Jó 1

अय्यूबो री पईली परीक्षा

1 ऊज देशो दे अय्यूब नाओं रा एक मर्द था; से बऊत ई सीदा सादा माणूं था ओर से परमेशरो रा डर मानो था ओर से बुराईया ते दूर रओ था।*1:1 अय्यू. 1:8 2 अय्युबो रे सात माठे ओर तीन बेटिया थिया। 3 तेसगे सात ह्जार पेडा-बाकरिया, तीन ह्जार ऊँट, पाँज सौ बल़दा रिया जोड़िया ओर पाँज सौ गह्दिया ओर बऊत सारे नौकर-नौकराणिया थे, बल्कि तेसगे इतणी तअन-दौलत थी कि से माणूं पूर्व देशो रे लोका बीचे सबी ते जादा अमीर था।