1 Ma wọ ode efonamma ch'Noa kw'obhonọ Shẹm, ọmaana Ham, ọttara Japhẹt. Wa bẹ mabhakẹ abhon iva k'ogbe kw'ẹnwanwa ikk'ẹsa.

2 Ajinọngva p'Japhẹt obhonọ, wa made:

Goma, ọmaana Magọg, ọmaana Madai, ọmaana Javan, ọmaana Tubal, ọmaana Mẹshẹk, ọttara Tiras.

3 Ajinọngva p'Goma wa made:

Askenaz, ọmaana Riphat, ọttara Togama.

4 Ajinọngva p'Javan wa made:

Ẹlisha, ọmaana Tarshish, ọmaana Kitim, ọttara Dodanim. 5 Wa ofon m'iva mba pira anọng p'arukọ z'ọraang-ọraanga manyaamẹ ator k'mfona sabẹ, mad-aruk k'nkọma sabẹ, ẹkọma kpenamkpen ẹd-ẹgbaak ebhon chẹ.

6 Ajinọngva p'Ham wa made:

Kush, ọmaana Ijip, ọmaana Put, ọttara Kenaan.

7 Ajinọngva p'Kush wa made:

Seba, ọmaana Havila, ọmaana Sabata, ọmaana Rama, ọttara Sabateka.

Ajinọngva p'Rama wa made:

Shẹba ọmaana Dedan.

8 Kush wọ wa ode otte kw'Nimrọd kw'uwa ode okkikkaama kwiden m'iyagbin. 9 Wa Nimrọd ode ọgbaaji kwiden z'Ọvaar Ibinọkpaabyi k'ititika. Kẹ wọ osi anọng ad-asi ase bẹ́, "Mach'Nimrọd kw'ode ọgbaaji kwiden z'Ọvaar Ibinọkpaabyi k'ititika." 10 Ibhon s'iwa ichi eden ide ọvaarbhon kwẹ ide Babẹl, ọmaana Ẹrẹk, ọmaana Akad, ọttara Kalnẹ, kw'ode ibhon s'ining z'ẹkọma ch'Shina. 11 Obina nya ochina z'ẹbhaakẹ ch'Asiriya, od-osi obhon kw'Nineva, ọmaana Rehobot-Ir, ọmaana Kala 12 ọttara Resen, kw'ode odiden-bhon kw'oning k'njeka kw'Nineva, ọmaana Kala.

13 Ijip wọ wa obhonọ ab'Lud, ọmaana ab'Anam,

ọmaana ab'Lehab, ọmaana ab'Naphatu, 14 ọmaana ab'Patarus, ọmaana ab'Kasalu, (kw'ode ẹnọmma ch'aPhilistiya mafon), ọmaana ab'Kaphatọr.

15 Wa Kenaan wọ ode otte kw'Sidon kw'ode ochedennwa kwẹ. Kenaan obir obhon ab'Het*, 16 ab'Jebus, ọmaana ab'Amọr, ọmaana ab'Girgash, 17 ọmaana ab'Hiv, ọmaana ab'Ak, ọmaana ab'Sin, 18 ọmaana ab'Avad, ọmaana ab'Zẹma, ọttara ab'Hamat.

Otum k'ogbe, nnọmma s'Kenaan inyaamẹ. 19 Nnem s'Kenaan itọm z'Sidon ichina z'Gẹra, maa, ibọka z'Gaza, pira nichin z'Sọdọm, ọmaana Gọmọra, ọmaana Adama, ọttara Zeboyim, maa ipyirẹ z'Lasha.

20 Minna wọ kw'uwa ajinọngva p'Ham ade, atorọ k'nnọmma sabẹ, ọmaana k'mmon sabẹ, ọmaana k'nnem sabẹ, ọttara k'nkọma sabẹ.

21 Shẹm kw'uwa Japhẹt otorọ nnam, kẹ wọ ode otte kw'Ẹbẹr ọttara iva pẹ maphyir.

22 Iva p'Shẹm wa made:

Ẹlam, ọmaana Ashur, ọmaana Arpaksad, ọmaana Lud, ọttara Aram.

23 Iva p'Aram wa made:

Uz, ọmaana Hul, ọmaana Gẹta, ọttara Mash.

24 Arphaksad wọ wa ode otte kw'Shẹla,

Shẹla ode otte kw'Ẹbẹr.

25 Wa Ẹbẹr obhonọ ajinọngva afa, ocheden okpen

Pẹlẹg*, okurọ bẹ́, ny'ogbe kwẹ wọ kw'uwa ayagbin abhaangẹ. Oyok kw'otor-ẹ okpena Jọktan.

26 Jọktan wọ wa ode otte

kw'Almodad, ọmaana Shẹlẹph, ọmaana Hazamavẹt, ọmaana Jẹra, 27 ọmaana Hadoram, ọmaana Uzal, ọmaana Dikala, 28 ọmaana Ọbal, ọmaana Abimayẹl, ọmaana Shẹba, 29 ọmaana Ophir, ọmaana Havila, ọttara Jobab. Anọng mba maphyir, wa made iva p'Jọktan.

30 Ẹkọma ch'iwa anọng mba marukọ ẹtọm z'Mẹsha echina z'ẹbhaakẹ ch'Sẹphar, z'ẹkọma ch'agbe, za ch'ewuchen ed-eyin.

31 Minna wọ kw'uwa iva p'Shẹm ade, atorọ k'nnọmma sabẹ, ọmaana k'mmon sabẹ, ọmaana k'ozek fabẹ, ọttara k'nkọma sabẹ.

32 Minna wọ kw'uwa nnọmma s'iva p'Noa ide, atorọ k'ntaak s'mammaan z'nkọma sabẹ. Ofon m'anọng mba, nkọma inyaamẹ m'iyagbin maphyir, k'ogbe kw'ẹnwanwa ikk'ẹsa.