1 ಸರ್ವೆಸ್ಪರಾನ್ ಪರ್‍ತುನ್ ಮಾಜ್ಯಾಕ್ಡೆ ಬೊಲುನ್, 2 ನರ್ ಮಾನ್ಸಾ, ರಗ್ತಾನ್ ಭರಲ್ಲ್ಯಾ ತ್ಯಾ ಶಾರಾಕ್ ಝಡ್ತಿ ಕರುಕ್ ತುಜೊ ಮನ್ ತಯಾರ್ ಹಾಯ್ ಕಾಯ್? ತೆಂಚಿ ಬುರ್ಶಿ ಕಾಮಾ ತೆಂಕಾ ಅಸಿ ಸಾಂಗ್. 3 ಸರ್ವೆಸ್ಪರ್ ಅಸೆ ಮನ್ತಾ, ತುಜ್ಯಾ ಮದ್ದಿ ರಗಾತ್ ಪಾಡ್ವುನ್ ಶಿಕ್ಷಾಚೊ ಎಳ್ ಜಗ್ಗೊಳ್ ಹಾನುನ್ ಘೆಟಲ್ಲ್ಯಾ ಶಾರಾ! ತುಜ್ಯಾ ಬುರ್ಸ್ಯಾ ಪಾನಾಕ್ ಸಾಟ್ನಿ ಮುರ್ತಿಯಾ ಕರುನ್ ಘೆವ್ನ್ ತುಕಾ ಪೊಜ್ಡೆ ಕರುನ್ ಘೆಟಲ್ಲ್ಯಾ ಶಾರಾ! 4 ತಿಯಾ ಪಾಡ್ವುಲ್ಯಾ ರಗ್ತಾ ವಯ್ನಾ ಅನಿ ಚುಕಿದಾರಾನ್ ಕರುನ್ ಘೆಟಲ್ಲ್ಯಾ ಮುರ್ತಿಯಾಂಚ್ಯಾ ವಯ್ನಾ ಅಶುದ್ದ್ ಹೊವ್ನ್ ಶಿಕ್ಷಾಚೊ ಎಳ್ ಜಗ್ಗೊಳ್ ಹಾನುನ್ ಘೆವ್ನ್, ಮಾರಾಚ್ಯಾ ಎಳಾಕ್ ಜಗ್ಗೊಳ್ ಎಲೆ, ತಸೆ ಹೊವ್ನ್ ತುಕಾ ಲೊಕಾಂಚ್ಯಾ ನಿಂದ್ಯಾಕ್ ಅನಿ ಸಗ್ಳ್ಯಾ ದೆಶಾಂಚ್ಯಾ ಹೆಸ್ಡುಕ್ ಗುರಿ ಕರ್ಲಾ. 5 ಅಶುದ್ದ್ ಅನಿ ಹೊಲಿ ಹೊಲ್ಲ್ಯಾ ಶಾರಾ, ಜಗ್ಗೊಳ್ಲಿ ಅನಿ ಧುರ್ಲಿ ಲೊಕಾ ತುಕಾ ಹೆಸ್ಡತಾತ್. 6 ಅಬಕ್, ಇಜ್ರಾಯೆಲಾಚಿ ಮುಖಂಡಾನೊ, ತೆಂಚ್ಯಾ ತಾಕ್ತಿ ಸಾರ್ಕೆ ತುಜೆರ್ ರಗಾತ್ ಟಾಕುನ್ಗೆತ್ ಹಾತ್, 7 ತುಜ್ಯಾ ಬಾಯ್ ಬಾಬಾಕ್ನಿ ಮಾನ್ ದಿವ್ಕ್ ನಾತ್, ತುಜ್ಯಾ ಲೊಕಾನಿ ದುಸ್ರ್ಯಾ ದೆಸಾಕ್ನಿ ತರಾಸ್ ದಿಲಾತ್, ತುಜಾ ಲೊಕಾನಿ ಪರ್ದೆಶಿಕ್ನಿ ಅನಿ ಘವ್ಮರಲ್ಲ್ಯಾ ಬಾಯ್ಕೊ ಮನ್ಸಿಯಾಕ್ನಿ ತರಾಸ್ ದಿಲ್ಯಾತ್, 8 ತಿಯಾ ತುಜ್ಯಾ ಪವಿತ್ರ್ ವಸ್ತಾಕ್ನಿ ದ್ಯಾನ್ ದಿಯ್ನಸ್ತಾನಾ, ಮಿಯಾ ನೆಮಲ್ಲ್ಯಾ ಸಬ್ಬತಾಚ್ಯಾ ದಿಸಾಕ್ ಬ್ರಸ್ಟ್ ಕರ್ಲೆ. 9 ತುಜ್ಯಾಕ್ಡೆ ಚಾಡಿ ಬೊಲ್ತಲ್ಯಾನಿ ರಗಾತ್ ಪಾಡ್ವುಲ್ಯಾನಿ, ತುಜಾ ಲೊಕಾನಿ ಮಡ್ಡಿ ವರ್‍ತಿ ಬಲಿ ಭೆಟ್ವುನ್ ಹುರಲ್ಲೆ ಖಾಲ್ಯಾನಾತ್, ಅನಿ ತುಜ್ಯಾ ಮದ್ದಿ ಬುರ್ಶಿ ಕಾಮಾ ಕರ್‍ಲ್ಯಾನಾತ್, 10 ತುಜ್ಯಾಕ್ಡೆ ಬಾಬಾಕ್ ಮರ್ಯಾದ್ ಕಾಡ್ಲಾತ್, ತುಜ್ಯಾಕ್ಡೆ ಭಾಯ್ರ್ ಹೊಲ್ಲ್ಯಾ ಬಾಯ್ಕೊ ಮಾನ್ಸಿಕ್ನಾ ಮಿಳ್ಳಾತ್, 11 ತುಜ್ಯಾತ್ ಎಕ್ಲ್ಯಾನ್ ಭಾಜುಕ್ಲ್ಯಾಚ್ಯಾ ಬಾಯ್ಕೊಚ್ಯಾ ವರ್‍ತಿ ಬುರ್ಸೆ ಕರ್ಲ್ಯಾನಾಯ್, ಅನಿ ಎಕ್ಲ್ಯಾನ್ ಹಾಳ್ ಬುರ್ಸೆ ಕಾಮ್ ಕರುನ್ ಸುನ್ನೆಕ್ ಹಾಳ್ ಕರ್ಲಾ, ಅನಿ ಅಪ್ನಾಚ್ಯಾ ಖಾಸ್ ಭೆನಿಕ್ ಹಾಳ್ ಕರ್ಲ್ಯಾನಾಯ್. 12 ತುಜ್ಯಾ ಲೊಕಾನಿ ರಗಾತ್ ಪಾಡ್ವುಕ್ ಲಂಚ್ ಘೆಟ್ಲಾತ್, ತುಜ್ಯಾ ಲೊಕಾನಿ ರಿನ್ ದಿವ್ನ್ ಫಾಯ್ದ್ಯಾ ಸಾಟ್ನಿ ಬಡ್ಡಿಕ್ ಘೆವ್ನ್, ಲಾಬಾಕ್ ಪಯ್ಸೆ ಘೆವ್ನ್, ಅಜು ಭಾಜುಚಾಕ್ನಿ ತರಾಸ್ ದಿವ್ನ್, ಖಬ್ಜಾ ಕರುನ್ ಘೆವ್ನ್ ಅನಿ ಮಾಕಾ ಇಸ್ರುನ್ ಸೊಡ್ಲ್ಯಾನಿ, ಮನುನ್ ಸರ್ವೆಸ್ಪರ್ ಸಾಂಗ್ತಾ. 