1 ಸರ್ವೆಸ್ಪರಾನ್ ಮಾಕಾ ಹಿ ಗೊಸ್ಟ್ ದಿಲ್ಯಾನ್, 2 ನರ್ ಮಾನ್ಸಾ, ಪರ್‍ವಾದನ್ ಕರುನ್ ಸ್ವತಾಕ್ ಮನಾಕ್ ದಿಸಲ್ಲೆಚ್ ಪರ್ಗಟ್ ಕರುನ್ಗೆತ್ ಹೊತ್ತ್ಯಾ ಇಜ್ರಾಯೆಲಾಂಚ್ಯಾ ಪರ್ವಾದಿಯಾಕ್ನಿ ಖಂಡನ್ ಕರುನ್ ಅಸೆ ಸಾಂಗ್, ಸರ್ವೆಸ್ಪರಾಚೆ ಬೊಲ್ನೆ ಆಯ್ಕಾ. 3 ಸರ್ವೆಸ್ಪರ್ ದೆವಾನ್ ಅಸೊ ಮನ್ತಾ, ಕಸ್ಲೆಚ್ ಶಿಕ್ಷನ್ ನಸ್ತಾನಾ, ಸ್ವತಾಚಿ ಬುದ್ಗೆಡಿ ಪಿಶ್ಯಾ ಪರ್ವಾದಿಯಾಂಚಿ ಗತ್ ಕಾಯ್ ಸಾಂಗು! 4 ಇಜ್ರಾಯೆಲಾ, ತುಜೆ ಪರ್ವಾದಿ ಹಾಳ್ ಪಡಲ್ಲ್ಯಾ ಜಾಗ್ಯಾ ವಯ್ಲ್ಯಾ ಕೊಲ್ಯಾಂಚ್ಯಾ ಗತಿನ್ ಹಾತ್. 5 ಸರ್ವೆಸ್ಪರಾಚ್ಯಾ ದಿಸಾ ದಿಸಿ ಝಗ್ಡ್ಯಾಕ್ ಇಬೆ ರ್‍ಹಾವ್ಚೆ ಮನುನ್ ತುಮಿ ಭಿತ್ತಿಯಾಕ್ನಿ ರಾಕ್ವಲಿ ಥವ್ಕ್ ನಾತ್, ಇಜ್ರಾಯೆಲ್ ಪಿಳ್ಗಿಚ್ಯಾ ಲೊಕಾಂಚ್ಯಾ ರಾಕ್ವನಿಕ್ ಸಾಟ್ನಿ ಕೊಸಳ್ತಲಿ ಭಿತ್ತ್ ಘಟ್ ಕರುಕ್ಬಿ ನ್ಯಾಸಿ. 6 ಸರ್ವೆಸ್ಪರ್ ಅಸೊ ಮನ್ತಾ, ಮನುನ್ ಸಾಂಗ್ತಲ್ಯಾ ಲೊಕಾಕ್ನಿ ದಿಸಲ್ಲ್ಯಾ ದರ್ಶನಾ ಖರಿಚ್, ಅನಿ ಆಯ್ಕಲ್ಲೆ ಝುಟೆ, ತೆಂಕಾ ಸರ್ವೆಸ್ಪರಾನ್ ಧಾಡುಕ್ನಾ, ತೆನಿ ಅಪ್ನಿ ಬೊಲಲ್ಲೆ ಬೊಲ್ನೆ ಖರೆ ಹೊತಾ ಮನುನ್ ಫುಕೊಟುಚ್ ಚಿಂತುನ್ಗೆವ್ನ್ ಹಾತ್. 7 ಮಿಯಾ ಬೊಲಿನಸ್ತಾನಾ ರಾಲ್ಯಾರ್ಬಿ ಸರ್ವೆಸ್ಪರ್ ಅಸೊ ಮನ್ತಾ ಮನುನ್ ಸಾಂಗಿತ್ ಹೊತ್ತ್ಯಾಂಚೆ ತುಮ್ಕಾ ದಿಸಲ್ಲೆ ದರ್ಶನ್ ಖರೆ ನ್ಹಯ್, ಅನಿ ತುಮಿ ಸಾಂಗಲ್ಲೆ ಭವಿಶ್ ಬಿ ಝುಟೆಚ್ ಹೊವ್ನ್ ಹಾಯ್.

