1 ಸರ್ವೆಸ್ಪರಾನ್ ಮಾಕಾ ಅನಿ ಎಕ್ ಗೊಸ್ಟ್ ಸಾಂಗ್ಲ್ಯಾನ್, 2 ನರ್ ಮಾನ್ಸಾ, ಎಕ್ ಬಾಯ್ಕೊ ಮನ್ಸಿಚಿ ದೊನ್ ಲೆಕಿಯಾ ಹೊತ್ತಿ. 3 ತೆನಿ ಇಜಿಪ್ತಾತ್ ಸುಳ್ ಪಾನ್ ಕರಿತ್, ತೆಂಚ್ಯಾ ಬಾರಿಕ್ ಪಾನಾತ್ನಾ ತೆನಿ ವ್ಯಬಿಚಾರ್ ಕರಿತ್ ಹೊತ್ತ್ಯಾ ವಯ್ನಾ ತೆಂಚಿ ತಾನಾ ಹಿಚಕ್ಲ್ಯಾನಿ, ಅನಿ ತೆಂಚೆ ಥಾನಾಚಿ ಬೊಂಡಿಯಾ ಚಿರಡ್ಲ್ಯಾನಿ. 4 ಥೊರ್ಲಿಚೆ ನಾವ್ ಒಹೊಲಾ ಅನಿ ಬಾರಿಕ್ಲಿಚೆ ನಾವ್ ಒಹೊಲಿಬಾ, ತೆನಿ ಮಾಜಿ ಬಾಯ್ಕಾ ಹೊವ್ನ್, ತೆಂಕಾ ಲೆಕಾ ಅನಿ ಲೆಕಿಯಾ ಮಾಜ್ಯಾ ಸಾಟ್ನಿ ಉಪಜ್ಲಿ, ಒಹೊಲಾ ಸಾಮಾರಿಯಾ ಅನಿ ಒಹೊಲಿಬಾ ಜೆರುಜಲೆಮ್ ಮನುನ್ ದಾಕ್ವುತಲಿ ನಾವಾ ಹೊವ್ನ್ ಹಾತ್. 5 ಒಹೊಲಾ ಮಾಜಿ ಬಾಯ್ಕೊ ಹೊವ್ನ್ ರ್‍ಹಾತಾನಾಚ್ ವ್ಯಬಿಚಾರ್ ಕರ್‍ಲಿನ್, ತಿನಿ ಅಪ್ನಾಚ್ಯಾ ದಗ್ಡಾಕ್ನಿ ಮಟ್ಲ್ಯಾರ್ ಅಸ್ಸಿರಿಯಾಂಚಿ ಸಯ್ನಿಕಾ, 6 ಅನಿ ಝಾಂಬ್ಳೆ ಕಪ್ಡೆ ನೆಸಲ್ಲೆ, ದಾಂಡ್ಗೆ ಘೊಡ್ಕಿಯಾ ಚಾಲ್ವುನಾರೆ, ಮುಖಂಡಾ, ಕೊನ್ಬಿ ಚುಕಿನಸ್ತಾನಾ ಲೈ ಬರಿ ದಿಸ್ತಲಿ ದಾಂಡ್ಗ್ಯಾ ಮಾನ್ಸಾಕ್ನಿ ತೆಂಕಾ ಫಟ್ವುತಲೆ, ಹೊವ್ನ್ ಹೊತ್ತ್ಯಾ ಅಸ್ಸಿರಿಯಾಕ್ನಿ ಮನ್ ಲಾವ್ಲಿನ್. 7 ಅಪ್ನಾಕ್ ತೆಂಕಾ ಸುಳಿ ಹೊವ್ನ್ ಒಪಸ್ಲಿನ್, ತೆನಿ ಸಗ್ಳೆ ಅಸ್ಸಿರಿಯಾತ್ನಿ ಲೈ ಮೊಟೆ, ತೆನಿ ಮನ್ ಕರಲ್ಲ್ಯಾಂಚ್ಯಾ ಮುರ್ತಿಯಾನಿಕ್ನಾ ಅಪ್ನಾಕ್ ಅಪವಿತ್ರ್ ಕರುನ್ ಘೆಟ್ಲಿನ್. 