5 Thuasalama aening cyiseimenaw keiccuze

aning tuh vaemaw mue zah,✝53.5: 1Pe 2.24

aening hoyleinaw keiccuze

ziaku buakunaw kha a teing;

aning tungvaw accahpaw detahnaw nynh

aening kha accingpaw lang oun rae zah,

a vaemaw liate aening tuh ah dan oh.

6 Aening balyn tuh azopaw

tuu hawte nynh ah thua vae oh;✝53.6: 1Pe 2.25

aening balyn tuh ahmaw laanpi raveih kalan

ah maekuh vae oh,

tukeiccuze Bawipaw nynh

aening hoyleinaw balyn kha

aning tungvaw khe a khang vae.

7 Aning tuh tuaasahkunaw te

riathaenaw kha a teing zemah

a mung kha a myh;✝53.7: Bya 5.6✝53.7-8: Loc 8.32-33

saw theihtupaw kalan

a cciakhae hae paw

tuutaw hawte thuasah,

a ming a ngotu malang sia leite

a umpaw tuu hawte thuasah

aning tuh a mung kha a myh.