ಎಜ್ಕೆಲ್ 42

ದೆವಾಚ್ಯಾ ಗುಡಿಚ್ಯಾ ಜಗ್ಗೊಳ್ ಹೊತ್ತಿ ದೊನ್ ಭಾಂದ್ಪಾ

1 ಮಾನಾ ತೊ ಮಾಕಾ ಉತ್ತರ್ ದಿಕ್ಕಾಚ್ಯಾ ವಾಟೆನ್ ಬಾರ್ಯ್ ಹೊತ್ತ್ಯಾ ಜಾಗ್ಯಾಕ್ ಯೆವ್ಕ್ ಸಾಂಗುನ್ ಖಾಲಿ ಭಾಗಾತ್, ಹೊತ್ತ್ಯಾ ಉತ್ತರ್ ದಿಕ್ಕಾಚ್ಯಾ ಭಾಂದ್ಪಾಚ್ಯಾ ಫಿಡೆ ಹೊತ್ತ್ಯಾ ಮದ್ಲ್ಯಾ ಖೊಲಿತ್ ಬಲ್ವುನ್ ಹಾನ್ಲ್ಯಾನ್. 2 ಉತ್ತರ್ ದಿಕ್ಕಾಕ್ ಹೊತ್ತ್ಯಾ ದಾರಾಚ್ಯಾ ಖೊಲಿಚ್ಯಾ ಸಾಲಾಚ್ಯಾ ಇದ್ರಾಕ್ ನೆವ್ನ್ ಇಬೆ ಕರ್ಲ್ಯಾನ್, ತ್ಯಾ ಸಾಲಿಚಿ ಲಾಂಬಿ ಪನ್ನಾಸ್ ಹಾತ್ ಅನಿ ವಿಸಾರ್ ಪಾಂಚ್ ಹಾತ್ ರುಂದಿ. 3 ಭುತ್ತುರ್ಲೆ ಭಾಗಾಕ್ ಧಾ ಹಾತ್ ರುಂದ್, ಜಾಗ್ಯಾಚ್ಯಾ ಫಿಡೆ ಅನಿ ಭಾರ್ಯ್ಲ್ಯಾ ಅಂಗ್ನಾಚ್ಯಾ ಜಿಮ್ನಿಚೊ ತೊ ಜಾಗೊ, ಅನಿ ಥೈತ್ಲಿ ದೊನ್ ಸಾಲಾ ತಿನ್ವೆಚ್ಯಾ ಮಾಳ್ಗಿಚ್ಯಾ ತುದಿಚಿ ಉಸಿಯಾ ಎಕೆಕಾಕ್ ಎಕ್ ಇದ್ರಾ ಬದ್ರಾಕ್ ಹೊತ್ತೆ. 4 ತ್ಯಾ ಸಾಲಾಚ್ಯಾ ಮದ್ದಿ ಪನ್ನಾಸ್ ಹಾತ್ ಲಾಂಬಿ, ಪಾಂಚ್ ಹಾತ್ ರುಂದಿಕ್ ಎಕ್ ಫಿರುನ್ ಖೆಳ್ತಲಿ ವಾಟ್ ಹೊತ್ತಿ. ಖೊಲಿಯಾಂಚಿ ದಾರಾ ಉತ್ತರ್ ದಿಕ್ಕಾಕ್ ಹೊತ್ತಿ. 5 ವಯ್ಲಿ ಖೊಲಿಯಾ ಮದ್ಲಿ ಅನಿ ಖಾಯ್ಲಿ ಖೊಲಿಯಾಂಚ್ಯಾಕಿಂತಾ ಬಾರಿಕ್ ಹೊತ್ತಿ. 6 ತಿ ಖೊಲಿಯಾ ತಿನ್ ಮ್ಹಾಳ್ಗಿಚಿ ಹೊವ್ನ್ ಹೊತ್ತಿ; ಬಾರ್ಯ್ ಹೊತ್ತ್ಯಾ ಅಂಗ್ನಾತ್ಲ್ಯಾ ಖೊಲಿಯಾಕ್ನಿ ಹೊತ್ತ್ಯಾ ಸಾರ್ಕೆ ಹ್ಯಾ ಖೊಲಿಯಾಕ್ನಿ ಖಾಲಿ ಭಾಗ್ ನತ್ತೆ; ತೆಚ್ಯಾ ವಯ್ನಾ ಜಿಮ್ನಿಕ್ನಾ ವರ್‍ತಿ ಹೊತ್ತಿ ಖೊಲಿಯಾ ಖಾಯ್ಲ್ಯಾ ಅನಿ ಮದ್ಲ್ಯಾ ಖೊಲಿಯಾನ್ಕಿ ಬಾರಿಕ್ ಹೊವ್ನ್ ಹೊತ್ತಿ. 7 ಭಾಯ್ಲ್ಯಾ ಅಂಗ್ನಾಕ್ಡೆ ಹೊತ್ತ್ಯಾ ಖೊಲಿಯಾಂಚ್ಯಾ ಸಾಲಾಕ್ನಿ ಸಮಾ ಹೊವ್ನ್ ಭಾಯ್ಲಿ ಎಕ್ ಭಿತ್ತ್ ಹೊತ್ತಿ, ತೆ ಪಂಚಿಸ್ ಹಾತ್ ಲಾಂಬಿನ್ ದೊನ್ವೆಚ್ಯಾ ಸಾಲಾಚ್ಯಾ ಇದ್ರಾಕ್ ಹೊತ್ತಿ. 