ಎಜ್ಕೆಲ್ 41

1 ಮಾನಾ ತ್ಯಾ ಘೊ ಮಾನ್ಸಾನ್ ಮಾಕಾ ಪವಿತ್ರ್ ಜಾಗ್ಯಾಕ್ ಹಾನುನ್, ತೆಚ್ಯಾ ದಾರಾಚ್ಯಾ ಖಾಂಬ್ಯಾಚೆ ಮಾಪುಕ್ ಲಾವ್ನ್ ತೆಚ್ಯಾ ದೊನಾಕ್ಡೆಬಿ ತಿ ತಿನ್ ಹಾತ್ ಲಾಂಬಿ, ಅನಿ ರುಂದ್ ಪಾಂಚ್ ಹಾತ್ ಹೊತ್ತೆ. 2 ದಾರಾಚೆ ರುಂದಿ ಪಾಂಚ್ ಹಾತ್, ದಾರಾಚ್ಯಾ ದೊನಿಕ್ಲಿ ಭಿತ್ತಿಯಾಂಚಿ ರುಂದಿ ಸಾಡೆ ದೊನ್ ಹಾತ್ ಹೊವ್ನ್ ಹೊತ್ತೆ. ತೊ ತ್ಯಾ ಪವಿತ್ರ್ ಜಾಗ್ಯಾಕ್ ಮಾಪ್ತಾನಾ ತೆಂಚೆ ಲಾಂಬಿ ಇಸ್ ಹಾತ್, ರುಂದಿಕ್ ಧಾ ಹಾತ್ ಹೊವ್ನ್ ಹೊತ್ತೆ. 3 ಮಾನಾ ತ್ಯಾ ಘೊ ಮಾನ್ಸಾನ್ ತನಿ ಫಿಡೆ ಜಾವ್ನ್ ಪವಿತ್ರ್ ಜಾಗ್ಯಾಚ್ಯಾ ಆಕ್ರಿಕ್ ಗರ್ಬ್ಗುಡಿ ಮಾಪುಕ್ ದಾರಾಚೆ ಎಕೆಕ್ ಖಾಂಬ್ಯಾಂಚಿ ರುಂದಿಕ್ ಎಕ್ ಹಾತ್, ಅನಿ ದಾರಾಚೆ ರುಂದಿ ತಿನ್ ಹಾತ್. ದಾರಾಚ್ಯಾ ಭಾಜುಕ್ಲ್ಯಾ ಭಿತ್ತಿಂಚಿ ರುಂದಿಕ್ ಸಾಡೆ ತಿನ್ ಹಾತ್. 4 ಅನಿ ಗರ್ಬ್ ಗುಡಿಚೆ ಲಾಂಬಿ ಧಾ ಹಾತ್, ರುಂದಿ ಧಾ ಹಾತ್ ಹೊತ್ತಿ. ತನ್ನಾ ತೆನಿ ಮಾಕಾ ಹೆ ಪವಿತ್ರ್ ಜಾಗೊ ಮನುನ್ ಸಾಂಗ್ಲ್ಯಾನ್.

