Jó 1

अय्यूबे पुड़ भारी अज़मैइश एज्जनी

1 ऊस नंव्वेरे मुल्खे मां अक मैन्हु रहतो थियो; ज़ेसेरू नवं अय्यूब थियूं। तै बेकसूर ते सच़्च़ो मैन्हु थियो ते परमेशरेरो डर मन्ने बालो कने बुरैई करां दूर रहतो थियो। 2 तैसेरां सत मट्ठां ते ट्लाई कुइयां थी। 3 तैस कां 7000 भैड्डां-छ़ेल्‍ली, ते 3000 ऊँटां, 500 जोड़ी दांत, ते 500 गधे थिये, ते बड़े नौकर-नौकरैनी थी; बल्के तैस कां एत्री जाईदात थी, कि तै यरदन दरियारे पूरबेरे मुल्खन मां सेभन करां जादे अमीर थियो।