್ವೆಸ್ಪರಾಚೊ ಭಾಗ್

1 ತುಮಿ ದೆಶ್ ಸ್ವತಾಚೆ ಮನುನ್ ವಾಟುನ್ ಘೆತಾನಾ, ಎಕ್ ವಾಟೊ ಎಗ್ಳುನ್ ಸರ್ವೆಸ್ಪರಾಕ್ ಭೆಟ್ವುಚೆ, ತೊ ಜಾಗೊ ಸಾಡೆ ಬಾರಾ ಹಾಜಾರ್ ಹಾತ್ ಲಾಂಬಿ, ಅನಿ ಧಾ ಹಾಜಾರ್ ಹಾತ್ ರುಂದ್ ರ್‍ಹಾವ್ನ್ ಭೊತ್ಯಾನ್ ಪವಿತ್ರ್ ಹೊವ್ನ್ ರ್‍ಹಾವ್ಚೊ. 2 ಹ್ಯಾತುರ್ ದೊನ್ಸೆ ಪನ್ನಾಸ್ ಹಾತ್ ಲಾಂಬಿ, ಅನಿ ದೊನ್ಸೆ ಪನ್ನಾಸ್ ಹಾತ್ ರುಂದಿ, ಚವ್ಕ್ ಜಾಗೊ ಪವಿತ್ರ್ ಗುಡಿಚೊ ಹೊವ್ನ್ ರ್‍ಹಾತಾ, ತೆಜ್ಯಾ ಭೊತ್ಯಾನ್ ಪಂಚಿಸ್ ಹಾತ್ ರುಂದಿ, ಜೊತ್ ಮಾರುಕ್ ನಸಲ್ಲಿ ಜಿಮಿನ್ ರ್‍ಹಾತಾ. 3 ಪಯ್ಲೆ ಮೆಜಲ್ಲ್ಯಾ ಜಾಗ್ಯಾತ್ ಸಾಡೆ ಬಾರಾ ಹಾಜಾರ್ ಹಾತ್ ಲಾಂಬಿ, ಅನಿ ಪಾಂಚ್ ಹಾಜಾರ್ ಹಾತ್ ರುಂದಿ ಎಕ್ ಭಾಗ್ ಮೆಜ್, ಅನಿ ಹ್ಯಾತುರ್ ಪವಿತ್ರ್ ಗುಡಿ ರ್‍ಹಾವ್ಚಿ. 4 ದೆಸಾತ್ ನಿತಳ್ ಭಾಗ್ ಹೊಚ್ ಹೊವ್ನ್ ಹಾಯ್, ಹೆ ಪವಿತ್ರ್ ಗುಡಿಚ್ಯಾ ಸೆವಕಾಕ್ನಿ ಅನಿ ಯಾಜಕಾಕ್ನಿ ದಿವ್ನ್ ಹೊವ್ಚೆ, ಹೆ ಯಾಜಕಾಂಚ್ಯಾ ಘರಾಕ್ನಿ ಅನಿ ಪವಿತ್ರ್ ಗುಡಿಕ್ ಪವಿತ್ರ್ ಜಾಗೊ ಹೊವ್ನ್ ರ್‍ಹಾತಾ. 5 ಗುಡಿಚಿ ಸೆವಕಾ ಲೆವಿಯಾ ಗಾಂವಾ ಭಾಂದುನ್ಗೆವ್ನ್ ವಸ್ತಿ ಕರಿಸಾರ್ಕೆ ಸಾಡೆ ಬಾರಾ ಹಾಜಾರ್ ಹಾತ್ ಲಾಂಬಿ, ಅನಿ ಪಾಂಚ್ ಹಾಜಾರ್ ಹಾತ್ ರುಂದಿ, ಜಾಗೊ ತೆಂಚೊ ವಾಟೊ ಹೊತಾ. 6 ತುಮಿ ಮಾಕಾ ಭೆಟ್ವುತಲ್ಯಾ ನಿತಳ್ ಜಾಗ್ಯಾಚ್ಯಾ ಭಾಜುಕ್ ಸಾಡೆ ದೊನ್ ಹಾಜಾರ್ ಹಾತ್ ರುಂದಿ, ಸಾಡೆ ಬಾರಾ ಹಾಜಾರ್ ಹಾತ್ ಲಾಂಬಿ ಜಾಗೊ ಶಾರಾಕ್ ಸಮಂದ್ ಪಡಲ್ಲೊ ಜಾಗೊ ಕರುನ್ ನೆಮ್ಸುಚೆ, ತ್ಯಾತುರ್ ಇಜ್ರಾಯೆಲಾಂಚ್ಯಾ ಪಿಳ್ಗಿಚ್ಯಾಕ್ನಿ ವಾಟೊ ರ್‍ಹಾತಾ.