8 ತಿನಿ ಅಪ್ನಿ ಇಜಿಪ್ತಾತ್ ಹೊತ್ತ್ಯಾ ತನ್ನಾಕ್ನಾಚ್ ವ್ಯಬಿಚ್ಯಾರ್ ಸೊಡುಕ್ನಾ, ಅಪ್ನಾಚ್ಯಾ ಬಾರಿಕ್ ಪನಾತ್ ಥೈ ಹೊತ್ತ್ಯಾ ನಿಕ್ನಾ ಅಪ್ನಿ ನಿಜುನ್ ತಿಚೆ ಕವ್ಳಿ ಥಾನಾಚಿ ಬೊಂಡಿಯಾ ಚಿರ್ಡುನ್ ತಿಚ್ಯಾಕ್ನಾ ಜಾಸ್ತಿ ವ್ಯಬಿಚಾರ್ ಕರ್ಲ್ಯಾನಿ. 9 ತಸೆ ಹೊವ್ನ್ ಮಿಯಾ ತಿಕಾ ತಿಚ್ಯಾ ದಗ್ಡಾಚ್ಯಾ ಮಟ್ಲ್ಯಾರ್ ತಿನಿ ಮಳ್ಳ್ ಕರಲ್ಲ್ಯಾ ಅಸ್ಸಿರಿಯಾಂಚ್ಯಾ ಹಾತಿತ್ ಘಾಟ್ಲೊ. 10 ಹೆನಿ ತಿಚೆ ನಾಗ್ಡೆಪಾನ್ ಪರ್ಗಟ್ ಕರ್ಲ್ಯಾನಿ, ಅನಿ ತೆಂಚ್ಯಾ ಝಿಲ್ಗ್ಯಾ ಅನಿ ಚೆಡ್ವಾಕ್ ಉಕ್ಲುನ್ ನೆವ್ನ್, ತೆಂಕಾ ತಲ್ವಾರಿನ್ ಮಾರ್ಲ್ಯಾನಿ, ತಿಕಾ ಝಡ್ತಿ ಹೊತಾನಾ ಬಾಯ್ಕೊ ಮನ್ಸಾತ್ನಿ ಬುರ್ಸೆ ನಾವ್ ಯೆಲೆ. 11 ತಿಚಿ ಭೆನ್ ಒಹೊಲಿಯಾನ್ ಹೆ ಬಗುನ್ಬಿ ತನ್ನಾ ತಿಚ್ಯಾನ್ ಜಾಸ್ತಿಚಿ ಆಶಾ ಕರುನ್ ಅಕ್ಕಾಕಿಂತಾ ಜಾಸ್ತಿಚೆ ವ್ಯಬಿಚಾರ್ಪನ್ ಕರುನ್ ತಿಚ್ಯಾನ್ ಮೊಟ್ಟಿ ಸುಳಿ ಹೊಲಿ. 12 ತಿನಿ ಅಪ್ನಾಚ್ಯಾ ಅಜುಬಾಜುಚ್ಯಾ, ಮುಖಂಡಾಕ್ನಿ, ಸಯ್ನಿಕಾ, ವಿಚಿತ್ರ ಕಪ್ಡೆ ನೆಸುನ್ ಘೆವ್ನ್ ಘೊಡ್ಕೊ ಚಾಲ್ವುತಲ್ಯಾಕ್ನಿ, ಸುಂದರ್ ದಾಂಡ್ಗ್ಯಾಕ್ನಿ ಅಪ್ನಾಚ್ಯಾ ಪಾಶ್ಯಾತ್ ಪಾಡ್ವುಲಿನ್. 13 ತಿಬಿ ಅಪವಿತ್ರ್ ಹೊವ್ನ್ ಗೆಲ್ಲೆ ಬಗಟ್ಲೊ, ತೆನಿ ದೊಗ್ಯಾನಿ ಎಕುಚ್ ವಾಟ್ ಧರ್‍ಲ್ಯಾನಿ. 