1 ಜೆಹುಜಾಕಿಮ್ ಬಂಧಿಹೊಲ್ಲ್ಯಾ ಆಕ್ರಾವ್ಯಾ ವರ್ಸಾಚ್ಯಾ ತಿನ್ವೆಚ್ಯಾ ವರ್ಸಾಚ್ಯಾ ಪಯ್ಲೆಚ್ಯಾ ದಿಸಾತ್, ಮಾಜ್ಯಾ ವಾಂಗ್ಡಾ ಸರ್ವೆಸ್ಪರಾನ್ ಬೊಲ್ಲ್ಯಾನ್. 2 ನರ್ ಮಾನ್ಸಾ, ತಿಯಾ ಇಜಿಪ್ತಾಚೊ ರಾಜಾ ಫಾರೊವಾಕ್ ಅನಿ ಮ್ಹೆಜುಕ್ ಹೊಯ್ನಾ ತವ್ಡ್ಯಾ ಲೊಕಾಕ್ನಿ ಅಸೆ ಸಾಂಗ್, ಮೊಟೆ ಪಾನಾತ್ ತುಕಾ ಸಮಾ ಕೊನ್? 3 ಆಹಾ, ಅಸಿರಿಯಾ ಲೆಬನೊನಿಯಾತ್ಲೆ ಎಕ್ ದೆವಾದಾರಾಚೆ ಝಾಡ್ ಹೊತ್ತೆ, ತೆಚೆ ಫಾಟೆ ಸುಂದರ್, ತೆಚಿ ಸಾವ್ಳಿ ದಾಟ್, ತೆಚಿ ಲಾಂಬ್ ಪಾನಾ ಲೈ ತೆಚಿ ತುದಿ ಮೊಡುಕ್ ಲಾಗ್ತಾ. 4 ತೆಕಾ ಪಾನಿಯಾಚ್ಯಾ ಹಂವಾರ್ಯಾನಿ ವಾಡ್ವುಲ್ಯಾನಿ, ಮೊಟ್ಟ್ಯಾ ನ್ಹಯಿನ್ ಮೊಟಿ ಕರ್‍ಲಿನ್, ನ್ಹಯಿಚ್ಯಾ ಫಾಟ್ಯಾನಿ ಥೈ ಹೊತ್ತ್ಯಾ ಮ್ಹಳ್ಯಾಕ್ ಸುತ್ತ್ ಘಾಟ್ಲ್ಯಾನಿ, ಜಿಮ್ನಿಚ್ಯಾ ಸಗ್ಳ್ಯಾ ಝಾಡಾಕ್ನಿ ನ್ಹಯಿನ್ ಅಪ್ನಾಚಿ ಕಾಲ್ಗಿಯಾ ದಿಲ್ಯಾನಿ. 5 ಅಸೆ ರ್‍ಹಾತಾನಾ ತೆ ಝಾಡ್ ಡಂಗ್ಳಿತ್ಲ್ಯಾ ಸಗ್ಳ್ಯಾ ಝಾಡಾಂಚ್ಯಾನ್ಬಿ ಲೈ ವರ್‍ತಿ ಹೊತ್ತೆ. ತೆಚಿ ಟಾಂಕಿಯಾ ಲೈ ಬರಿ ಹೊತ್ತಿ ಥೈ ಪಾನಿಯಾಚೊ ಜಾಗೊ ಹೊಲ್ಲ್ಯಾ ಸಾಟ್ನಿ ತೆಚೆ ಫಾಟೆ ಲೈ ಲಾಂಬ್ ಹೊಲ್ಲೆ ಅನಿ ಪಗಳಲ್ಲೆ. 6 ಸಗ್ಳಿ ಮಳ್ಬಾತ್ಲಿ ಫಾಕ್ರಾ ತೆಜ್ಯಾ ಟಾಂಕಿಯಾ ವಯ್ನಿ ಘುಡ್ ಕರುನ್ಗೆವ್ನ್ ಹೊತ್ತಿ. ಸಗ್ಳಿ ಜಿಮ್ನಿ ವಯ್ನಿ ಜನಾವರಾ ತೆಜ್ಯಾ ಟಾಂಕಿಯಾಂಚ್ಯಾ ಖಾಲ್ತಿ ರ್‍ಹಾವ್ನ್ ಘೆವ್ನ್ ಪೆಟ್ಯಾಕ್ನಿ ಜಲಮ್ ದಿಯ್ತ್ ಮೊಟ್ಟ್ಯಾ ಲೊಕಾನಿ ತೆಜ್ಯಾ ಸಾವ್ಳಿಕ್ ಆಧಾರ್ ಕರುನ್ಗೆವ್ನ್ ಹೊತ್ತ್ಯಾನಿ. 