8 ಭಾಯ್ಲ್ಯಾ ಅಂಗ್ನಾಕ್ಡೆ ಹೊತ್ತ್ಯಾ ಖೊಲಿಯಾಂಚ್ಯಾ ಸಾಲಾಂಚಿ ಲಾಂಬಿ ಪಂಚಿಸ್ ಹಾತ್, ದೆವಾಚ್ಯಾ ಗುಡಿಚ್ಯಾಕ್ಡೆ ಹೊತ್ತ್ಯಾ ಖೊಲಿಯಾಂಚ್ಯಾ ಸಾಲಾಂಚಿ ಲಾಂಬಿ ಪನ್ನಾಸ್ ಹಾತ್. 9 ಖಾಯ್ಲ್ಯಾ ಖೊಲಿಯಾಕ್ನಿ ಜಾವ್ಕ್ ಅಂಗ್ನಾಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ ಎಕ್ ವಾಟ್ ಹೊತ್ತಿ. 10 ಅಸಿ ರ್‍ಹಾತಾನಾ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ಡೆ ಖಾಲಿ ಹೊತ್ತ್ಯಾ ಭಾಗಾಕ್ ಭೊತ್ಯಾನಿ ಹೊತ್ತ್ಯಾ ಭಿತ್ತಿಚ್ಯಾ ಮದ್ದಿ ಖೊಲಿಯಾ ಹೊತ್ತಿ. 11 ತೆಂಚ್ಯಾ ಇದ್ರಾಕ್ ಎಕ್ ಒನಿ ಹೊತ್ತಿ ತಿ ಉತ್ತರ್ ದಿಕ್ಕಾಚ್ಯಾ ಖೊಲಿಯಾಂಚ್ಯಾ ಸಾರ್ಕೆ ದಿಸಿತ್. ಹೆಂಚಿ ರುಂದ್ ಅನಿ ಲಾಂಬಿ ಅನಿ ತೆಂಚೆ ರುಂದ್ ಅನಿ ಲಾಂಬಿ ಎಕುಚ್ ನಮುನಿ ಹೊತ್ತೆ. 12 ಖೊಲಿಯಾಚೆ ಅಂಗಾನ್ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ ಮಿಳ್ತಲ್ಯಾಕ್ಡೆ, ಭಿತ್ತಿಚ್ಯಾ ಬಾಜುಕ್ ಹೊತ್ತ್ಯಾ ವಾಟೆಚ್ಯಾ ಆಕ್ರಿಕ್ ಎಕ್ ದಾರ್ ಹೊತ್ತೆ. 13 ತನ್ನಾ ಮಾಕಾ ತಯಾರ್ ಕರಲ್ಯಾ ಅಂಗ್ನಾಚ್ಯಾ ಉತ್ತರ್ ದಕ್ಷಿನಾಕ್ಡೆ ಹೊತ್ತಿ ಖೊಲಿಯಾ ನಿತಳ್ ಹೊಲಿ; ಥೈ ಸರ್ವೆಸ್ಪರಾಚ್ಯಾ ಇದ್ರಾಕ್ಲಿ ಸೆವಕಾ ಹೊಲ್ಲ್ಯಾ ಯಾಜಕಾ ಮುಖ್ಯ್ ಪವಿತ್ರ್ ವಸ್ತಾ ಖಾತಾತ್, ಅನಿ ದಾನ್ಯಾಚಿ ಬಲಿಯಾ, ಪಾಪಾ ಮಾಪಿ ಕರ್ತಲಿ, ಬಲಿಚೆ ತೆಲ್, ಪಚ್ಚಾತಾಪಾಚಿ ಬಲಿಯಾಂಚೆ ತೆಲ್ ಮನ್ತಲೆ ಮುಖ್ಯ್ ಪರಿಶುದ್ದ್ ವಸ್ತಾ ತ್ಯಾತುರ್ ಥವ್ತಾತ್. ತೊ ಪವಿತ್ರ್ ಹೊಲ್ಲೊ ಜಾಗೊ. 14 ಯಾಜಕಾ ಪವಿತ್ರ್ ಭಾಗಾಕ್ ಗೆಲ್ಲ್ಯಾ ತನ್ನಾ, ಥೈನಾ ಸೊಡುನ್ ಭಾಯ್ಲ್ಯಾ ಭಾಗಾಕ್ ಜಾವ್ಚೆ ನ್ಹಯ್, ಅಪ್ನಾಚಿ ದಿಕ್ಷಾ ಕಪ್ಡೆ ಥೈಚ್ ಕಾಡುನ್ ಥವಲ್ಲೆ ರ್‍ಹಾವ್ಚೆ, ತಿ ಪರಿಶುದ್ದ್ ಹೊಲ್ಲಿ. ಮಾನಾ ದುಸ್ರಿ ಕಪ್ಡೆ ನೆಸುನ್ ಘೆವ್ನ್ ಹುರಲ್ಲ್ಯಾ ಲೊಕಾಚ್ಯಾಕ್ಡೆ ಯೆವ್ಚೆ, ಮಟ್ಲ್ಯಾನ್.

