1 ಸರ್ವೆಸ್ಪರಾನ್ ಮಾಜ್ಯಾ ವಾಂಗ್ಡಾ ಬೊಲ್ಲ್ಯಾನ್. 2 ನರ್ ಮಾನ್ಸಾ, ಮೆಶಿಕಿಚ್ಯಾಕ್ನಿ ತುಬುಲಿಚ್ಯಾಕ್ನಿ ರಾಜ್ವಡ್ಕಿ ಕರ್ತಲೊ ಮಾಗೊಗ್ ದೆಶಾಚೊ ರಾಜಾ ಗುಗಾಕ್ಡೆ ತೊಂಡ್ ಕರುನ್, ತೆಕಾ ಹೆ ದೆವಾಚೆ ಪ್ರವಾದನ್ ಕರ್. 3 ಸರ್ವೆಸ್ಪರ್ ಅಸೊ ಮನ್ತಾ, ಮೆಶೆಕ್ ಅನಿ ತುಬುಲ್ ಲೊಕಾಂಚ್ಯಾ ರಾಜಾ ಗುಗ್, ಅಹಾ, ಮಿಯಾ ತುಕಾ ವಿರೊಧ್ ಹೊವ್ನ್ ಹಾಯ್. 4 ತುಕಾ ಪಾಟಿ ಫಿರ್ವುನ್, ತುಜ್ಯಾ ದಾವ್ಡಿಕ್ ಗೊಕ್ಕೊ ಘಾಲುನ್, ತುಜ್ಯಾ ಸಗ್ಳ್ಯಾ ಸಯ್ನ್ಯಾಕ್ ಅನಿ ಘೊಡ್ಕ್ಯಾಕ್ನಿ, ಅನಿ ಘೊಡ್ಕಿಯಾ ಚಾಲ್ವುನಾರ್ಯಾಕ್ನಿ, ಹೆಂಕಾ ಮಾರುಕ್ ಮೊಟೊ ಸಯ್ನ್ ಅಪ್ನಾಚ್ಯಾ ತಲ್ವಾರಾಂಚ್ಯಾ ವಾಂಗ್ಡಾ ಎಲ್ಯಾನಿ. 5 ಕೊನ್ಬಿ ಚುಕಿನಸ್ತಾನಾ, ಖೆಡ್ಯಾ ಅನಿ ಟಕ್ಲ್ಯಾಚ್ಯಾ ರಾಕ್ವನಿಚ್ಯಾ ಸಾಟ್ನಿ ಹೊತ್ತೆ ಪಾರಸಿಯಾ, ಕುಶ್ಯಾ ಅನಿ ಕುಟ್ಯಾ, ಹೆನಿಬಿ ತೆಂಚ್ಯಾ ವಾಂಗ್ಡಾ ಎಲ್ಯಾನಿ. 6 ಹೆಂಕಾ ಗೊಮೆರಾಚ್ಯಾಕ್ನಿ ಉತ್ತರ್ ದಿಕ್ಕಾಚ್ಯಾಕ್ನಾ ಯೆಲ್ಲ್ಯಾ ತೊಗರ್ಮೆಚ್ಯಾಕ್ನಿ, ಒಟ್ಟು ಲೈ ಸಯ್ನಿಕಾಕ್ನಿ ತುಜ್ಯಾ ವಾಂಗ್ಡಾ ಯೆಯ್ ಸಾರ್ಕೆ ಕರ್ತಾ. 7 ತಯಾರ್ ಹೊ, ತುಜ್ಯಾ ವಾಂಗ್ಡಾ ಮಿಳುನ್ ಯೆಲ್ಲ್ಯಾ ಸಗ್ಳ್ಯಾ ತಾಂಡ್ಯಾಂಚ್ಯಾ ವಾಂಗ್ಡಾ, ತುಕಾ ತಯಾರ್ ಕರುನ್ಗೆ, ತೆಂಕಾ ತಿಯಾಚ್ ವಾಟ್ ದಾಕ್ವುನಾರೊ ಹೊವ್ನ್ ರಾ. 