1 I kpa ngmlaa kɛ tsɛ Tsaatsɛ Mawu. I tsɛ, nɛ i tsɛ lɛ ekohu. Oo, e sa nɛ e bu mi tue! 2 I ngɛ haomi agbo mi, nɛ e yemi kɛ buami he hia mi saminya. I wo ye nine nɔ nɛ i sɔle nyɔnyɔɔnyɔ tsuo kɛ pɛɛ kpami. I be bua jɔmi nae kɛ ya si e maa bu mi tue. 3 I susu Mawu he nɛ i kɛmɛ. Ye hɛ ja kɛ aywilɛho ngɛ e yemi kɛ buami he. 4 I be mahe nyɛe maa hwɔ kɛ ya si e maa bu mi tue. I ngɛ haoe tsɔ pe bɔ nɛ ma nyɛ ma sɔle tete.

5 I ngɛ blema be kpakpa amɛ a he susue kɛ sa. 6 Nɛ nyɔ mi be fɛɛ be ɔ, bua jɔmi lahi sɔuu nɛ i laa. Ye mumi ɔ hlaa níhi a mi, nɛ i yaa ye yi mi ngɛ níhi nɛ ngɛ nɔ yae piɔ ɔ he. 7 Anɛ Tsaatsɛ Mawu kua mi kulaa lo? E be mi mɔbɔ nae hu lo? 8 Anɛ e suɔmi kɛ mi mi jɔmi ɔ ta kulaa? E yi e si womi ɔ nɔ lo? 9 Anɛ Tsaatsɛ Mawu hɛ je e dloomi ɔ nɔ? Nɛ e kɛ mi mi fumi po e suɔmi ɔ se lo? 10 Kɛkɛ nɛ i de ke, ye sɛsɛɛ mi ji ja a nɛ, kaa Mawu jɔɔmi ɔ plɛ nyɛmi. 11 I kai nyakpɛ níhi babauu nɛ e tsu ha mi be nɛ be ɔ mi. 12 Jamɛ a nyakpɛ ni ɔmɛ ngɛ ye juɛmi mi be fɛɛ be. Nɛ ye hɛ be a nɔ jee.

13 Oo Tsaatsɛ Mawu, o blɔ ɔmɛ ngɛ klɔuklɔu. Jije nɔ ko ngɛ nɛ kle kaa mo? 14 Mawu nɛ peeɔ nyakpɛ níhi ji mo! Nɛ o tsɔɔ o nyakpɛ he wami ɔ kɛ sa.

15 O kpɔ wɔ Yakob kɛ Yosef bi ɔmɛ kɛ o he wami. 16 Hyɛ bɔ nɛ Wo Tsutsu ɔ ye gbeye ha benɛ e na mo ɔ! E kpokpo kɛ ya sisi tɔɔ! 17 Nyu nɛ kɛ je bɔ kuu ɔmɛ a mi pue si, nɛ hiɔwe si. O oslabai ɔ gba. 18 Hiɔwe simi ɔ ngɛ pɛe ngɛ kɔɔhiɔ ɔ mi; nɛ la kpɛmi ɔ ha nɛ je mi tsɔ. Zugba a huanya.

19 O blɔ ɔ gu wo ɔ mi. E ji blɔ nɛ nɔ ko li kaa e ngɛ lejɛ ɔ. 20 O kudɔ o nimli ɔmɛ kaa tohi kɛ gu jamɛ a blɔ ɔ nɔ, nɛ o ha Mose kɛ Aaron kpaka mɛ.