8 ಅಸೆ ರ್‍ಹಾತಾನಾ ಸರ್ವೆಸ್ಪರ್ ಅಸೊ ಮನ್ತಾ, ತುಮಿ ಉಪ್ಪೆಕಾಕ್ ನಸಲ್ಲೆ ಬೊಲುನ್, ಝುಟಿ ದರ್ಶನಾ ಬಗಲ್ಲ್ಯಾ ಸಾಟ್ನಿ, ಅಬಕ್ ಮಿಯಾ ತುಮ್ಕಾ ವಿರೊದ್ ಹೊವ್ನ್ ಹಾಯ್, ಸರ್ವೆಸ್ಪರ್ ದೆವ್ ಹೊವ್ನ್ ಹೊತ್ತ್ಯಾ ಮಾಜಿ ಗೊಸ್ಟ್ ಹೊವ್ನ್ ಹಾಯ್. 9 ಝುಟಿ ದರ್ಶನಾ ಬಗುನ್ ಝುಟಿ ಭವಿಶ್ ಸಾಂಗ್ತಲ್ಯಾ ಪರ್ವಾದಿಯಾಕ್ನಿ ಮಿಯಾ ಹಾತ್ ಉಕಲ್ತಾ, ತೆನಿ ಮಾಜ್ಯಾ ಲೊಕಾಂಚ್ಯಾ ಜಾಂನ್ತ್ಯಾ ಬಯ್ಟೆಕಾತ್ನಿ ಮಿಳ್ತಲೆ ನಕ್ಕೊ, ಇಜ್ರಾಯೆಲ್ ಪಿಳ್ಗಿಚ್ಯಾ ಲೊಕಾಂಚ್ಯಾ ಪಟ್ಟಿತ್ ತೆಂಚಿ ನಾವಾ ಲಿವ್ತಲೆ ನಕ್ಕೊ, ತೆನಿ ಇಜ್ರಾಯೆಲ್ ದೆಸಾತ್ ಗುಸ್ತಲೆಬಿ ನಾ, ತನ್ನಾ ಮಿಯಾಚ್ ಸರ್ವೆಸ್ಪರ್ ದೆವ್ ಮನ್ತಲೆ ತುಮ್ಕಾ ಕಳ್ತಾ. 10 ಸಮಾಧಾನಾನ್ ನಸ್ಲ್ಯಾರ್ಬಿ ತೆನಿ ಸಮಾಧಾನಾನ್ ಹಾತ್ ಮನುನ್ ಮಾಜ್ಯಾ ಲೊಕಾಕ್ನಿ ಪಸ್ವುಲ್ಯಾನಿ ನ್ಹಯ್, ಎಕ್ಲ್ಯಾನ್ ಕೊನಿ ತರ್ಬಿ ಪಾತಳ್ ಭಿತ್ತ್ ಭಾಂದಲ್ಲಿ ರಾಲ್ಯಾರ್, ಅಬಕ್ ತೆಕಾ ಚುನ್ನೊ ಲಾವ್ತಾತ್. 11 ತಸೆ ಹೊವ್ನ್ ತಿಯಾ ಚುನ್ನೊ ಲಾವ್ತಲ್ಯಾಕ್ನಿ ಅಸೊ ಸಾಂಗ್, ಲೈ ಪಾವ್ಸ್ ಪಡುನ್ ಭಿತ್ತ್ ಪಡುನ್ ಜಾತಾ, ಘಾರ್ಬಿಯಾ ಪಡ್ತಾತ್, ಭಿತ್ತಿಕ್ ವಾರೆ ವಾದಾಳ್ ಪಾಡ್ವುತಾ. 12 ಅಬಕ್ ಭಿತ್ತ್ ಪಡಲ್ಲ್ಯಾ ತನ್ನಾ, ತುಮಿ ಲಾವಲ್ಲೊ ಚುನ್ನೊ ಖಯ್ ಗೆಲೊ ಮನುನ್ ತುಮ್ಕಾ ಇಚಾರ್ತಾತ್ ನ್ಹಯ್? 13 ಅಸೆ ರ್‍ಹಾತಾನಾ ಸರ್ವೆಸ್ವರ್ ದೆವ್ ಅಸೊ ಮನ್ತಾ, ಮಿಯಾ ರಾಗಾನ್ ಭಿತ್ತಿಕ್ ವಾರೆ ವಾದಾಳಾನ್ ಪಾಡ್ವುತಾ, ತೆಕಾ ನಾಶ್ ಕರುಕ್ ಸಾಟ್ನಿ ಮಾಜ್ಯಾ ರಾಗಾ ವಯ್ನಾ ವಿಪರಿತ್ ಪಾವ್ಸ್ ಯೆತಾ, ಮಾಜ್ಯಾ ಲೈ ರಾಗಾ ವಯ್ನಾ ಘಾರ್ಬಿಯಾ ಪಡ್ತಾತ್. 