8 ಲೈ ದಿಸಾಂಚ್ಯಾ ಮಾನಾ, ಮಿಯಾ ತುಕಾ ಬಲ್ವುತಾ, ತಲ್ವಾರಾನ್ ನಾಶ್ ಹೊವ್ನ್, ಪರ್‍ತುನ್ ಝಿತ್ತೆ ಹೊಲ್ಲ್ಯಾ ದೆಶ್ಯಾತ್ ತಿಯಾ ಸಗ್ಳ್ಯಾ ಎಳಾರ್ನಿ ಗುಸುನ್, ಲೈ ಲೊಕಾ ಹೊತ್ತ್ಯಾ ಮಾಜ್ಯಾ ಲೊಕಾಂಚ್ಯಾ ವರ್‍ತಿ ಪಡ್ತೆಯ್. ಹೊಯ್ ಲೊಕಾಂತ್ನಾ ಪಾರ್ ಹೊಲ್ಲಿ ತಿ ಸಗ್ಳಿ ಲೊಕಾ ಲೈ ಯೆಳಾಕ್ನಾ ಹಾಳ್ ಹೊಲ್ಲ್ಯಾ ಇಜ್ರಾಯೆಲಾಚ್ಯಾ ಮಡ್ಡಿಯಾಂಚ್ಯಾ ಜಾಗ್ಯಾ ವಯ್ನಿ ಆರಾಮಾನ್ ವಸ್ತಿ ರ್‍ಹಾತಾನಾ, ತಿಯಾ ತೆಂಚ್ಯಾ ವರ್‍ತಿ ಪಡ್ತೆಯ್. 9 ತಿಯಾ ಅನಿ ತುಜಿ ಸಗ್ಳಿ ಸಯ್ನಿಕಾ ತುಜ್ಯಾಕ್ನಾ ಹೊತ್ತಿ ಲೈ ಲೊಕಾ, ಮೊಟೆ ವಾರೆ ವಾದಾಳ್ ಸಾರ್ಕೆ ಎವ್ನ್ ಸೊಡ್ತ್ಯಾಶಿ, ಕಾಳ್ಯಾ ಮೊಡಾನಿ ಭರಲ್ಯಾ ಸಾರ್ಕೆ ತ್ಯಾ ದೆಶ್ಯಾಕ್ ಧಾಪ್ತ್ಯಾಸಿ. 10 ಸರ್ವೆಸ್ಪರ್ ಅಸೊ ಮನ್ತಾ, ತನ್ನಾ ತುಜ್ಯಾ ಮನಾತ್ ಯೆವ್ಜನಿಯಾ ಭರ್ತಾತ್. 11 ತಿಯಾ, ಆಹಾ, ಮಿಯಾ ಗಾಂವಾಕ್ ಕುಪ್ಪ್ ನಸಲ್ಲ್ಯಾ ಗಾಂವಾತ್ನಿ ಗುಸುನ್ ದಾರಾಕ್ನಿ ಅಗ್ಳಿ, ಭಿತ್ತಿಯಾ ನಸ್ತಾನಾ, ಆರಾಮಾನ್ ರ್‍ಹಾತಲ್ಯಾ ಲೊಕಾಂಚ್ಯಾ ವರ್‍ತಿ ಪಡ್ತಾ ಮನುನ್ಗೆಟ್ಲ್ಯಾನ್. 12 ಲುಟ್ ಕರುನ್ ಹಾಳ್ ಕರುಚೆ ಮನುನ್ಗೆವ್ನ್ ಲೊಕಾ ನಸ್ತಾನಾ ರ್‍ಹಾವ್ನ್ ಅತ್ತಾ ಲೊಕಾನಿ ಭರಲ್ಲ್ಯಾ ಜಾಗ್ಯಾಂಚ್ಯಾ ವರ್‍ತಿ ಹಾತ್ ಉಕ್ಲುಚೆ ಮನುನ್ಗೆವ್ನ್, ಲೊಕಾಂತ್ನಿ ಗೊಳಾ ಹೊವ್ನ್ ಗೊರಾಡೊರಾ ಘೆವ್ನ್ ಜಾಗ್ಯಾಚ್ಯಾ ಮದ್ದಿ ವಸ್ತಿ ರ್‍ಹಾತಲ್ಯಾಕ್ನಿ ಜಿವ್ ಕಾಡುಚೆ ಮನುನ್ ಬುರ್ಸೆಪಾನ್ ಚಿಂತುನ್ಗೆತ್ ರ್‍ಹಾತೆಯ್. 13 ಶೆಬಾಚೆ ಅನಿ ದೆದಾನಿಚೆ ಅನಿ ತಾರ್ಶಿಸಿಚಿ ಯಾಪಾರ್ ಕರ್‍ತಲೆ, ತೆಚಿ ಸಿಂವಾಚ್ಯಾ ಸಾರ್ಕೆ ವಾಯಾ ಹೊತ್ತಿ ಲೊಕಾ, ತುಕಾ ಬಗುನ್, ತಿಯಾ ಚೊರಿ ಕರುಕ್ ಯೆಲೈ ಕಾಯ್? ಚೊರಿ ಕರುನ್ ಚಾಂದಿ ಅನಿ ಸೊನೆ ಘೆವ್ನ್, ಗೊರಾಡೊರಾ ಸಗ್ಳಿ ಲುಟುನ್, ಲೈ ಬದಿಕ್ ಚೊರುನ್ ನ್ಹೆವ್ಕ್ ತುಜ್ಯಾ ತಾಂಡ್ಯಾಕ್ ಮಿಳ್ವುನ್ ಘೆವ್ನ್ ಯೆಲೈ ಕಾಯ್ ಮನುನ್ ಇಚಾರ್ತಾತ್. 