1 ಸರ್ವೆಸ್ಪರಾಕ್ನಾ ಮಾಕಾ ಹಿ ಗೊಸ್ಟ್ ಯೆಲಿ, 2 ನರ್ ಮಾನ್ಸಾ, ತಿಯಾ ಜೆರುಜಲೆಮಾಚ್ಯಾ ವಿರೊದ್ ದಿಕ್ಕಾಕ್ ತೊಡ್ ಕರುನ್, ತೆಚ್ಯಾ ಪವಿತ್ರ್ ಜಾಗ್ಯಾಕ್ಡೆ ಬೊಲುನ್ಗೆತ್ ಇಜ್ರಾಯೆಲ್ ದೆಶಾಚ್ಯಾ ವರ್‍ತಿ ವಿರೊಧ್ ಕರುನ್ ಪ್ರವಾದ್ ಕರುನ್, 3 ಸರ್ವೆಸ್ಪರ್ ದೆವ್ ಅಶೆ ಮನ್ತಾ, ಅಬಕ್ ಮಿಯಾ ತುಕಾ ವಿರೊಧ್ ಹೊವ್ನ್ ಹಾಯ್, ಮಾಜ್ಯೊ ತಲ್ವಾರ್ ಧರುನ್ ಘೆವ್ನ್ ತಲ್ವಾರಾಚ್ಯಾ ಪೊತ್ಯಾತ್ನಾ ಬಾರ್ಯ್ ಕಾಡುನ್, ತುಜಾತ್ಲ್ಯಾ ಬರ್ಯಾ ಲೊಕಾಕ್ನಿ ಅನಿ ಬುರ್ಸ್ಯಾ ಲೊಕಾಕ್ನಿ ತೊಡುನ್ ಜಿವ್ ಕಾಡ್ತಾ. 4 ಮಿಯಾ ಮಾಜ್ಯಾಕ್ಡೆ ಹೊತ್ತ್ಯಾ ಬರ್ಯಾ ಲೊಕಾಕ್ನಿ ಅನಿ ಬುರ್ಸ್ಯಾ ಲೊಕಾಕ್ನಿ ನಾಶ್ ಕರುಚೆ ಮನುನ್ ಮಾಜೊ ತಲ್ವಾರ್ ಪೊತ್ಯಾತ್ನಾ ಬಾರ್ಯ್ ಕಾಡುನ್ ಜಾವ್ನ್ ದಕ್ಷಿನ್ ದಿಕ್ಕಾಕ್ನಾ ದಿಸ್ ಉಗಾವ್ತಲ್ಯಾ ದಿಕ್ಕಾಚ್ಯಾ ಪತರ್ ಸಗ್ಳ್ಯಾಂಚ್ಯಾ ವರ್‍ತಿ ಪಡ್ತಾ. 5 ತನ್ನಾ ಸರ್ವೆಸ್ಪರ್ ಹೊಲ್ಲೊ ಮಿಯಾಚ್ ಮಾಜೊ ತಲ್ವಾರ್ ಪೊತ್ಯಾತ್ನಾ ಬಾರ್ಯ್ ಕಾಡ್ಲಾ ಮನ್ತಲೆ ಸಗ್ಳ್ಯಾ ಮಾನ್ಸಾಕ್ನಿ ಕಳ್ತಾ; ತೆ ಪರ್‍ತುನ್ ಪೊತ್ಯಾಚ್ಯಾ ಭುತ್ತುರ್ ಜಾಯ್ನಾ. 6 ಎ, ನರ್ ಮಾನ್ಸಾ, ಮಾಗುನ್ ಘೆ, ಕಂಬರ್ ಮೊಡಲ್ಲ್ಯಾ ತವ್ಡ್ಯಾ ದುಕ್ಕೆನ್ ಲೊಕಾಂಚ್ಯಾ ಇದ್ರಾಕ್ ಲೊಳ್. 7 ತನ್ನಾ ಕಶ್ಯಾಕ್ ಲೊಳುಲೈ? ಮನುನ್ ತುಕಾ ತೆನಿ ಇಚಾರ್ತಾತ್, ತನ್ನಾ ತಿಯಾ ತೆಂಕಾ, ಬುರ್ಸ್ಯಾ ಖಬ್ರಿಚ್ಯಾ ವಿಶಯಾತ್ ಲೊಳ್ತಾ. ಅಬಕ್ ಸಂಕಟ್ ಯೆಲೊ, ಸಗ್ಳ್ಯಾಂಚೊ ಮನ್ ಕರ್ಗುನ್ ಪಾನಿ ಹೊತಾ, ಸಗ್ಳ್ಯಾಚಿ ಹಾತಾ ಲೊಂಬಾತ್ ಪಡ್ತಾತ್, ಸಗ್ಳ್ಯಾಂಚೊ ಮನ್ ದುಕ್ತಾ, ಸಗ್ಳ್ಯಾಂಚಿ ಡಿಂಬಿಯಾ ಬಳ್ ನಸ್ತಾನಾ ಖಾಪ್ತಾತ್, ಅಬಕ್ ಯೆಲೆ ಎವ್ನ್ ಪಾವ್ಲೆ! ಹೆ ಸರ್ವೆಸ್ಪರ್ ದೆವಾಚಿ ಗೊಸ್ಟ್ ಮನುನ್ ಜವಾಬ್ ದಿ. 8 ಸರ್ವೆಸ್ಪರಾಚಿ ಖಬರ್ ಮಾಕಾ ದಿಲಾ, 9 ಎ, ನರ್ ಮಾನ್ಸಾ, ಸರ್ವೆಸ್ಪರ್ ಅಸಿ ಮನ್ತಾ, ಮನುನ್ ಅಸೆ ಸಾಂಗ್,