ರಾಜ್ವಟ್ಕಿ ಚಾಲ್ವುತಲ್ಯಾಂಚೊ ಜಾಗೊ

7 ರಾಜ್ಯಾಚೊ ವಾಟೊ ತುಮಿ ಯೆಗ್ಳುನ್ ಥವ್ನ್ ಭೆಟ್ವುತಲ್ಯಾ ಜಾಗ್ಯಾಕ್ ಅನಿ ಶಾರಾಕ್ ಸಮಂದ್ ಪಡಲ್ಲ್ಯಾ ಜಿಮ್ನಿಕ್ ದೊನಿ ಭಾಜುಕ್ನಿ ರ್‍ಹಾತಾ, ತುಮಿ ರಾಜಧಾನಿ ಕರುನ್ ಭೆಟ್ವುತಲ್ಯಾ ಜಿಮ್ನಿಚ್ಯಾ ಅನಿ ರಾಜ್ವಡ್ಕಿ ಕರ್‍ತಲ್ಯಾಕ್ನಿ ಸಮಂದ್ ಪಡಲ್ಲ್ಯಾ ಜಿಮ್ನಿಚ್ಯಾ ದಿಸ್ ಬುಡ್ತಲ್ಯಾ ದಿಕ್ಕಾಕ್ ತೆ ಪಗ್ಳುನ್ ರ್‍ಹಾತಾ, ದಿಸ್ ಉಗಾವ್ತಲ್ಯಾ ದಿಕ್ಕಾಕ್ ತೆ ತ್ಯಾಚ್ ದಿಕ್ಕಾಕ್ ಪಗ್ಳುನ್ ರ್‍ಹಾತಾ, ತೆಚಿ ಲಾಂಬಿ ದಿಸ್ ಬುಡ್ತಲ್ಯಾ ದಿಕ್ಕಾಕ್ನಾ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ ಎಕ್ ಕುಳಿಚ್ಯಾ ಆಸ್ತಿ ತವ್ಡೆಚ್ ಲಾಂಬ್ ರ್‍ಹಾತಾ. 8 ತೆ ತೆಕಾ ಇಜ್ರಾಯೆಲಾತ್ನಿ ಜಿಮ್ನಿಚಿ ಆಸ್ತಿ ಹೊವ್ನ್ ರ್‍ಹಾತಾ, ಹೆಜ್ಯಾ ಮಾನಾ ರಾಜಾ ಮಾಜ್ಯಾ ಲೊಕಾಕ್ನಿ ತರಾಸ್ ದಿಯ್ನಾತ್, ದೆಶಾಚಿ ಜಿಮಿನ್ ಇಜ್ರಾಯೆಲ್ ಹರ್ ಎಕ್ ಕುಳಿಯಾಕ್ನಿ ವಾಟುನ್ ದಿತಾತ್.

