Deuteronômio 21

Obisuɔtɔbi Tokopĩtɛ Ɔlaa

18 Nse otii owo nkpe obisuɔtɔbi tokopĩtɛ ku nunsientɛ wɔ ninoobu ni ote ku ɔya, nse bɛɛfaa nwɔ anaanu ma ni ɔlaa yi, 19 ni ote ku ɔya bakpaa nwɔ bakyɛnko banɔɔfo nfũ di okpoo nwu bawo kalɛɛkɔ. 20 Baatɔkɔ banɔɔfo nwu alɛ, "Obisuɔtɔbi loo wɔ mmle nkpe otokopĩ ku onunsie. Oloonu wo ɔlaa. Ditiipɛ ku tanyintɛ ale." 21 Ni basuɔtɔ bamuu di okpoo nɔɔ nwu basafɔ nwɔ afuɔ balo. Dikpeni biediki dikpile nwu kamɛ lee. Ni Israel omuu kamanu ɔlaa nwu man-yɛkɛ.