Agumesehani 16

Agarü luma Ísümaeli le tiráü

1 Siñati meha tagaraüdün Saraí, gama lumoun ñeinñoun aban tidamun Ehiptuna gíritu Agarü. 2 Ábati tariñagun Saraí lun Abürámü:

—Mígirungili Bungiu lun garáü nan, gama lumoun amuriahatina buma lun bagamaridunu Agarü to nidamun, fagua gayaraabei garahüñü nan tídangiñe.

Aba lánharun Abürámü lun le tamuriahabei Saraí luma, 3 ábati tanügünu Saraí Agarü to Ehiptuna, aba tíchugunu lun Abürámü lun lagamaridunu, dan meha le díisihali irumu hau aganawa Kanán.