ಮುಖಂಡಾಕ್ನಿ ನಿಯಮಾ

9 ಸರ್ವೆಸ್ಪರ್ ದೆವ್ ಅಸೆ ಮನ್ತಾ, ಇಜ್ರಾಯೆಲಾಂಚ್ಯಾ ರಾಜ್ಯಾನೊ, ಅತ್ತಾ ಫಿರೆ, ಫಿರೆ, ಚೊರಿ ಕರಲ್ಲೆ ಅನಿ ಬಲತ್ಕಾರ್ ಸೊಡಾ, ಅನಿ ಖರೆಪಾನಾನ್ ಚಲಾ, ಮಾಜ್ಯಾ ಲೊಕಾಂಚೊ ವಾಟೊ ಚುಕ್ವುತಲೆ ಅನ್ಯಾಯ್ ಸೊಡುನ್ ಸೊಡಾ, ಹೆ ಸರ್ವೆಸ್ಪರಾಚೆ ಬೊಲ್ನೆ ಹೊವ್ನ್ ಹಾಯ್. 10 ತುಮ್ಚಿ ದಾನೆ ಮಾಪ್ತಲಿ ತಕ್ಡಿ ಖರೆಪಾನಾನ್ ರ್‍ಹಾವ್ಚಿ, ಅನಿ ತೆಲ್ ಪಾನಿ ಮೆಜ್ತಲೆ ಮಾಪ್ ಬಿ ಖರೆಪಾನಾಚೆ ರ್‍ಹಾವ್ಚೆ. 11 ಎಫಾ ಮನ್ತಲೆ ದಾನ್ಯಾಂಚೆ ಮಾಪ್ ಅನಿ ಬತ್ ಮನ್ತಲೆ ತೆಲ್ ಪಾನಿಯಾಚೆ ಮಾಪ್, ಎಕ್ ಮಾಪಾಚೆ ಹೊವ್ನ್ ರ್‍ಹಾವ್ಚೆ, ಬತ್ ಮನ್ತಲೆ ಮಾಪ್ ಕರ್‍ತಲ್ಯಾ ಆಯ್ದಾನಾನ್ ಧಾತ್ಲೊ ಎಕ್ ವಾಟೊ, ಹೊಮೆರಾಚೊ ಧಾತ್ಲೊ ಎಕ್ ವಾಟೊ, ಹೆ ದೊನಿಬಿ ಹೊಮೆರಾಚ್ಯಾ ಮಾಪಾಕ್ ಸಮಾ ಹೊವ್ನ್ ರ್‍ಹಾವ್ಚೆ. 12 ಎಕ್ ಸೆಕೆಲ್ ವಿಸ್ ಗೆರಾ ರ್‍ಹಾವ್ಚೆ, ತುಮ್ಚ್ಯಾಕ್ನಾ ಭೆಟ್ವುತಲೆ ಮಿನಾ ವಿಸ್, ವಿಸಾರ್ ಪಾಚ್ ನಾತರ್ ಪಂದ್ರಾ ಸೆಕೆಲಾಚೆ ಹೊವ್ನ್ ರ್‍ಹಾವ್ಚೆ. 13 ಸರ್ವೆಸ್ಪರ್ ದೆವ್ ಅಸೊ ಮನ್ತಾ, ತುಮಿ ತುಮ್ಚ್ಯಾ ಚುಕೆಂಚ್ಯಾ ಪರಿಹಾರ್ ಸಾಟ್ನಿ, ದಾನೆ ಭೆಟ್ವುತಲೆ ಸಗ್ಳೆ ಅಂಗ್ ಜಾಳ್ವುತಲಿ ಬಲಿ ಅನಿ ಸಮಾಧಾನಾಚಿ ಬಲಿ ಕರುಕ್ ಸಾಟ್ನಿ ಭೆಟ್ವುಚೆ ಹೊಲ್ಲೆ ಕಾಯ್ ಮಟ್ಲ್ಯಾರ್, ಎಕ್ ಹೊಮೆರ್ ಮಾಪಾಚೆ ಘಂವಾತ್ ಎಫಾ ಮಾಪಾಚೆ ಸಾ ತ್ಲೆ ಎಕ್ ವಾಟೊ, ಎಕ್ ಹೊಮೆರ್ ಮಾಪಾಚ್ಯಾ ಜವ್ ಘಂವಾಚ್ಯಾ ಎಫಾ ಮಾಪಾಚ್ಯಾ ಸಾ ತ್ಲೊ ಎಕ್ ವಾಟೊ. 