10 ತಲ್ವಾರ್ ಕಟ್ವುನ್, ಪಾಜ್ವುನ್,

ಮಿಚ್ಚಿ ಸಾರ್ಕೆ ಗಾಸಲ್ಲೆ ಹಾಯ್. ಮಿಂಚಾನ್,

ಉಮ್ಮೆದ್ ಕರುಕ್ ಹೊತಾ ಕಾಯ್ ಅಮ್ಚ್ಯಾ ಕುಮಾರಾಚೊ ರಾಜ್ ದಾಂಡೊ ಮನುನ್?

ಹುರಲ್ಯಾ ಸಗ್ಳ್ಯಾ ದಾಂಡೆ ಸಗ್ಳೆ ಸೊಡುನ್ ಸೊಡ್ತಲೊ ದಾಂಡೊ ಮನುನ್?

11 ತಲ್ವಾರ್ ಹಾತಿಕ್ ಗಾವ್ಚೆ ಮನುನ್ ಗಾಸುನ್ ತಯಾರ್ ಹೊವ್ನ್ ಹಾಯ್,

ಘಾತಕ್ ಕರ್‍ತಲ್ಯಾಚ್ಯಾ ಹಾತಿಕ್ ಇಡ್ ಹೊತಾ ತಸೆ ಕಟ್ವನ್ ಮಿಚ್ಚಿ ಸಾರ್ಕೆ ಹಾಯ್.

12 ಎ, ನರ್ ಮಾನ್ಸಾ, ಕುಕ್ ಮಾರ್,

ಗೊಳಾಟ್ ಕರ್, ಹಿಡ್ದೆ ಬಡ್ವುನ್ಗೆ!

ತೊ ತಲ್ವಾರ್ ಮಾಜ್ಯಾ ಲೊಕಾಂಚ್ಯಾ ವರ್‍ತಿ ಇಜ್ರಾಯೆಲಾಂಚ್ಯಾ ರಾಜಾಚ್ಯಾ ವರ್‍ತಿ ಮುಂಖಡಾ ಲೊಕಾಂಚ್ಯಾ ವಾಂಗ್ಡಾ ತೆಜ್ಯಾ ತೊಂಡಾಕ್ ಗಾವ್ತಾತ್.

13 ಸರ್ವೆಸ್ಪರ್ ಅಶೆ ಮನ್ತಾ, ಚವ್ಕಸಿ ಚಲಿತ್ ಹಾಯ್,

ತಿರಸ್ಕಾರ್ ಕರುಲಾಗಲ್ಲೊ ರಾಜಾಚೊ ದಾಂಡೊ ನಾಶ್ ಹೊಲ್ಯಾರ್ ಗತ್ ಕಾಯ್?

