4 Kasiimpo alimbamo samia hiri mokosaroakana Goliat minaaka i pokemaana tantarana Filistin to abhali tantarana Israel, tee incia aminaaka i Kota Gat. Kalangana badana kera-kera alabhi talu metere.
33 Saul alawani Daud, "Bholi, ingkoo inda ukapoia to upoaro tee upobusuaka suludaduna Filistin sumai. Ingkoo dhaangiapo umangura, sainamo incia amananeamo apobusu apepuu minaaka dhaangiapo amangura dhadhina."
37 Daud uka apogau, "KAWASANA OPU padhamo apasalaamatiaku minaaka i singa tee beruang, Incia uka bheapasalaamatiaku minaaka i suludaduna Filistin sii."
Pogauna Saul, "Lingkamo, maasangia o KAWASANA OPU atulungiko."
Pobusuana Daud tee Goliat
40 Kasiimpo Daud aala katukona, tee apili lima angu bhatu maʼalusu minaaka i umala tee apapesuaia i nuncana kadhu-kadhu modhaangiana i tasina gembalana, tee aala patena kasiimpo alingka apokawaaka Goliat miana Filistin sumai.
45 Daud alawani miana Filistin sumai, "Ingkoo uumba upoewangiakaaku tee hancu, pandanga tee karadha, maka iaku kuumbatiko tee sarona KAWASANA OPU o Aulataʼalana saangua alamu, siitumo Aulataʼalana tantarana Israel ihinamu sumai.
49 Daud aroro kadhu-kadhuna tasina tee aala saangu bhatu kasiimpo apateakea i Goliat miana Filistin sumai, tee o bhatu sumai akangkanai bhawona rouna tee atongke i bhawona rouna, sabutuna o Goliat akotibu tee apaubho i tana.