1 ಸರ್ವೆಸ್ಪರಾನ್ ಮಾಕಾ ಹಿ ಗೊಸ್ಟ್ ದಿಲ್ಯಾನ್, 2 ನರ್ ಮಾನ್ಸಾ ಇಜ್ರಾಯೆಲ್ ಪಿಳ್ಗಿಚ್ಯಾಕ್ನಿ ಹಿ ಕಾನಿ ಒಡ್ಪ್ ವಯ್ನಾ ಸಾಂಗ್, 3 ಸರ್ವೆಸ್ಪರ್ ದೆವ್ ಅಸೊ ಸಾಂಗ್ತಾ, ರುಂದ್ ಅನಿ ಲಾಂಬ್ ರಕುಟ್ಯಾಂಚಿ ಫಾಕಾನಿ ಭರಲ್ಲಿ ಲೈ ನಮುನ್ಯಾಚ್ಯಾ ಬನ್ನಾಚಿ ಮೊಟಿ ಹದ್ದಾ ಲೆಬನೊನಿಕ್ ಎವ್ನ್ ದೆವದಾರು ಝಾಡಾಚ್ಯಾ ವಯ್ಲ್ಯಾ ಭಾಗಾಚಿ ಟಾಂಕಿಯಾ ಕುಟ್ಲ್ಯಾನ್. 4 ಲೈ ತುದಿಚೆ ಚಿಗರಾ ಚಾವ್ನ್ ಘೆವ್ನ್ ಯಾವಾರಾಚ್ಯಾ ದೆಸಾತ್ ಜಾವ್ನ್ ಲೈ ಯಾವಾರಿ ಲೊಕಾ ಹೊತ್ತ್ಯಾ ಶಾರ್‍ಹಾತ್ ಥವ್ಲ್ಯಾನ್. 5 ತೆಜ್ಯಾ ಮಾನಾ ತೆನಿ ತ್ಯಾ ದೆವದಾರುಚೆ ಝಾಡ್ ಹೊತ್ತ್ಯಾ ದೆಶಾಚಿ ಬಿಂಯ್ ಘೆವ್ನ್ ಜಾವ್ನ್, ಲೈ ಬರ್ಯಾ ಪಾನಿಯಾಚ್ಯಾ ಜಾಗ್ಯಾಚ್ಯಾ ಜಿಮ್ನಿ ವರ್‍ತಿ ಲಾವ್ನ್ ತನ್ನಾ ತೆ ಲೈ ಬರೆ ಪಾನಿಯಾಚ್ಯಾ ಜಗ್ಗೊಳ್ ರ್‍ಹಾತಲ್ಯಾ ಝಾಡಾಚ್ಯಾ ಗತಿನ್ ವಾಡ್ಲೆ. 6 ತೆ ಲೈ ಮೊಟೆ ಹೊವ್ನ್ ವಾಡುನ್, ದರಾಕ್ಷಾಚ್ಯಾ ಎಲಿ ಗತಿನ್ ಪಗ್ಳುನ್, ಅಪ್ನಾಚೆ ಫಾಟೊ ತ್ಯಾ ಹದ್ದಾಚ್ಯಾ ಭಾಜುಕ್ ಪಗ್ಳುನ್, ತೆಜ್ಯಾ ಬುಡಿ ಅಪ್ನಾಚಿ ಬೆರಾ ಸೊಡ್ಲ್ಯಾನ್, ತೆ ಎಲ್ ಹೊವ್ನ್ ಫಾಟೆ ಪಗ್ಳುನ್, ಚಿಗುರ್ ಸೊಡ್ಲ್ಯಾನ್. 7 ಥೈ ಅನಿ ಎಕ್ ಮೊಟೆ ರುಂದ್ ಫಾಕುಟ್ಯಾಂಚೆ ಹೊತ್ತೆ ಅನಿ ಫಾಕಾ ಹೊತ್ತೆ ಅನಿ ಎಕ್ ಹದ್ದ್ ಹೊತ್ತೆ, ಅಬಕ್ ತಿ ದರಾಕ್ಷಾಚಿ ಎಲ್, ಅಪ್ನಿ ಚಿಗರಲ್ಲ್ಯಾ ಜಾಗ್ಯಾ ವಯ್ನಾ ತೆಜ್ಯಾ ಭಾಜುಕ್ ಅಪ್ನಾಚಿ ಬೆರಾ ಪರ್‍ತುನ್, ಅಪ್ನಾಚಿ ಫಾಟೆ ಪಗ್ಳುನ್, ತೆಜ್ಯಾಕ್ನಾ ಪಾನಿಯಾಚಿ ವಾಟ್ ಬಗಿತ್ ಹೊತ್ತೆ. 