14 ಅಸೆ ರ್‍ಹಾತಾನಾ, ನರ್ ಮಾನ್ಸಾ, ತಿಯಾ ಹಿ ದೆವಾಚಿ ಪ್ರವಾದನ್ ಗೊಗಾಕ್ ಸಾಂಗ್, ಸರ್ವೆಸ್ಪರ್ ಅಸೊ ಮನ್ತಾ, ಮಾಜಿ ಇಜ್ರಾಯೆಲ್ ಲೊಕಾ ಆರಾಮಾನ್ ವಸ್ತಿ ರ್‍ಹಾತಲ್ಯಾ ಎಳಾರ್, ತೆಂಚೆ ಆರಾಮ್ ಪಾನ್ ತುಕಾಬಿ ಕಳ್ತಾ ನ್ಹಯ್. 15 ತಿಯಾ ಹೊತ್ತೊ ಜಾಗೊ ಸೊಡುನ್, ಗೊಳಾಹೊಲ್ಲ್ಯಾ ಲೈ ಲೊಕಾಂಚ್ಯಾ ವಾಂಗ್ಡಾ ಘೊಡ್ಕಿಯಾಂಚ್ಯಾ ಮೊಟ್ಟ್ಯಾ ಸಯ್ನ್ಯಾ ವಾಂಗ್ಡಾ ಉತ್ತರ್ ದಿಕ್ಕಾಕ್ನಾ ಯೆತೆಯ್. 16 ಅನಿ ಮಾಜ್ಯಾ ಇಜ್ರಾಯೆಲ್ ಲೊಕಾಂಚ್ಯಾ ವರ್‍ತಿ ಕಾಳಿ ಮೊಡಾ ಗತಿನ್ ಧಾಪ್ತೆಯ್, ಎ ಗುಗ್, ಮಿಯಾ ತುಕಾ ಲೊಕಾಂಚ್ಯಾ ಇದ್ರಾಕ್ ನಾಶ್ ಕರ್‍ತಲ್ಯಾ ವಯ್ನಾ ಮಾಜಿ ಮಾನ್ ರಾಕುನ್ಗೆತಾ. ತನ್ನಾ ಮಿಯಾಚ್ ಸರ್ವೆಸ್ಪರ್ ಮನ್ತಲೆ ಲೊಕಾಕ್ನಿ ಕಳಿಸಾರ್ಕೆ ತುಕಾ ಸಗ್ಳ್ಯಾ ಎಳಾರ್ನಿ ದೆಶ್ಯಾಚ್ಯಾ ವರ್‍ತಿ ಝಗ್ಡ್ಯಾಕ್ ಉಟಿ ಸಾರ್ಕೆ ಕರ್ತಾ. 17 ಸರ್ವೆಸ್ಪರ್ ಅಸೊ ಮನ್ತಾ, ಮಾಜಿ ಸೆವಕಾ ಇಜ್ರಾಯೆಲಾಚಿ ಪರ್ವಾದಿಯಾ ಅದ್ಲ್ಯಾ ಕಾಲಾತ್ ಲೈ ಎಳ್ ಪರ್‍ವಾದನ್ ಕರುನ್, ಮಿಯಾ ಎಕ್ಲ್ಯಾಕ್ ಇಜ್ರಾಯೆಲಾಚ್ಯಾ ವರ್‍ತಿ ಝಗ್ಡ್ಯಾಕ್ ಉಟಿ ಸಾರ್ಕೆ ಕರ್ತಾ, ಮನುನ್ ಫಿಡೆ ಹೊತಲೆ ಹೊತ್ತೆ ಅದ್ದಿಚ್ ಸಾಂಗ್ಲೊ. ತನ್ನಾ, ತೆ ಹೊತಲೆ ಹೊತ್ತೆ ಅದ್ದಿಚ್ ತೆಂಚ್ಯಾ ತೊಂಡಾನ್ ಕಳಯಲ್ಲೆ ಮಿಯಾಚ್.

