1 ಸರ್ವೆಸ್ಪರ್ ದೆವಾನ್ ಮಾಜ್ಯಾಕ್ಡೆ ಬೊಲುನ್, 2 ನರ್ ಮಾನ್ಸಾ, ತಿಯಾ ಘಾತ್ಕಿ ಘರಾನಾಚ್ಯಾ ಲೊಕಾಂಚ್ಯಾ ವಾಂಗ್ಡಾ ವಸ್ತಿ ಹಾಸ್, ತ್ಯಾ ಘರಾನಾಚೆ ಘಾತಕ್ ಕರಲ್ಲ್ಯಾ ವಯ್ನಾ ಕಾನಾ ರಾವ್ನ್ ಬಿ ಕಿಂವ್ಡೆ ಡೊಳೆ ರಾವ್ನ್ ಬಿ ಕುಡ್ಡೆ ಮಟ್ಲ್ಯಾನ್.

3 ನರ್ ಮಾನ್ಸಾ, ಎಕ್ ಜಾಗ್ಯಾ ವಯ್ನಾ ದುಸ್ರ್ಯಾ ಜಾಗ್ಯಾರ್ ಜಾವ್ಕ್ ಪಾಜೆ ಹೊಲ್ಲಿ ಸಾಮಾನಾ ಗೊಳಾ ಕರುನ್ ಘೆವ್ನ್ ಸಾಂಚೆಕ್ಡೆಚ್ ತೆಂಚ್ಯಾ ಇದ್ರಾಕ್ನಾ ಜಾ, ಕಶ್ಯಾಕ್ ಮಟ್ಲ್ಯಾರ್ ತಿಯಾ ರಾತಲೊ ಜಾಗೊ ಸೊಡುನ್ ತೆನಿ ಬಗ್ತಾ ಬಗ್ತಾನಾಚ್ ತೆಂಚ್ಯಾ ಇದ್ರಾಕ್ನಾಚ್ಯಾ ಜಾ. ತಿನಿ ಘಾತ್ಕೆ ಪಿಳ್ಗಿಚೆ ಹೊಲ್ಯಾರ್ಬಿ ಎಕ್ ಯೆಳಾಕ್ ಅಪ್ನಾಚೆ ಘಾತ್ಕೆ ಮನ್ ವಳ್ಕುನ್ ಘೆತಿಲ್. 4 ತಿಯಾ ತುಜಿ ಸಾಮಾನಾ ಸಗ್ಳಿ ದಿಸಾಚ್ಯಾ ಉಜ್ವಾಡಾತುಚ್ ತೆಂಚ್ಯಾ ಇದ್ರಾಕ್ನಾ ಘರಾಚ್ಯಾ ಭಾರ್ಯ ಥವ್, ಅನಿ ಸಾಂಜೆ ತೆಂಚ್ಯಾ ಇದ್ರಾಕ್ನಾಚ್ ಚಲ್. 5 ತೆನಿ ತುಕಾ ಬಗುನ್ಗೆತ್ ರ್‍ಹಾತಾನಾ ಭಿತ್ತಿ ಫೊಡುನ್ ವಾಟ್ ಕರುನ್ ತ್ಯಾತುರ್ನಾ ತುಜಿ ಸಾಮಾನಾ ಭಾರ್ಯ ಥವ್. 6 ತೆಂಚ್ಯಾ ಡೊಳ್ಯಾಂಚ್ಯಾ ಇದ್ರಾಕ್ ತೆ ಖಾಂಜಾರ್ ವಾವ್ನ್ ಘೆ, ಕಾಳ್ಕಾತ್ ಘೆವ್ನ್ ಜಾ ಅನಿ ಜಿಮಿನ್ ದಿಸಿನಾ ಸಾರ್ಕೆ ತೊಂಡ್ ಧಾಪುನ್ ಘೆ, ಮಿಯಾ ತುಕಾ ಇಜ್ರಾಯೆಲ್ ಪಿಳ್ಗಿಚ್ಯಾಕ್ನಿ ಹಿ ಎಕ್ ವಳಕ್ ಕರ್ಲಾ. 7 ತನ್ನಾ ಮಾಕಾ ಹುಕುಮಾ ಕರುನ್ ಸಾರ್ಲೊ, ದಿಸಾನಿ ಮಾಜಿ ಸಾಮಾನಾ ಘರ್‍ಹಾತ್ನಾ ತಿಕ್ಡಿ ಥವ್ನ್ ತಿನ್ಸಾನಾಕ್ ಮಾಜ್ಯಾ ಹಾತಿನ್ ಭಿತ್ತ್ ಫೊಡುನ್ ವಾಟ್ ಕರುನ್ ತಿ ಸಾಮಾನಾ ಬಾರ್ಯ್ ಘಾಲುನ್, ತೆಂಚ್ಯಾ ಡೊಳೆ ಇದ್ರಾಕ್ನಾ ಉಕ್ಲುನ್ ನೆಲೊ.