14 "ಹಿನಿ ಅಪ್ನಾಚೆ ವ್ಯಬಿಚಾರ್ ಅನಿ ಜಾಸ್ತಿ ಕರ್‍ಲಿನ್, ಭಿತ್ತಿಚ್ಯಾ ಚಿತ್ತರಾತ್ನಿ ಹೊತ್ತ್ಯಾ ಕಸ್ದಿಯಾಂಚ್ಯಾ ಘೊಮನ್ಸಾಕ್ನಿ ಬಗ್ಲಿನ್, 15 ತ್ಯಾ ಕಸ್ದಿಯಾಂಚ್ಯಾ ಘವ್ಮಾನ್ಸಾಚೆ ಕಪ್ಡೆ ತಾಂಬ್ಡೆ ಹೊತ್ತೆ. ತೆನಿ ಕಂಬ್ರೆಕ್ ಪಟ್ಟೊ ಭಾಂದುನ್ ಟಕ್ಲ್ಯಾಕ್ ಪವ್ಡ್ ನೆಸುನ್, ಬಗುಕ್ ಮುಖಂಡಾಚ್ಯಾ ಸಾರ್ಕೆ ದಿಸಿತ್, ತೆನಿ ಕಸ್ದಿಯಾಂಚ್ಯಾ ಲೆಕಾಂಚ್ಯಾ ಸಾರ್ಕೆ ಭಿತ್ತಿಯಾನಿ ಚಿತ್ರಾ ಕಾಡ್ತಲೆ ಬಗ್ಲಿನ್. 16 ತನ್ನಾ, ಹಿನಿ ಆಶಾ ಕರುನ್, ಕಸ್ದಿಯಾ ದೆಸಾತ್ ಅಪ್ನಾಚ್ಯಾ ಖಬ್ರಿಕಾರಾಕ್ನಿ ಧಾಡ್ಲಿನ್. 17 ತನ್ನಾ ಬಾಬಿಲೊನಾತ್ ಹಿಚ್ಯಾ ಧಗ್ಡಾನಿ ಭಾಜ್ ಚಡುನ್ ಅಪ್ನಾಚ್ಯಾ ವ್ಯಬಿಚಾರಾ ವಯ್ನಾ ಹಿಕಾ ಹಾಳ್ ಕರ್ಲ್ಯಾನಿ, ಹಿ ತೆಂಚೆಕ್ನಾ ಅಪವಿತ್ರ್ ಹೊಲಿ, ತನ್ನಾ ಹಿಚಿ ಆಶ್ಯಾ ಹಿಚ್ಯಾಕ್ನಾ ಗೆಲಿ. 18 ಅಸೆ ಹಿನಿ ವ್ಯಬಿಚಾರ್ ಕರುನ್, ಅಪ್ನಾಚೆ ನಾಗ್ಡೆಪಾನ್ ದಾಕ್ವುನ್ ಘೆಟಲ್ಲೆ ತನ್ನಾ, ಅಪ್ನಾಚೊ ಪ್ರೆಮ್ ಪಯ್ಲೆ ಹಿಚ್ಯಾ ಅಕ್ಕಾಕ್ನಾ ಗೆಲ್ಲ್ಯಾ ಸಾರ್ಕೆ ಹಿಚೆಕ್ನಾಬಿ ಗೆಲೆ. 19 ಖರೆ ಹಿನಿ ಅಪ್ನಿ ಇಜಿಪ್ತಾತ್ ಬಾರಿಕ್ ಹೊತ್ತಿ ತನ್ನಾಚೆ ವ್ಯಬಿಚಾರ್ ಪನ್ ಯಾದ್ ಕರುನ್ಗೆವ್ನ್, ಅಪ್ನಾಚೆ ವ್ಯಬಿಚಾರ್ ಪಾನ್ ಜಾಸ್ತಿ ಕರ್‍ಲಿನ್. 20 ಗಾಡ್ವಾಂಚ್ಯಾ ಸಾರ್ಕೆ ಮಂದ್, ಅನಿ ಘೊಡ್ಕ್ಯಾಂಚ್ಯಾ ಭಾಶೆನ್ ದಾಟ್ತಲೆ ಹೊಲ್ಲ್ಯಾ ಕಸ್ದಿಯಾಂಚ್ಯಾ ದಗ್ಡಾಕ್ನಿ ಜಾಳ್ಯಾತ್ ಘಾಲುನ್ ಘೆಟ್ಲಿನ್". 