14 ನರ್ ಮಾನ್ಸಾ, ದೆವಾಚೆ ಉತ್ತರ್ ಕರ್, ಥಾಪ್ಟಿಯಾ ಮಾರ್, ತಲ್ವಾರ್ ದೊನ್ ಪಟ್ಟ್ ಅನಿ ತಿನ್ ಪಟ್ಟ್ ಜಿವ್ ಕಾಡುಂದಿತ್. ಲೊಕಾಕ್ನಿ ನಾಶ್ ಕರ್ತಲೊ ತಲ್ವಾರ್ ಅಧಿಕಾರಿಯಾಂಚ್ಯಾ ಭೊತ್ಯಾನಿ ತೊಡುನ್ ನಾಶ್ ಕರ್ತಲೊ ತಲ್ವಾರ್. 15 ತೆಂಚಿ ಮನಾ ಪಾನಿ ಹೊವ್ನ್ ಲೈ ಲೊಕಾ ಅಡ್ಕಳುನ್ ಪಡಿ ಸಾರ್ಕೆ ನಾಶ್ ಕರ್‍ತಲ್ಯಾ ತಲ್ವಾರಾಕ್ ತೆಂಚ್ಯಾ ಗಾಂವಾಚ್ಯಾ ದಾರಾಕ್ನಿ ಹಾನ್ಲಾ, ಮಿಂಚಾಚ್ಯಾ ಸಾರ್ಕೆ ಮಿಂಚುಲಾ ಅನಿ ಜಿವ್ ಕಾಡುಕ್ ಮನುನ್ ತಲ್ವಾರಾಚ್ಯಾ ಸಾರ್ಕೆ ತಯಾರ್ ಹೊವ್ನ್ ಹಾಯ್. 16 ತಲ್ವಾರಾ, ನಿಟ್ಟ್ ಜಾ ಉಜ್ವ್ಯಾಕ್ ತಯಾರ್ ಹೊವ್ನ್ ಡಾವ್ಯಾಕ್ ಜಾ ತುಜೆ ತೊಂಡ್ ಹೊತ್ತ್ಯಾಕ್ಡೆ ಜಾ. 17 ಥಾಪ್ಟಿಯಾ ಮಾರುನ್ ಮಾಜೊ ರಾಗ್ ಥಂಡ್ ಕರುನ್ ಘೆತಾ, ಹೆ ಸರ್ವೆಸ್ಪರ್ ಹೊಲ್ಲ್ಯಾ ಮಾಜಿ ಗೊಸ್ಟ್.