ದೆವಾಚ್ಯಾ ಗುಡಿಚ್ಯಾ ಭೊತ್ಯಾನಿ ಹೊತ್ತಿ ಖೊಲಿಯಾ

5 ಮಾನಾ ತ್ಯಾ ಮಾನ್ಸಾನ್, ಮಾಪುಕ್ ದೆವಾಚ್ಯಾ ಗುಡಿಚಿ ಭಿತ್ತಿಚೆ ರುಂದಿಕ್ ತಿನ್ ಹಾತ್, ದೆವಾಚ್ಯಾ ಗುಡಿಚ್ಯಾ ಭೊತ್ಯಾನಿ ಸಗ್ಳೆ ತೆಚ್ಯಾ ಭೊತ್ಯಾನಿ ಲಾಗುನ್ ಹೊತ್ತ್ಯಾ ಖೊಲಿಯಾಂಚಿ ರುಂದಿಕ್ ದೊನ್ ಹಾತ್ ಹೊತ್ತಿ. 6 ತಿ ಖೊಲಿಯಾ ಎಕಾಚ್ಯಾ ವರ್‍ತಿ ಎಕ್ ತಿನ್ ಮ್ಹಾಳ್ಗಿಯಾ ಹೊತ್ತಿ. ಎಕೆಕ್ ಮ್ಹಾಳ್ಗಿತ್ ತಿಸ್ ತಿಸ್ ಖೊಲಿಯಾ ಹೊತ್ತಿ, ದೆವಾಚಿ ಗುಡಿ ಪಯ್ರಿಯಾನಿ ಭಾಂದಲ್ಲೆ ಹೊತ್ತೆ, ಭಿತ್ತಿಯಾಕ್ನಿ ಡೊಬ್ರೊ ನಸ್ತಾನಾ ತಿಚ್ ಪಯ್ರಿಯಾಚ್ ಭಾಜುಕ್ಲ್ಯಾ ಖೊಲಿಯಾಂಕ್ನಿ ತೊಳಾಕ್ನಿ ಪಯ್ರಿಯಾ ಆಧಾರ್ ಹೊವ್ನ್ ಹೊತ್ತಿ. ಹೊಲ್ಯಾರ್ ಘರಾಚ್ಯಾ ಭಿತ್ತಿಯಾಕ್ನಿಆಧಾರ್ ನತ್ತೊ. 7 ಭೊತ್ಯಾನಿ ಹೊತ್ತ್ಯಾ ಮ್ಹಾಳ್ಗಿಚ್ಯಾ ವರ್‍ತಿ ಗೆಲ್ಲ್ಯಾ ಸಾರ್ಕೆ ತ್ಯಾ ತ್ಯಾ ಖೊಲಿಯಾಂಚೆ ರುಂದಿ ಲೈ ಹೊವ್ನನ್ಗೆತ್ ಯೆಲೆ, ತಿ ದೆವಾಚ್ಯಾ ಗುಡಿಕ್ ಲಪ್ಟುನ್ ಘೆವ್ನ್ ವರ್‍ತಿ-ವರ್‍ತಿ ಗೆಲ್ಯಾ ಸಾರ್ಕೆ ತೆಕಾ ಬಿಗ್ದುನ್ ಅಪ್ಪ್ ಮಾರುನ್ಗೆವ್ನ್ ಹೊತ್ತ್ಯಾ ಸಾರ್ಕೆ ಹೊತ್ತಿ, ಅಸಿ ವಯ್ಲ್ಯಾ ವಯ್ಲಿ ಮ್ಹಾಳ್ಗಿ ದೆವಾಚ್ಯಾ ಗುಡಿಕ್ ಲಾಗುನ್ ರುಂದ್ ಹೊವ್ನಗೆತ್ ಯೆಲಿ. ಖಾಯ್ಲ್ಯಾ ಮ್ಹಾಳ್ಗಿಕ್ನಾ ಮದ್ಲ್ಯಾ ಮ್ಹಾಳ್ಗಿಚ್ಯಾ ವಾಟೆನ್ ವಯ್ಲ್ಯಾ ಮ್ಹಾಳ್ಗಿಚ್ಯಾ ಚಡಿತ್ ಹೊತ್ತಿ. 8 ದೆವಾಚ್ಯಾ ಗುಡಿಚ್ಯಾ ಭೊತ್ಯಾನಿ ಎಕ್ ಜಗ್ಲಿ ದಿಸ್ಲಿ, ತೆ ಖೊಲಿಯಾಕ್ನಿ ಪಾಂಯಾ ಹೊವ್ನ್ ಜಿಮ್ನಿಕ್ನಾ ಸುಮಾರ್ ಸಾ ಹಾತ್ ಮಾಪ್ತಲ್ಯಾ ಖಾಟಿಚ್ಯಾ ಯೆವ್ಡೆ ಉಪ್ಪರ್ ಹೊತ್ತೆ. 9 ಖೊಲಿಯಾಂಚ್ಯಾ ಭಾಯ್ಲ್ಯಾ ಭಿತ್ತಿಚೆ ದಾಟ್ ಸಾಡೆ ದೊನ್ ಹಾತ್ ಮಾಪಿಕ್ ಹೊತ್ತೆ. 10 ದೆವಾಚ್ಯಾ ಗುಡಿಕ್ ಅಂಟುನ್ ಹೊತ್ತ್ಯಾ ಖೊಲಿಯಾಕ್ನಿ ಮೊಟ್ಯಾ ಯಾಜಕಾಂಚ್ಯಾ ಖೊಲಿಯಾಕ್ಬಿ ಮದ್ದಿ ದೆವಾಚ್ಯಾ ಗುಡಿಚ್ಯಾ ಭೊತ್ಯಾನಿ ಧಾ ಹಾತ್ ಲಾಂಬಿನ್ ಧುರ್ ಹೊತ್ತೆ. 11 ತ್ಯಾ ಸಗ್ಳ್ಯಾ ಖೊಲಿಯಾಂಚ್ಯಾ ಭುತ್ತುರ್ ಜಾತಲಿ ದೊನ್ ದಾರಾ ಹೊತ್ತಿ, ತಿ ದಾರಾ ಉತ್ತರಾಕ್ ಅನಿ ದಕ್ಷಿನಾಕ್ ಎಕೆಕ್ ಹೊತ್ತಿ, ತಿ ಜಗ್ಲಿ ಹೊತ್ತ್ಯಾಕ್ಡೆ ಹೊತ್ತಿ; ತಿ ಜಗ್ಲಿ ಸಗ್ಳ್ಯಾಕ್ಡೆ ಸಾಡೆ ದೊನ್ ಹಾತ್ ರುಂದ್ ಹೊತ್ತೆ.

