1 tah elHkayeθ n elεiyleθ n adem. as elli yexleq rebbi bnaδem yegin m nette. 2 yexleqθen edxer dennaθi. w as elli yexleqθen ibarexθen ysemmaθen adem. 3 ykan elεmer n adem miyye utleθiyn sne elweqθelli yirew engluws yečebahes ysemmaθi ciyθ. 4 liyyameθ n adem beεεeδ yirew ciyθ kanneθ θmenye miyye sne, yirew δiysen idrari ettengluwsin. 5 ukanneθ liyyameθ elkul elli yedderθent adem tesεe miyye utleθiyn sne, yemmuwθ.

6 yedder ciyθ miyye uxemse sniyn, yaru enuwc. 7 yedder ciyθ beεεeδ iyyiru enuwc θmenye miyye usebεe sniyn, yiru δiysen idrari ettengluwsin. 8 ukanneθ liyyam n ciyθ elkul tesε miyye w eθnac n esne yemmuwθ. 9 yedder enuwc tesεiyn esne yaru qiynan. 10 yedder enuwc beεεeδ iyyiru qiynan xemse miyye uxemsTac n esne yaru δiysen idrari ettengluwsin. 11 ukanneθ liyyam ennuwc elkul tesεe miyye uxemse sniyn yemmuwθ. 12 yedder qiynan sebεiyn esne yaru mehlelliyl. 13 yedder qiynan beεεeδ iyyiru mehlelliyl θmenye miyye w erbεiyn esne yaru δiysen idrari ettengluwsin, 14 ukanneθ liyyam n qiynan elkul tesεe miyye uεecre sniyn yemmuwθ. 15 yedder mehlelliyl xemse usettiyn esne, yaru yared. 16 yedder mehlelliyl beεεeδ iyyiru yared θmenye miyye utleθiyn esne yaru δiysen idrari ettengluwsin. 17 ukanneθ liyyam n mehlelliyl θmenye miyye uxemse utesεiyn esne yemmuwθ. 18 yedder yared miyye w eθniyn usettiyn esne yaru exnuwx. 19 yedder yared beεεeδ iyyiru exnuwx θmenye miyye esne yaru δiysen idrari ettengluwsin. 20 ukanneθ liyyam n yared elkul tesεe miyye w eθniyn usettiyn esne yemmuwθ. 21 yedder exnuwx xemse usettiyn esne yaru metuwcalex. 22 yedder exnuwx beεεeδ iyyiru metuwcalex tlaθe miyye esne yaru δiysen idrari ettengluwsin. 23 ukanneθ liyyam n exnuwx elkul tlaθe miyye uxemse usettiyn esne. 24 yedder exnuwx w elbeεεeδ yemreq εlexaTer erreb yiwiθ tweliys. 25 yedder metuwcalex miyye usebεe uθmenyiyn esne, yaru lamek. 26 yedder metuwcalex beεεeδ iyyiru lamek sebεe miyye w eθniyn uθmenyiyn esne yaru δiysen idrari ettengluwsin. 27 ukanneθ liyyam n metuwcalex elkul tesεe miyye utesεe usettiyn esne yemmuwθ. 28 yelle eryaz esmiθes <lamek>. yuwγeδ engluws elweqθelli yiweD elεemres miyye w eθniyn w eθmenyiyn. 29 «engluwse wahen semmiyxθi <n uwH> εlexaTer nette δexenyεezze g elqeεεeθ elli entezzel δefres, unetteθ eθrukkel sifesnenne εlexaTer rebbi yfud seg leεbeδes emuwHac.» 30 yedder lamek xemse miyye uxemse utesεiyn εam beεδ iyemmaru nuwH. yirew δiys idrari egget. 31 yemmuwθ lamek unette elεemres sebεe miyye usebεe usebεiyn εam. 32 max i yiweD elεmer ennuwH xemse myat εam yeδwel γers tlaθe δidrari: sam, Ham dyafeθ.