18 ಸರ್ವೆಸ್ಪರಾನ್ ಮಾಕಾ ಅನಿ ಎಕ್ ಗೊಸ್ಟ್ ದಿಲ್ಯಾನ್, ನರ್ ಮಾನ್ಸಾ, 19 ಬಾಬಿಲೊನಾಚ್ಯಾ ರಾಜಾಚೊ ತಲ್ವಾರ್ ಯೆವ್ಕ್ ದೊನ್ ವಾಟ್ ಹೊತ್ತೊ ನಕಾಸೊ ಕಾಡ್; ತಿ ದೊನ್ ವಾಟಾ ಎಕುಚ್ ದೆಸಾಕ್ನಾ ಗೆಲ್ಲ್ಯಾ ಸಾರ್ಕೆ ರಾಂವ್ದಿತ್, ಅನಿ ಎಕೆಕ್ ಶಾರಾಕ್ ಜಾತಲ್ಯಾ ವಾಟೆಚ್ಯಾ ಝಾಡಾಕ್ ವಳಕ್ ಚಿತ್ರ್ ಕಾಡ್. 20 ಅಮ್ಮೊನಾಚ್ಯಾ ರಬ್ಬಾ ಮನ್ತಲ್ಯಾ ಶಾರಾಕ್ಬಿ ಅನಿ ಭೊತ್ಯಾನಿ ಭಿತ್ತ್ ಅಸಲ್ಲ್ಯಾ ಜುದೆಯಾಂಚ್ಯಾ ಖಿಲ್ಲೊ ಹೊತ್ತ್ಯಾ ಜರುಜಲೆಮಾಕ್ ತಲ್ವಾರ್ ಯೆವ್ಕ್ ವಾಟಾ ಕರ್. 21 ವಾಟ್ ಫಾಟೆ ಹೊತಲ್ಯಾ ಜಾಗ್ಯಾರ್ ದೊನ್ ವಾಟೆಚ್ಯಾ ಆರಂಬಾತ್ ಬಾಬಿಲೊನಾಚ್ಯಾ ರಾಜಾ ಶಕ್ನಾ ಬಗುಕ್ ಮನುನ್ ಇಬೆ ಹಾಯ್, ಬಾನಾಕ್ನಿ ಹಾಲ್ವುನ್, ಮುರ್ತಿಯಾಕ್ನಿ ಪರಶ್ನೆ ಇಚಾರುನ್, ಕಾಳಿಂಜಾಚಿ ಪರಿಕ್ಷಾ ಕರ್ಲಾ, 22 ಜರುಜಲೆಮ್ ವಳ್ಕಿಚೊ ಬಾನ್ ತೆಚ್ಯಾ ಉಜ್ವ್ಯಾ ಹಾತಿತ್ ಗಾವ್ಲಾ; ಥೈ ತೊ ಭಿತ್ತ್ ಫೊಡ್ತಲಿ ಹಾತಿಯಾರಾ ಪಿಡ್ಲ್ಯಾ ದಾರಾಚ್ಯಾ ಇದ್ರಾಕ್ ಇಬೆ ಕರುನ್, ತೊಂಡ್ ಉಗ್ಡುನ್ ನಾಶ್ ಕರ್‍ತಲ್ಯಾಚಿ ಧನ್ ಕರುನ್, ದಿಬ್ಬ್ ಗಾಲುನ್ ಒಡ್ಡ್ ಭಾಂದುಚೆ ಮನುನ್ ಸುಚ್ನಾ ತೆಚೆಕ್ನಾ ಯೆಲೆ, 23 ಹೊಲ್ಯಾರ್ ತ್ಯಾ ಗಾಂವಾತ್ಲಿ ಲೊಕಾ ತೆನಿ ತ್ಯಾ ರಾಜಾಕ್ನಾ. ಪಯ್ಲೆಚ್ಯಾನ್ ಅಮಿ ತ್ಯಾ ರಾಜಾಕ್ನಾ ಕರುನ್ ಘೆಟಲ್ಯಾ ಆನಾತ್ನಿ ಭರೊಸೊ ಥವ್ನ್, ಹೆ ಶಕ್ನಾ ಝುಟೆ ಮನುನ್ ಕಳ್ವುನ್ ಘೆಟ್ಲ್ಯಾತ್, ಖರೆ ತೆನಿ ತೆಚಿ ಬುರ್ಶಿ ಕಾಮಾ ಸಗ್ಳ್ಯಾಂಚ್ಯಾ ಇದ್ರಾಕ್ ಹಾನ್ತ್ಯಾತ್. ತೆನಿ ತೆಚ್ಯಾ ಹಾತಿತ್ ಗಾವುನ್ ಪಡ್ತಾ. 24 ಅಸಿ ರ್‍ಹಾತಾನಾ, ಸರ್ವೆಸ್ಪರ್ ಅಸೆ ಮನ್ತಾ, ತುಮ್ಚಿ ಚುಕಾ ಉಜ್ಡೊಡಾಕ್ ಎವ್ನ್, ತಮ್ಚಿ ಪಾಪಾ ತುಮ್ಚ್ಯಾ ಕಾಮಾಕ್ನಿ ಪ್ರತ್ಯೆಕ್ ಹೊವ್ನ್, ತುಮಿ ತುಮ್ಚಿ ಬುರ್ಶಿ ಕಾಮಾ ಮಾಜ್ಯಾ ಯಾದೆಕ್ ಹಾನ್ಲ್ಯಾಸಿ, ತೆಚ್ಯಾ ಸಾಟ್ನಿ ವಿರೊಧಿಯಾಂಚ್ಯಾ ಹಾತಿಕ್ ಗಾವುನ್ ಪಡ್ತ್ಯಾಸಿ. 25 ಇಜ್ರಾಯೆಲಾಂಚ್ಯಾ ರಾಜಾ, ಬುರ್ಸೊ, ಬ್ರಸ್ಟ್, ತುಕಾ ಎಳ್ ಜಗ್ಗೊಳ್ ಯೆಲಾ, ಹೆಚ್ ತುಜೆ ಆಕ್ರಿಚ್ಯಾ ಶಿಕ್ಷಾಚೊ ಎಳ್. 26 ಸರ್ವೆಸ್ಪರ್ ಅಶೆ ಮನ್ತಾ, ತುಜೊ ಟಕ್ಲ್ಯಾಚೊ ಪವ್ಡ್ ಕಾಡ್! ಮುಕುಟ್ ಕಾಡ್! ಸಗ್ಳೆಬಿ ಅದ್ದಿ ಹೊತ್ತ್ಯಾ ಸಾರ್ಕೆ ರ್‍ಹಾಯ್ನಾ, ಖಾಲ್ತಿ ಹೊತ್ತೆ ವರ್‍ತಿ ಮಿಳ್ವುನ್ ಹೊತಾ, ವರ್‍ತಿ ಹೊತ್ತೆ ಖಾಲ್ತಿ ಉತ್ರುಸುನ್ ಹೊತಾ. 27 ಮಿಯಾ ಪಾಡ್, ಪಾಡ್! ಮಿಯಾ ಹ್ಯಾ ಶಾರಾಕ್ ಪಾಡ್ ಕರ್ತಾ, ಲೊಟುನ್ ಘಾಲ್ತಾ, ದೆಸಾಕ್ ವಾರಿಸ್ದಾರ್ ಹೊತ್ತೊ ಯೆವ್ಚ್ಯಾ ಅದ್ದಿ ಎಕ್ಬಿ ಹೊತ್ತ್ಯಾ ಸಾರ್ಕೆ ರ್‍ಹಾಯ್ನಾ, ತನ್ನಾ ತೆಕಾ ರಾಜ್ಯ್ ದಿತಾ.