ದಿಸ್ ಬುಡ್ತಲ್ಯಾ ದಿಕ್ಕಾಕ್ ರಾತಲಿ ಖೊಲಿಯಾ

12 ದಿಸ್ ಬುಡ್ತಲ್ಯಾ ದಿಕ್ಕಾಚ್ಯಾ ಅಂಗ್ನಾಚ್ಯಾ ಪಾಟ್ಲ್ಯಾ ಶಾಲೆಚೆ ರುಂದಿಕ್ ತಿಸಾರ್ ಪಾಂಚ್ ಹಾತ್ ಹೊತ್ತಿ, ಲಾಂಬಿಕ್ ಚಾಳಿಸಾರ್ ಪಾಂಚ್ ಹಾತ್ ಹೊತ್ತಿ ತೆಚ್ಯಾ ಭಿತ್ತಿಚೆ ದಾಟ್ ಸಾಡೆ ದೊನ್ ಹಾತ್.

ದೆವಾಚ್ಯಾ ಗುಡಿಚ್ಯಾ ಭಾಂದ್ಪಾಚೆ ಪುರಾ ಮಾಪ್

13 ತ್ಯಾ ಘವ್ಮಾನ್ಸಾನ್ ಮಾಪಲ್ಲ್ಯಾ ತನ್ನಾ ದೆವಾಚ್ಯಾ ಗುಡಿಚಿ ಲಾಂಬಿ ಪನ್ನಾಸ್ ಹಾತ್, ಶಾಲೆಚಿ ಭಿತ್ತಿಯಾ, ಹೆಂಚೆ ಸಗ್ಳೆ ಒಟ್ಟು ರುಂದಿಕ್ ಪನ್ನಾಸ್ ಹಾತ್ ಹೊತ್ತಿ. 14 ದಿಸ್ ಉಗಾವ್ತಲ್ಯಾ ದಿಕ್ಕಾಚ್ಯಾ ದೆವಾಚ್ಯಾ ಗುಡಿಚೆ ತೊಂಡ್ ಖಾಲಿ ಭಾಗಾಕ್, ಹೆಂಚೆ ಗೊಳಾ ರುಂದಿಕ್ ಪನ್ನಾಸ್ ಹಾತ್ ಹೊತ್ತಿ. 15 ತೆನಿ ಖಾಲಿ ಭಾಗಾಕ್ ಪಾಟ್ಲ್ಯಾ ಶಾಲೆಕ್ ತ್ಯಾ ಅಂಗ್ನಾಚ್ಯಾ ಆಕ್ರಿಕ್ ಮಾಪ್ತಾನಾ ತೆಚೆ ಲಾಂಬಿ ದೊನ್ ಭಾಜುಕ್ಲ್ಯಾ ಭಿತ್ತಿಕ್ ಪನ್ನಾಸ್ ಹಾತ್ ಹೊತ್ತೆ.

