1 Bawipaw PACHIA Muisaw tuh

ka tungvaw a um,✝61.1: Mat 11.5; Luk 7.22✝61.1-2: Luk 4.18-19

pawccecize Bawipaw nynh

kae kha chitui yn thuh vae;

tuaasahkunaw a teing hae paw kalan

thehoypaw thuakhaepya khylan

kae hynh yn saw vae,

thinlung akoi hae paw vaemaw kha

dansah khylan, a kyng hae paw kya

luenaw kong hopya khylan te

thongccah hae paw kha

luesah khylan thuasah,

2 Bawipaw thawccinaw kum te

ah Pachia kya-e liarunaw nin kha

siakhae khylan thuasah,

a rah a khui hae paw kha

lungtangnaw pya khylan thuasah,✝61.2: Mat 5.4

3 Zion kya a rah a khui hae paw kha

bawm khylan—

buhhaw hanpaw haetapawsi,

rawkhuinaw hanpaw

lungtuanaw chitui,

ngaethyanaw hanpaw

lungtuanaw boeining kha

minmin kalan pya khylan thuasah

kae kha yn saw vae.

Bawipaw nynh a phu-enaw

langsaku khylan a linpaw

dingnaw thingku cite minmin kha

ko athua cih hae.