21 ಒಹೊಲಿ ತುಜ್ಯಾ ಬಾರಿಕ್ ಥಾನಾಕ್ನಿ ಆಶ್ಯಾ ಕರಲ್ಲ್ಯಾ ಇಜಿಪ್ತಾಚ್ಯಾ ಲೊಕಾಂಚ್ಯಾಕ್ನಾ ಬೊಂಡಿಯಾ ಚಿರ್ಡುನ್ ಘೆವ್ನ್ ತುಜ್ಯಾ ಬಾರಿಕ್ ಪಾನಾಚಿ ಬುರ್ಶಿ ಕಾಮಾ ಯಾದಿಕ್ ಹಾನುನ್ ಘೆಟ್ಲೆಯ್,

22 ಅಸೆ ಹೊವ್ನ್, ಒಹೊಲಿಬಾ, ಸರ್ವೆಸ್ಪರ್ , ಅಸೆ ಮನ್ತಾ, "ಖಲ್ಯಾ ದಗ್ಡಾಂಚ್ಯಾಕ್ನಾ ತುಜಿ ಆಶ್ಯಾ ಫುರಾಹೊಲಿ ಮಟ್ಲ್ಯಾರ್, ತಿ ದಗ್ಡಾ, ಬರಿ ದಾಂಡ್ಗಿ ಮಾನ್ಸಾ, ಮುಖಂಡಾ, ಜಾಂನ್ತೆ ಅನಿ ಘೊಡ್ಕಿಯಾ ಚಾಲ್ವುನಾರೆ, ಭೊತ್ಯಾನಿ ಹೊತ್ತಿ ಸಗ್ಳಿ ಲೊಕಾ. 23 ಮಟ್ಲ್ಯಾರ್, ಬಾಬೆಲಾಚಿ ಲೊಕಾ, ಸಗ್ಳೆ ಕಸ್ದಿಯಾಚೆ, ಪೆಕೊದಾಚೆ, ಶೊಯಾಚೆ, ಕೊಯಾಚೆ ಅನಿ ಅಸ್ಸಿರಿಯಾಚೆ ಹೆಂಕಾ ಸಗ್ಳ್ಯಾಕ್ನಿಬಿ ಮಿಯಾ ತುಕಾ ವಿರೊದ್ ಕರುನ್ ಉಟ್ವುತಾ. 24 ತೆನಿ ರಥಾಂಚ್ಯಾ ವಾಂಗ್ಡಾ, ಗಾಡಿಯಾಂಚ್ಯಾ ವಾಂಗ್ಡಾ, ಲೊಕಾಂಚ್ಯಾ ತಾಂಡ್ಯಾಂಚ್ಯಾ ವಾಂಗ್ಡಾ, ತಾಕ್ತಿಚೆ ಹೊವ್ನ್ ತುಜ್ಯಾ ವಿರೊಧ್ ಯೆಲ್ಯಾತ್, ಭೊತ್ಯಾನಿ ಗುರಾನಿ, ಟಕ್ಲ್ಯಾಚಿ ರಾಕ್ವನಿಚೆ ಕವ್ಚಿ, ಧರುನ್ ಘೆವ್ನ್ ತುಕಾ ವಿರೊಧ್ ಹೊವ್ನ್ ರ್‍ಹಾತಾ, ತವ್ಡೆಚ್ ನಸ್ತಾನಾ, ಮಿಯಾ ತೆಂಕಾ ನ್ಯಾಯ್ ಕರ್ತಲೊ ಅಧಿಕಾರ್ ದಿತಾ, ತೆನಿ ತೆಂಚ್ಯಾ ನ್ಯಾಯಾಚ್ಯಾ ಸಾರ್ಕೆ ಶಿಕ್ಷ್ಯಾ ದಿತ್ಯಾತ್. 25 ಮಿಯಾ ಮಾಜೊ ರಾಗ್ ತುಜೆರ್ ವೊತುನ್ ತೆನಿ ತುಜೆರ್ ರಾಗ್ ಕಾಡುನ್ಗೆತ್ಯಾತ್, ತುಜೆ ನಾಕ್, ಕಾನಾ ಕಾತರ್ತ್ಯಾತ್, ತುಜಾತ್ ಹುರಲ್ಲೆ, ತಲ್ವಾರಾಕ್ ಗಾವ್ತ್ಯಾತ್, ತುಜ್ಯಾ ಚೆಡ್ವಾ ಝಿಲ್ಗ್ಯಾಕ್ನಿ ಧರುನ್ ನ್ಹೆತ್ಯಾತ್, ತುಜಿ ಹುರಲ್ಲಿ ಲೊಕಾ ಆಗಿನ್ ಜಳುನ್ ಜಾತಾತ್. 