1 Ma wọ ode efonamma ch'Ẹsau, kw'obir okpena Edom.

2 Wa Ẹsau ọtọk panọng p'afon Kenaan. Kwanọng wanẹ okpen Ada kw'ode ominanwa kw'Ẹlọn kw'ofon Hit. Kwanọng nwoza okpena Oholibama kw'ode nnwa kw'Ana. Wa Ana ode nnwa kw'Zibeọn kw'ofon Hiv. 3 Kwanọng kw'Esau kw'ottong attaan okpen Basẹmat kw'ode nnwa kw'Ishimayẹl ọttara ọgbaanọkka kw'Nẹbayọt.

4 Wa Ada ọmaanẹ Eliphaz ọnang Ẹsau. Basẹmat ọmaan Reuẹl, 5 Oholibama ọmaan Jeush, ọmaana Jalam, ọttara Kora. Ajinọngva p'uwa mamaanẹ anang Ẹsau z'Kenaan bọ nya.

6 Ẹsau ọtọka panọng pẹ, ọmaana ajinọngva pẹ, ọmaana aminava pẹ, ọmaana ọnọng kpenamkpen kw'ẹsọhmmọr chẹ, ttara etirakpo pyẹ, ọmaana oyena kwẹ maphyir kw'ikk'ọsa ny'Kenaan, obina orik ọgbaanọkka Jekọb nya, ofona od-osi oruk kwẹ z'ibyi ọdọk-ọdọk. 7 Wa izek ọdọk bẹ kibeng okurọ ọsaabh kw'oyena ọttara etirakpo pyabẹ. Ofona nya, m'ọdọk ibyi majanẹ kakpo aruk. 8 Nya o, Ẹsau kw'obir okpena Edom osi oruk kwẹ z'ẹkọma ch'egbe ch'Seir.

9 Ma wọ ode efonamma ch'Ẹsau kw'ode otte kwiden kw'anọng p'Edom p'arukọ z'ẹkọma ch'egbe ch'Seir.

10 Ache p'ajinọngva p'Ẹsau made:

Eliphaz kw'Ada ọmaanẹ,

ọttara Reuẹl kw'Basẹmat ọmaanẹ.

11 Ajinọngva p'Eliphaz obhonọ made: Teman, ọmaana Ọma, ọmaana Zepho, ọmaana Gatam, ọttara Kenaz. 12 Wa Eliphaz kw'ode nnwa kw'Ẹsau obir oyena oyok-nọng kw'okpen Timna kw'ọmaan-ẹ nnwa kw'okpen Amalẹk. Ada kw'ode kwanọng kw'Ẹsau wọ ode ọkka kwiden kw'iva mba.

13 Wa ajinọngva p'Reuẹl made: Nahat, ọmaana Zẹra, ọmaana Shama, ọttara Miza. Basẹmat kw'ode kwanọng kw'Ẹsau wọ ode ọkka kwiden kw'iva mba.

14 Ajinọngva p'Oholibama, ominanwa kw'Ana kw'otte kwiden okpen Zibeọn ọmaanẹ ọnang Ẹsau made: Jeush ọmaana Jalam ọttara Kọra.

15 Avaar p'efonamma ch'Ẹsau, p'afon k'ẹnọmma ch'Eliphaz kw'ode ochedennwa kw'Ẹsau made: Teman, ọmaana Ọma, ọmaana Zepho, ọmaana Kenaz,

16 ọmaana Kọra, ọmaana Gatam, ọttara Amalẹk. Anọng mba bọ uwa matim mvaar ny'ẹnọmma ch'Eliphaz ny'Edom. Ada wọ ode ọkka kwiden kw'iva mba.

17 Avaar p'afon k'ẹnọmma ch'Reuẹl kw'Ẹsau obhonọ z'ẹkọma ch'Edom made: Nahat, ọmaana Zẹra, ọmaana Shama, ọttara Miza. Basẹmat kw'ode kwanọng kw'Ẹsau wọ ode ọkka kwiden kw'avaar mba.

18 Avaar p'afon k'ntaak s'Oholibama kw'ode kwanọng kw'Esau, obira ode nnwa kw'Ana, made: Jeush, ọmaana Jalam, ọttara Kọra.