14 ತುಮಿ ಚುನ್ನೊ ಮಾರಲ್ಲಿ ಭಿತ್ತ್ ಮಿಯಾ ಜಿಮ್ನಿಕ್ ಪಾಡ್ವುನ್, ತಿಜಿ ಪಾಯಾ ಮ್ಹಾಳ್ ಕರ್ತಾ, ತಿ ಪಡುನ್ ಜಾತಾ, ಅನಿ ತುಮಿಬಿ ತ್ಯಾತುರ್ ಗಾವ್ನ್ ನಾಸ್ ಹೊತ್ಯಾಸಿ, ತನ್ನಾ ಮಿಯಾಚ್ ಸರ್ವೆಸ್ಪರ್ ಮನ್ತಲೆ ತುಮ್ಕಾ ಕಳ್ತಾ. 15 ಅಸೆ ಮಿಯಾ ಭಿತ್ತಿ ವರ್‍ತಿ ಅನಿ ತೆಕಾ ಚುನ್ನೊ ಮಾರಲ್ಲ್ಯಾ ತುಮ್ಚೆ ವರ್‍ತಿಬಿ ರಾಗ್ ಕಾಡುನ್, ಘೆವ್ನ್ ಅಸೊ ಮನ್ತಾ, ಭಿತ್ತ್ ಬಿ ನಾ ಹೊಲಿ, ಅನಿ ತಿಕಾ ಚುನ್ನೊ ಲಾವಲ್ಲಿ ಲೊಕಾಬಿ ನಾ ಹೊಲಿ, 16 ಇಜ್ರಾಯೆಲಾಚ್ಯಾ ಪರ್ವಾದಿಯಾನೊ, ಸಮಾಧಾನಾನ್ ನಸ್ಲ್ಯಾರ್ಬಿ ಸಮಾಧಾನಾನ್ ಹಾತ್ ಮನುನ್ ತುಮಿ ದರ್ಶನಾ ಬಗುನ್ ತುಮಿ ಬಗಲ್ಲ್ಯಾ ಜೆರುಜಲೆಮಾಚ್ಯಾ ವಿಶಯಾತ್ ಪರ್‍ವಾದನ್ ಕರಲ್ಲ್ಯಾಸಿ ನ್ಹಯ್, ಮನ್ತಲಿ ಹಿ ಸರ್ವೆಸ್ಪರಾಚೆ ಬೊಲ್ನೆ ಹೊವ್ನ್ ಹಾಯ್.

17 ನರ್ ಮಾನ್ಸಾ, ಸ್ವತ್ಯಾಚ್ಯಾ ಮನಾಕ್ ದಿಸಲ್ಲೆ ಭವಿಶ್ ಸಾಂಗ್ತಲ್ಯಾ ತುಜ್ಯಾ ಸ್ವತ್ಯಾಚ್ಯಾ ಪಿಳ್ಗಿಚ್ಯಾ ಬಾಯ್ಕಾ ಮನ್ಸಿಯಾಂಚ್ಯಾಕ್ಡೆ ತೊಂಡ್ ಪರ್‍ತುನ್ ತೆಂಕಾ ಖಂಡನ್ ಕರುನ್ ಅಸೆ ಪರ್‍ವಾದನ್ ಕರ್. 18 ಸರ್ವೆಸ್ವರ್ ದೆವ್ ಅಸೊ ಮನ್ತಾ, ಲೊಕಾಂಚೊ ಜಿವ್ ಕಾಡುಕ್ ಮನುನ್ ಸಗ್ಳ್ಯಾಂಚ್ಯಾ ಹಾತಿಕ್ ತಾಯಿತ್ ಭಾಂದುನ್, ಲಾಂಬ್ ಹೊತ್ತ್ಯಾಕ್ನಿ ಅನಿ ಗಿಡ್ಡ್ಯಾಕ್ನಿ ಬಿ ಸಮಾ ಹೊಯ್ ಸಾರ್ಕೆ ಮುಸ್ಕೆ ತಯಾರ್ ಕರುನ್ ಘೆವ್ನ್ ಹೊತ್ತ್ಯಾ, ಬಾಯ್ಕೊ ಮನ್ಸಾನೊ ತುಮ್ಚಿ ಗತ್ ಕಾಯ್ ಮನುನ್ ಸಾಂಗು! ಬಾಯ್ಕೊ ಮನ್ಸಿಯಾನೊ, ತುಮಿ ಮಾಜ್ಯಾ ಲೊಕಾಂಚಿ ಜಿವಾ ಕಾಡುನ್ ಸ್ವತಾಚಿ ಜಿವಾ ಹುರ್ವುನ್ ಘೆವ್ಕ್ ಲಾಗ್ಲ್ಯಾಸಿ ಕಾಯ್? 