8 ದುಸ್ರ್ಯಾ ದಿಸಿ ಸಕ್ಕಾಳಿ ಸರ್ವೆಸ್ಪರಾಚೆ ಬೊಲ್ನೆ ಮಾಕಾ ಆಯ್ಕೊ ಯೆಲಿ, 9 ನರ್ ಮಾನ್ಸಾ, ಘಾತ್ಕಿ ಇಜ್ರಾಯೆಲಾಚ್ಯಾ ಘರಾನ್ಯಾನ್ ತಿಯಾ ಕಾಯ್ ಕರುಲೆ? ಮನುನ್ ಇಚಾರಿತ್ ನ್ಹಯ್, 10 ತಿಯಾ ತೆಂಕಾ ಸಾಂಗ್, ಸರ್ವೆಸ್ಪರ್ ದೆವ್ ಅಸೊ ಮನ್ತಾ, ಹೆ ವಜ್ಜೆ ಜರುಜಲೆಮಾತ್ ರ್‍ಹಾತಲ್ಯಾ ರಾಜಾಕ್ನಿ ಅನಿ ಥೈ ರ್‍ಹಾತಲ್ಯಾ ಇಜ್ರಾಯೆಲ್ ಪಿಳ್ಗಿಚ್ಯಾಕ್ನಿ ಸಮಂದ್ ಪಡ್ಲಾ. 11 ತೆಂಕಾ ಸಾಂಗ್, ಮಿಯಾ ತೆಂಕಾ ವಳಕ್ ಹೊವ್ನ್ ಹಾಯ್, ಮಿಯಾ ಕರಲ್ಯಾ ಸಾರ್ಕೆ ತೆಂಕಾ ಹೊತಾ, ತೆನಿ ತೆಂಚೊ ಜಾಗೊ ಸೊಡುನ್ ದುಸ್ರ್ಯಾ ಜಾಗ್ಯಾಕ್ ಜಾವ್ನ್ ಗುಲಾಮ್ ಹೊವ್ನ್ ರ್‍ಹಾತ್ಯಾತ್. 12 ತೆಂಚ್ಯಾ ಮದ್ಲೊ ರಾಜಾಚೊ ಲೆಕ್ ಖಾಂಜಾರ್ ವಜ್ಜೆ ಘೆವ್ನ್ ತಿನ್ಸಾನಾಕ್ ಭಿತ್ತಿಕ್ ಫೊಡುನ್ ವಾಟ್ ಕರುನ್ ತ್ಯಾತುರ್ನಾ ಸಾಮಾನಾ ಭಾಯ್ರ್ ಘಾಲ್ತಾ, ತೊ ತೊಂಡ್ ಧಾಪುನ್ ಘೆತಾ, ಜಿಮಿನ್ ತೆಚ್ಯಾ ಡೊಳ್ಯಾಕ್ ದಿಸಿನಾ. 13 ಖರೆ ಮಿಯಾ ತೆಕಾ ಬಲಿ ಟಾಕ್ತಾ, ಕಶ್ಯಾಕ್ ಮಟ್ಲ್ಯಾರ್ ಮಿಯಾ ಗಾಟಲ್ಯಾ ಪಾಶ್ಯಾತ್ ತೊ ಗಾವುನ್ ಪಡ್ತಾ, ತೆಕಾ ಕಸ್ದಿಯಾ ದೆಸಾಕ್ ಬಾಬಿಲೊನಾಕ್ ನ್ಹೆತಾ, ತೊ ಥೈ ರ್‍ಹಾವ್ನ್ ಮರ್ತಾ. ಖರೆ ತೊ ದೆಶ್ ಬಗಿನಾ. 14 ತೆಚ್ಯಾ ಭೊತ್ಯಾನಿ ಹೊತ್ತ್ಯಾ ಸಗ್ಳ್ಯಾ ಸೆವೆಕಾಕ್ನಿ, ತೆಜೊ ಸಯ್ನ್ ಮಿಯಾ ಸಗ್ಳ್ಯಾಕ್ಡೆ ವಾರ್ಯಾನ್ ಹುಡ್ವುನ್ ತೆಂಚ್ಯಾ ಪಾಟ್ನಾ ತಲ್ವಾರ್ ಭಿರ್ಕಟ್ತಾ. 