8 ತೆ ಲೈ ಬರಿ ಎಲ್ ಹೊವ್ನ್ ಅಪ್ನಾಚಿ ಫಾಟೆ ಪಗ್ಳುನ್, ಫಳ್ ದಿವ್ಕ್ ಅನ್ಕುಲ್ ಹೊತಲ್ಯಾ ಬರ್ಯಾ ಪಾನಿಯಾಚ್ಯಾ ಜಾಗ್ಯಾ ವರ್‍ತಿ ಲಾವಲ್ಲೆ ಹೊತ್ತೆ. 9 ಅನಿ ತಿಯಾ ಹಿ ಗೊಸ್ಟ್ ಸಾಂಗ್, ಸರ್ವೆಸ್ಪರ್ ದೆವಾನ್ ಅಸೊ ಮನ್ತಾ, ತೆ ವಾಡ್ವಳ್ಕಿ ಹೊವ್ನ್ ರ್‍ಹಾತಾ ಕಾಯ್? ತೆಕಾ ಲಾವಲ್ಲ್ಯಾ ಹದ್ದಾನ್ ತೆಚಿ ಬೆರಾ ಉಪ್ಸುನ್, ತೆಚೆ ಫಳ್ ತೊಡ್ತಾನಾ, ತೆ ವಾಳುನ್ ತೆಚಿ ಸಗ್ಳಿ ಹಿರ್ವಿ ಪಾನಾ ಬಾವ್ನ್ ಜಾತಾತ್ ನ್ಹಯ್? ತೆ ಬೆರಾ ವಾಂಗ್ಡಾ ಉಪ್ಸುನ್ ಹೊತಾ, ತೆಬಿ ಲೈ ಲೊಕಾಂಚ್ಯಾಕ್ನಾ ನಾತರ್ ಲೈ ಬಳಾನ್ ನ್ಹಯ್. 10 ಆಹಾ, ಲಾವಲ್ಲಿ ಎಲ್, ಬರಿಚ್ ರ್‍ಹಾತಾ ಕಾಯ್? ದಿಸ್ ಉಗಾವ್ತಲ್ಯಾ ದಿಕ್ಕಾಚೊ ವಾರೊ ಮಾರ್ತಾನಾ, ಬಾಡುನ್ ಜಾತ್ಯಾಚ್ ನ್ಹಯ್, ಕಸೆ ವಾಡ್ಲಾ ತಸೆಚ್ ಬಾಡುನ್ ಜಾತಾ.

11 ಸರ್ವೆಸ್ಪರಾನ್ ಮಾಕಾ ಅನಿ ಎಕ್ ಗೊಸ್ಟ್ ದಿಲ್ಯಾನ್. 12 ಚುಕ್ ಕರಲ್ಲ್ಯಾ ಘರಾನಾಚ್ಯಾ ಲೊಕಾಕ್ನಿ ಅಸೆ ಸಾಂಗ್, ತುಮ್ಕಾ ಹೆಚೆ ಉದ್ದೆಸ್ ಗೊತ್ತ್ ನಾ ಕಾಯ್? ಅಬಕ್ ಬಾಬೆಲಾಚೊ ರಾಜಾ ಜರುಜಲೆಮಾಕ್ ಎವ್ನ್, ಥೈ ತ್ಲ್ಯಾ ರಾಜಾಕ್ನಿ ಅನಿ ಮುಖಂಡಾಕ್ನಿ ಧರುನ್ಗೆವ್ನ್ ಬಾಬೆಲಾಕ್ ನ್ಹೆಲ್ಯಾನ್. 13 ಅನಿ ರಾಜಾಚ್ಯಾ ಘರಾನ್ಯಾಚ್ಯಾ ಎಕ್ಲ್ಯಾಕ್ ಎಚುನ್ ಘೆವ್ನ್, ತೆಜ್ಯಾ ವಾಂಗ್ಡಾ ಕರಾರ್ ಕರುನ್ಗೆವ್ನ್, ತೆಜ್ಯಾಕ್ನಾ ಆನ್ ಕರುಕ್ ಲಾವ್ನ್, 14 ತೆಜೊ ರಾಜ್ ವಾಡ್ವಳ್ಕಿ ಹೊಯ್ ನಸ್ತಾನಾ, ಕರಾರಾ ಚಾಲ್ವುನ್ ನ್ಹೆತಲ್ಯಾಂಚ್ಯಾಕ್ನಾಚ್ ಇಬೆರ್‍ಹಾವ್ಚೆ ಮನುನ್ ತ್ಯಾ ದೆಶಾಚ್ಯಾ ಬಲಿಸ್ಟ್ ಲೊಕಾಕ್ನಿ ಘಡಿಚ್ಯಾ ಭಾಯ್ರ್ ಘಾಟ್ಲ್ಯಾನ್. 