1 iyhen idrari n sam dHam dyafeθ idrari ennuwH delli yemmerwasen beεδ eTTuwfan. 2 idrari n yafeθ: juwmer dmajuwj dmaday dyawan dtuwbal dmacek dtiyrasu. 3 widrari n juwmer: eckenawu driyfaθu dtuwjermeh 4 widrari n yawan: eliyceh dterciyc dkittiym dduwdaniym. 5 seg iyh mferreqneθ ellummaθ n elbHer g timurensen delqbeylensen, kul eljmeεεeθ f elHseb n elluγθensen.

6 widrari n ham: kuwc dmirayem dfuwT dkenεan. 7 widrari n kuwc seba deHwiyle dsebteh dreεmeh dseteka. widrari n reεmeh: ceba ddedanu. 8 ukuwc yiru nimruwd, ewwel meθjebber g elqeεεeθ. 9 w ykan deSeyyaδ dejebbar ezzaθ n erreb, heδake εlac eqqaren emnemruwd, eSeyyaδ δejebbar ewwaθ n erreb. 10 ebδaneθ elmemlkaθ n babel dYarek dYaked, welkulhum g elqeεεeθ n cenεar. 11 seg lqeεεetdiyn yeffeγ yecuwr debni niynwi dreHbuwt εiyr dkaleH 12 dresen elli jar niynwi dkaleH, unetteθ θemuwreθ temeqqarθ. 13 umiSrayem yiru bni luwd dεenam dlehab dneftuwH 14 dfetruws dkesluwj, yaru keftuwr elli effeγen essisen ifilesTiniyyen. 15 ukenεan yiru Siyduwn emenzuyes, dHiθθe 16 diyyebuwsiyyen dimuriyyen dijerjeciyyen 17 diHiwwiyyen diεerqeyyen disenniyyen 18 diYirwediyyen diSimmariyyen diHimmatiyyen. welbeεεeδ mferreθneθ elqbayel n ikenεaniyyen. 19 weθkan elqeεεeθ n ikenεaniyyen seg Siyduwn y ecciyreθnejrar dγezze, welbeεεeδ y ecciyreθ n seduwm deεmuwre dYedme deSbuwyiym ellaceε. 20 iyh didrari n Ham etmurensen delqbeylensen kul eljmeεεeθ f elHesb n elluγθensen.

21 yuγeδ sam zade idrari, unette ddaddes n ebni εaber elkul weδyuwwes n yafeθ emeqqar. 22 widrari n sam: εiylam dYecuwr dYerfekcad dluwd dYeram. 23 widrari n Yeram: εuwS dHuwl djaθer dmacu. 24 uYerfekcad yiru caleH, ucaleH yiru εaber. 25 yaγeδ εaber sen δidrari iyjen essisen esmiθes falij, εlexaTer g liyyemestemzuwn lqeεεeθ, wellesm n yuwwes yeqTan. 26 uyeqTan yiru elmuwdad dcalef dHeDremuwt dyareH 27 dheduwram dYewzal ddiqle 28 dεuwbal dYebiymayil dceba 29 uYuwfiyr deHwiyle dyuwbab. iyh elkul debni yeqTan. 30 ukanen εemren seg miyca y ecciyreθ n sefar y eddehreθ n eccerq. 31 iyh debni sam s eθmurensen delqbeylensen kul eljmeεεeθ f elHesb n elluγθensen. 32 θiyhen δelqbayel elli useδneθ s idrari ennuwH essisneθ xθerneθ timuwre g elqeεεeθ beεδ eTTuwfan.