Isaías 58

3 "Kaening nynh looh-ae kae sung zahmah

pawccemou nae muihpya khyh?

Zakaw kae sangsaku zahmah

pawccemou nae nypya khyh?" a ci hae.

Nanning nynh looh-ae na sung nin oh khe,

naemaw rynaw kha na rae oh zah,

nae ryalahtu hae balyn kha

na tuaa na sah oh.

4 Nanning nynh peku khylan,

ziaku khylan,

arysawthahpaw kuihlung te

thungku khylan looh-ae na sung oh.

Atunin looh-ae na sung tahaw oh paw

looh-ae sungnaw nynh tuh

nae roi kha ahangnaw kyate

thae thua lan khyh.

5 Nin kheit lungkhu mawtemaw

zakawsangsakute

looh-aesungnaw tahawpaw kha

ka rypaw athua zawtou?

Thing akoikuhpaw hawte

lu tebing lanpaw te

buriboei te buhhaw kya

i lanpaw athua zawtou?

E hynh looh-aesungnaw na ci cih oh tou?

Bawipaw nynh a nawccawpaw

nin na ci cih oh tou?

6 Kae nynh ka rypaw looh-aesungnaw tuh:

ahme leipaw khiikunaw kha supyapaw,

phupaw ripaw kha khahpyapaw,

tuaasahkunaw a teingpaw kha

luesahpaw te puihnawpaw ccong

miakaw khyapaw kha

thua khyh tou?