14 ಎಕ್ ಬತ್ ತೆಲಾತ್ ಭೆಟ್ವುಚೆ ಹೊಲ್ಲೆ ವಾಟೊ ಕವ್ಡೊ ಮಟ್ಲ್ಯಾರ್, ಎಕ್ ಕೊರ್ ಮಟ್ಲ್ಯಾರ್ ಧಾ ಬತ್ ನಾತರ್ ಎಕ್ ಹೊಮೆರ್ ಮಾಪಾಚ್ಯಾ ತೆಲಾತ್ ಧಾತ್ಲೊ ಎಕ್ ವಾಟೊ ಧಾ ಬತ್ ಮಟ್ಲ್ಯಾರ್ ಎಕ್ ಹೊಮೆರ್. 15 ದೊನ್ಸೆ ಬಕ್ರ್ಯಾತ್ನಿ ಇಜ್ರಾಯೆಲಾಂಚ್ಯಾ ಪಾನಿಯಾಚ್ಯಾ ಗವ್ತಾಚ್ಯಾ ಜಾಗ್ಯಾ ವಯ್ಲೆ ಎಕ್ ಬಕ್ರೆ. 16 ಹೆ ಸಗ್ಳೆ ಸಗ್ಳ್ಯಾ ದೆಶಾಚ್ಯಾ ಲೊಕಾನಿ ಇಜ್ರಾಯೆಲಾಂಚ್ಯಾ ಮುಖಂಡಾಕ್ ಒಪ್ಸುಚೆ. 17 ಸನಾತ್ನಿ ಅನಿ ಆಮ್ಸೆತ್ನಿ, ಸಬ್ಬತಾತ್ನಿ ಅನಿ ಇಜ್ರಾಯೆಲಾಕ್ನಿ ನೆಮ್ಸುನ್ ಹೊಲ್ಲ್ಯಾ ಸಗ್ಳ್ಯಾ ಸನಾತ್ನಿಬಿ ಜನಾವರಾಚೆ ಸಗ್ಳೆ ಅಂಗ್ ಜಾಳ್ವುತಲಿ ಬಲಿ, ದಾನೆ ಭೆಟ್ವುತಲೆ, ಪಾನಿ ಭೆಟ್ವುತಲೆ, ಹೆ ಸಗ್ಳೆ ಭೆಟ್ವುತಲೆ ಮುಖಂಡಾಚೆ ಕಾಮ್ ಹೊವ್ನ್ ಹಾಯ್, ಇಜ್ರಾಯೆಲ್ ಕುಳಿಚ್ಯಾ ಪಾಪ್ ಮಾಪಿಚೆ ಬಲಿಚೆ ಜನಾವರ್, ದಾನೆ ಭೆಟ್ವುತಲೆ, ಅನಿ ಜನಾವರಾಚೆ ಸಗ್ಳೆ ಅಂಗ್ ಬಲಿ, ಸಮಾದಾನಾಚ್ಯಾ ಬಲಿಚೆ ಜನಾವರ್, ಹೆ ಸಗ್ಳೆ ಭೆಟ್ವುಚೆ.

ಸನಾ

18 ಸರ್ವೆಸ್ಪರ್ ದೆವ್ ಅಸೊ ಮನ್ತಾ, ಪಯ್ಲ್ಯಾ ವರ್ಸಾಚ್ಯಾ ಪಯ್ಲೆಚ್ಯಾ ಮಯ್ನ್ಯಾಚ್ಯಾ ಪಯ್ಲ್ಯಾ ದಿಸಿ, ತಿಯಾ ಬಯ್ಲಾಚೆ ಸಗ್ಳೆ ಅಂಗ್ ಬಲಿ ಕರುಕ್ ಎಕ್ ಬಯ್ಲ್ ಎಚುನ್ ಘೆವ್ನ್, ತೆಜ್ಯಾನ್ ಪವಿತ್ರ್ ಗುಡಿ ನಿತಳ್ ಕರುಚೆ. 19 ತ್ಯಾ ಯಾಜಕಾನ್ ತ್ಯಾ ಪಾಪ್ ಮಾಪಿಚ್ಯಾ ಬಲಿಚ್ಯಾ ರಗ್ತಾತ್ ಉಲ್ಲೆಸೆ ಘೆವ್ನ್, ಗುಡಿಚ್ಯಾ ದಾರಾಚ್ಯಾ ಚವ್ಕಟ್ಟಾಕ್ ಅನಿ ಬಲಿಚ್ಯಾ ಕಟ್ಟ್ಯಾಚ್ಯಾ ಚಾರಿ ಮುಲ್ಲ್ಯಾಕ್ನಿ ಭುತ್ತುರ್ಲ್ಯಾ ಖೊಲಿಚ್ಯಾ ಮುಖ್ಯ್ ದಾರಾಚ್ಯಾ ಖಾಂಬ್ಯಾಕ್ನಿಬಿ ಲಾವ್ಚೆ. 