4 ଜଦି ନେଙ୍ଗ୍ନେ ରେମୁଆଁଇଂକେ ୱେନ୍ସା ମନା ନାଡିଂଏ, ତେଲା ନାକେଏ, ନେ ଞ୍ଜଡ଼େ ପେ ଇନି ଗିତାଙ୍ଗ୍ଡ଼ିଆଃଇଂ ନେବେଏ । 5 ମେଇଂ ତୁବଃ ଆଡ଼ାତ୍ରା ଦେକ୍ରକମ୍ ଚୁନ୍ଚୁନା ଆଡିଂବିଆର୍ଏ ଜେ, ଜା ଆତେନ୍ କେଆୟାଆର୍ ଣ୍ଡୁ; ବାରି ଆରେଣ୍ଡିଆବାନ୍ ରକ୍ୟା ବାନେ ଆରି ପେନେ ଉଡ଼ି ମ୍ବ୍ରଲେକେ, ଆତେନ୍ ମେଇଂ ଚଙ୍ଗ୍ବିଏ, ବାରି ପେନି ଲିଜଅରିଆ ଲେକ୍ନେ ସାପା ସ୍ଲାଃ ପାଃଡ଼ୁଇଂ ଚଙ୍ଗ୍ବିଏ ।
7 ଏନ୍ଇଡ଼ିଂ ଫାରୋନେ ଚାକର୍ଇଂ ଆମେକେ ବାସଙ୍ଗ୍ଆର୍କେ, "ଆକେନ୍ ରେମୁଆଁ ଉଡ଼ି ମୁଆଁ ଜାକ ଆନେକେ ବ୍ନେଗ୍ ରକମ୍ ଡିଂଲେଃଏ ? ଆକେନ୍ ରେମୁଆଁଇଂନେ ମାପ୍ରୁ ପର୍ମେସର୍ନେ ସେବା ଡିଂନେସା ଆକ୍ମେଇଂକେ ଆନ୍ତାର୍ବିପା; ମିସର୍ ଦେସ୍ ଜେ, ନଷ୍ଟ ଡିଂଡିଂକେ, ଆକେନ୍ ପେ ଏବେ ଜାକ ପେମ୍ୟାଃକେ ଣ୍ଡୁ ?"
11 ଦେକ୍ରକମ୍ ଆଡିଂ ଣ୍ଡୁ, ପେ ଉଡ଼ିରୁଆ ଙ୍ଗିର୍ବୁଏ ପେଲେକେ, ୱେଲାପା, ମାପ୍ରୁନେ ସେବା ଡିଂପା; ମେଃଡାଗ୍ଲା ଆକେନ୍ ପେ ଚାଏଁ ପେଡିଂକେ ।" ଆତ୍ବା ମେଇଂ ଫାରୋନେ ସେଃମଁବାନ୍ ଆତାର୍ ବିଆର୍କେ ।
13 ଆତ୍ବା ମୋଶା ମିସର୍ ଦେସ୍ନେ ମିନି ସାଚେ ମେଁନି ଡୁଡୁକେ ଆଡ଼ାତ୍ରା ଟେକେଲା, ମାପ୍ରୁ ଆତେନ୍ ସ୍ମି ମିଡିଗ୍ ଆତେନ୍ ଦେସ୍ଅରିଆ ଅଃସେ ଦିଗ୍ ପାକାବାନ୍ ୱେଡ଼ିଆ ବେକେ; ଞ୍ଜିର୍ ଡିଂଲା, ଅଃସେ ଦିଗ୍ବାନ୍ ପାଙ୍ଗ୍କ୍ନେ ୱେଡ଼ିଆ ଏତେ ଗିତାଙ୍ଗ୍ଡ଼ିଆଃଇଂ ପାଙ୍ଗ୍ଆର୍କେ । 14 ଆତ୍ବା ସାପା ମିସର୍ ଦେସ୍ନିଆ ଗିତାଙ୍ଗ୍ଡ଼ିଆଃଇଂ ଡିଂୱେଗେ, ମିସର୍ନେ ସାପା ଏରିଆ ଗିତାଙ୍ଗ୍ଡ଼ିଆଇଂ ଲଃଆର୍କେ; ମେଇଂ ବୟ୍ଙ୍କାର୍ ଲେଆର୍ଗେ; ଦେକ୍ରକମ୍ ଅଃନାଡିଗ୍ ଗିତାଙ୍ଗ୍ଡ଼ିଆଃଇଂ ଡିଂଆଲେଃଗେ, କି ଆରି ଅଃନା ଆଡିଂ ଣ୍ଡୁ । 15 ମେଇଂ ସାପା ତୁବଃ ଆଡ଼ାତ୍ରା ଡାବିଆର୍କେ ଆରି ମେଇଂନେବାନ୍ ଆତେନ୍ ଦେସ୍ ତାଂକିଗ୍ ଡିଂୱେଗେ, ତୁବନିଆ ଲେକ୍ନେ ଆମାଃଇଲି ଆରି ସ୍ଲାଃନେ ଚୁଚୁଇଂ ଆରେଣ୍ଡିଆଃ ଗୁର୍କ୍ନେବାନ୍ ଉଃଡ଼ି ମ୍ବ୍ରଲେଆର୍ଗେ, ଆତେନ୍ ମେଇଂ ଚଙ୍ଗ୍ବିଆର୍କେ; ଆତ୍ବା ସାପା ମିସର୍ ଦେସ୍ନିଆ ମେଃଡିଗ୍ ସ୍ଲାଃ କି ଲିଜନ୍ନିଆ ଲିଲି ଲେକ୍ନେ ପାଃଡ଼ୁଇଂ ବାରି ଆମାଃଇଲି ମେଃଡିଗ୍ ଆବଆର୍କେ ଣ୍ଡୁ ।
19 ମାପ୍ରୁ ବୟଙ୍କାର୍ ପଶ୍ଚିମ୍ ଦିଗ୍ବାନ୍ ୱେଡ଼ିଆ ବେଚେ ଦେସ୍ବାନ୍ ଗିତାଙ୍ଗ୍ଡ଼ିଆଃଇଂକେ ଡୁଙ୍ଗ୍ୱେ ରାଙ୍ଗ୍ଡଚେ ସୁପ କେଣ୍ଡିଆଃନିଆ ଜଗ୍ତ୍ଲାଗ୍ ବିକେ; ଆତ୍ବା ମିସର୍ନେ ଆଣ୍ଡିନେ ଜାଗାନ୍ନିଆ ଡିଗ୍ ମୁଇଂଡିଗ୍ ଗିତାଙ୍ଗ୍ଡ଼ିଆଃଇଂ ଆଲେଗେ ଣ୍ଡୁ ।