15 ಮಿಯಾ ತೆಂಕಾ ದೆಸಾತ್ನಿ ಪಗ್ಳುನ್ ಅನಿ ದುಸ್ರ್ಯಾ ದೆಸಾತ್ನಿ ಸಿಪ್ಡುನ್ ಜಾಯ್ ಸಾರ್ಕೆ ಕರ್ತಾ, ತನ್ನಾ ಮಿಯಾಚ್ ಸರ್ವೆಸ್ಪರ್ ಮನ್ತಲೆ ತೆಂಕಾ ಕಳ್ತಾ. 16 ಖರೆ ಮಿಯಾ ಉಲ್ಲ್ಯಾ ಲೊಕಾಕ್ನಿ, ತಲ್ವಾರ್, ಬರ್‍ಗಾಲ್ ಅನಿ ಪಿಡಾತ್ನಾ ವಾಚ್ವುನ್ ತೆನಿ ತೆಂಚಿ ಬುರ್ಶಿ ಕಾಮಾ ವಿಶಯಾತ್ ತೆಂಚಾಚ್ ಲೊಕಾಕ್ನಿ ಸಾಂಗಿ ಸಾರ್ಕೆ ಅವ್ಕಾಸ್ ಕರುನ್ ದಿತಾ, ತನ್ನಾ ಮಿಯಾಚ್ ಸರ್ವೆಸ್ಪರ್ ಮನ್ತಲೆ ತೆಂಕಾ ಕಳ್ತಾ.

17 ಸರ್ವೆಸ್ಪರಾನ್ ಮಾಜೆಕ್ಡೆ ಬೊಲ್ಯಾನ್, 18 "ನರ್ ಮಾನ್ಸಾ, ತಿಯಾ ಸಿತ್ ಜೆವ್ತಾನಾ ಖಾಪುನ್ಗೆತ್ ಜೆವ್ ಅನಿ ಪಾನಿ ಫಿತಾನಾ ಥರ್ಥರುನ್ಗೆತ್ ಪಾನಿ ಫಿ". 19 ತ್ಯಾ ದೆಸಾತ್ಲ್ಯಾ ಲೊಕಾಕ್ನಿ ಅಸಿ ಸಾಂಗ್, "ಸರ್ವೆಸ್ಪರ್ ದೆವಾನ್, ಇಜ್ರಾಯೆಲ್ ದೆಶಾಚ್ಯಾ ಜರುಜಲೆಮಾತ್ಲ್ಯಾ ಲೊಕಾಕ್ನಿ ವಿಶಯಾತ್ ಅಸೆ ಮನ್ತಾ, ತೆನಿ ಸಿತ್ ಜೆವ್ತಾನಾ ಕಡ್ಕಡುನ್ಗೆತ್ ಜೆವ್ತಾತ್ ಅನಿ ಪಾನಿ ಫಿತಾನಾ ಥರ್ಥರುನ್ಗೆತ್ ಪಾನಿ ಫಿತಾತ್, ಕಶ್ಯಾಕ್ ಮಟ್ಲ್ಯಾರ್ ದೆಸಾತ್ಲ್ಯಾ ಬುರ್ಸ್ಯಾ ಲೊಕಾಂಚ್ಯಾ ವಯ್ನಾ ಥೈತ್ಲಿ ಆಸ್ತಿ ನಾಶ್ ಹೊವ್ನ್ ಜಾತಾ, ದೆಶ್ ಹಾಳ್ ಪಡ್ತಾ". 20 ತನ್ನಾ ಭರಲ್ಲಿ ಶಾರ್‍ಹಾತ್ಲಿ ಲೊಕಾ ನಸ್ತಾನಾ ಹಾಳ್ ಪಡುನ್ ಜಾತಾ, ಅಸೆ ಮಿಯಾಚ್ ಸರ್ವೆಸ್ಪರ್ ದೆವ್ ಮನ್ತಲೆ ಗೊತ್ತ್ ಹೊತಾ.