20 ತಸೆಚ್ ಸಾತ್ವ್ಯಾ ಮಯ್ನ್ಯಾಚ್ಯಾ ಪಯ್ಲೆಚ್ಯಾ ದಿಸಿ ತಿಯಾ ಬಲಿ ಭೆಟ್ವುನ್ ಕೊನಿತರಿಬಿ ಕಳಿನಸ್ತಾನಾ, ಆಕಸ್ಮಾತ್ ಕರಲ್ಲ್ಯಾ ಚುಕೆ ಸಾಟ್ನಿ ಬುದ್ದ್ ನಸಲ್ಲ್ಯಾಂಚ್ಯಾ ಕಾಮಾನಿ ಗುಡಿಕ್ ಹೊಲ್ಲ್ಯಾ ಪಾಪಾಕ್ ಪರಿಹಾರ್ ಕರುಚೆ. 21 ಪಯ್ಲೆಚ್ಯಾ ಮಯ್ನ್ಯಾಚ್ಯಾ ಚವ್ದಾವ್ಯಾ ದಿಸಾತ್ ಸಾತ್ವ್ಯಾ ದಿಸಾಚೆ ಪಾತ್ಕಾಚೊ ಸನ್ ಕರುಚೆ, ಆಂಬೊಟ್ ನಸಲ್ಲಿ ಬಾರಿಕ್ಲಿಯಾಚ್ ಖಾವ್ಚೆ. 22 ತ್ಯಾ ದಿಸಾತ್ ರಾಜಾನ್ ಅಪ್ನಾ ಸಾಟ್ನಿ ಅನಿ ದೆಶ್ಯಾ ಸಾಟ್ನಿ ಅನಿ ಲೊಕಾಂಚ್ಯಾ ಸಾಟ್ನಿಬಿ ಪಾಪ್ ಮಾಪಿಚಿ ಬಲಿ ಸಾಟ್ನಿ ಎಕ್ ಬಯ್ಲ್ ಭೆಟ್ವುಚೆ. 23 ಸನಾಚ್ಯಾ ಸಾತ್ ದಿಸಾತ್ನಿಬಿ ಸರ್ವೆಸ್ಪರಾಕ್ ಭೆಟ್ವುಚೆ ಹೊಲ್ಲ್ಯಾ ಸಗ್ಳೆ ಅಂಗ್ ಬಲಿ ಸಾಟ್ನಿ ತೆನಿ ಸಾತ್ ದಿಸಾಂಚ್ಯಾ ಪತರ್ಬಿ ಸಗ್ಳೆ ಅಂಗ್ ಬಲಿ ಸಾಟ್ನಿ ಸಾತ್ ಪಾಡೆ ಅನಿ ಸಾತ್ ಟಗ್ರಾ, ಅನಿ ಸಾತ್ ಪಾಲ್ವೆ ಒಪ್ಸುಚೆ, ಅನಿ ಪಾಪ್ ಮಾಪಿಚಿ ಬಲಿ ಸಾಟ್ನಿ ಹರ್ ಎಕ್ ದಿಸಿಬಿ ಎಕ್ ಬಯ್ಲಾ ಒಪ್ಸುಚೆ. 24 ತವ್ಡೆಚ್ ನಸ್ತಾನಾ, ಹರ್ ಎಕ್ ಪಾಡ್ಯಾಚ್ಯಾ ಅನಿ ಟಗ್ರಾ, ಅನಿ ಶೆಳಿಯಾಂಚ್ಯಾ ವಾಂಗ್ಡಾ ಹರ್ ಎಕಾಕ್ ಎಕೆಕ್ ಎಫಾ ಭರ್ ತೆಲ್, ಅನಿ ಹರ್ ಎಕ್ಲ್ಯಾಚ್ಯಾ ವಾಂಗ್ಡಾ ಎಕ್ ಎಫಾ ಘಂವಾಚೆ ಪಿಟ್ಟ್ ಭೆಟ್ವುಚೆ. 25 ಸಾತ್ವ್ಯಾ ಮ್ಹಯ್ನ್ಯಾಚ್ಯಾ ಪಂದ್ರಾವ್ಯಾ ದಿಸಾತ್ ಶುರು ಹೊತಲ್ಯಾ ಸನಾಚ್ಯಾ ಸಾತ್ ದಿಸಾತ್ನಿಬಿ ತೆನಿ ಪಾಪ್ ಮಾಪಿಚೆ ಜನಾವರ್, ಸಗ್ಳೆ ಅಂಗ್ ಬಲಿಚೆ ಜನಾವರ್ ಅನಿ ದಾನ್ಯಾಂಚೆ ಬಲಿ, ತೆಲ್ ಹೆ ಸಗ್ಳೆ ತ್ಯಾಚ್ ನೆಮಾ ಸಾರ್ಕೆ ದಿವ್ಚೆ.