13 "ತಿಯಾ ಕಾಡುನ್ ಹಾನಲ್ಲೆ ಫಾಯ್ದ್ಯಾಚೆ, ತುಜ್ಯಾಕ್ಡೆ ವೊತಲ್ಲೆ ರಗಾತ್ ಮಿಯಾ ಬಗುನ್ ಹಾತ್ ಬಡ್ವುನ್ ಘೆಟ್ಲೊ. 14 ಮಿಯಾ ತುಕಾ ಶಿಕ್ಷ್ಯಾ ದಿತಲ್ಯಾ ಎಳಾರ್ ಮನ್ ಘಟ್ ಕರುನ್ ಘೆಟ್ಲೆ ಕಾಯ್? ಹಾತಾ ಬಳಾನ್ ಥವ್ನ್ ಘೆವ್ನ್ ಹಾಸ್ ಕಾಯ್? ಸರ್ವೆಸ್ಪರ್ ಹೊಲ್ಲೊ ಮಿಯಾಚ್ ಹೆ ಸಾಂಗುಕ್ ಲಾಗ್ಲಾ ಅನಿ ತಸಿಚ್ ಕರ್ತಾ. 15 ಮಿಯಾ ತುಕಾ ಲೊಕಾತ್ನಿ ಪಗ್ಳುನ್, ದೆಶಾ ದೆಸಾತ್ನಿ ಪಗ್ಳುನ್, ತುಜಾತ್ಲೆ ಬುರ್ಸೆಪಾನ್ ಕಾಡುನ್ ನಾಶ್ ಕರ್ತಾ. 16 ಲೊಕಾಂಚ್ಯಾ ಡೊಳ್ಯಾಂಚ್ಯಾ ಇದ್ರಾಕ್ ತುಜ್ಯಾ ಯೆವ್ಡ್ಯಾಕ್ ತಿಯಾಚ್ ಮರ್ಯಾದ್ ಕಾಡುನ್ಗೆತೆ, ತನ್ನಾ ಮಿಯಾಚ್ ಸರ್ವೆಸ್ಪರ್ ಮನ್ತಲೆ ತುಕಾ ಕಳ್ತಾ".

17 ಮಾನಾ ಮಾಕಾ ಸರ್ವೆಸ್ಪರಾನ್ ಅಸೆ ಸಾಂಗ್ಲ್ಯಾನ್, 18 ನರ್ ಮಾನ್ಸಾ, ಇಜ್ರಾಯೆಲ್ ಮನ್ತಲ್ಯಾ ಕುಳಿಚೆ ಲೊಂಗಾಟ್ ಮಾಜ್ಯಾ ನದ್ರೆತ್ ಹಾಳ್ ಹೊಲಾ, ತೆ ಸಗ್ಳೆ ತಾಂಬೆ, ಪಿತ್ಳಿ, ಲೊಂಗಾಟ್, ಸಿಸ್ ಅನಿ ಪಾತೊಳ್ ಚಾಂದಿಚ್ಯಾ ಬಾಶೆನ್ ಹಾತ್. 19 ಅಸೆ ಹೊವ್ನ್ ಸರ್ವೆಸ್ಪರ್ ದೆವ್ ಅಸೊ ಮನ್ತಾ, ತುಮಿ ಸಗ್ಳೆ ಕಚ್ರೊ ಹೊಲ್ಲ್ಯಾ ಸಾಟ್ನಿ, ಅಬಕ್ ತುಮ್ಕಾ ಜರುಜಲೆಮಾತ್ ಮಿಳ್ವುತಾ. 20 ಚಾಂದಿ, ತಾಂಬೆ, ಲೊಂಗಾಟ್, ಸಿಸ್ ಅನಿ ಪಿತ್ಳಿ ಹೆಂಕಾ ಭಟ್ಟಿತ್ ಘಾಲುನ್, ತಾಪ್ವುನ್ ಜಾಳ್ವುಲ್ಯಾ ಸಾರ್ಕೆ, ಮಿಯಾ ತುಮ್ಕಾ ಮಾಜ್ಯಾ ಮೊಟ್ಟ್ಯಾ ರಾಗಾನ್ ಜಾಳ್ವುನ್ ಕರ್ಗುಕ್ ಲಾವ್ತಾ. 