ದೆವಾಚ್ಯಾ ಗುಡಿಚ್ಯಾ ಜಾಗ್ಯಾಚಿ ಮಾಪ್

15 ತಿ ಘವ್ಮಾನ್ಸಾ ಭುತ್ತುರ್ಲಿ ಗುಡಿ ಮಾಪಲ್ಲ್ಯಾ ಮಾನಾ ಮಾಕಾ ದಿಸ್ ಉಗಾವ್ತಲ್ಯಾ ದಿಕ್ಕಾಚ್ಯಾ ಇದ್ರಾಕ್ಲ್ಯಾ ಮುಖ್ಯ್ ದಾರಾಚ್ಯಾ ವಾಟೆನ್ ಬಾರ್ಯ್ ಬಲ್ವುನ್ ಘೆವ್ನ್ ಎವ್ನ್, ಗುಡಿಚ್ಯಾ ಭೊತ್ಯಾನಿ ಮಾಪ್ ಕರ್ಲ್ಯಾನ್. 16 ದಿಸ್ ಉಗಾವ್ತಲ್ಯಾ ದಿಕ್ಕಾಚ್ಯಾ ಲಾಂಬಿಕ್ ಮಾಪ್ ಕರ್‍ತಲ್ಯಾ ಖಾಟಿನ್ ದೊನ್ಸೆ ಪನ್ನಾಸ್ ಹಾತ್ ಮಾಪ್ಲ್ಯಾನ್. 17 ಉತ್ತರ್ ದಿಕ್ಕಾಚ್ಯಾ ಲಾಂಬಿಕ್ ಮಾಪಿಚ್ಯಾ ಖಾಟಿನ್ ದೊನ್ಸೆ ಪನ್ನಾಸ್ ಹಾತ್ ಮಾಪ್ಲ್ಯಾನ್. 18 ದಕ್ಷಿನ್ ದಿಕ್ಕಾಚ್ಯಾ ಲಾಂಬಿಕ್ ದೊನ್ಸೆ ಪನ್ನಾಸ್ ಹಾತ್ ಮಾಪ್ಲ್ಯಾನ್. 19 ದಿಸ್ ಬುಡ್ತಲ್ಯಾ ದಿಕ್ಕಾಕ್ನಾ ಭಿತ್ತಿಕ್ಡೆ ಪರ್‍ತುನ್ ಘೆವ್ನ್, ಮಾಪ್ ಕರ್‍ತಲ್ಯಾ ಖಾಟಿನ್ ದೊನ್ಸೆ ಪನ್ನಾಸ್ ಹಾತ್ ಮಾಪ್ಲ್ಯಾನ್. 20 ಗುಡಿಚ್ಯಾ ಚಾರಿ ಕನ್ನಾಬಿ ಮಾಪ್ಲ್ಯಾನ್. ಪವಿತ್ರ್ ಹೊಲ್ಲ್ಯಾ ಅನಿ ಅಪವಿತ್ರ್ ಹೊಲ್ಲ್ಯಾ ಜಾಗೊ ಎಗ್ಳುಕ್ ಮನುನ್ ದೊನ್ಸೆ ಪನ್ನಾಸ್ ಹಾತ್ ಲಾಂಬಿಕ್ ಅನಿ ದೊನ್ಸೆ ಪನ್ನಾಸ್ ಹಾತ್ ರುಂದ್ ಹೊವ್ನ್ ಭಿತ್ತ್ ಹೊತ್ತಿ.