10 Ettem ẹyakẹ Hana odik matẹtẹmaa, obhom ẹmọng, obir oze njọm ọnang Ọvaar Ibinọkpaabyi. 11 Ọtọka nwọhngọ, oben bẹ́, "O Ọvaar Ibinọkpaabyi kw’Ẹfa maphyir, wura m’akenaka aze irem s’kaam ọtọhmnọng kwọ, ajim-m, aning-m abir azaama, akenaka anang-m ojinọngnwa, kaam m’nttẹ-ẹ ọbọhk nnang Ọvaar Ibinọkpaabyi k’akpen pẹ maphyir, kwuna ẹgọhbha ny’ikẹ k’eso mẹ̀twu1.11 Ẹgọhbha ny’ikẹ k’eso mẹ̀twu oyinẹ bẹ́, eso mògwo. K’ẹmmaana ch’aHiburu, isisa otitir jọ iwa ide ẹkọhka bẹ́, nkk’ọnọng ọbọhk atta anang Ibinọkpaabyi k’akpen pẹ maphyir bẹ́, osi ọtọhm f’Ibinọkpaabyi. Yerẹ Nnwẹr kw’Obhik 6:1-21. ."
12 K’ose kw’Hana ochin ororo oze njọm ọnang Ọvaar Ibinọkpaabyi, Ẹli ọkẹ-ẹ otum ny’ẹmma. 13 Wa Hana od-oze njọm z’ettem, ẹmmakpa chẹ ed-ewonga ebubha, okenaka, ẹmọng chẹ k’iyaan keyinẹ. Ẹli ọsẹ-ẹ bẹ́, kk’atuk obuma. 14 Ofona nya o, okwu oben-ẹ bẹ́, "Kọ m’abuma atuk atuma yen? Kpọ̀ka atuk ogwugwo."
15 Hana ọpọhn-ẹ bẹ́, "Atte kwaam, minna kode, kaam nde kwanọng kw’ettem ẹyakẹ odik mawuriji. Kaam atuk kid-ngwo; kaam nd-mmom ẹmọng z’ettem chaam nnang Ọvaar Ibinọkpaabyi. 16 Ototo, kaam ọtọhmnọng kwọ mach’kwanọngtama kàtọka. Nd-nze njọm minna okurọ isen ọmaana ikwosisi saam."
17 Ẹli ọpọhn-ẹ bẹ́, "Zọ̀hng k’ẹmẹm, tte Ibinọkpaabyi kw’Israẹl ọnang-ọ ọttọhk f’aphyem-ẹ."
18 Hana ọpọhn-ẹ bẹ́, "Tte kaam ọtọhmnọng kwọ, nze ọphyaam k’ititika sọ." Nya o, ofona od-ochi ọttọhk, ititika sẹ ibir ipyira.
19 Ewu esobh nya, k’ekpikpebha, mabina makpobha Ọvaar Ibinọkpaabyi, pira nnakpa nnam z’abẹ k’obhon z’Rama. Ẹlkana okwu oyima ọmaana Hana, Ọvaar Ibinọkpaabyi ọbhaanga njọm sẹ. 20 Nya o, otum k’ogbe, Hana otima ibhọr, ọmaan ojinọngnwa, ọkpẹ-ẹ Samwẹl1.20 Samwẹl: k’ebhon ch’aHiburu, eche ndo eyinẹ ọttọhk mach’iwura ọnọng obenẹ bẹ́, "Eche chẹ ede Ibinọkpaabyi." Hana ọnang nnwa kwẹ eche nda ọfha otima ọnang Ọvaar Ibinọkpaabyi ikpukpobha okurọ bẹ́, Ọvaar Ibinọkpaabyi kk’njọm sẹ ọbhaanga ọnang-ẹ ọttọhk f’ororọ ọbọbh Ibinọkpaabyi., oben bẹ́, "Mphyem-ẹ z’Ọvaar Ibinọkpaabyi."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)