1 ಸರ್ವೆಸ್ಪರಾನ್ ಮಾಕಾ ಹಿ ಗೊಸ್ಟ್ ದಿಲ್ಯಾನ್, 2 ನರ್ ಮಾನ್ಸಾ ದರಾಕ್ಷಾಚೆ ಝಾಡ್ ಹುರಲ್ಲ್ಯಾ ಝಾಡಾಂಚ್ಯಾಕಿಂತಾ ಕಾಯ್ ಲೈ? ಡಂಗ್ಳಿತ್ಲ್ಯಾ ಝಾಡಾತ್ನಿ ದರಾಕ್ಷಾಚ್ಯಾ ಝಾಡಾಚೆ ವಿಸೆಸ್ ಕಾಯ್? 3 ಲೊಕಾ ದರಾಕ್ಷಾಚೆ ನಾಕುಡ್ ಘೆವ್ನ್ ತೆಚೆನ್ ಕಾಯ್ ತರ್ ಬಿ ಕರ್‍ತಾತ್ ಕಾಯ್? ತೆಚೆ ನಾಕುಡ್ ಘೆವ್ನ್ ತೆಚೆರ್ ಕಾಯ್ ತರ್ ಲೊಂಬಾತ್ ಘಾಲ್ತ್ಯಾತ್ ಕಾಯ್? 4 ತೆ ಜಾಳ್ವುತಲೆ ನಾಕುಡ್ ಕರುನ್ ಆಗಿತ್ ಘಾಲ್ತಾತ್, ಆಗ್ ತೆಚಿ ದೊನಿ ತುದಿಯಾ ಜಾಳ್ವುತಾ, ಅನಿ ತೆಜೊ ಮದ್ಲೊ ಭಾಗ್ ಇಂಗ್ಳೊ ಹೊತಾ. ತೆ ಕಾಯ್ ತರ್ಬಿ ಕಾಮಾಕ್ ಎತಾ ಕಾಯ್? 5 ತೆ ಸಮಾ ರ್‍ಹಾತಾನಾಚ್ ಕಾಯ್ ಕಾಮಾಕ್ ಎವ್ಕ್ ನಾ, ಅನಿ ಜಾಳ್ವುನ್ ಇಂಗ್ಳೊ ಹೊಲ್ಯಾ ಮಾನಾ ಖಲೆ ಕಾಮಾಕ್ ಎಯ್ಲ್?

6 ಅಸೆ ರ್‍ಹಾತಾನಾ ಸರ್ವೆಸ್ಪರ್ , ಡಂಗ್ಳಿತ್ಲ್ಯಾ ಝಾಡಾತ್ನಿ ದರಾಕ್ಷಾಚೆ ಝಾಡ್ ಮಿಯಾ ಆಗಿಕ್ ನಾಕುಡ್ ಕರುನ್ ದಿಲ್ಲ್ಯಾ ಗತಿನ್, ಜರುಜಲೆಮಾಚ್ಯಾ ನಾಶಾಕ್ ಗುರಿ ಕರ್ತಾ. 7 ಅನಿ ತೆಂಚ್ಯಾ ವರ್‍ತಿ ರಾಗಾಚಿ ನದರ್ ಥವ್ತಾ, ತೆನಿ ಆಗಿತ್ನಾ ಚುಕ್ವುನ್ ಘೆಟ್ಲ್ಯಾರ್ಬಿ ತೆಂಕಾ ಆಗ್ ಗಿಳ್ತಾ, ಮಿಯಾ ತೆಂಚ್ಯಾ ವರ್‍ತಿ ರಾಗಾಚಿ ನದರ್ ಥವಲ್ಲ್ಯಾ ತನ್ನಾ ಮಿಯಾಚ್ ಸರ್ವೆಸ್ಪರ್ ಮನ್ತಲೆ ತುಮ್ಕಾ ಕಳ್ತಾ. 8 ತೆನಿ ಮಾಕಾ ಪಸ್ವಲ್ಲ್ಯಾ ಸಾಟ್ನಿ ಮಿಯಾ ದೆಶ್ ಹಾಳ್ ಕರ್ತಾ, ಮನ್ತಲಿ ಹಿ ರಾಜಾ ಸರ್ವೆಸ್ಪರಾಚೆ ಬೊಲ್ನೆ ಹೊವ್ನ್ ಹಾಯ್.