Isaías 43

Ukweeñe Andinyaaña Isrel

1 Ado idahami, se Abọọñ atañ ado ami,

andikubot fiin, Yekọb,

andikubot fiin, Isrel:

"Kuufeghe ndịk, sia ami mmufak fiin;

ami mmukoot fiin ke anyịñ; afo ado ake mmi.

2 Umausaña ke mme mmọọñ uboiyo,

ami ñyaaba ye afo;

umaunyʌñ usaña ke mme inyañ uboiyo,

ammọ iduukwọọkọ fiin iduọọk.

Afo umausaña ke ikañ uboiyo,

ikañ iduufọppọ fiin;

edemeikañ iduutaaha fiin.

3 Sia ami ndo Abọọñ Abasi mfo,

Adisana Abasi Isrel, Andunyaaña fiin;

ami mmenọ Iyib nte ufak mfo,

Kuus ye Seba ke itie mfo.