21 ಹೊಯ್ ಮಿಯಾ ತುಮ್ಕಾ ಮಾಜ್ಯಾ ಪೆಟ್ತಲ್ಯಾ ರಾಗಾಚ್ಯಾ ಭಟ್ಟಿತ್ ಘಾಲುನ್ ಸಿಜ್ವುನ್, ತ್ಯಾತುರ್ ಕರ್ಗುಕ್ ಲಾವ್ತಾ. 22 ಚಾಂದಿ, ಭಟ್ಟಿತ್ ಕರಗಲ್ಲ್ಯಾ ಸಾರ್ಕೆ ತುಮಿ ಮಾಜ್ಯಾ ರಾಗಾಚ್ಯಾ ಭಟ್ಟಿತ್ ಕರಗ್ತ್ಯಾಸಿ, ತುಮ್ಚ್ಯಾ ವರ್‍ತಿ ರಾಗಾಚಿ ಆಗ್ ಘಾಟಲ್ಲೊ ಮಿಯಾಚ್ ಸರ್ವೆಸ್ಪರ್ ಮನ್ತಲೆ ತುಮ್ಕಾ ಕಳ್ತಾ.

23 ಸರ್ವೆಸ್ಪರಾನ್ ಮಾಕಾ ಅಸೆ ಸಾಂಗ್ಲ್ಯಾನ್, 24 ನರ್ ಮಾನ್ಸಾ, ತ್ಯಾ ದೆಶಾಚಾಕ್ನಿ ಅಸೆ ಸಾಂಗ್, ಸರ್ವೆಸ್ಪರಾಚ್ಯಾ ರಾಗಾಚ್ಯಾ ದಿಸಿ ತಿಯಾ ನಿತಳ್ ನಸಲ್ಲೊ ದೆಶ್ ಅನಿ ಪಾವ್ಸ್ ನಸಲ್ಲೊ ದೆಶ್, 25 ತ್ಯಾ ದೆಸಾತ್ ಪ್ರವಾದಿಯಾನಿ ಭುತ್ತುರ್ನಾ ಬೊಲುನ್ ಘೆವ್ನ್, ಶಿಕಾರ್ ಕರುನ್ ಪಿಂಜ್ತಲ್ಯಾ ಸಿಂವಾ ಸಾರ್ಕೆ ಹೊಲ್ಯಾತ್, ಮಾನ್ಸಾಕ್ನಿ ಗಿಳ್ತಾತ್, ಆಸ್ತಿ ಅನಿ ಕಿಮ್ತಿಚಿ ವಸ್ತಾ ಲುಟ್ಲಾತ್, ದೆಸಾತ್ ಲೈ ಲೊಕಾಕ್ನಿ ವಿಧವ್ ಕರ್ಲಾತ್. 26 ಥೈ ಹೊತ್ತ್ಯಾ ಯಾಜಕಾನಿ ಮಾಜಿ ನಿಯಮಾ ಮೊಡ್ಲಾತ್, ಮಾಜ್ಯಾ ನಿತಳ್ ಸಾಮಾನಾಕ್ನಿ ಅಶುದ್ದ್ ಕರ್‍ಲ್ಯಾನಾತ್, ಎಚುನ್ ಥವಲ್ಲ್ಯಾಕ್ ಅನಿ ಎಚುನ್ ಥವ್ಕ್ ನಸಲ್ಲ್ಯಾಕ್ ಕಾಯ್ಬಿ ವ್ಯತ್ಯಾಸ್ ಥವ್ಕ್ ನಾತ್, ತೆಚ್ಯಾ ಸಾಟ್ನಿ ನಿತಳ್ ಅನಿ ನಿತಳ್ ನತ್ತೆ, ಮನುನ್ ಬಗುಕ್ನಾತ್, ಮಿಯಾ ನೆಮಲ್ಲ್ಯಾ ಸಬ್ಬತಾಚ್ಯಾ ದಿಸಾಕ್ನಿ ವಿರೊದ್ ಹೊವ್ನ್ ಹಾತ್, ಹೆಚ್ಯಾ ವಯ್ನಾ ಮಿಯಾ ತೆಂಚ್ಯಾ ಮದ್ದಿ ಕಮ್ಮಿಚ್ಯಾ ಮರ್ಯಾದಿಚೊ ಹೊವ್ನ್ ಹಾವ್. 27 ಥೈತ್ಲಿ ಜಾಂನ್ತಿ ಲೊಕಾ ಜಾಸ್ತಿ ವಸುಲಿ ಸಾಟ್ನಿ ರಗಾತ್ ಪಾಡ್ವುನ್, ಮಾನ್ಸಾಕ್ನಿ ಗಿಳ್ತಲೆ ಹೊವ್ನ್, ಶಿಕಾರಿಕ್ ಪಿಂಜ್ತಲಿ ಝುಲ್ ಕುತ್ರೆ ಹೊಲ್ಯಾತ್. 28 ಥೈ ಹೊತ್ತಿ ಝುಟಿ ಪ್ರವಾದಿಯಾ ಹೆಂಚೆ ಝುಟೆ ದರ್ಶನ್, ಝುಟಿ ಗೊಸ್ಟಿಯಾ ಬಗುನ್ ಸರ್ವೆಸ್ಪರಾನ್ ತೆಂಚೆಕ್ಡೆ ಬೊಲ್ಯಾನ್ ಮನುನ್ ಚುನ್ನೊ ಲಾವ್ತಾತ್. 29 ಸಾದ್ರನ್ ಲೊಕಾಕ್ನಿ ತರಾಸ್ ದಿವ್ನ್ ಲುಟ್ಲ್ಯಾನಿ, ಕಾಯ್ಬಿ ಗತ್ ನಸಲ್ಲ್ಯಾಕ್ನಿ ಅನಿ ದುಶ್ರ್ಯಾ ದೆಶಾಚ್ಯಾಕ್ನಿ ಅನ್ಯಾಯ್ ಕರ್‍ಲ್ಯಾನಾತ್. 30 ಮಿಯಾ ಮಾಜೊ ದೆಶ್ ಹಾಳ್ ಹೊಯ್ ನಸಿ ಸಾರ್ಕೆ, ಮಾಜ್ಯಾ ಇದ್ರಾಕ್ ದೆಶ್ ರಾಕುಕ್ ಅನಿ ಬಿರಕ್ ಪಡಲ್ಲ್ಯಾ ಭಿತ್ತಿಚ್ಯಾ ಗತಿನ್ ಇಬೆರಾವ್ಕ್, ಅನಿ ಭಿತ್ತ್ ಘಟ್ ಕರುಕ್ ಪಾಜೆ ಹೊಲ್ಲೊ ಹುಡಕ್ಲ್ಯಾರ್ಬಿ ಮಾಕಾ ಕೊನ್ಬಿ ಗಾವ್ಕ್ ನಾ. 31 ತೆಚ್ಯಾ ವಯ್ನಾ, ಮಿಯಾ ಮಾಜೊ ರಾಗ್ ತೆಂಚೆವರ್‍ತಿ ವೊತುನ್, ಮಾಜ್ಯಾ ಪೆಟ್ತಲ್ಯಾ ರಾಗಾತ್ ತೆಂಕಾ ಜಾಳ್ವುನ್, ತೆಂಚಿ ಬುರ್ಶಿ ಚಾಲಿಚಿ ಚುಕ್ ತೆಂಚ್ಯಾ ಟಕ್ಲ್ಯಾಕ್ ಘಾಲ್ತಾ, ಮನ್ತಲಿ ಹಿ ಸರ್ವೆಸ್ಪರಾಚೆ ಬೊಲ್ನೆ ಹೊವ್ನ್ ಹಾಯ್.