ದೆವಾಚ್ಯಾ ಗುಡಿಚ್ಯಾ ಭಾಂದ್ಪಾಚೆ ಸಗ್ಳೆ ವಿವರನ್

16 ತೆಚ್ಯಾ ದಾರಾಚೆ ಖಾಂಬ್ಯಾಕ್ನಿ ಆಡ್ಕಳ್ ಹೊತ್ತ್ಯಾ ಕಿಡ್ಕಿಯಾಕ್ನಿ ಅನಿ ತೆಚ್ಯಾ ಭೊತ್ಯಾನಿ ಹೊತ್ತ್ಯಾ ತಿನ್ ಮ್ಹಾಳ್ಗಿಯಾಂಚ್ಯಾ ದಾರಾಚ್ಯಾ ಇದ್ರಾಕ್ ಭಾಂದಲ್ಲ್ಯಾ ಭಿತ್ತಿಯಾಕ್ನಿ ಮಾಪ್ಲ್ಯಾನ್. 17 ಜಿಮ್ನಿಕ್ನಾ ಕಿಡ್ಕಿಯಾಂಚ್ಯಾ ಪತರ್, ದಾರಾಚ್ಯಾ ವರ್‍ತಿ ಅನಿ ಗರಬ್ ಗುಡಿಚ್ಯಾ ವರ್‍ತಿಬಿ, ಹಿಕುಲ್ಲ್ಯಾ ಘರಾಚ್ಯಾ ಭಿತ್ತಿಯಾಂಚ್ಯಾ ವರ್‍ತಿ ಸಗ್ಳೆ ಭೊತ್ಯಾನಿ ಫಳಿಯಾ ಚವ್ಕ್ ಕರುನ್ ಧಾಪಲ್ಲಿ ಹೊತ್ತಿ, ಅನಿ ಕಿಕ್ಡಿಯಾಕ್ನಿ ಧಾಪಲ್ಲೆ ಹೊತ್ತೆ. 18 ಭಿತ್ತಿಯಾಂಚ್ಯಾ ಚವ್ಕಾತ್ನಿ ಕೆರುಬಿಚೆ ಅನಿ ಖಜುರ್ ಝಾಡಾಚೆ ಚಿತ್ತಾರ್ ಕಾಡಲ್ಲೆ ಹೊತ್ತೆ, ದೊನ್ದೊನ್ ಕೆರುಬಿಯಾಂಚ್ಯಾ ಮದ್ದಿ ಎಕೆಕ್ ಖಜುರಾಚೆ ಝಾಡ್; ಅನಿ ಎಕೆಕ್ ಕೆರುಬಿಕ್ ದೊನ್ ದೊನ್ ತೊಂಡಾ ಹೊತ್ತಿ. 19 ಖಜುರಾಚ್ಯಾ ಝಾಡಾಚೊ ಎಕ್ ಭಾಗ್ ಮಾನ್ಸಾಚ್ಯಾ ತೊಂಡಾಚ್ಯಾ ಇದ್ರಾಕ್, ಅನಿ ಎಕ್ ಭಾಗ್ ಸಿಂವಾಚ್ಯಾ ತೊಂಡಾಕ್ ಇದ್ರಾಕ್ ಹೊತ್ತೆ. ಅಸಿ ದೆವಾಚ್ಯಾ ಗುಡಿಚ್ಯಾ ಭುತ್ತುರ್ಲೊ ಭಾಗ್ ಸಗ್ಳೊ ಅನಿ ಸಗ್ಳ್ಯಾ ಭೊತ್ಯಾನಿ ಚಿತ್ತರಾನ್ ಭರಲ್ಲೆ ಹೊತ್ತೆ. 20 ಜಿಮ್ನಿಕ್ನಾ ದಾರಾಚ್ಯಾ ವರ್‍ತಿ ಪತರ್ ಕೆರುಬಿಯಾಂಚೆ ಅನಿ ಖಜುರಾಚ್ಯಾ ಝಾಡಾಂಚಿ ಚಿತ್ತಾರಾ ಹೊತ್ತಿ.