26 ತೆನಿ ತುಜೆ ಕಪ್ಡೆ ಕಾಡುನ್ ಟಾಕುನ್, ತುಜಿ ಸುಂದರ್ ವಸ್ತಾ, ಕಾಡುನ್ ಘೆತ್ಯಾತ್. 27 ಅಶೆ ಮಿಯಾ ತುಜಿ ಬುರ್ಶಿ ಕಾಮಾ ತಿಯಾ ಇಜಿಪ್ತಾತ್ ಹೊತ್ತ್ಯಾಕ್ನಾ ಕರುನ್ಗೆತ್ ಯೆಲ್ಲಿ, ತುಜೆ ವ್ಯಬಿಚಾರ್ ಕಾಡುನ್ ಟಾಕ್ತಾ ಮಾನಾ ತಿಯಾ ತೆಂಚೆಕ್ಡೆ ಡೊಳೆ ಉಕ್ಲುನ್ ಬಗಿನಸ್ತಾನಾ, ಇಜಿಪ್ತಾಕ್ ಯಾದ್ ಕರಿನಸ್ತಾನಾ ರ್‍ಹಾತೆಯ್". 28 ಸರ್ವೆಸ್ಪರ್ ದೆವ್ ಅಶೆ ಮನ್ತಾ, ಅಬಕ್, ತಿಯಾ ಕೊನಾರ್ ರಾಗ್ ಕರ್ತೆ ಬಗ್, ತುಜಿ ಆಶಾ ಕೊನಾ ವಯ್ನಾ ಪರ್‍ತುನ್ ಘೆತಯ್ ತೆಚ್ಯಾ ಹಾತಿತ್ ಮಿಯಾ ತುಕಾ ಒಪ್ಸುನ್ ದಿತಾ. 29 ತೆನಿ ತುಜೆರ್ ರಾಗ್ ಕಾಡುನ್ ಘೆವ್ನ್, ತಿಯಾ ರಾಬಲ್ಲೆ ಸಗ್ಳೆ ಚೊರುನ್, ತುಕಾ ಖಾಲಿ ಕರ್ತ್ಯಾತ್, ಅಸೆ ಲಜ್ಜೆನ್ ಭರಲ್ಲೆ ತುಜೆ ವ್ಯಬಿಚಾರ್ ಪಾನ್, ತುಜೆ ಬುರ್ಸೆ ಪಾನ್, ಅನಿ ವ್ಯಬಿಚಾರ್ ಮ್ಹಾಳಾಕ್ ಯೆತಾ. 30 ಹಿ ತರಾಸಾ ತುಕಾ ಯೆವ್ಕ್, ತಿಯಾ ಲೊಕಾಕ್ನಿ ಪಾಶ್ಯಾತ್ ಘಾಲುನ್, ತೆಂಚ್ಯಾ ಮುರ್ತಿಯಾನಿ ತುಕಾ ಅಪವಿತ್ರ್ ಕರುನ್ ಘೆಟಲ್ಲೆಚ್ ಕಾರನ್ ಹೊವ್ನ್ ಹಾಯ್. 31 ತಿಯಾ ತುಜ್ಯಾ ಅಕ್ಕಾಚ್ಯಾ ವಾಟೆನ್ ಚಲಲ್ಲ್ಯಾ ವಯ್ನಾ, ತಿನಿ ಫಿಲ್ಲೆ ಶಿಕ್ಷಾಚೆ ಆಯ್ದಾನುಚ್ ತುಜ್ಯಾ ಹಾತಿತ್ ದಿತಾ.

