1 ಮಾಕಾ ಸರ್ವೆಸ್ಪರಾನ್, ಇಜ್ರಾಯೆಲಾಚ್ಯಾ ರಾಜಾಂಚ್ಯಾ ಸಾಟ್ನಿ ಹಿ ದುಕ್ಕಾಚಿ ಗಿತ್ ಸಾಂಗ್,

2 ತುಜಿ ಅವ್ಸ್ ಸಿಂವಾಚ್ಯಾ ಮದ್ದಿ,

ಸಿಂವಿನ್, ಬಾಳಗ್ಲಿನ್ ಅಪ್ನಾಚ್ಯಾ ಪೊರಾಕ್ನಿ ದಾಂಡ್ಗ್ಯಾ ಸಿಂವಾಚ್ಯಾ ಮದ್ದಿ ರ್‍ಹಾವ್ನ್.

3 ತಿನಿ ಮೊಟೆ ಖಲ್ಲ್ಯಾ ಎಕ್ ಪಿಲ್ಲ್ ಮೊಟೊ ಸಿಂವ್ ಹೊಲೆ ಶಿಕಾರ್ ಕರುಕ್ ಶಿಕುನ್,

ಲೊಕಾಕ್ನಿ ಮಾರುನ್ ಖವ್ಕಲಾಗ್ಲೊ,

4 ದೆಶಾನಿ ಹಿ ಖಬರ್ ಆಯ್ಕುನ್ ಖಡ್ಡೊ ಖಂಡುನ್ ತ್ಯಾತುರ್ ಪಡ್ಲೆ,

ತೆಕಾ ಸರ್ಪೊಳಿನ್ ಭಾಂದುನ್ ಅವ್ಳುನ್,

ಇಜಿಪ್ಟ್ ದೆಸಾಕ್ ನೆಲ್ಯಾನಿ.

5 ತ್ಯಾ ಸಿಂವಿನಿನ್ ಅಪ್ನಿ ರಾಕುನ್ ಗೆತ್ ಬಸ್ಲ್ಯಾರ್ಬಿ ಅಪ್ನಾಚಿ ಆಶ್ಯಾ ಹಾಳ್ ಕರುನ್ ಘೆಯ್ ನಸ್ತಾನಾ,

ಅಪ್ನಾಚ್ಯಾ ಪಿಲ್ಲಾತ್ನಿ ಅನಿ ಎಕ್ ಕಾಡುನ್ ಘೆವ್ನ್ ಬಾಳ್ಗುನ್ ಮೊಟೆ ಕರ್‍ಲಿನ್.

6 ತೆಬಿ ಸಿಂವ್ ಮೊಟೊ ಹೊವ್ನ್ ಹುರಲ್ಯಾ ಸಿಂವಾ ಮದ್ದಿ ಫಿರುಂಗೆತ್,

ಶಿಕಾರ್ ಕರ್‍ತಲೆ ಶಿಕುನ್ ಮನ್ಸಾಕ್ನಿ ಖಾವ್ಕ್ ಚಾಲು ಕರ್ಲ್ಯಾನ್.

7 ತೆ ಶಾರಾ ನಾಶ್ ಕರುನ್,

ಲೈ ಲೊಕಾ ಘವ್ ಮರಲ್ಯಾ ಬಾಯ್ಕಾಕ್ನಿ ಹಾಳ್ ಕರ್ಲ್ಯಾನ್,

ತೆಚ್ಯಾ ಘಜ್ನಿಕ್ ಭ್ಹಿವ್ನ್ ತೆಚ್ಯಾ ಇದ್ರಾಕ್ ಕಾಯ್ಬಿ ನಾ ಸಾರ್ಕೆ ಹೊಲೆ.