ನಾಕ್ಡಾಚಿ ಅಲ್ತಾರ್

21 ಪವಿತ್ರ್ ಜಾಗ್ಯಾಚ್ಯಾ ಅನಿ ಎಕ್ ಕಡೆ ಹೊತ್ತೆ ಭಿತ್ತಿಚೆ ದಾರಾಚೆ ಚವ್ಕಟ್ಟ್ ಚವ್ಕ್ ಹೊತ್ತೆ, ಅನಿ ಪವಿತ್ರ್ ಜಾಗ್ಯಾಚ್ಯಾ ಅತ್ತ್ಯಾಚ್ಯಾ ಭಿತ್ತಿಚೆ ಚವ್ಕಟ್ಟ್ ತಸೆಚ್ ಹೊತ್ತೆ. 22 ಥೈ ಝಾಡಾಚೆ ಎಕ್ ಮೆಜ್ ಹೊತ್ತೆ, ತೆಚೆ ಉಪ್ಪರ್ ಎಕ್ಬಿ ಅರ್ದೆ ಹಾತ್, ಲಾಂಬಿಕ್ ಎಕ್ ಹಾತ್ ಹೊತ್ತೆ, ತೆಚೆ ಮುಲ್ಲೆ, ಮೆಜ್, ಭಾಜು ಝಾಡಾಚೆಚ್ ಹೊಲ್ಲೆ ಹೊತ್ತೆ. ತ್ಯಾ ಮಾನ್ಸಾನ್ ಮಾಕಾ, ಹೆ ಸರ್ವೆಸ್ಪರಾಚ್ಯಾ ಇದ್ರಾಕ್ಲಿ ಮೆಜ್, ಮನುನ್ ಸಾಂಗ್ಲ್ಯಾನ್.

ದಾರಾ

23 ಪವಿತ್ರ್ ಜಾಗ್ಯಾಕ್ ಅನಿ ಮುಖ್ಯ್ ಪವಿತ್ರ್ ಜಾಗ್ಯಾಕ್ ದೊನ್ ದೊನ್ ದಾರಾ ಹೊತ್ತಿ. 24 ಎಕೆಕ್ ದಾರಾಕ್ ದೊನ್ದೊನ್ ಮಡಚ್ತಲಿ ದಾರಾ ಹೊತ್ತಿ. ಹಿಕುಲ್ಯಾ ದಾರಾಕ್ ದೊನ್ ಭಾಗ್, ತಿಕುಲ್ಯಾ ದಾರಾಕ್ ದೊನ್ ಭಾಗಾ ಹೊತ್ತಿ. 25 ತ್ಯಾ ದಾರಾತ್ನಿ, ಮಟ್ಲ್ಯಾರ್, ಪವಿತ್ರ್ ಜಾಗ್ಯಾ ವಯ್ಲ್ಯಾ ದಾರಾತ್ನಿ ಕೆರುಬಿಯಾ ಅನಿ ಖಜುರಾಚಿ ಝಾಡಾ ಚಿತ್ತಾರ್ ಭಿತ್ತಿಯಾರ್ನಿ ಚಿತ್ತಾರ್ ಕಾಡಲ್ಲ್ಯಾ ಸಾರ್ಕೆ ಹೊತ್ತಿ. ದಾರ್ ಮಾಟ್ವಾಚ್ಯಾ ಭಾಯ್ರ್ ನಾಕ್ಡಾಚಿ ಫಳಿಯಾ ಹೊತ್ತಿ. 26 ದಾರಾತ್ ಹೊತ್ತ್ಯಾ ಮಾಟ್ವಾಚ್ಯಾ ಭಾಜುಕ್ಲ್ಯಾ ಭಿತ್ತಿಯಾತ್ನಿ ಉಗ್ಡುಕ್ ಹೊಯ್ ನತ್ತಿ ಕಿಡ್ಕಿಯಾ ಹೊತ್ತಿ. ತೆಂಚ್ಯಾ ವರ್‍ತಿ ಖಜುರಾಚಿ ಝಾಡಾ ಚಿತ್ತಾರ್ ಕಾಡಲ್ಲೆ ಹೊತ್ತೆ. ಖೊಲಿಯಾಂಚ್ಯಾ ಭಾಜುಕ್ ವರ್‍ತಿ ಥಾಟ್ ಹೊತ್ತೆ.