28 ನರ್ ಮಾನ್ಸಾ, ತಿಯಾ ದೆವಾಚಿ ಇಚ್ಚ್ಯಾ ಪರ್ಗಟ್ ಕರುನ್ಗೆತ್ ಅಸಿ ಸಾಂಗ್, ಅಮ್ಮೆನಿಯಾಚ್ಯಾ ವಿಶಯಾತ್ಬಿ ಅನಿ ತೆನಿ ಕರ್‍ತಲ್ಯಾ ವಿಶಯಾತ್ಬಿ ತೆನಿ ಸರ್ವೆಸ್ಪರ್ ಅಸೊ ಸಾಂಗ್ತಾ ಆಹಾ ತಲ್ವಾರ್ ಜಿವ್ ಕಾಡಿ ಸಾರ್ಕೆ ಅನಿ, ಹೊಳ್ದಿ ಸಾರ್ಕೆ ಗಾಸುನ್ ಧಾರ್ ಹೊಲಾ. 29 ಅಮ್ಮೊನ್, ತುಮ್ಚಿ ಪ್ರವಾದಿಯಾ ಮನುನ್ ಸಾಂಗುನ್ಗೆತಲಿ ತುಮ್ಚಿ ಲೊಕಾ ದರ್ಶನ್ ಬಗಟ್ಲಾಂವ್, ಮನುನ್ ಝುಟಿ ಶಕ್ನಾ ಸಾಂಗ್ತಾತ್, ಎಳ್ ಜಗ್ಗೊಳ್ ಎವ್ನ್, ಚುಕೆಚೊ ಆಕ್ರಿಚೊ ಎಳ್ ಎವ್ನ್ ಪಾವ್ಲಾ. ಮರುನ್ ಪಡಲ್ಯಾಂಚೆ ಬುರ್ಸ್ಯಾಂಚಿ ಗತ್ ಬಗ್! ಭವಿಶ್ ಸಾಂಗ್ತಲ್ಯಾ ವರ್‍ತಿ ವಿಶ್ವಾಸ್ ಕರಲ್ಲೊ ತಿಯಾ ತ್ಯಾ ಬುರ್ಸ್ಯಾಂಚ್ಯಾ ವರ್‍ತಿ ಪಡ್ತೆ. 30 ತಲ್ವಾರಾಕ್ ಬಾಜುಕ್ ಲಾವ್, ತುಜ್ಯಾ ಉಪಾಜಲ್ಲ್ಯಾ ಜಾಗ್ಯಾರ್, ಅನಿ ತುಕಾ ರಚಲ್ಲ್ಯಾ ಜಾಗ್ಯಾರ್ ತುಕಾ ನ್ಯಾಯ್ ಕರ್ತಾ. 31 ತುಜ್ಯಾ ವರ್‍ತಿ ಮಾಜೊ ರಾಗ್ ಘಾಲುನ್, ರಾಗಾಚಿ ಆಗ್ ಫುಕುನ್ ದಯಾ ನತ್ತ್ಯಾಕ್ನಿಹಾಳ್ ಕರ್‍ತಲ್ಯಾತ್ ಘಟ್ ಮುಟ್ಟ್ ಹೊತ್ತ್ಯಾಂಚ್ಯಾ ಹಾತಿತ್ ಸಿಗಾ ಘಾಲ್ತಾ. 32 ತಿಯಾ ಆಗಿಕ್ ಜಳುನ್ ಜಾತಯ್, ತುಜೆ ರಗಾತ್ ದೆಸಾತ್ ಸಗ್ಳೆ ಆಟಲ್ಲೆ ರ್‍ಹಾತಾ. ತಿಯಾ ಕನ್ನಾಬಿ ಯಾದೆಕ್ ಯೆಯ್ನ್ ನ್ಹಯ್, ಸರ್ವೆಸ್ಪರ್ ಮಿಯಾಚ್ ಹೆ ಸಾಂಗ್ಲಾ.