18 ಸರ್ವೆಸ್ಪರ್ ಸಾಂಗ್ತಾ, ಗೊಗ್ ಇಜ್ರಾಯೆಲ್ ದೆಶಾಚ್ಯಾ ವರ್‍ತಿ ಝಗ್ಡ್ಯಾಕ್ ಉಟ್ತಾನಾ ಮಿಯಾ ರಾಗಾನ್ ತಾಪ್ಲಾ. 19 ಮಿಯಾ ರಾಗಾನ್ ಅನಿ ಲೈ ರಾಗಾನ್ ಪೆಟುನ್ಗೆತ್ ಅಸೊ ಸಾಂಗ್ಲೊ, ತ್ಯಾ ದಿಸಾತ್ನಿ ಇಜ್ರಾಯೆಲ್ ದೆಸಾತ್ ಮೊಟೊ ಹಾದರ್ತಲೆ ಹೊತಲೆ ಖರೆಚ್ ಹೊಯ್. 20 ತನ್ನಾ ಸಮುಂದರಾತ್ಲಿ ಮಾಸೊಳಿಯಾ, ಮಳ್ಬಾತ್ಲಿ ಫಾಕ್ರಾ ಅನಿ ಡಂಗ್ಳಿತ್ಲಿ ಜನಾವರಾ, ಜಿಮ್ನಿ ವರ್‍ತಿ ತೆವಳ್ತಲೆ ಜಿವ್ದಾನಿಯಾ ಅನಿ ಜಿಮ್ನಿ ವೈಲಿ ಸಗ್ಳಿ ಮಾನ್ಸಾ ಮಾಜ್ಯಾ ಇದ್ರಾಕ್ ಥರ್ಥರ್ತಾತ್, ಮಡ್ಡಿಯಾ ಪರ್‍ತುನ್ ಪಡ್ತಾತ್. ಝರೆ ಮುಜುನ್ ಪಡ್ತಾತ್, ಸಗ್ಳಿ ಬಿತ್ತಿಯಾ ಜಿಮ್ನಿಕ್ ಲಾಗುನ್ ಪಡ್ತಾತ್. 21 ಸರ್ವೆಸ್ಪರ್ ಅಸೊ ಮನ್ತಾ, ತಲ್ವಾರ್ ಅನಿ ಮಾಜಿ ಸಗ್ಳಿ ಮಡ್ಡಿಯಾ ಗೊಗಾಕ್ ಜಿವ್ ಕಾಡುಂದಿತ್ ಮನುನ್ ಹುಕುಮ್ ದಿತಾ. ಹರ್ ಎಕ್ ಮಾನ್ಸಾಚೊ ತಲ್ವಾರಾನಿ ತೆಜ್ಯಾ ಭಾವಾಕ್ ವಿರೊದ್ ಹೊವ್ನ್ ರ್‍ಹಾತಾ. 22 ಮಿಯಾ ಗೊಗಾಚ್ಯಾ ವಾಂಗ್ಡಾ ವಾದ್ ಕರುನ್, ತೆಕಾ ದುಕ್ನೆ ಎವ್ನ್ ಭರಿಸಾರ್ಕೆ ಕರುನ್ ತೆಜ್ಯಾ ವರ್‍ತಿ ಅನಿ ತೆಜ್ಯಾ ಸಯ್ನ್ಯಾಚ್ಯಾ ವರ್‍ತಿ ಅನಿ ತೆಜ್ಯಾ ವಾಂಗ್ಡಾ ಹೊತ್ತ್ಯಾ ಸಗ್ಳ್ಯಾ ಲೊಕಾಂಚ್ಯಾ ವರ್‍ತಿ ಲೈ ಪಾವ್ಸ್ ಅನಿ ಮೊಟಿ ಘಾರ್ಬಿಯಾ, ಆಗ್, ಗಂದಕ್, ಹೆ ಸಗ್ಳೆ ಪಾಡ್ವುತಾ. 23 ಮಿಯಾ ಅಸೆ ಮಾಜಿ ಮಹಿಮಾ ದಾಕ್ವುನ್, ಮಾಜಿ ಮಾನ್ ರಾಕುನ್ಗೆವ್ನ್, ಲೈ ಲೊಕಾನಿ ಮಿಯಾಚ್ ಸರ್ವೆಸ್ಪರ್ ಮನುನ್ ಕಳ್ವುನ್ ಘೆಯ್ ಸಾರ್ಕೆ ತೆಂಚ್ಯಾ ಇದ್ರಾಕ್ ದಾಕ್ವುನ್ ಘೆತಾ.