15 ಖರೆ ತೆನಿ ಬಾಬಿಲೊನಾಚ್ಯಾ ರಾಜಾಕ್ ವಿರೊಧ್ ಹೊವ್ನ್ ಘೊಡ್ಕಿಯಾ ಅನಿ ಲೈ ಸಯ್ನಿಕಾಕ್ನಿ ಅಮ್ಕಾ ದಿವ್ಚೆ ಮನುನ್ ಇಜಿಪ್ತಾಕ್ ರಾಜಾ ಖಬ್ರಿಕಾರಾಕ್ನಿ ಸಾಂಗುನ್ ಧಾಡಲ್ಲ್ಯಾನ್, ಹ್ಯೊ ಕಾಯ್ ಅಸೊಚ್ ಕಮ್ಮಿ ನಸಲ್ಲೊ ಹೊವ್ನ್ ರ್‍ಹಾತಾ ಕಾಯ್? ಅಸ್ಲಿ ಕಾಮಾ ಕರಲ್ಲೊ ಸುಟ್ಕಾ ಹೊತಾ ಕಾಯ್? ಕರಾರಾಕ್ನಿ ಮಾನಿ ನಸ್ತಾನಾ ಚಲಲ್ಲೊ ಚುಕ್ವುನ್ ಘೆವ್ನ್ ರಾವ್ಕ್ ಹೊತಾ ಕಾಯ್? 16 ಸರ್ವೆಸ್ಪರ್ ದೆವ್ ಅಸೊ ಮನ್ತಾ, ಮಾಜ್ಯಾ ಜಿವಾವರ್‍ತಿ ಆನ್, ಹೆಕಾ ಕೊನಾಕ್ನಾ ರಾಜಾ ಹೊವ್ನ್ ನೆಮ್ಸುನ್ ಹೊಲಾ, ಅನಿ ಹೆನಿ ಕೊನಾಕ್ ದಿಲ್ಲಿ ಗೊಸ್ಟ್ ಚುಕ್ಲಾ, ಕೊನಾಚ್ಯಾ ಕರಾರಾಕ್ ಖಾಲ್ತಿ ಹೊವ್ನ್ ಚಲುಕ್ನಾ, ತ್ಯಾ ರಾಜಾಕ್ಡೆ, ಮಟ್ಲ್ಯಾರ್ ಬಾಬಿಲೊನ್ ಮನ್ತಲ್ಯಾ ತೆಜ್ಯಾ ವಸ್ತಿಚ್ಯಾ ಜಾಗ್ಯಾ ವರ್‍ತಿ ಹ್ಯೊ ಖರೆಚ್ ಮರ್ತಾ. 17 ಫಾರೊವ್ ರಾಜಾಚೊ ಮೊಟೊ ಸಯ್ನ್, ಅನಿ ಮೊಟೊ ಕುಟುಂಬ್ ಎವ್ನ್, ಲೈ ಲೊಕಾಕ್ನಿ ಜಿವ್ ಕಾಡುಚೆ ಮನುನ್ ಬದು ಘಾಲುನ್ ಅನಿ ಬರೊ ರಸ್ತೊ ತಯಾರ್ ಕರುನ್ ಕುಪ್ಪ್ ಭಾಂದ್ಲ್ಯಾನಿ. ಹೆಕಾ ಝಗ್ಡ್ಯಾತ್ ಕಾಯ್ಬಿ ಮಜ್ಜತ್ ಹೊಯ್ನಾ. 18 ಕಶ್ಯಾಕ್ ಮಟ್ಲ್ಯಾರ್, ತೆನಿ ದಿಲ್ಲಿ ಭಾಸ್ ಮೊಡ್ಲ್ಯಾನ್, ಅನಿ ಕರಾರಾಕ್ನಿ ಮಿಕುನ್ ಚಲ್ಲ್ಯಾನ್, ಹಾತಿ ವರ್‍ತಿ ಹಾತ್ ಥವಲ್ಯಾರ್ ಕಾಯ್ ಹೊಲೆ? ಹೆ ಸಗ್ಳೆ ಕರುನ್ ಸೊಡ್ಲ್ಯಾನ್ ನ್ಹಯ್? ಹ್ಯೊ ಚುಕ್ವುನ್ ಘೆವ್ಕ್ ಹೊಯ್ನಾ. 19 ಅಸೆ ರ್‍ಹಾತಾನಾ, ಸರ್ವೆಸ್ಪರ್ ದೆವ್ ಅಸೊ ಮನ್ತಾ, ಮಾಜ್ಯಾ ಜಿವಾವರ್‍ತಿ ಆನ್ ಕರುನ್ ಸಾಂಗ್ತಾ, ತೆನಿ ಮಾಕಾ ಆನ್ ಕರಲ್ಲೆ ತಿರಸ್ಕಾರ್ ಕರುನ್, ಮಾಜ್ಯಾ ಕರಾರಾಕ್ನಿ ಚುಕ್ವುನ್ ಘೆಟಲ್ಲೊ ಚುಕೆಚೊ ದೊಸ್ ತೆಜ್ಯಾ ಟಕ್ಲ್ಯಾಕ್ ಭಾಂದ್ತಾ. 