12 Manga anana Eli satotuuna manga umane inda mokoguna. Manga incia inda aose parintana KAWASANA OPU 13 tee wakutuuna amembali imamu manga incia sainca-incana tee raʼeatina Israel. Ande dhaangia o mia mopasombaakana kurubani, mia molaianina imamu2:13 mia molaianina imamu: Kananeana dhaangia pia mia o mia mominaakana i suku Lewi atawa o imamu mosagaanana motopatugasiakana mohambana samia imamu to molaianina uumatina Israel wakutuuna apasombaaka kurubani. aumba abhawa garupuu talu mataana. Wakutuuna dagina kurubani sumai tangasaana atonasu, 14 garupuu sumai atopake to asusuaka dagi modhaangiana i nuncana panci, kawali, balanga atawa o poluka, tee opeapo uka iangkana garupuu sumai bheaalea imamu to karona. Mboomo sumai ipewauna manga incia tee bhari-bharia miana Israel moumbana i Silo. 15 Sampe o mia molaianina imamu sagaa aumba wakutuuna indapo atotunu o tabhana kurubani sumai tee apaumba mia mopasombaakana kurubani sumai, "Dhawuakamea o dagi momamata sumai to imamu mamudhaakana atunua, roonamo incia amendeu atarima dagi motonasu minaaka i ingkomiu, maka tabeana momamatana."
16 Ande o mia incia sumai alawani, "Tabhana tabeana aporikanapo atotunu; sapadhana sumai kasiimpo amembali ualea peepeeluamu." Sumaimo mia molaianina imamu sumai alawani, "Inda, sii-sii uka udhawuakaaku, ande inda bhekupakisaaia kualea!"
17 Tee mboomo sumai rua miaia anana Eli sumai apewau dosa momaoge i aroana KAWASANA OPU, roonamo manga incia apandaʼente pasombaana kurubani to KAWASANA OPU.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)