32 ಸರ್ವೆಸ್ಪರ್ ಅಸೊ ಮನ್ತಾ,

"ಲಾಂಬ್ಬಿ, ರುಂದ್ಬಿ, ಲೈ ಭರ್‍ತಲ್ಯಾ ತುಜ್ಯಾ ಅಕ್ಕಾಚ್ಯಾ ಆಯ್ದಾನಾತ್ ತಿಯಾ ಫಿವ್ನ್,

ಹಾಸಾರಾಕ್ಬಿ ಅನಿ ಟೊಪ್ತಲ್ಯಾ ಗೊಸ್ಟಿಯಾಕ್ನಿ ಶಿಕಾರ್ ಹೊತೆಯ್.

33 ಸಮಾರ್ಯ ಮನ್ತಲ್ಯಾ ತುಜ್ಯಾ ಅಕ್ಕಾನ್ ಫಿಲ್ಲ್ಯಾ ಭಯಾನಕ್ ಅನಿ ದುಕ್ಕೆಚ್ಯಾ ಆಯ್ದಾನಾತ್ನಾ ತಿಯಾಬಿ ಫಿವ್ನ್,

ನಾಶಾನ್ ಅನಿ ದುಕ್ಕೆನ್ ಭರಲ್ಲಿ ರ್‍ಹಾತೆಯ್.

34 ತ್ಯಾತುರ್ ಎಕ್ ಟೆಂಬೊಬಿ ಹುರ್ವಿ ನಸ್ತಾನಾ ಫಿವ್ನ್,

ತೆಚೆ ತುಕ್ಡೆ ತುಕ್ಡೆ ಕರುನ್ ಫೊಡುನ್ ತುಜಿ ಥಾನಾ ಪಿಂಜುನ್ ಘೆತಯ್,

ಹ್ಯೊ ಮಾಜೊ ಹುಕುಮ್ ಹೊವ್ನ್ ಹಾಯ್" ಮನುನ್ ಸರ್ವೆಸ್ಪರ್ ದೆವಾಚಿ ಗೊಸ್ಟ್.

35 ಅಶೆ ರ್‍ಹಾತಾನಾ ಸರ್ವೆಸ್ಪರ್ ಅಸೊ ಮನ್ತಾ, "ತಿಯಾ ಮಾಕಾ ಡುಬ್ರಿಚ್ಯಾ ಫಾಟಿ ನಿಪ್ವುನ್ ಇಸರಲ್ಲ್ಯಾ ವಯ್ನಾ ತುಜ್ಯಾ ಬುರ್ಶಾ ಕಾಮಾಚಿ ಅನಿ ವ್ಯಬಿಚಾರಾಚೆ ಫಳ್ ತಿಯಾಚ್ ಅನ್ಬೊಗುಕ್ ಪಾಜೆ".

