Ezequiel 47

Duna le ésehabei ténpulurugugiñe

1 Lárigiñe ábaya lagiribudagüdünina luagun tebelaagüle ténpulu. Ábati narihin luagu áwiyuhati lan duna lábugiñegiñe bena, léibaagua luagun oubaü le ñéingiñe lubéi laboucha weyu, tuagun ténpulu. Lararira duna ligía luéigiñe tóunwenren ténpulu luagun suru libiti latarü. 2 Aba láfuridagüdünina lídangiñe fulasu le ñein tubei ténpulu, luéigiñe bena le luágunbei nórute, aba legeyedaguagüdünina bóugudigiñe darí lumoun ebelaagülei le bóugudigiñebei le laubei ligibu luagun oubaü le ñeinhin lubéi laboucha weyu, ñeinñein duna áwiyuha luéigiñe suru libiti ebelaagülei.