19 Nya wọ ode ajinọngva p'Ẹsau, kw'obira okpena Edom, ttara avaar p'nnọmma sabẹ.

20 Ajinọngva p'Seir kw'ofon Họr, p'uwa arukọ ny'ẹbhaakẹ ch'Edom made:

Lotan, ọmaana Shobal, ọmaana Zibeọn, ọmaana Ana, 21 ọmaana Dishọn, ọmaana Ẹzẹr, ọttara Dishan. Ajinọngva mba p'Seir p'abin k'efona ch'Edom bọ iwa made avaarnọng p'ẹkọma ch'Họr.

22 Wa ajinọngva p'Lotan made: Hori ọttara Homam. Timna wọ uwa ode ọgbaanọkka kw'Lotan k'ẹpanọng.

23 Wa ajinọngva p'Shobal obhonọ made: Alvan, ọmaana Manahat, ọmaana Ebal, ọmaana Shepho, ọttara Ọnam.

24 Wa Zibeọn obhonọ ajinọngva afa, p'ade Aiya, ọttara Ana. Ana nwa wọ uwa oze nkeka s'asi pẹ akọm-ọkọm, za ch'uwa ọd-ọnang nnyanya s'Zibeọn kw'ode otte ọchattọhk z'ibyi s'owora.

25 Wa Ana obhonọ Dishọn ọttara ominanwa kw'okpen Oholibama.

26 Dishọn wa obhonọ ajinọngva p'akpen Hemdan, ọmaana Ẹshban, ọmaana Itiran, ọttara Keran.

27 Ajinọngva p'Ẹzẹr ade: Bilhan, ọmaana Zaavan ọttara Akan.

28 Ajinọngva p'Dishan made: Uz, ọttara Aran.

29 Avaar p'ẹkọma ch'Họr wa made: Lotan, ọmaana Shobal, ọmaana Zibeọn, ọmaana Ana, 30 ọmaana Dishọn, ọmaana Ẹzẹr, ọttara Dishan. Bẹ bọ uwa ade avaarnọng p'ab'Họr, atorọ k'nkwurọ sabẹ ny'Seir.

31 Ma wọ ode avaar p'uwa achi eden abaabha Edom, pira wa Israẹl noning-oninga oyena abaabh:

32 Bẹla kw'ode ojinọngnwa kw'Beor wọ uwa ode ọvaarnọng kw'Edom. Ebhondim chẹ ekpen Dinhaba.

33 Bẹla ope nya, Jobab kw'ode ojinọngnwa kw'Zẹra kw'ofon Bozra okwu ode ọvaarnọng.

34 Jobab ope nya, Husham kw'ofon Teman okwu ode ọvaarnọng.

35 Husham ope nya, Hadad kw'ode ojinọngnwa kw'Bẹdad, kw'uwa okem Midiyan z'ẹkọma ch'Moab, okwu ode ọvaarnọng. Wa ebhondim chẹ ekpen Avit.

36 Hadad ope nya, Samla kw'ofon Masreka okwu ode ọvaarnọng.

37 Samla ope nya o, Shaul kw'ofon Rẹhobọt kw'ọnyọm ọraanga, okwu ode ọvaarnọng.

38 Shaul ope nya o, Baal-Hanan kw'ode ojinọngnwa kw'Akbọ, okwu ode ọvaarnọng.

39 Baal-Hanan, ojinọngnwa kw'Akbọ ope nya o, Hadad okwu ode ọvaarnọng. Wa ebhondim chẹ ekpen Pau, kwanọng kwẹ okpena Mehetabẹl kw'ode ominanwa kw'Matarẹd. Matarẹd wa ode nnwa kw'Me-Zahab.

40 Ache p'avaar p'abin k'ẹnọmma ch'Ẹsau, atorọ k'ose kw'nkwurọ, ọmaana oruk kwabẹ ode:

Timna, ọmaana Alva, ọmaana Jetẹt, 41 ọmaana Oholibama, ọmaana Ẹla, ọmaana Pinọn, 42 ọmaana Kenaz, ọmaana Teman, ọmaana Mibzar, 43 ọmaana Magdiẹl, ọttara Iram. Ma wọ ode avaarnọng p'Edom, atorọ k'ose kw'oruk kwabẹ ny'izek njo ode.

Ẹsau nwa wọ ode otte kwiden kw'anọng p'ẹkọma ch'Edom.