Imigani 1

Uguhanura kwa Bwenge

20 Bwenge asemerera ari mu nzira,

akaduza ijwi mu bibanza abantu bakoraniramwo.

21 Asemerera ari mu mayirabiri yuzuye urwamo,

akavugira amajambo yiwe ku marembo y’igisagara ati:

22 "Yemwe banyabwengebuke mwe; muzogeza ryari kudakunda ubwenge?

Namwe bacokoranyi, muzogeza ryari kunezerererwa ubucokoranyi?

Namwe bipfu, muzogeza ryari kwanka ubumenyi?

23 Nimuze mwumvirize ukwihaniza kwanje,

ndababwire ikiri ku mutima wanje,

maze ntume muba abanyabwenge.