1 ನರ್ ಮಾನ್ಸಾ, ಎಕ್ ಧಾರ್ಲೊ ತಲ್ವಾರ್ ಘೆವ್ನ್ ಹಜಾಮಾಚ್ಯಾ ವಸ್ತರಾ ಸಾರ್ಕೆ ವಾಪ್ರುನ್ ಘೆವ್ನ್ ತುಜ್ಯಾ ಟಕ್ಲ್ಯಾಚಿ ಅನಿ ದಾಡಿಚಿ ಕೆಸಾ ಕಾಡುನ್ ಎಕ್ ತಕ್ಕಡಿತ್ ಘಾಲುನ್ ತಿ ಕೆಸಾ ಸಮಾ ತಿನ್ ಭಾಗ್ ಕರ್, 2 ಅನಿ ಆಕ್ರಮನಾಚಿ ದಿಸಾ ಸರಲ್ಯಾ ಮಾನಾ ಕೆಸಾಂಚೊ ಎಕ್ ಭಾಗ್ ಶಾರಾಚ್ಯಾ ಮದ್ದಿ ಆಗಿನ್ ಜಾಳುನ್ ಸೊಡ್; ಅನಿ ಎಕ್ ಭಾಗ್ ಘೆವ್ನ್ ಶಾರಾಚ್ಯಾ ಭೊತ್ಯಾನಿ ತಲ್ವಾರಾನಿ ತೊಡುನ್ ಘಾಲ್; ಅನಿ ಎಕ್ ಭಾಗ್ ವ್ಹಾರ್ಯಾಕ್ ಹುಡ್ವುನ್ ಸೊಡ್, ತಸಿಚ್ ಮಿಯಾ ಮಾಜ್ಯಾ ಲೊಕಾಂಚ್ಯಾ ಭೊತ್ಯಾನಿ ತಲ್ವಾರ್ ಭಿರ್ಕಟ್ತಾ. 3 ತನ್ನಾ ಆಕ್ರಿಚ್ಯಾ ಭಾಗಾತ್ ಹುರಲ್ಯಾ ಉಲ್ಲಿ ಕೆಸಾ ತುಜ್ಯಾ ವಯ್ಲ್ಯಾ ಅಂಗಿಚ್ಯಾ ತುದಿಕ್ ಭಾಂದ್; 4 ಮಾನಾ ತ್ಯಾತುರ್ಲಿ ಉಲ್ಲಿಸಿ ಕೆಸಾ ಘೆವ್ನ್ ಆಗಿತ್ ಘಾಲುನ್ ಜಾಳ್; ತೆಚ್ಯಾಕ್ನಾ ಆಗ್ ಎವ್ನ್ ಇಜ್ರಾಯೆಲಾಂಚ್ಯಾ ಪಿಳ್ಗಿಚ್ಯಾ ಲೊಕಾಂಕ್ನಿ ಸಗ್ಳೆಕ್ಡೆ ಪಗಳ್ತಾ.

5 ತನ್ನಾ ಸರ್ವೆಸ್ಪರ್ ದೆವಾನ್ ಅಸಿ ಮಟ್ಲ್ಯಾನ್, "ಹೆ ಜರುಜಲೆಮ್ ಮಿಯಾ ದೆಶಾಂಚ್ಯಾ ಮದ್ದಿ ಸ್ಥಾಪಿತ್ ಕರ್ಲಾ, ತೆಚ್ಯಾ ಭೊತ್ಯಾನಿ ಹುರಲ್ಲಿ ದೆಶಾ ಹಾತ್". 6 ಅನಿ ತಿ ಮಾಜ್ಯಾ ನೆಮಾಕ್ನಿ ಮಾನಿನಸ್ತಾನಾ, ರಾಜ್ಯ್ ಕಿಂತಾ ಭೊತ್ಯಾನಿ ರ್‍ಹಾತಲ್ಯಾ ದೆಶಾಂಚ್ಯಾಕಿಂತಾ ಲೈ ಬುರ್ಸೆ ಹೊವ್ನ್ ಚಾಲುಲ್ಲಾ; ಕಶ್ಯಾಕ್ ಮಟ್ಲ್ಯಾರ್ ತಿ ಮಾಜಿ ನಿಯಮ್ ಪಾಳಿ ನಸ್ತಾನಾ ಮಾಜಿ ಪದ್ದತ್ ಸೊಡುನ್ ಸೊಡ್ಲಾ, 7 ಅಸಿ ರ್‍ಹಾತಾನಾ ಸರ್ವೆಸ್ಪರ್ ದೆವಾನ್ ಅಸಿ ಸಾಂಗಟ್ಲ್ಯಾನ್; ತುಮಿ ಮಾಜ್ಯಾ ನಿಯಮಾಕ್ನಿ ಮಾನಿನಸ್ಲ್ಯಾರ್ ಮಾಜ್ಯಾ ನೆಮಾಂಚ್ಯಾ ಸಾರ್ಕೆ ಚಲಿನಸ್ಲ್ಯಾರ್ ತುಮ್ಚ್ಯಾ ಭೊತ್ಯಾನಿ ರ್‍ಹಾತಲ್ಯಾ ದೆಶಾಂಚೆ ಧರಮ್ ನಿಯಮ್ ಆಚರನ್ ಕರುನ್, ತ್ಯಾ ಲೊಕಾಂಚ್ಯಾ ಕಿಂತಾ ಲೈ ಧಂಗೊ ಉಟ್ವುತಲಿ ಲೊಕಾ ಹೊಲ್ಯಾಸಿ. 8 ಅಬಕ್ ಮಿಯಾಚ್ ತುಕಾ ವಿರೊಧ್ ಹೊವ್ನ್ ಹಾಯ್, ಲೊಕಾಂಚ್ಯಾ ಡೊಳ್ಯಾಚ್ಯಾ ಇದ್ರಾಕುಚ್ ತುಜ್ಯಾ ಲೊಕಾಂಕ್ನಿ ಶಿಕ್ಷ್ಯಾ ದಿತಾ, ಹಿ ಸರ್ವೆಸ್ಪರಾಚೆ ಬೊಲ್ನೆ ಹೊವ್ನ್ ಹಾಯ್. 9 ತಿಯಾ ಲೈ ಬುರ್ಶಿ ಕಾಮಾ ಕರಿತ್ ಹೊತ್ತ್ಯಾ ವಯ್ನಾ ಮಿಯಾ ಅಜುನ್ ಪತರ್ಬಿ ಅನಿ ಫಿಡೆಬಿ ದಿ ನಸಲ್ಲಿ ಶಿಕ್ಷ್ಯಾ ತುಮ್ಕಾ ದಿತಾ. 10 ಅಸಿ ರ್‍ಹಾತಾನಾ ತುಮ್ಚ್ಯಾತ್ಲೆ ಬಾಬಾ ಪೊರಾಕ್ನಿ, ಪೊರಾ ಬಾಬಾಕ್ನಿ ಖಾತ್ಯಾತ್; ತನ್ನಾ ಮಿಯಾ ತುಮ್ಕಾ ಶಿಕ್ಷ್ಯಾ ದಿವ್ನ್ ತುಮ್ಚ್ಯಾತ್ ಹುರಲ್ಯಾ ಸಗ್ಳ್ಯಾಕ್ನಿ ಸಗ್ಳ್ಯಾಕ್ಲ್ಯಾ ವ್ಹಾರ್ಯಾಕ್ ಹುಡ್ವುತಾ.

11 ಕಶ್ಯಾಕ್ ಮಟ್ಲ್ಯಾರ್, ಸರ್ವೆಸ್ಪರ್ ದೆವ್ ಅಸಿ ಸಾಂಗ್ತಾ; ಮಾಜ್ಯಾ ಜಿವಾಚ್ಯಾ ವರ್‍ತಿ ಆನ್ ಘಾಲುನ್, ತಿಯಾ ತುಜ್ಯಾ ಬುರ್ಸ್ಯಾ ಮುರ್ತಿಯಾತ್ನಿ ಅನಿ ಅಸಯ್ಯ್ ಸಾಮಾನಾನಿತ್ನಾ ಮಾಜೊ ಪವಿತ್ರ್ ಜಾಗೊ ಬುರ್ಸೆ ಕರಲ್ಲ್ಯಾ ವಯ್ನಾ, ಖರೆಚ್ ಶಿಕ್ಷಾಕ್ ಗುರಿ ಕರ್ತಾ. 12 ತುಜ್ಯಾ ಲೊಕಾನಿತ್ಲೊ ತಿನಾತ್ಲೊ ಎಕ್ ಭಾಗ್ ಪಿಡ್ಯಾನಿ ಮರುನ್ ಜಾತಾತ್, ಅನಿ ತುಮ್ಚ್ಯಾ ಮದ್ದಿ ರೊಗ್ ಎವ್ನ್ ನಾಶ್ ಹೊತಾತ್; ಅನಿ ಎಕ್ ಭಾಗ್ ತುಜ್ಯಾ ಭೊತ್ಯಾನಿ ತಲ್ವಾರಾನಿ ಜಿವ್ ಜಾತಾ; ಅನಿ ಎಕ್ ಭಾಗ್ ವ್ಹಾರ್ಯಾಕ್ ಹುಡ್ವುನ್ ತೆಂಚ್ಯಾ ಪಾಟ್ನಾ ತಲ್ವಾರ್ ಭೊತ್ಯಾನಿ ಭಿರ್ಕಟ್ತಾ.