19 ತುಮಿ ಮುಟ್ಬರ್ ಜೆವ್ನಾಕ್ ಅನಿ ಬಾರಿಕ್ಲಿಚ್ಯಾ ತುಕ್ಡ್ಯಾಂಚಿ ಆಶ್ಯಾ ಕರುನ್ ಝುಟ್ಯಾಕ್ ಕಾನ್ ದಿತಲ್ಯಾ ಮಾಜ್ಯಾ ಲೊಕಾಕ್ನಿ ಝುಟೆ ಸಾಂಗಲ್ಲ್ಯಾ ಸಾಟ್ನಿ ಮ್ಹರಿ ನಸಲ್ಲ್ಯಾಕ್ನಿ ಜಿವ್ ಕಾಡುನ್, ಮರ್ತಲ್ಯಾಕ್ನಿ ಹುರ್ವುನ್ ಮಾಜ್ಯಾ ಲೊಕಾಂಚ್ಯಾ ಮದ್ದಿ ಮಾಜೆ ಮಾನ್ ಕಮ್ಮಿ ಕರುಲ್ಯಾಸಿ. 20 ತಸೆ ಹೊವ್ನ್ ಸರ್ವೆಸ್ಪರ್ ಅಸೊ ಮನ್ತಾ, ತುಮಿ ಲೊಕಾಂಚೊ ಜಿವ್ ಫಾಕ್ರಾ ಸಾರ್ಕೆ ಶಿಕಾರ್ ಕರುಕ್ ವಾಪರಲ್ಲಿ ತುಮ್ಚಿ ತಾಯಿತಾಕ್ನಿ, ಕಂಟಾಳುನ್ ತುಮ್ಚಾ ಹಾತಿತ್ನಾ ಕಾಡುನ್ ಟಾಕ್ತಾ, ತುಮಿ ಜನಾವರಾಂಚ್ಯಾ ಸಾರ್ಕೆ ಶಿಕಾರ್ ಕರ್‍ತಲ್ಯಾ ಫಾಕ್ರಾಕ್ನಿ ಮಿಯಾ ಸೊಡಸ್ತಾ. 21 ಮಿಯಾ ತುಮ್ಚೆ ಮುಸ್ಕೆ ಪಿಂಜುನ್ ಮಾಜ್ಯಾ ಲೊಕಾಕ್ನಿ ತುಮ್ಚಾ ಹಾತಿತ್ನಾ ಶಿಕಾರ್ ಹೊವ್ನ್ ಗಾಯ್ನಾ, ತನ್ನಾ ಮಿಯಾಚ್ ಸರ್ವೆಸ್ಪರ್ ಮನ್ತಲೆ ತುಮ್ಕಾ ಕಳ್ತಾ. 22 ಕಶ್ಯಾಕ್ ಮಟ್ಲ್ಯಾರ್, ಮಿಯಾ ಮನ್ ಮೊಡಿನಸಲ್ಲ್ಯಾ ಶಿಶ್ಯಾಚೆ ಮನ್ ತುಮಿ ಝುಟೆ ಸಾಂಗುನ್ ಮನ್ ಮೊಡ್ಲ್ಯಾಸಿ, ಬುರ್ಸೆ ಪಾನ್ ಕರ್ನಾರೊ ಅಪ್ನಾಚಿ ವಾಟ್ ಅಪ್ನಾಚೊ ಜಿವ್ ಹುರ್ವುನ್ ಘೆವ್ಕ್ ಹೊಯ್ನಾ ಸಾರ್ಕೆ ತುಮಿ ತೆಕಾ ಘಟ್ ಭಾಂದ್ಲ್ಯಾಸಿ. 23 ಅಸೆ ಹೊವ್ನ್ ತುಮಿ ಭವಿಶ್ ಅನಿ ದರ್ಶನಾ ಬಗ್ತಲೆ ಬಂದ್ ಕರುನ್, ಮಾಜ್ಯಾ ಲೊಕಾಕ್ನಿ ತುಮ್ಚ್ಯಾ ಹಾತಿತ್ನಾ ಚುಕ್ವುನ್ ಘೆತಾ, ಅಸೆ ಮಿಯಾಚ್ ಸರ್ವೆಸ್ಪರ್ ದೆವ್ ಮನ್ತಲೆ ತುಮ್ಕಾ ಕಳ್ತಾ.