7 ತೆಜ್ಯಾ ಮುಳಾಕ್ ಪಾನಿಯಾಚೊ ಆಧಾರ್ ಹೊತ್ತ್ಯಾ ಸಾಟ್ನಿ ತೆ ಝಾಡ್ ಲಾಂಬ್ ಅನಿ ಟಾಂಕಿಯಾಂಚ್ಯಾ ಲಾಂಬ್ ಪಾನಾನ್ ಡೊಳ್ಯಾಕ್ ಬರೆ ದಿಸಿತ್. 8 ದೆವಾಚ್ಯಾ ಮ್ಹಳ್ಯಾತ್ಲಿ ದೆವಾದಾರು ಝಾಡಾನಿ ತೆಕಾ ಧಾಪುಕ್ ಹೊವ್ಕ್ ನಾ, ತುರಾಯಿಚಿ ಝಾಡಾ ತೆಂಚ್ಯಾ ಟಾಂಕಿಯಾಂಚ್ಯಾ ತವ್ಡಿ ಲಾಂಬ್ ಹೊವ್ಕ್ ನಾತ್, ವಡ್ಡಾಚಿ ಝಾಡಾ ತೆಜ್ಯಾ ಟಾಂಕಿಯಾಂಚ್ಯಾ ತವ್ಡಿ ಮೊಟಿ ಹೊವ್ಕ್ ನಾತ್. ದೆವಾಚ್ಯಾ ಮ್ಹಳ್ಯಾತ್ಲೆ ಎಕ್ ಝಾಡ್ ಬಿ ತೆಜ್ಯಾ ತವ್ಡೆ ಶೊಬಿತ್ ಹೊವ್ಕ್ ನಾ. 9 ಮಿಯಾ ತೆಕಾ ಲೈ ಟಾಂಕಿಯಾ ಅನಿ ಬಾರಿಕ್ ಟಾಂಕಿಯಾನಿ ಶಿಂಗಾರ್ ಕರ್ಲೊ, ದೆವಾಚೊ ಮ್ಹಳೊ ಎದೆನಾಚಿ ಸಗ್ಳಿ ಝಾಡಾ ತೆಕಾ ಬಗುನ್ ಕುಸ್ಡೆಪಾನ್ ಕರಿತ್. 10 ಅಸೆ ರ್‍ಹಾತಾನಾ ಧನ್ ಸರ್ವೆಸ್ಪರಾಕ್ ಅಸೊ ಮನ್ತಾ, ತೆ ಝಾಡ್ ಲೈ ಲಾಂಬ್ ಹೊವ್ನ್ ವಾಡುನ್ ಅಪ್ನಾಚಿ ತುದಿ ಮೊಡುಕ್ ಲಾವ್ನ್, ಅಪ್ನಾಚ್ಯಾ ಸುಂದರ್ ಪಾನಾಚ್ಯಾ ವಿಶಯಾತ್ ಬಡಾಯ್ ಕರಲ್ಲ್ಯಾ ಸಾಟ್ನಿ, 11 ಮಿಯಾ ತೆಕಾ ಲೊಕಾಕ್ನಿ ಲೈ ಬಲಿಶ್ಟ್ ಮಾನ್ಸಾಚ್ಯಾ ಹಾತಿತ್ ದಿಲಾ, ತೊ ತೆಜ್ಯಾ ಬುರ್ಸ್ಯಾಪಾನಾಕ್ ಸಮಾ ಹೊಯ್ ಸಾರ್ಕೆ ತೆಕಾ ಶಿಕ್ಷ್ಯಾ ದಿತ್ಯಾಚ್. ಮಿಯಾ ತೆಕಾ ಡಕ್ಳುನ್ ಟಾಕ್ಲೊ. 