20 ಮಿಯಾ ತೆಕಾ ಮಾಜೊ ಬಲಿ ಘಾಲ್ತಾ, ತೊ ಮಿಯಾ ಘಾಟಲ್ಲ್ಯಾ ಪಾಸ್ಯಾತ್ ಗಾವ್ನ್ ಪಡ್ತಾ, ತೆಕಾ ಬಾಬೆಲಾಕ್ ಹಾನುನ್ ಥೈಚ್ ತೆಜ್ಯಾ ವಾಂಗ್ಡಾ ವಾದ್ ಕರುನ್, ತೆನಿ ಮಾಕಾ ಕರಲ್ಲ್ಯಾ ಚುಕ್ ತೆಜ್ಯಾ ವರ್‍ತಿ ವಾವ್ತಾ. 21 ತೆಜೊ ಸಗ್ಳೊ ಸಯ್ನಾ ಪಗ್ಳುನ್ ಪಳುನ್ ಜಾವ್ನ್, ತಲ್ವಾರಿಕ್ ಗಾವ್ತಾತ್, ಹುರಲ್ಲ್ಯಾಕ್ನಿ ಸಗ್ಳ್ಯಾ ಭಾಜುಕ್ನಾ ಮಾರ್ತಲ್ಯಾ ವಾರ್ಯಾಕ್ ಹುಡ್ವುತಾ, ತನ್ನಾ ಹಿ ಗೊಸ್ಟ್ ಬೊಲಲ್ಲೆ ಸರ್ವೆಸ್ಪರ್ ಮಿಯಾಚ್ ಮನುನ್ ಕಳ್ತಾ.

22 ಸರ್ವೆಸ್ಪರ್ ದೆವ್ ಅಸೊ ಮನ್ತಾ, ಮಿಯಾಚ್ ದೆವದಾರು ಝಾಡಾಚ್ಯಾ ವಯ್ಲ್ಯಾ ಟಾಂಕಿಯಾ ಕಾಡುನ್ ತೆ ಲಾವ್ನ್, ಲೈ ತುದಿಚ್ಯಾ ಚಿಗರಲ್ಲ್ಯಾತ್ನಿ ಲೈ ಬರೆ ಹೊತ್ತೆ ಕುಟುನ್ ಹಾನುನ್ ಲೈ ಉಪ್ಪರ್ಲ್ಯಾ ಮಡ್ಡಿ ವರ್‍ತಿ ಲಾವ್ತಾ. 23 ಮಿಯಾ ತೆ ಇಜ್ರಾಯೆಲಾಚ್ಯಾ ಮಡ್ಡಿಚ್ಯಾ ಜಾಗ್ಯಾ ವರ್‍ತಿ ಲಾವ್ತಾನಾ, ತೆ ಲೈ ಬರೆ ದೆವದಾರುಚೆ ಝಾಡ್ ಹೊವ್ನ್, ಟಾಂಕಿಯಾ ಪಗ್ಳುನ್, ಫಳ್ ದಿತಾ, ತ್ಯಾತುರ್ ಸಗ್ಳ್ಯಾ ನಮುನ್ಯಾಚಿ ಫಾಕ್ರಾ ವಸ್ತಿ ರ್‍ಹಾವ್ನ್, ತೆಜ್ಯಾ ಟಾಂಕಿಯಾಂಚ್ಯಾ ಸಾವ್ಳಿಕ್ ಆಧಾರ್ ಕರುನ್ ಘೆತಾತ್. 24 ತನ್ನಾ ಮಿಯಾ ಸರ್ವೆಸ್ಪರ್ , ಉಪ್ಪರ್ಲ್ಯಾ ಝಾಡಾಕ್ ಕಮ್ಮಿಚೆ ಕರುನ್ ಕಮ್ಮಿಚ್ಯಾ ಝಾಡಾಕ್ ಉಪ್ಪರ್ ಕರುನ್, ಹಿರ್ವ್ಯಾಕ್ ವಾಳ್ವುನ್, ವಾಳ್ಕ್ಯಾಕ್ ಚಿಗ್ರುನ್ ಹಿರ್ವೆ ಕರುನ್ ಥವ್ಲಾ ಮನುನ್ ಡಂಗ್ಳಿತ್ಲಿ ಸಗ್ಳಿ ಝಾಡಾ ಕಳ್ವುನ್ ಘೆತಾತ್, ಹೆ ಸರ್ವೆಸ್ಪರ್ ದೆವಾನ್ ಮಿಯಾ ಬೊಲ್ಲಾ ಅನಿ ತೆ ಮಿಯಾ ಕರ್ತಾ.