36 ಸರ್ವೆಸ್ಪರಾನ್ ಮಾಕಾ ಅಸಿ ಸಾಂಗ್ಲ್ಯಾನ್, ನರ್ ಮಾನ್ಸಾ, ಒಹೊಲಾಕ್ ಅನಿ ಒಹೊಲಿಬಾಕ್ ಶಿಕ್ಷ್ಯಾ ದಿವ್ಕ್ ತುಜೊ ಮನ್ ತಯಾರ್ ಹಾಯ್ ಕಾಯ್? ತೆಂಚಿ ಬುರ್ಶಿ ಕಾಮಾ ತೆಂಕಾ ಕಳ್ವು. 37 ತೆನಿ ವ್ಯಬಿಚಾರ್ ಕರ್‍ಲ್ಯಾನಾತ್, ತೆಂಚೊ ಹಾತ್ ರಗ್ತಾನ್ ಭರ್ಲಾ, ತ್ಯಾ ಮುರ್ತಿಯಾಕ್ನಿ ವಾಂಗ್ಡಾ ವ್ಯೆಭಿಚಾರ್ ಕರ್ಲಾತ್, ಅಪ್ನಾಚ್ಯಾಕ್ನಾ ಉಪಾಜಲ್ಲ್ಯಾ ಲೆಕಾಕ್ನಿ ಮುರ್ತಿಯಾಕ್ನಿ ಬಲಿ ಭೆಟ್ವುಲಾತ್. 38 ಹೆ ಕರಲ್ಲ್ಯಾ ದಿಸಿಚ್ ಮಾಜೆ ಪವಿತ್ರ್ ಘರ್, ಅಪವಿತ್ರ್ ಕರುನ್ ಮಿಯಾ ಎಚಲ್ಲೊ ಸಾಬ್ಬಾತಾಚೊ ದಿಸ್ ಅಪವಿತ್ರ್ ಕರ್‍ಲ್ಯಾನಾತ್. 39 ಅಪ್ನಾಚ್ಯಾ ಪೊರಾಂಚೊ ಜಿವ್ ಕಾಡುನ್, ಅಪ್ನಾಚ್ಯಾ ಮುರ್ತಿಯಾಕ್ನಿ ಭೆಟ್ವುಲ್ಲ್ಯಾ ದಿಸಿಚ್ ಮಾಜ್ಯಾ ಪವಿತ್ರ್ ಗುಡಿತ್ ಗುಸುನ್ ಅಪವಿತ್ರ್ ಕರ್ಲ್ಯಾನಿ, ಅಬಗ್ ಮಾಜ್ಯಾ ಘರಾ ಭುತ್ತುರ್ ಸರ್ ಮದ್ದಿ ಹೆ ಕರ್ಲ್ಯಾನಿ. 40 ಖಬ್ರಿ ಕಾರ್ ಧಾಡುನ್, ಘೊಮನ್ಸಾಕ್ನಿ ಧುರ್ನಾ ಬಲ್ವುನ್ ಘೆವ್ನ್, ತೆನಿ ಯೆಲ್ಯಾನಿ, ಎಯ್ ಬಾಯ್ಕೊಮನ್ಸಿ ತೆಂಚೆ ಸಾಟ್ನಿ ತಿಯಾ ಪಾನಿ ನ್ಹವ್ನ, ಡೊಳ್ಯಾಕ್ನಿ ಕಾಳೆ ಲಾವ್ನ್ ಘೆವ್ನ್, ತುಕಾ ವಸ್ತಾನಿ ಸಿಂಗಾರ್ ಕರುನ್ ಘೆಟ್ಲೆ, 41 ಅನಿ ಸಿಂಗಾರಾಚ್ಯಾ ಭಾಜೆರ್ ಬಸ್ಲೆ, ತೆಂಚ್ಯಾ ಇದ್ರಾಕ್ ಬರ್ಯಾ ಜೆವ್ನಾಕ್ ತಯಾರ್ ಹೊಲ್ಲ್ಯಾ ಮೆಜಾರ್ ಧುಪ್ ಅನಿ ತೆಲ್ ಥವ್ಲೆ. 42 ಥೈ ಲೊಕಾಂಚ್ಯಾ ಅವಾಜಾಚೊ ತಾಂಡೊ ತೆಂಚ್ಯಾ ಭೊತ್ಯಾನಿ ಹೊತ್ತೊ, ಮರುಬುಮಿಕ್ನಾ ಪಿದೊಡ್ಯಾಕ್ನಿ ಬಲ್ವುನ್, ತೆನಿ ಗಾವಾತ್ಲ್ಯಾ ಲೊಕಾನಿಕ್ನಾ ಮಿಳುನ್, ತೆಂಚ್ಯಾ ದೊಗ್ಯಾಂಚ್ಯಾ ಹಾತಿಕ್ ಕಡಾನ್ ಘಾಲುನ್, ತೆಂಚ್ಯಾ ಟಕ್ಲ್ಯಾಕ್ ಸುಂದರ್ ಮುಕುಟ್ ಘಾಟ್ಲ್ಯಾನಿ. 