1 Iyo Sandugu y’Uhoraho imaze mu gihugu c’Abafilisitiya amezi indwi, 2 Abafilisitiya bahamagara abaherezi n’abapfumu barababaza bati: "Iyi Sandugu y’Uhoraho tuyigire dute? Tubwire uko twoyirungika igasubira iyo yaje iva."

3 Barabishura bati: "Nimwasubiza iyo Sandugu y’Imana y’Abisirayeli, ntimuyirungike igaragara, ariko muyirungikane n’ikimazi co kwisaba, kugira ngo mukire ivyo vyago. Nimwakira, muzoca mumenya ko ivyo vyago mwabiterwa n’ukuboko kwayo."