Salmos 19

Mawu anunyami ngɛ adebɔ mi

1 Hyɛ bɔ nɛ hiɔwe ngɛ Mawu anunyami kpo jee ha; e ngɛ Mawu nine nya ní peemi ní ɔmɛ jee kɛ ngɛ tsɔɔe paa. 2 Nyɔ kɛ pia tsuo ɔ, a ngɛ Mawu he odase yee. 3,4 O be munyu ko loo pɛmi ko he nue, a pee dii ngɛ hiɔwe, se sɛ nɛ a hɛɛ ɔ ya suu je ɔ mi he fɛɛ he. Pu ɔ ngɛ hiɔwe he nɛ Mawu ngɔ lɛ kɛ to ɔ. 5 E tee mɔtu kɛ e he fɛu kaa yotsɛ nɛ dla e he kɛ je tsu mi; aloo kaa fo tulɔ nɛ dla e he kɛ yaa fo kami. 6 Pu ɔ nyɛɛ ngɛ hiɔwe kɛ jee site he kɛ yaa sinɔ he, nɛ nɔ́ ko laa we ngɛ e la a nya.

7,8 Mawu mlaa amɛ hi kɛ pi si. A buu wa he, a tsɔɔ wɔ hɛ mi tɛmi, nɛ wa naa bua jɔmi. A ji kane kɛ ha wɔ.