4 Mo kɛkɛ o nɔ nɛ i tɔ, nɛ i pee nɔ nɛ dɛ ngɛ o hɛ mi. O na kulaa nɛ ye tue gblami ɔ sa mi. Piami ko be o kojomi ɔ he. 5 A ngɔ ye hɔ ngɛ yayami mi, nɛ yayami mi nɔuu a fɔ mi ngɛ. 6 O suɔ anɔkuale nɛ je tsui klɔuu mi, mo ha mi anɔkuale nɛ ɔ he nile ɔ eko.

7 Mo fɔ ye he yayami ɔmɛ, nɛ ye he maa je ekohu. Moo du ye he ha mi, nɛ i ma hiɔ futafuta pe klala. 8 Nɛ ke o gbla ye tue se ɔ, mo ha nɛ ma na bua jɔmi ekohu. 9 Moo ku hɛ ngɔ fɔ ye yayami ɔmɛ a nɔ nɛ o ngɔ ye tɔmi ɔmɛ kulaa kɛ ke mi.