1 iyh idrari n εiysuw, elli eqqernes zade eduwm: 2 yiwi εiysuw lwecunes seg yessis n kenεan: εedeh yelliys n Yiyluwn eHeθθi, dYehuwliybameh yelliys n Sebεuwn elHiwiy, 3 dbesme yelliys n Yismaεiyl weltmes n nebayuwt. 4 θaru εedeh eliyfaz, ubesme θiru reεuwYiyl, 5 θaru ehuwliybameh yeεuwc dyeεlam dquwreε. iyh emmerwen y εiysuw g elqeεεeθ n kenεan. 6 welbeεεeδ yiwi εiysuw lwecunes didreriys dyessis delli g elHuces elkul desseεyes diγyeles delli yesγi elkul seg lqeεεeθ n kenεan, yebεeδ f yeεquwb yerHel yelqeεεeθ xlaf. 7 εlexaTer lqeεεeθ elli kanen εemren δiys jmiyε, θkan teDyeq f ellasen seg lkeθreθ n esεi elli δiys. 8 yeεmer εiysuw g eddehreθ n esεiyr. 9 wiyh idrari n εiysuw g eddehreθ n esεiyr: 10 elfaz emmiys n εedeh, dreεuwYiyl emmiys n besme. 11 ukanen idrari n elfaz: tiyman dYewmar dSefwe djeεθam dεenaz 12 dεemaliyq elli θirwesθi timnaε θexeddemtes. 13 wiyh idrari n reεuwYiyl: neHθ dzareH dcemme dmizze. 14 iyh idrari n Yehuwliybameh yelliys n εeneh yelliys n Sibεuwn liwec n εiysuw: yeεuwc dyeεlam dquwreH. 15 wiyh lHukkam seg bni εiysuw: idrari n Yelfaz emenzu n εiysuw: tiyman dYuwmar dSefw dqenaz 16 dquwreH djeεθam dεemaliyq. iyh idrari n εedeh liwec n εiysuw 17 wiyh seg reεuwYiyl seg εiysuw: neHθ dzareH dcimme dmizze. iyh idrari n besme liwec n εiysuw. 18 wiyh idrari n Yehuwliybameh yelliys n εeneh liwec n εiysuw: yeεuwc dyeεlam dquwreH. 19 iyh elHukkam n ebni εiysuw, esmiθes zade eduwm. 20 iyh elHukkam n ebni sεiyr elHuwri g elqeεεeθ n eduwm: luwTan dcuwbal dSibεuwn dεeneh 21 ddiycuwn dYiySer ddiycan. 22 widrari n luwTan: Huwri dheymam. weθkan timnaε dweltmes n luwTan. 23 yih idrari n cuwbal: εelwan dmenaHeh dεiybal dcefuw dYuwnam. 24 uyih idrari n Sibεuwn: eyyeh dεenne. εenne wah elli yufe amen Hman g eSSeHreθ unette yesreH s esεi n deddes Sibεuwn. 25 yah emmiys n εeneh: diycuwn. uYehuwliybameh netteθ yelliys n εeneh. 26 wiyh idrari n diycan: Himdan decban dyeθran dkeran. 27 iyh idrari n YiySer: belhan dzeεwan dεeqqan. 28 iyh idrari n diycan: εuwS dYeran. 29 iyh lHukkam n iHuwriyyen g elqeεεeθ n esεiyr: luwTan dcuwbal dSibεuwn dεeneh 30 ddiycuwn dYiySer ddiycan. iyh lHukkam n iHuwriyyen g elqeεεeθ n esεiyr. 31 iyh lemluwk elli mlexen g elqeεεeθ n eduwm, qebl n elli eδuwlen dlemluwx g ebni YisraYiyl: 32 baleε emmiys n beεuwr wellesm n temurθes denhabe. 33 yemmuwθ baleε. yeTTef emxenes yuwbab ben zareH seg buSre. 34 yemmuwθ yuwbab, yeTTef emxenes Huwcam g elqeεεeθ n ettiymaniy. 35 yemmuwθ Huwcam, yeTTef emxenes hedad ben bedad elli yeγleb imedyeniyyen g elqeεεeθ n muYab, wellesm n temurθes εwiyt. 36 yemmuwθ hedad, yeTTef emxenes selme ben mesriyqe. 37 yemmuwθ selme, yeTTef emxenes cawul seg reHuwbuwt f esuwf. 38 yemmuwθ cawul, yeTTef emxenes beεl Hanan ben εekbuwr. 39 yemmuwθ Hanan ben εekbuwr yeTTef emxenes hedad, wellesm n temurθes faεuw, wellesm n liweces mehyTebiYiyl yelliys n meTred yelliysnmiyzehebe. 40 wiyh ellisami n elHukkam n ebni εiysuw: s elqbeylensen etmurensen: timnaε dεelwe dyetiyt 41 dYehuwliybameh dYiyle dfiynuwn 42 dqenaz dtiyman dmibSar. 43 dmejdeYiyl dεiyram. iyh lHukkam n eduwm, meεnahe εiysuw deddas n iYeduwmiyyen, s leHwecensen g elqeεεeθ n elmelxensen.