Gênesis 47

7 Kuya Yosefu kamghala Yakobu, aba wake kwa Farao. Yakobu hayambaliki Farao, 8 Farao kamghutsa, "Angu kuna miyaka mingapi?"

9 Yakobu kamwidika Farao, "Nina miyaka miya imwe na selasini yaning’ali nikwanga kwanga. Miyaka ayo iwa midodo na imema maghayo, na ng’aighala baye na miyaka iwakalile nayo aba tsangu mna ukwanga kwawo." 10 Kuya Yakobu kambaliki Farao, koka. 11 Kuya Yosefu kaweng’a aba wake na ndughu tsake hanu hakemighwe Ramesesi, hanu hanoghile mna isi ya Misiri, ka Farao pfayamlaghitse. 12 Yosefu tsakamwing’a chijo aba wake, ndughu tsake na iwanu wose wa kaye ya aba wake, hamwe na iwana wawo.