12 ಲೈ ಭಯಂಕರ್ ದುಸ್ರ್ಯಾ ದೆಶಾಚ್ಯಾ ಲೊಕಾನಿ ತೆಕಾ ತೊಡುನ್ ಟಾಕುನ್ ಘೆತಾತ್, ತೆಚಿ ಟಾಂಕಿಯಾ ಮಡ್ಡಿಯಾ ವಯ್ನಿ ಅನಿ ಸಗ್ಳ್ಯಾ ನ್ಹಯಾತ್ನಿಬಿ ಪಡ್ಲಾತ್. ಅನಿ ತೆಚಿ ಟಾಂಕಿಯಾ ದೆಶಾಚ್ಯಾ ಸಗ್ಳ್ಯಾ ಕೊಡ್ಲಾಂಚ್ಯಾ ಜಗ್ಗೊಳ್ ಮೊಡುನ್ ಟಾಕುನ್ ಹೊಲಾತ್, ಸಗ್ಳಿ ಲೊಕಾ ತೆಜ್ಯಾ ಸಾವ್ಳಿಕ್ನಾ ತೆಕಾ ಸೊಡುನ್ ಗೆಲ್ಯಾತ್. 13 ಪಡಲ್ಲ್ಯಾ ಬುಡ್ಚಿಯಾಂಚ್ಯಾ ವರ್‍ತಿ ಸಗ್ಳಿ ಮಳ್ಬಾತ್ಲಿ ಫಾಕ್ರಾ ಭರುನ್ ಹಾತ್, ತೆಜ್ಯಾ ಟಾಂಕಿಯಾಕ್ನಿ ಸಗ್ಳಿ ಜಿಮ್ನಿ ವಯ್ಲಿ ಜನಾವರಾ ತುಡ್ವುತಾತ್. 14 ಪಾನಿಯಾಚ್ಯಾ ಜಾಗ್ಯಾ ವಯ್ನಿ ಖಲಿ ಝಾಡಾಬಿ ಅಪ್ನಾಬಿ ಅಪ್ನಾಚಿ ಪಾಟೆ ಲೈ ವಾಡ್ವುನ್ ಘೆಟಲ್ಲ್ಯಾ ಸಾಟ್ನಿ, ಅಪ್ನಾಚಿ ತುದಿಯಾ ಮಳ್ಬಾಕ್ ಲಾಯ್ ನಸ್ತಾನಾ ರಾಂವ್ದಿತ್, ಮನುನ್ ಪಾನಿ ವಡುನ್ ಘೆವ್ನ್ ಲಾಗಲ್ಲಿ ಮೊಟಿ ಮೊಟಿ ಝಾಡಾ ಉಂಚ್ಚ್ ಹೊವ್ನ್ ಬಡಾಯ್ ಕರಿನಸ್ತಾನಾ ರಾಂವ್ದಿತ್ ಮನುನ್ ಅಸೆ ಹೊಲೆ, ತಿ ಸಗ್ಳಿ ಮರ್ನಾಕ್ ಗುರಿ ಹೊತಾತ್, ತೆಂಕಾ ನರಕುಚ್ ಗತ್ ಪಾತಾಳಾಕ್ ಉತ್ರುನ್ ಗೆಲ್ಲ್ಯಾಂಚ್ಯಾಕ್ನಾ ಮಿಳುನ್ ನರ್ ಮಾನ್ಸಾಂಚ್ಯಾ ವಾಂಗ್ಡಾ ಎಕುಚ್ ತಾಂಡೊ ಹೊವ್ನ್ ಮಿಳ್ತಾತ್.

15 ಸರ್ವೆಸ್ಪರ್ ಅಸೊ ಮನ್ತಾ, ತೆ ಝಾಡ್ ಪಾತಾಳಾಕ್ ಉತ್ರುನ್ ಗೆಲ್ಲ್ಯಾ ದಿಸಿ ಮಿಯಾ ದುಕ್ಕಾಚಿ ವಳಕ್ ದಾಕ್ವುಲೊ, ತೆಜ್ಯಾ ದುರ್ ಸಾಟ್ನಿ ಮಿಯಾ ಮೊಟ್ಟ್ಯಾ ನ್ಹಯಿಕ್ ಧಾಪ್ಲೊ, ಅನಿ ನ್ಹಯ್ಚ್ಯಾ ಫಾಟ್ಯಾಕ್ನಿ ಇಬೆ ಕರ್ಲೊ. ಪಾನಿಯಾಚೊ ಹೊವಾರೊ ಇಬೆ ರ್‍ಹಾಲೊ, ತೆಜ್ಯಾ ಸಾಟ್ನಿ ಲೆಬನೊನ್ ರಡಿಸಾರ್ಕೆ ಕರ್ಲೊ, ಜಿಮ್ನಿ ವಯ್ಲಿ ಸಗ್ಳಿ ಝಾಡಾಬಿ ತ್ಯಾ ದುಕ್ಕಾ ವಯ್ನಾ ವಾಳುನ್ ಪಡ್ಲಿ. 