1 ಸರ್ವೆಸ್ಪರಾನ್ ಮಾಕಾ ಅಸೆ ಸಾಂಗ್ಲ್ಯಾನ್, 2 ನರ್ ಮಾನ್ಸಾ, ತಿಯಾ ಅಮ್ಮೊನಾಕ್ಡೆ ತೊಂಡ್ ಕರುನ್, ತೆಚ್ಯಾ ವಿಶಯಾತ್ ದೆವಾಚಿ ಇಚ್ಚ್ಯಾ ಪರ್ಗಟ್ ಕರುನ್ಗೆತ್ ಅಸೆ ಸಾಂಗ್, 3 ಸರ್ವೆಸ್ಪರ್ ದೆವಾಚಿ ಖಬರ್ ಆಯ್ಕ್, ಸರ್ವೆಸ್ಪರ್ ದೆವ್ ಅಸೊ ಸಾಂಗ್ತಾ, ಅಮ್ಮೊನಾ, ಮಾಜಿ ಪವಿತ್ರ್ ಗುಡಿ, ಪವಿತ್ರ್ ಹೊವ್ನ್ ಹಾಯ್, ಇಜ್ರಾಯೆಲಾಂಚೆ ಗಾಂವ್ ಪಾಡ್ ಪಡಲ್ಲೆ ಜುದೆವಾಂಚ್ಯಾ ಪಿಳ್ಗಿಚೆ ಗಡಿಪಾರ್ ಹೊಲ್ಲೆ ಬಗುನ್ ಆಹಾ ಮಟ್ಲೆ. 4 ತಸೆ ಹೊವ್ನ್ ಅಬಕ್, ಮಿಯಾ ತುಕಾ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ನಾ ಹೊತ್ತ್ಯಾಂಚ್ಯಾ ವಾರಿಸ್ದಾರ್ ರಾಯ್ ಸಾರ್ಕೆ ಕರ್ತಾ, ತೆನಿ ತುಜ್ಯಾ ವಾಂಗ್ಡಾ ಟಂಬು ಗಾಲುನ್ ಘೆವ್ನ್ ಥೈಚ್ ರ್‍ಹಾತ್ಯಾತ್, ಅನಿ ತುಜಿ ಹನ್ನಾ ಖಾತಾತ್, ಅನಿ ತುಜೆ ದುದ್ದ್ ಫಿತಾತ್, 5 ಮಿಯಾ ರಬ್ಬಾ ಶಾರಾಕ್, ಒಂಟಿಯಾಕ್ನಿ ಗೊಟೊ ಕರುನ್ ಅನಿ ಅಮ್ಮೊನ್ ಗಾಂವಾಚ್ಯಾ ಬಕ್ರ್ಯಾಂಚ್ಯಾ ಹಿಂಡಾಕ್ನಿ ಆರಾಮ್ ಕರ್ತಲೊ ಜಾಗೊ ಕರ್ತಾ; ತನ್ನಾ ಮಿಯಾಚ್ ಸರ್ವೆಸ್ಪರ್ ದೆವ್ ಮನುನ್ ಕಳ್ತಾ. 6 ಸರ್ವೆಸ್ಪರ್ ದೆವ್ ಅಸೊ ಮನ್ತಾ, ತಿಯಾ ಥಾಪ್ಟಿಯಾ ಮಾರುನ್, ಪಾಯಾನಿ ಜಿಮಿನ್ ಬಡ್ವುನ್, ಇಜ್ರಾಯೆಲ್ ದೆಸಾಕ್ ಪುರಾ ಮನಾನಿ ತಿರಸ್ಕಾರ್ ಕರುನ್, ತೆಕಾ ಗತ್ ಬಗುನ್ ಫುಗ್ಲೆಯ್. 7 ತೆಚ್ಯಾ ವಯ್ನಾ, ಮಿಯಾ ತುಜ್ಯಾ ವರ್‍ತಿ ಹಾತ್ ಉಕ್ಲುನ್ ಲುಟ್ ಕರುಕ್ ಮನುನ್ ತುಕಾ ದುಶ್ರ್ಯಾ ದೆಶಾಚ್ಯಾ ಅಧಿಕಾರಿಚ್ಯಾ ತಾಬೆತ್ ದಿತಾ, ಲೊಕಾಂಚ್ಯಾಕ್ನಾ ನಿಕ್ಳುನ್, ದೆಶಾಚ್ಯಾಕ್ನಾ ತುಜೆ ನಾವ್ ಪುಸುನ್ ತುಕಾ ಹಾಳ್ ಕರ್ತಾ; ತನ್ನಾ ಮಿಯಾಚ್ ಸರ್ವೆಸ್ಪರ್ ಮನುನ್ ತುಕಾ ಕಳ್ತಾ.