13 ಅಸಿ ಕರುನ್ ಮಾಜೊ ರಾಗ್ ಥಂಡ್ ಕರುನ್ ಘೆತಾ, ಅನಿ ಮಾಜೊ ಕ್ರೊದ್ ತೆಂಚ್ಯಾ ವರ್‍ತಿ ವೊತುನ್ ಶಾಂತ್ ಹೊತಾ; ಸರ್ವೆಸ್ಪರ್ ಮಿಯಾಚ್ ಮನುನ್ ಮಾಜೊ ರಾಗ್ ತೆಂಚ್ಯಾ ವರ್‍ತಿ ವತಲ್ಯಾ ತನ್ನಾ ತೆಂಕಾ ಕಳ್ತಾ. 14 ದಾಟುನ್ ಜಾತಲ್ಯಾ ಲೊಕಾಂಚ್ಯಾ ಡೊಳ್ಯಾಂಚ್ಯಾ ಇದ್ರಾಕುಚ್ ಮಿಯಾ ತುಮ್ಕಾ ಹಾಳ್ ಕರುನ್, ಭೊತ್ಯಾನಿ ಹೊತ್ತ್ಯಾ ರಾಜಾಕ್ನಿ ನಿಂದ್ಯಾಕ್ ಗುರಿ ಕರ್ತಾ. 15 ಮಿಯಾ ರಾಗಾನ್ ಅನಿ ರೊಶ್ಯಾನ್ ಕಟಿನ್ ಶಿಕ್ಷ್ಯಾ ಅನಿ ಲೊಕಾಂಚ್ಯಾ ಗಾಳಿಯಾಕ್ನಿ ಬುದ್ದ್ ಬಾಳ್ ಸಾಂಗಿಸಾರ್ಕೆ ಕರ್ತಾ. ಹಿ ಸರ್ವೆಸ್ಪರಾಚೆ ಬೊಲ್ನೆ. 16 ತನ್ನಾ ಮಿಯಾ ತುಕಾ ಹಾಳ್ ಕರುಕ್ ಮನುನ್ ಬರ್‍ಗಾಲ್ ಮನ್ತಲೊ ಧಾರ್ಲೊ ಬಾನ್ ತುಜ್ಯಾ ವರ್‍ತಿ ಸೊಡ್ತಾ ತುಮ್ಕಾ ತರಾಸಾನ್ ಲೈ ಕಸ್ಟ್ ದಿವ್ನ್ ಜೆವಾನ್ ದಿತಲೆ ಯೆತಲೆ ಇಬೆ ಕರ್ತಾ. 17 ಅಸೆ ಮಿಯಾ ಬರ್‍ಗಾಲ್ ಅನಿ ದುಸ್ಟ್ ಜನಾವಾರಾ ತುಮ್ಚ್ಯಾ ವರ್‍ತಿ ಧಾಡ್ತಾ, ತೆ ತುಮ್ಕಾ ದಿಕ್ಕ್ ನಸಲ್ಲ್ಯಾಂಚ್ಯಾ ಸಾರ್ಕೆ ಕರ್ತಾ, ಮಾನಾ ದುಕ್ನೆ ಯೆತಾತ್, ಅನಿ ತುಮ್ಚ್ಯಾತ್ ರಗ್ತಾಚೊ ಹಂವಾರೊ ಹೊತಾ, ತುಮ್ಚ್ಯಾ ವರ್‍ತಿ ಕೊಯ್ತೊ ಭಿರ್ಕಾಟುನ್ ಹೊತಾ, ಹಿ ಸರ್ವೆಸ್ಪರಾಚಿ ಗೊಸ್ಟ್.