16 ಮಿಯಾ ತೆಕಾ ಗಿರ್‍ಯಾಂಚ್ಯಾ ವಾಂಗ್ಡಾ ಮಿಳ್ವುಚೆ ಮನುನ್ ಪಾತಾಳಾಕ್ ಢಕಳಲ್ಲ್ಯಾ ತನ್ನಾ ತೆ ಪಡಲ್ಲ್ಯಾ ಆವಾಜಾಕ್ ಸಗ್ಳಿ ಲೊಕಾ ಥರ್ಥಲಿ, ಅನಿ ಪಯ್ಲೆಚ್ಯಾ ಎಳಾರ್ ಪಾತಾಳಾಚೊ ವಾಟೊ ಹೊಲ್ಲಿ ಸಗ್ಳಿ ಎದೆನಾಚಿ ಝಾಡಾ ಲೆಬೊನಾಚಿ ಬರಿ ಝಾಡಾ ಸಗ್ಳಿ ಪಾನಿಯಾಚ್ಯಾ ದಂಡೆಕ್ ಹೊತ್ತಿ ಝಾಡಾ ಸಗ್ಳಿ ಥೈ ಸಮಾದಾನ್ ಹೊಲ್ಯಾನಿ. 17 ತವ್ಡೆಚ್ ನಸ್ತಾನಾ ಭುಜಾಚಿ ಬಳ್ ಹೊವ್ನ್ ಲೊಕಾಂಚ್ಯಾ ಮದ್ದಿ ತೆಚೆ ಸಾವ್ಳಿ ಆಧಾರ್ ಕರುನ್ಗೆವ್ನ್ ಹೊತ್ತ್ಯಾನಿ ತೆಜ್ಯಾ ವಾಂಗ್ಡಾ ಪಾತಾಳಾಕ್ ಉತ್ರುನ್ ತಲ್ವಾರಾನ್ ಮರ್ತಲ್ಯಾಂಚ್ಯಾ ವಾಂಗ್ಡಾ ಮಿಳ್ಳ್ಯಾನಿ. 18 ಅಸ್ಲ್ಯಾ ವಯ್ಬವಾನ್ ಅನಿ ಮಹಿಮಾನ್ ಭರಲ್ಲೊ, ಜಾಲ್ಯಾರ್ ಎದೆನಾಚ್ಯಾ ಝಾಡಾತ್ನಿ ಖಲ್ಯಾತ್ ಕಮ್ಮಿಚೊ? ಖರೆ ತಿಯಾ ಎದೆನಾಚ್ಯಾ ಝಾಡ್ಯಾಂಚ್ಯಾ ವಾಂಗ್ಡಾ ಪಾತಾಳಾಕ್ ಢಕ್ಲುನ್ ಹೊವ್ನ್ ಸುನ್ನತ್ ನಸಲ್ಲ್ಯಾಂಚ್ಯಾ ವಾಂಗ್ಡಾ ತಲ್ವಾರಾನ್ ಮಾರುನ್ ಹೊಲ್ಲ್ಯಾಂಚ್ಯಾ ವಾಂಗ್ಡಾ ಮಿಳುನ್ ರಾತಯ್, ಫಾರೊವಾಕ್ ಅನಿ ತೆಜ್ಯಾ ಸಗ್ಳ್ಯಾ ಲೊಕಾಕ್ನಿಬಿ ತುಕಾ ಯೆಲ್ಲಿ ಅನಿ ಸಗ್ಳ್ಯಾ ಲೊಕಾಕ್ನಿಬಿ ಹಿ ಗತುಚ್ ಯೆತಾ. ಹೆ ರಾಜಾ ಸರ್ವೆಸ್ಪರಾಚೆ ಬೊಲ್ನೆ ಹೊವ್ನ್ ಹಾಯ್.