43 ತನ್ನಾ ಮಿಯಾ ಬಾಡುನ್ ಗೆಲ್ಲಿಕ್ ಅಜುನ್ ವ್ಯಬಿಚಾರ್ ಕರ್ತ್ಯಾತ್ ನ್ಹಯ್ ಮಟ್ಲೊ. 44 ವ್ಯಬಿಚಾರಿಕ್ನಾ ಮಿಳ್ತಲ್ಯಾ ಸಾರ್ಕೆ ಹಿ ಲೊಕಾ ತಿಚೆಕ್ನಾ ಮಿಳ್ಳಿ, ಹೊಯ್ ಬುರ್ಶಿ ಬಾಯ್ಕೊಮನ್ಸಾ ಹೊಲ್ಲ್ಯಾ ಒಹೊಲಾ ಅನಿ ಒಹೊಲಿಬಾಕ್ಡೆ ಮಿಳ್ಳ್ಯಾನಿ. 45 ನಿತಿಚಿ ಮಾನ್ಸಾ ತೆಂಕಾ ನ್ಯಾಯ್ ದಿವ್ನ್ ವ್ಯಬಿಚಾರಿಯಾಕ್ನಿ ರಗಾತ್ ವತಲ್ಯಾಂಚ್ಯಾ ಬಾಯ್ಕೊ ಮನ್ಸಾಕ್ನಿಬಿ ಲಾಗು ಹೊಲ್ಲೆ ದಂಡ್ ಲಾವ್ತ್ಯಾತ್, ತೆನಿ ವ್ಯಬಿಚಾರ್ನಿಯಾ ತೆಂಚೊ ಹಾತ್ ರಗ್ತಾನ್ ಭರ್ಲಾ. 46 ಸರ್ವೆಸ್ಪರ್ ಅಸೆ ಮನ್ತಾ, "ಮಿಯಾ ಹ್ಯಾ ಬಾಯ್ಕೊ ಮನ್ಸಾಂಚ್ಯಾ ವಿರೊಧ್ ಬಯ್ಟೆಕ್ ಕರುನ್, ತೆಂಕಾ ತರಾಸಾತ್ ಘಾಲುನ್, ಸಗ್ಳ್ಯಾನಿಬಿ ಭ್ಹಿಯಾ ಒಪ್ಸುನ್ ಸಾರ್ಕೆ ಕರ್ತಾ. 47 ಬಯ್ಟೆಕಾತ್ಲೆ ಹೆಂಚ್ಯಾ ವರ್‍ತಿ ಗುಂಡೆ ಮಾರುನ್ ಹೆಂಕಾ ತಲ್ವಾರಾನಿ ಮಾರುನ್, ತೆಂಚ್ಯಾ ಲೆಕಾ ಅನಿ ಲೆಕಿಯಾಕ್ನಿ ಮಾರುನ್ ತೆಂಚಿ ಘರಾ ಆಗಿನ್ ಜಾಳುತ್ಯಾತ್. 48 ಅಸೆ ಮಿಯಾ ದೆಸಾತ್ನಾ ಬುರ್ಸೆಪಾನ್ ಕಾಡುನ್ ಟಾಕ್ತಾ, ಹೆಚ್ಯಾ ವಯ್ನಾ ಸಗ್ಳ್ಯಾ ಬಾಯ್ಕೊಮನ್ಸಾಕ್ನಿಬಿ ತುಮಿ ಕರಲ್ಲಿ ಬುರ್ಶಿ ಕಾಮಾ ಕರುಚೆ ನ್ಹಯ್ ಮನುನ್ ಅಕ್ಕಲ್ ಯೆತಾ. 49 ತುಮ್ಚಾ ಬುರ್ಶಾ ಕಾಮಾಚೆ ಫಳ್ ತುಮ್ಕಾ ಖಾವ್ಸುಲ್ಯಾತ್, ತುಮ್ಚ್ಯಾ ಮುರ್ತಿಯಾಂಚ್ಯಾ ವಯ್ನಾ ಹೊಲ್ಲೊ ಪಾಪ್ ತುಮಿ ಸೊಸ್ತ್ಯಾಸಿ, ಅಸಿ ಮಿಯಾಚ್ ಸರ್ವೆಸ್ಪರ್ ದೆವ್ ಮನ್ತಲೆ ತುಮ್ಕಾ ಕಳ್ತಾ".