8 ಸರ್ವೆಸ್ಪರ್ ದೆವ್ ಅಶೆ ಮನ್ತಾ, ಹೆ, ಜುದೆವಾಂಚ್ಯಾ ಪಿಳ್ಗಿಚೆ ಸಗ್ಳ್ಯಾ ಲೊಕಾಂಚ್ಯಾ ಸಾರ್ಕೆಚ್ ಹಾಯ್, ಮನುನ್ ಮೊವಾಬ್ ಅನಿ ಸೆಯಿರಾನ್ ಸಾಂಗುನ್ ಘೆಟ್ಲ್ಯಾನಿ. 9 ತಸೆ ಹೊವ್ನ್, ದೆಶಾಚಿ ವಸ್ತಾ ಹೊಲ್ಲ್ಯಾ ಮೊವಾಬಾಚಿ ಘಡ್ ಶಾರಾ ಮಟ್ಲ್ಯಾರ್, ಬೆತ್ ಯೆಶಿಮೊತ್, ಬಾಳ್ಮೆಯೊನ್, ಕಿರ್ಯಾತಯಿಮ್ ಮನ್ತಲಿ ಶಾರಾ, ಹೊತ್ತ್ಯಾಕ್ಡೆ ಮಿಯಾ ಮೊವಾಬಾಚಿ ಘಡ್ ಫೊಡುನ್ ಟಾಕ್ತಾ. 10 ತೊ ಗಾಂವ್ ಯೆವ್ಡೆಚ್ ನಸ್ತಾನಾ, ಅಮ್ಮೊನಾಕ್ಬಿ ದಿಸ್ ಉಗಾವ್ತಲ್ಯಾ ದಿಕ್ಕಾತ್ ಹೊತ್ತ್ಯಾಕ್ನಿ ವಾರಿಸ್ದಾರ್ ಹೊವ್ನ್ ದಿವ್ನ್ ಅಮ್ಮೊನಾನಿ ಲೊಕಾಂಚ್ಯಾ ಮದ್ದಿ ನಾಶ್ ಹೊವ್ಚೆ ಮನುನ್ ಮಾಜಿ ಆಶ್ಯಾ ಪುರಾ ಕರ್ತಾ. 11 ಮೊವಾಬ್ಯಾಕ್ನಿ ಶಿಕ್ಷ್ಯಾ ದಿ ನಸ್ತಾನಾ ಸೊಡಿನಾ, ತನ್ನಾ ಮಿಯಾಚ್ ಸರ್ವೆಸ್ಪರ್ ಮನುನ್ ತೆಂಕಾ ಕಳ್ತಾ.