21 ಸರ್ವೆಸ್ಪರ್ ದೆವಾನ್ ಮಾಜೆಕ್ಡೆ ಬೊಲ್ಲ್ಯಾನ್. 22 ನರ್ ಮಾನ್ಸಾ ಇಜ್ರಾಯೆಲಾಚ್ಯಾ ಎಳ್ ಜಾವುನ್ಗೆತುಚ್ ರ್‍ಹಾತಾ, ದರ್ಶನಾ ಸಗ್ಳಿ ಪುರಾ ಹೊಯ್ನಾತ್. ಇಜ್ರಾಯೆಲ್ ಲೊಕಾ ಬೊಲ್ತಲಿ ಹಿ ಸಾಂಗ್ನಿ ಕಸ್ಲಿ? 23 ತೆಂಕಾ ಸಾಂಗ್, ಸರ್ವೆಸ್ಪರ್ ದೆವ್ ಅಸಿ ಮನ್ತಾ, ಮಿಯಾ ಹಿ ಸಾಂಗ್ನಿ ಸಾರ್ತಾ ಅನಿ ಕನ್ನಾಚ್ ಇಜ್ರಾಯೆಲಾತ್ನಿ ತಿ ಸಾಂಗ್ನಿ ವಾಪ್ರುಕ್ ಹೊಯ್ನಾ, ತೆಚ್ಯಾ ಬದ್ಲಿಕ್ ಎಳ್ ಎವ್ನ್ ಪಾವ್ಲಾ, ಅನಿ ದರ್ಶನಾ ಪುರಾ ಹೊತಲೊ ಎಳ್ ಜಗ್ಗೊಳ್ ಯೆಲಾ. 24 ಹೆಚ್ಯಾನ್ ಫಿಡೆ ಇಜ್ರಾಯೆಲಾಂಚ್ಯಾ ಪಿಳ್ಗಿಚ್ಯಾತ್ನಿ ಕೊನಾಕ್ಬಿ ಝುಟಿ ದರ್ಶನ್ ಹೊಯ್ನಾ, ಅನಿ ಪಶ್ವನ್ಗಿಚಿ ಭವಿಶ್ ವಾನಿ ರ್‍ಹಾಯ್ನಾತ್. 25 ಮಿಯಾಚ್ ಸರ್ವೆಸ್ಪರ್ ದೆವ್, "ಮಿಯಾ ಬೊಲಲ್ಲೆ ಬೊಲ್ನೆ ಬೊಲುನುಚ್ ಬೊಲ್ತಾ, ಅನಿ ಮಿಯಾ ತೆ ಬೊಲಲ್ಲೆ ಬೊಲ್ನೆ ಚಲ್ತಾ, ಅತ್ತಾ ಸಾವ್ಕಾಸ್ ಹೊಯ್ನಾ, ಬುರ್ಶಾ ಪಿಳ್ಗಿಚ್ಯಾನು ಮಿಯಾ ತುಮ್ಚ್ಯಾ ಕಾಳಾರ್ ಸಾಂಗಲ್ಲೆ ಯೆವ್ಡೆ ನಸ್ತಾನಾ ಬೊಲಲ್ಲೆ ಕರ್ತಾ" ಹಿ ದೆವಾಚಿ ಗೊಸ್ಟ್. 26 ಸರ್ವೆಸ್ಪರಾನ್ ಮಾಕಾ ಹಿ ಗೊಸ್ಟ್ ಸಾಂಗ್ಲ್ಯಾನ್, 27 ನರ್ ಮಾನ್ಸಾ, "ಅಬಕ್ ಇಜ್ರಾಯೆಲ್ ಪಿಳ್ಗಿಚಿ ಲೊಕಾ ಅಸಿ ಸಾಂಗ್ತಾತ್, ಹೆಕಾ ಹೊಲ್ಲಿ ದಿವ್ಯಾ ದರ್ಶನಾ ಲೈ ದುರ್ ಕಾಳಾಕ್ ಸಮಂದ್ ಪಡಲ್ಲೆ ಹಾಯ್", ಲೈ ದಿಸಾಂಚ್ಯಾ ಮಾನಾ ಹೊತಲೆ ಅತ್ತ್ಯಾಚ್ ಹೊತಾ ಮನುನ್ ಸಾಂಗ್ತಾ. 28 ಅಶೆ ಹೊವ್ನ್ ತಿಯಾ ತೆಂಕಾ ಅಸಿ ಸಾಂಗ್ ಸರ್ವೆಸ್ಪರ್ ದೆವಾನ್ ಅಸಿ ಸಾಂಗ್ತಾ, ಹೆಚ್ಯಾನ್ ಫಿಡೆ ಮಿಯಾ ಬೊಲಲ್ಲೆ ಘಡುಕ್ ಲೈ ಎಳ್ ಲಾಗಿನಾ, ಅನಿ ಮಿಯಾ ಬೊಲಲ್ಲೆ ಹೊವ್ನುಚ್ ಹೊತಾ. ಹಿ ಸರ್ವೆಸ್ಪರ್ ದೆವಾಚಿ ಗೊಸ್ಟ್.