8 ತನ್ನಾ ದೆಶಾ ಭೊತ್ಯಾನಿ ರಾಜಾಕ್ನಾ ಗೊಳಾ ಯೆವ್ನ್,

ತೆಕಾ ವಿರೊಧ್ ಹೊವ್ನ್ ಉಟುನ್,

ಜಾಳಿ ಘಾಲುನ್ ಖಡ್ಡೊ ಕಾಡಲ್ಲ್ಯಾ ಸಾರ್ಕೆ ಗಾವುನ್ ಪಡ್ಲೆ,

9 ತೆನಿ ಸರ್ಪೊಳಿನ್ ಭಾಂದುನ್ ಪಂಜರಾತ್ ಘಾಲುನ್,

ಬಾಬಿಲೊನಾಚ್ಯಾ ರಾಜಾಕ್ಡೆ ಹಾನ್ಲ್ಯಾನಿ,

ತೆಚಿ ಧನ್ ಇಜ್ರಾಯೆಲಾಚ್ಯಾ ಮಡ್ಡಿತ್ ತೆಚೊ ಅವಾಜ್ ಯೆಯ್ ನಸಿ ಸಾರ್ಕೆ ರಾಕುಂಗೆತ್ ಹೊತ್ತೆ.

10 ತುಜಿ ಅವ್ಸ್ ಪಾನಿಯಾಚ್ಯಾ ಜಾಗ್ಯಾರ್ ಲಾವಲ್ಲಿ ದರಾಕ್ಷಾಚ್ಯಾ ಎಲಿಚೊ ಫಾಟೊ ಹೊವ್ನ್ ಹೊತ್ತಿ,

ತ್ಯಾ ಜಾಗ್ಯಾರ್ ಪಾನಿ ಹೊತ್ತ್ಯಾ ವಯ್ನಾ ತೊ ಫಾಟೊ ತಾಕ್ತಿನ್ ಹಿರ್ವೆ ಹೊವ್ನ್ ವಾಡ್ಲೊ.

11 ತ್ಯಾತುರ್ ಹೊತ್ತಿ ರಾಜಾಚೊ ದಾಂಡೊ ಯೊಗ್ಯ್ ಹೊತ್ತಿ

ಘಟ್ಲ್ಯಾ ಫಾಟ್ಯಾಂಚ್ಯಾ ಹುರಲ್ಲ್ಯಾ ಬುಡ್ಚಿಯಾಂಚ್ಯಾಕಿಂತಾ ಲೈ ಹೊವ್ನ್ ಉಪ್ಪರ್ ಮದ್ದಿ ಉಪ್ಪರ್ ಹೊವ್ನ್ ದಿಸಿತ್.

12 ಖರೆ ತೊ ಫಾಟೊ ರಾಗಾನಿ,

ಉಪ್ಸುನ್ ಕಾಡುನ್ ಜಿಮ್ನಿ ವರ್‍ತಿ ಹೊಡಾಂಗುನ್ ಹೊಲೆ,

ದಿಸ್ ಉಗಾವ್ತಲ್ಯಾ ದಿಕ್ಕಾಕ್ನಾ ವ್ಹಾರೊ ಎವ್ನ್ ತೆಂಚಿ ಫಳಾ ವಾಳ್ವುಲ್ಯಾನ್,

ತೆಚಿ ಘಟ್ಲಿ ಟಾಳಿಯಾ ಮೊಡುನ್ ವಾಳುನ್ ಗೆಲಿ ಅನಿ ಆಗಿನ್ ತೆಂಕಾ ಬಸಮ್ ಕರ್‍ಲಿನ್.

13 ಅತ್ತಾ ಹೆ ಪಾನಿ ನಸಲ್ಲ್ಯಾ ವಾಳ್ಕ್ಯಾ ಜಾಗ್ಯಾರ್ ಲಾವ್ನ್ ಹೊಲಾ.

14 ತಿಚ್ಯಾ ಟಾಳಿಯಾಂಚ್ಯಾ ವಯ್ನಾ ಆಗ್ ಜಾವ್ನ್ ಬಸಮ್ ಕರಲ್ಯಾ ವಯ್ನಾ,

ರಾಜಾಚ್ಯಾ ದಾಂಡ್ಯಾಕ್ ಯೊಗ್ಯ್ ಅಸಲ್ಲಿ ಫಾಟೊ ತ್ಯಾತುರ್ ಹುರುಕ್ನಾ,

ಹೆ ಎಕ್ ದುಕ್ಕ್ ಅನಿ ದುಕ್ಕೆಚಿ ಗಿತ್ ಹೊವ್ನ್ ಹಾಯ್.