12 ಸರ್ವೆಸ್ಪರ್ ದೆವ್ ಅಶೆ ಮನ್ತಾ, "ಮಿಯಾ ಎದೊಮ್ ಜುದೆವಾಂಚ್ಯಾ ಪಿಳ್ಗಿಕ್ ಶೆಡ್ ಕರಿ ನಸ್ತಾನಾ, ಶೆಡಾಕ್ ಶೆಡ್ ಕರುನ್ ಮೊಟೊ ಪಾಪ್ ಕರ್ಲೊ", 13 ಅಶೆ ರ್‍ಹಾತಾನಾ ಸರ್ವೆಸ್ಪರ್ ಅಶೆ ಮನ್ತಾ, ಮಿಯಾ ಎದೊಮಾಚ್ಯಾ ವರ್‍ತಿ ಹಾತ್ ಉಕ್ಲುನ್, ತ್ಯಾತುರ್ ಹೊತ್ತ್ಯಾ ಲೊಕಾಕ್ನಿ ಅನಿ ಜನಾವರಾಕ್ನಿ ನಾಶ್ ಕರ್ತಾ. ತೆಮಾನ್ ಶಾರಾಕ್ನಾ ದೆದಾನ್ ಶಾರಾ ಪತರ್ ಹಾಳ್ ಕರುನ್ ಲೊಕಾಕ್ನಿ ತಲ್ವಾರಾಕ್ ಗಾಯ್ ಸಾರ್ಕೆ ಕರ್ತಾ. 14 "ಮಿಯಾ ಎದೊಮಾಕ್ ಮಾಜಿ ಲೊಕಾ ಹೊಲ್ಲ್ಯಾ ಇಜ್ರಾಯೆಲಾಂಚ್ಯಾ ಹಾತಿತ್ನಾ ಶೆಡ್ ಕಾಡುನ್ ಘೆತಾ, ತೆನಿ ಮಾಜ್ಯಾ ರಾಗಾಕ್ನಿ ಸಮಾ ಹೊವ್ನ್ ತೆಕಾ ಕರ್‍ತಾತ್; ಮಾಜೊ ಶೆಡ್ ಎದೊಮಾಚ್ಯಾ ಅನ್ಬೊಗಾಕ್ ಯೆತಾ", ಹೆ ಸರ್ವೆಸ್ಪರ್ ದೆವಾಚಿ ಗೊಸ್ಟ್.

15 ಸರ್ವೆಸ್ಪರ್ ದೆವ್ ಅಶೆ ಮನ್ತಾ, ಪಿಲಿಸ್ತಿಯಾನಿ ಜುದೆವಾಚ್ಯಾಕ್ನಿ ವಿರೊದ್ದ್ ಕರ್ಲಾತ್, ಹೊಯ್, ಶೆಡಾಕ್ ಶೆಡ್, ಕಾಡುನ್ಗೆವ್ಕ್, ತೆ ಪುರಾ ಮನಾನ್ ತಿರಸ್ಕಾರ್ ಕರಾ, ಲೈ ಎಳ್ ರ್‍ಹಾತಲ್ಯಾ ರಾಗಾನ್ ಹಾಳ್ ಕರ್ಲಾತ್. 16 ಅಶೆ ರ್‍ಹಾತಾನಾ, ಸರ್ವೆಸ್ಪರ್ ಅಶೆ ಮನ್ತಾ, ಅಬಕ್, ಮಿಯಾ ಪಿಲಿಸ್ತಿಗಾರಾಂಚ್ಯಾ ವರ್‍ತಿ ಹಾತ್ ಉಕಲ್ತಾ, ಕೆರೆತಿಯಾಕ್ನಿ ಕಾಪುನ್ ಟಾಕುನ್, ಸಮುಂದರಾಚ್ಯಾ ದಂಡೆನ್ ಹೊತ್ತ್ಯಾ ಹುರಲ್ಯಾ ಲೊಕಾಕ್ನಿ ನಾಶ್ ಕರುನ್ ಸೊಡ್ತಾ. 17 ಸಗ್ಳ್ಯಾಕ್ನಿ ಲೈ ಕರುನ್ ಖಂಡನ್ ಕರುನ್ ಶೆಡಾಕ್ ಶೆಡ್ ಕಾಡ್ತಾ, ಅಸಿ ಪರ್‍ತುನ್ ಜವಾಬ್ ದಿತಾ, ಮಿಯಾಚ್ ಸರ್ವೆಸ್ಪರ್ ಮನುನ್ ತೆಂಕಾ ಕಳ್ತಾ.